|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
02-23-2009, 01:17 PM
| |||
| |||
| قصه حقيقيه جمعت شاب مع بنت من بنات المنتدى بسم الله الرحمن الرحيم السلام عليكم ورحمة الله وبركاته انقل لكم هالقصه وهي واقعيه وانشالله تعجبكم القصه وهذي القصه على لسان صاحبها : لاحظت في فتره من الفترات ان فيه عضوه من اعضاء المنتدى الي انا فيه مركزه على مواضيعي وترد عليها.... وكانت ردودها ردود اعجاب شديد لدرجه انها صارت تدور مواضيعي كلها وترد عليها... حتى لو كانت قديمه.... انا جاني الغرور وبديت اشوف نفسي .. ايه من قدي صار لي معجبات .. صرت اجلس على الانترنت اكثر من جلستتي مع اي شخص ثاني... حتى اذا طلعت مع اخوياي ما اطول معهم وعلى طول ارجع للبيت واجلس على الانترنت وابدا بالافكار والكتابه والتأليف كل هذا عشان المعجبين ما يفقدون حسي في المنتدى ...... يعني الغرور كان واصل حده عندي..... وفي يوم من الايام كنت طالع للمقهى مع اخواني وذاك اليوم كعادتي في الفتره الاخيره ما اطول معهم ورجعت ذيك الليله بدري يعني حوالي الساعه 12 بالليل.... (الشباب الفاضي 12 بلليل يعتبر اول الليل عندهم) المهم وانا وراجع وقاعد اسولف مع نفسي واغني وموسع الصدر على الاخر..... ويوم دخلت شارع حارتنا الرئيسي وكان كالعاده في مثل هل وقت فاضي تقريبا....... وفجأه...... لقيت وحده لحالها بالشارع وتأشر... انا حسبتها تأشر لليموزين وراي بس يوم طالعت من المرايه ماوراي سيارات..... قلت في نفسي ... وش عندها ذي وش قصتها..... خلني اخذ فره ثانيه بالشارع واشوف وش السالفه.......... خذيت لي فره وفرتين وثلاث وكانت كل ما مرت سياره اشرت لها ومحد يوقف لها..... انا قلت ابوقف لها بس خفت تكون رجال من ذا اللي يقطعون الطريق ويكون لابس عبايه يعني مسوي تمويه ولا شي............. قلت ابجهز العجرا وامسكها بيدي واوقف واشوف وان شفت شي مريب نزلت عليه وجلدته بذا العجرا..... وفعلا وقفت ... قلت ::: نعم وش عندك تاشرين؟؟؟؟؟؟؟ قالت ::: لو سمحت يا اخوي ابيك توصلني للبيت .... فرد عليها:: ومتى المعرفه عشان اوصلك لبيتكم ... ردت عليه :: اجل وشوله واقف لي... رد عليها::: انا واقف ابشوف وش سالفتك .. يعني بنت تالي الليل وفي الشارع .. وش القصه.. ؟؟؟ ردت عليه ::: ومو المعنى هالشي اني اكون من اللي في بالك .. انا كنت راكبه مع ليموزين .. وبدا يتحرش فيني وانا بديت اصارخ وهو خاف ووقفني هنا..... رد عليها:: لا حووووول ولا قوة الا بالله .. طيب طيب... بيتكم وينه فيه ؟؟؟... ردت عليه:: قريب .. يعني ثلاث كيلوات من هنا .... رد عليها ::: طيب .. يالله اركبي خل نوصلك ونكسب فيك اجر .... جت تبي تركب ورا قلت لها :: لا تعالي قدااام ... رفضت .... قلت لها :: ركوبك ورا يجيب لي الشبهه تعالي قدااام وما يكون الا كل خير... وفعلا ركبت قداام ... واول ما ركبت ... قلت :: اسمعي يا بنت الناس .. انا بعد ما تاكدت انك بنت .. انا اخاف انك من قطاعين الطرق واللي يقلدون اصوات الحريم .. وعشان كذا ما خليتك تركبين ورا.. اخاف وانا اسوق تجيني من ورا غدر وتسوي فيني شي .. ردت علي وقالت :: والله بنت .. وماني من ذا اللي تقول عنهم .. صدقني .. قلت .. اكشفي لي وجهك.. قالت وبسرعه::: مستحيل قلت :: اجل انزلي.. قالت : تكفى يا خوي انا ما صدقت اني القى احد يوصلني ارجوك لا تخليني في ذا الشارع المظلم لحالي ... قلت :: ان لازم اتأكد انك بنت.. قالت :: والله بنت ارجوك لا تستغل الموقف ..