معاناة شاب كان موظف في الاتصالات

انقل لكم معاناة شاب كان موظف في الاتصالات 902
تبدأ المعاناة وارجوا ان تعجبكم
الموظف يتكلم عن نفسه:



انااكتب لكم هاللحين معاناتي ومدري هوانااكتب بالكيبورد
ولاالكيبورد يكتبني
انااشتغل في 902 شركة الاتصالات السعوديه ..الجوال

في صباح كل يوم مشرق اقوم مصحص ومبسوووط واضحك
وفرحاااااااان ،،وافطرواروح للعمل

في طريقي للعمل اسوق سيارتي اللي تحتضنه الشوارع
الرياض..اللي مافي امل تلقى فيها مطب

اوقف عنداول إشاره واشوف عربجيه((دينه)) محمله عمال !!
واصيح بأعلى صوتي يوووووووووووه يااللله هنووود

ياحليلهم

واقعداتأمل هالهنود واحس بمشقة الحياة في وجوههم واحس ان
لذة الحياة في مشقتها وتعبها والسعي وراء لقمة
العيش...يلعن كذا ياشيخ!!

وبعدماتولع الأشاره خضرا ادوس بنزين بكل هدوء واوقف عند
الأشاره الثانيه واشوف هايلكس اللي يسوقه شايب ومعه
عجوزه وثالثهم تيسهم والشايب مسوي حفريات بخشمه!!

واجلس اتأمل كيف جار الزمان على هذا الشائب الكبير!!!

واسئل نفسي ياولد تتوقع انك بكرى تكون شايب؟؟!!!

لالالالالالا بسم الله علي

الله ياخذني قبل مااوصل ال 60

المهم اوصل للشركه وادخل للقسم

بعدكذا البس السماعه وانتظر اول إتصال في صباح هذا اليوم
المشرق!!!!

--------------------------------------------------
ترن ترن ترن ترن

انا:الجوال...عبدالله ال؟؟!!!.....السلام عليكم
هو:لاهلاولامرحبا انتم يوم انكم تقطعون جوالي ....ليييييه ؟؟

انا:يالله صباح خير..اخوي اكيد ماسددت راجع فاتورتك.
هو:الله يفتر عظامك بلا الله يفتر عظامك ياقليل الحيا
((مااقدر اهاوشه لأن الخط مراقب))
انا:اخوي عطني رقمك اتأكد من فاتورتك


هو:خوى جنمبك بلى خوى جمبك انت ماتعلمني وش تبي برقمي
ياللي ماتستحي؟؟ بعدين كيف ماتعرف رقمي وانامشتريه منكم
بعشرتلاف الله لايحللكم ولايبيحكم..طوط طوط طوط

----------------------------------------------
الأتصال الثاني صوت ناعم!!
انا:الجوال..عبدالله الفلاني...السلام عليكم
هي:مرحباا عبدالله صباح الخير تراني مدرسه بحي الريان
وعندنا بنات من عائلتكم
انا:اختي لوسمحتي وش بغيتي؟؟
هي:بسم الله الرحمن الرحيم اقول يااآخ وش فيك زعلان؟؟
انا:اسف اختي اناماني زعلان بس عندي اتصالات كثيره
هي: ههههههههه منتب عاقل يارزان مغربي
انا((ميت من الضحك بس مااقدر المكالمه مراقبه)) اوكي اختي شكرا على اتصالك
طوط طوط طوط
-----------------------------------------------
المكالمه الثالثه ولد فاهم ودمه خفيف
انا:الجوال..عبدالله الفلاني...السلام عليكم

هو:هلا ابو عابد ياعسل باختصار شديد ابي اعمم الجوال انت
عارف الصيف جا ولازم نسافر ولازم نعمم الجوال افرض احد
يبيني منا ولامنا انت عارف
انا:اوكي اخوي معك البطاقه؟؟
هو:يارجال مابينا بطايق دوك الرقم 05440000000
انا:اسف اخوي مااقدر اخدمك الا ببطاقه!!
هو:والله ماهقيتها منك ياعبيد...خخخخخخخخ
ماهقيت ان البراقع يفتتني خلاص ابفطر واتصل عليك مره ثانيه عشان
الجوال بسم الوالد ولامعي بطاقته خخخخخخ بعدين تعال
لاتخلي خويك ثقيل الدم يرد علي تراني مادانيه بعيشة الله
!!! اسمه سلطان الله يجعله مجنون

انا:شكرا اخوي على اتصالك
طوط طوط طوط
--------------------------------------
ومره كنت مستلم الورديه باخر الليل واتصل علي واحد شكله
كان سكران وتوه صاحي
انا:الجوال ..عبدالله الفلاني السلام عليم
هو:آآآآآآآآآآآآآآآوووووووووووووه((يتثاو
ب)) هلا عبدالله
متى يذن الفجر؟؟

انا :حلوه ذي؟ يابوالشباب متصل على الجوال عشان تسئل هالسؤال ؟؟
هو:معليش والله مامعي ساعه ولاابي اتصل على ساعة الهاتف عشان ماتاخذون ربع ريال!!
انا:الساعه 1:30 شكرا على اتصالك اخوي
طووووووووووط طوووووووووووووووط
----------------------------------------------------
انا : عبدالله الـ....سلام عليكم؟
هم: اقووولك كل تراب والله ان الدقيقة بنص....يارجال
ضف وجهك هذا اللي كأنه صحن تيفال الدقيقة بريال يعني بريال؟؟؟
انا وفي نفسي:عمى عمى ماعاد صرنا اتصلات صرنا 911 على غفلة طقاق وهواش
هم: اسمع ياالخلفه الدقيقة بكم؟
انا: خلفه؟
وش الدعوة تسب ذابح واحد من عيالك انا
هو : انا منيب ناقصك انت الثاني الدقيقة بكم؟
انا : الدقيقة 95 هلله وبعد الساعـ....؟
مامداني اكمل الا اسمع طووط طووط طووط
----------------------------------------------------
ومره كلمني واحد يسئلني عن نتيجة الهلال والنصر ومن فاز
..لأنه كان نايم ولاشاف المباراة!!

والمواقف اللي تصير كثيييييييييييير كثييييييييير
والاحراج اللي يصير من بنات وشباب اكثر واكثر

ولو بنعطي الموضوع ثلاث صفحات ماخلصنا

على فكرة كل هذي القصص صدقية وحاصلت لي انا شخصيا

بس الحمد لله طلعت من الشركة الا بالاصح انفصلت بعد مانفذ صبري من واحد دق علي يستهبل؟

قال ايش ؟؟ قال توظيف صيفي....الا وجع راس وانت الصادق

ههههههههههههههههههههههـ،