 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
02-24-2009
| ||||
| ||||
 قصة :::شلة وسع صدرك::: ¥¥شله وسع صدرك¥¥ للكاتبة "شموخ المملكة" ذكريات ثالث ثانوي كان هناك ثلاث صديقات لايفرقهن غير الموت كانت صداقتهن مثال للصداقه المثاليه والرائعه ( خلود وحيدت امها وابوها ولكن ابوها تزوج من فتره قصيره تقريبا شهرين و أسم مرت ابوها حصه وهي حامل في الشهر الاول وساكنه عندهم في البيت ) (سحر هي البنت الوحيده عند اهلها عندها ثلاث اخوان وكلهم صغار احمدرابع ابتدائي و خالد ثاني ابتدائي و بدر عمره سنتين ) (دانه اصغروحده في العائله وعندها اختها الكبيره سمر وهي متزوجه وهي في الكليه واخوها الوحيد ابراهيم وهو يشتغل في الحرس الوطني وعمره وعلى فكره دانه وخلود جيران وجدار ع الجدار ) ¥في المدرسه ¥ دانه:والله غير اضرب الكلبه خلود والله قهر تقول لاتغيبين بكره امانه طيب ياخلود انا اوريك بكره سحر:بدت الحصه الثانيه بعد ولاجت الحماره ¥بعد خمس دقايق ¥ خلوددخلت الصف :بأعلى صوت: السلام عليكم ¥الكل صار يناظر ع خلود¥ دانه:وعليك السلام خلود: اعذروني عن تأخير يابنات سحر: ليش تأخرتي خلود: الكفر بنشر علينا وابوي جابني مشي ع المدرسه دانه: وانت وش سويتي خلود: ضحكت لما انفجرت يابنات لوتشوفن ابوي لما كان يركب الكفر ها.ها.ها سحر:قولي لاتضحكين خلود: طيب _ركب الكفر زين لمامشينا اشوي طاح الكفر دانه:والله لوابوك مسرع كان سويتو حادث خلود: والله حتي ابوي قال..... اقول جبت لكم مفجأه دانه: وشي خلود: ها وش رايكن سحر: عاد اني حيل جوعانه دانه:يالله ببسي وبيتزا وفطائر هذي احلى مفاجأه ¥بعد الاكل والسوالف والضحك¥ سحر: من اي مطعم شريتي الفطائر وبيتزا خلود: والله مدري سحر:من اللي يدري ياغبيه؟ خلود:انا لما دخلت باب المدرسه لقيت فطائر وبيزا عند باب وانا اخذ منهن دانه:احلفي خلود: والله سحر:ياخبله بيتزا وفطائرللمدرسات خلود:ادري حطيت فلوس ريال بالكيس ومشيت ¥بعد الضحك واللعب ومع ذلك تكرر الموضوع اكثر من مره مره شورما ومره سندويش ومر شورما عربي وكله تخطيط وتنفيذ خلود¥ في يوم وبين ما كانت الشله تتمشى بالاسياب اسماء:خلود هذي رساله من بنت تحبك خلود:ماشاءالله مين تكون اسماء:عفاف دانه:مين تكون اسماء:هي ثاني ادبي سحر:ايه عرفتها خلود:مين سحر:اخت سعاد اللي بصفنا خلود:اسماءخوذي الرساله وعطيه عفاف اسماء:خلاص عفاف:اخذت الرساله بشري اسماء:لا عفاف:ليش اسماء:خلود ماتحب الحركات هذي عفاف:قولي دلع بنت انااعرف اجيب راسه اسماء:انا ابنصحك انك تبعدي عن خلود عفاف: خير ان شاء الله ¥في الساحه ¥ دانه: خلود عفاف تمشي ورانا خلود: وقفن بنات عفاف:خلود ممكن شوي خلود:لا وش عندك عفاف :تعالي بس شوي خلود:انا قلت لا عفاف: ليش خايفه خلود: نعم وش قلتي تري انا ماسمعت انا اخاف من الاشكال هذي وانا عرفه وش تبغي تقولي زين انااحبك واغليك والي اخر من الكلام الفاضي اسمعي والله ثم والله لو اشوفك وراي اوترسلي رسايل لخليك ماتسوي نعله