ز قال :: هذا حقي انا ما قلت بسوي معك شي حرااام لا قدر الله انا ابي اريح نفسي بس.. قالت :: وكلت رب العالمين في امري .. وكشفت نص وجها وشفت دموع تسيل من عينها.... استغربت... بس جمعت قواي وسحبت لثامها كله ... وشفت شي عجيب .... شفت وجها ... شفت الحسن كله ... شفت الجمال... سبحان الله صورها .. وشفت دموع اتسيل على خدها.. كانت تبكي بدون صوت... حتى ما رفعت عينها بعيني .. غطيت وجهها وصديت .. ومسكت طريقي ومشيت فيه كان تفكيري يلعب فيني هي وش طلعها من ليموزين تالي الليل وش سالفتها... يا ولد لاتكون من بنات الليل وقاعده اتمثل .. اطلع بها ... اطلع بها محد داري عنك .. وبدأ ابليس يشاركني تفكيري .... بس كنت كل ما تذكرت كلمتها ( وكلت رب العالمين في امري) .. وكل ما تذكرت دمو عها استغفرت الله وارجع عن الافكار السوداء.. وبعد وقت قصير وصلتها لبيتهم .. ونزلت بسر عه اختفت ورا الجدران وان قاعد اتابعها .. وافكر في هالبنت العجيبه .. وش قصتها وما دريت الا وابوها ينزلني من السياره غصب .. ويجلد فيني جلد ..وما فكني منه الا البنت .. يوم حلفت له اني مالمستها بشر.. الاب وقف وما زال ماسكني وطالعني وقال:: تنام هنا وبكره نروح للمستشفى ونتاكد من كل شي .. وافقت مضطر يعني واحد في نفس موقفي وش يبي يسوي.. واتصلت على اهلي وقلت لهم اني بنام عند صديقي محمد اللي ساكن لحاله لانه مريض والله ويدخلني ابوها للمجلس .. ويقفل علي الباب.. نمت عندهم وانا عيوني مفتوحه افكر في هالورطه اللي ورطت نفسي فيها بدون داعي .. البنت انا وش دخلني فيها اروح اوصلها كان خليتها ويرزقها رب العالمين من يوصلها... كنت خايف ويزداد خوفي اذا سمعت خطوات ابوها وهو قاعد يمشي عند الباب رايح جاي.... واصبح الصبح وقبل كل شي نقزنا للمستشفى وسوينا التحاليل للبنت والفحوصات وكل شي والحمد الله طجلعت البنت شريفه وانها مازالت بكر .. هالشي خلاني اشيل فكره انها من بنات الليل نهائيا عن بالي.... وحنا طالعين قال لي ابوها .. ياوليدي انا اسف .. بس العذر والسموحه يعني واحد موقفه مثل موقفي .. يطلع للحوش الساعه1 الفجر ويلقى بنته تدخل عليه البيت وواحد غريب هو اللي موصلها وش تبغا يكون تصرفي غير هذا... قلت :: يا عم انا ما شرهت عليك ومن حقك كل اللي سويته ... قال :: ياوليدي انا ابسألأك سؤال؟؟ قلت :: تفضل قال:: انت متزوج؟؟؟؟ قلت :: خلني اخلص دراستي واتوظف وبعدين افكر بالزواج يا عم انت عارف ان هالزمن صعب ... قال:: اللهم يستر عليك زي ما سترت على بنتي .. قلت :: اميين انا بمشي اللحين توصيني على شي.... قال :: سلامتك والله يحفظك... وتركتهم ومشيت ورجعت لبيتنا والخوف والروعه مازالت في قمتها لدرجه اني ما طلعت من البيت اسبوع... وبعد هالاسبوع بديت على شوي اطلع على الخفيف ورجعت للانترنت... وتذكرت المعجبين ايه اللي يدورون مواضيعي .. واروح اشوف وش صار على المنتدى ويوم دخلت لقيت موجود رساله خاصه قلت اشوف من منو .................................................. .. لقيتها من العضوه اللي دايم ترد على مواضيعي باعجاب وكانت تطلب في الرساله ان عندها قصه وتبغاني اكتبها باسلوبي انا ارسلت لها وقلت هاتي القصه ونشوف وش نقدر نسوي ... المهم رجعت للمنتدى وقعدت اتصفحه كنت مشتاق حيل ... وبعد نص ساعه لقيت انه يوجد رساله توها تجي فتحتها ولقيتها من نفس العضوه .. وكاتبه القصه قعدت اقرا بطريقه الكبار يعني ادقق عند كل حرف بس ......... هذي هي نفس قصتي ... ايه قصتي مع البنت اللي لقيتها بالشارع... وش الكلام هذا........... فكرت كثير وقررت اني اعرف منو ذا العضوه وطلبت انها اتسوي اضافه بالماسنجر عندها عشان اناقشها القصه وفعلا لقيت لاضافه قبلت الاضافه وجلست انتظرها .... وفعلا بعد مده لقيتها داخله الماسنجر... ودار الحوار التالي........... سلطان::: السلام عليكم عبق الزهور........ وعليكم السلام سلطان........ كيف الحال وش الاخبار بشرينا عنك عبق الزهور:::: بخير عبق الزهور:: ممكن اتقولي ايش سويت بالقصه لو سمحت؟؟ سلطان:::انا ودي اسألأك سؤال ممكن عبق الزهور:::: بس انت ما جاوبت على سؤالي.... سلطان::: القصه غريبه وما اتوقع انها اتكون حقيقه زي ما قلتي لي بالرساله الخاصه عبق الزهور::: لا لا لا والله حقيقيه وصايره مع صديقتي سلطان:: صديقتك... ممكن اعرف اسمها؟؟؟ عبق الزهور:: انت وش خصك بالاسم ... صحيح انك تجيد فن القصص بس الاسماء مالها علاقه بالموضوع.. سلطان::انتي اتعرفين اللي وصلها للبيت منو؟؟ عبق الزهور:: لا طبعا لانه وصل صديقتي ما وصلني انا سلطان :: انا بقوللك منو اللي وصلها؟؟ عبق الزهور:::طيب خل نشوف من هو ... سلطان :: انا عبق الزهور:::ايش تقصد .؟؟؟؟ سلطان:::: انا اللي وصلتها وعند ي الدليل عبق الزهور:: الدليل سلطان ::: اي... انا مستعد اذكر لك اشياء صارت في نفس الليله وما احد غريب ممكن يعرفها غير الشخص اللي وصلها عبق الزهور :: مثل؟؟؟؟؟؟؟؟؟؟؟؟؟؟؟؟ سلطان:::وش كانت شنطتها ووصف ووجهها ... ولون ثوبها..... ووأوصف لك أبوها بعد لوتبين.. عبق الزهور says: طيب يالله قول أوصف خلني اشوف saysسلطان : أنتي وش يهمك طيب؟... عبق الزهور says: أنت اللي طلبت مو أنا؟؟؟... سلطان says: إيه صح . وبديت أوصف لها كل شي ... واثبت لها اني أنا نفس الشخص اللي وصل صديقتها... عبق الزهور says: فعلا أنت صادق بكل اللي قلته... سلطان says: شفتي أنه أنا نفس الشخص اللي وصل صديقتك... عبق الزهور says: أنت تدري مين البنت؟؟؟... سلطان says: كل اللي أعرفه انها صديقتك... عبق الزهور says: أنا... هي نفس البنت... سلطان says: معقولة؟؟؟؟.... ( تعذر تسليم الرسالة لكافة المستخدمين saysسلطان : معقولة؟؟؟؟؟؟.) وانتهت ذيك المحادثة وأنا ماخذت جواب شافي... وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها... قررت أني أجلس لها واقعد أنتظرها في كل الأوقات لين ألقاها.... وجاء يوم ودخلت وكلمتها.... وسألتها سلطان says: ممكن سؤال ؟ عبق الزهور says: تفضل... سلطان says: أنا أبغى أفهم أنتي وش طلعك ذيك الليلة وخلاك تركبين مع ليموزين ... انا ترا من ذيك الأيام وأنا أفكر في هالشيء.... عبق الزهور says: إسمع سلطان .. أنا أمنتك على نفسي وركبت معك توصلني...وأظن لو قلت لك على سري ماراح تتكلم عني فيه عند الناس.. وخصوصا... إنك حتى البيت تعرفه.. سلطان says: وأنا انشاء الله أبكون عند حسن ظنك... عبق الزهور says: أنا كنت عند نايمة عند خالتي ...لأنه بنت خالتي في نفس عمري.... وفي الليل سمعت زوج خالتي قاعد يصارخ على خالتي... وبدأ يتكلم كلام جرحني... يقول أننا ماتحملنا بناتنا عشان نتحمل بنات العالم... ومن هذا الكلام اللي يجرح....وخالتي مسكينه تحاول تسكته وهو يصارخ بصوت أعلى ... أنا ماقدرت اتحمل أني قاعدة في بيته وهو مايبغاني أجلس فيه... حسيت إني أنجرحت بكلامه.. ومالقيت نفسي إلا برا البيت... سلطان says: إيه بس انتي بنت ومايصير تطلعين لحالك في وقت متأخر.... عبق الزهور says: وقتها ماقدرت أفكر... لاتلومني... حس فيني الله يخليك... سلطان says: انا ماأدري وش أقولك بس الأيام راح تبين لك هل اللي سويتيه صح ولا خطأ... أخيرا عرفت السبب اللي خلاها تطلع تالي الليل.. وكان بالنسبة لي كافي ومقنع ماادري ليش.... ومع مرور الأيام بديت أحس بقرب لها..... وبديت احس انها لي .... وبديت أحس أن رب العالمين أرسلها لي ذيك الليلة... ووخلاها بطريقي عشان أعرفها... وتكون من نصيبي... وصارحتها بهالشي.... وكان عندها نفس الإحساس والشعور... وعشنا مع بعض ايام كلها حب وسعادة... وماكن ينغص علينا شي أبد ... أصلا ماكنا نسمح لشي يخرب علينا جونا اللي معيشين نفسنا فيه.... ولكن.. كان القدر اقوى مننا... وفرقت بيننا.. إيه فرقت .... تقدم لخطبتها شاب من هالشباب... هي ماكانت تبغاه..بس ابوها كان خايف عليها لأن العمر يمشي وهي مابعد تزوجت... وفعلا تزوجت بعدها بشهور... وانا متضايق بس جاء الخبر اللي أسعدني وضايقني بنفس الوقت.. وعلى طول وبعد ماانتهت عدة لأربعة شهور عشرة ايام .. تقدمت لها وطلبتها ووافقوا.... وعشنا حياتنا من جديد حياة سعيدة بديناها حب وأنتهت قصة الحب بزاوج... وخالفنا القاعدة... وأثبتنا للكل أنه ممكن للحب ان يعيش إذا خالط الحب صدق... اتمني تكون القصه نالت استحسانكم وفعلا انا تاثرت فيهاا حيل لانها نادر ما يصير هالشي بزمنا  |
|
02-23-2009, 03:26 PM
| ||||
| ||||
| رد: قصه حقيقيه جمعت شاب مع بنت من بنات المنتدى مشكور وما قصرت ننتظر جديدك |
|
02-25-2009, 04:19 PM
| ||||
| ||||
| رد: قصه حقيقيه جمعت شاب مع بنت من بنات المنتدى الله يعطيك العافيه على هالقصه اللي مررره حلوه وهذا شي مو غريب عليك يا تمساح |
|
02-26-2009, 04:33 AM
| ||||
| ||||
| رد: قصه حقيقيه جمعت شاب مع بنت من بنات المنتدى يلمو علي القصة الرائعة |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