وهي تمشي وتخليها واقفه ولكل صار يناظر ويضحك على عفاف سحر:احلى من وين طلعت القوه خلود:والله مدري ¥خلود اغلب بنات المدرسه يعرفنها وكانت محبوبه عندهن بعد وعند المدرسات لان دمهاحيل خفيف¥ في الليل وفي بيت خلود خلود:الو دانه:هلا خلود:وينك لي ساعه اتصل عليك ماتردين دانه:ابغ اروح للسوق وفلوسي ماادري وين راحن خلود:كم دانه:ريال المشكله اني حطيتهن بدفتر جغرافيا خلود:ياحرام افلوسها ضاعن مافي سوق ياحرام دانه:اقول اسكتي تري واصله حدي من القهر خلود:دانه دانه انتي تبكين ياعمري انا اسفه ماكان قصدي ابكيك دانه:باي خلود:باي ¤ياربي اكيد زعلانه الحين ابغى ارسلها رساله ارضيها ¤ "بعدخمس دقايق جت رساله ع جوال خلود وخلود توقعت انها من دانه " السلام وش اخبارك بصراحه انا حبيت انصحك نصيحه الغرور اللي انتي فيه مولايق عليك وانتي انسانه بلاكرامه ولاشي انتي حيوانه وكلبه وكل شي وسخ في هالدنيا انا من شفتك ماحبيتك وادري انك وسخه من داخل واكيد يجي يوم راح تنفضحي فيه باااااي خلود:ماما تعالي بسرعه ام خلود:وش عندك خلود: ماما شوفي الرساله ام خلود:مين الحقيره اللي راسله الكلام هذا خلود:مدري ام خلود:انتي عمرك تهاوشتي مع احد خلود:لابس مع عفاف ماما:مين عفاف خلود:قالت لأمها السالفه كله ام خلود:توقعين ان اسماء عطته رقمك خلود:مدري " ام خلود:اسئلي اسماء بكره خلود:اوكيه ¥طوال الليل والبنت ترسل رسايل لحد ماراحت خلود للمدرسه ¥ خلود:صباح الخير اسماء:صباح النور خلود:انا ابغاك موضوع اسماء:نعم خلود:اانت عطيتي رقم جوالي احد اسماء:ليش وش صاير خلود: قالت السالفه كله لاسماء والرسايل وكلامه الوسخ اسماء:انا ماتوقعت انه تسوي كذا خلود:عفاف صح اسماء:ايه خلود:انا ابغى منك تقولي لها لاترسل رسايل ع جوالي اسماء:انا اوريك فيها دانه :وينك خلود:هلا ياعمري اسماء:يله انا ابغى اروح دانه:اوكيه خلود:سحر لحد الحين ماجت دانه:امس ادق ع جواله مقفل خلود:خير ان شاء اخاف تكون تعبانه دانه:يمكن خلود:كم تاريخ اليوم دانه: خلود:ايه علشان كذا غايبه دانه:ليه وش فيه؟ خلود:ياخبله مين اللي يسير علينا كل شهر دانه:ايه اف منها ع قولت البنات اذا ذكرت حضرت اسكتي اقول خلود:شفتي الفلم الهندي حقي جون ابراهن دانه:لا ابوي جنني حاطه ع شاعر المليون اللي يشوفه يقول هواللي راح يربح المليون وابراهيم معه بعد هههههههههههه خلود: اخبارابراهيم؟ دانه: والله بخير يقول دورو لي على عروس خلود: يبغي يتزوج !!! دانه:ايه وش رايك بنت خالي احمد دانه:هند خلود:هند!!!! دانه: ماشاء الله عليها هي كبر ابراهيم وحلوه وهي بلكليه بعد خلود-خلود-خلود- خلود:نعم دانه:وين رحتي اي وادي وصلتي خلود :انا معاك دانه:لا _واضح عاد.. تصدقين انه هو رافضها خلود: ليش!!! دانه:مدري ¥¥¥بعد ماانتهي دوام المدرسه ولكل راح للبيته¥¥¥ خلود:ماماوش الغداء ام خلود:كبسه لحم خلود:اااف كل يوم كبسه حصه:اذا موعجبك لاتاكلي خلود:نعم وش قلتي حصه:اللي سمعتيه خلود:كل يوم وانتي فوق وش اللي نزلك ام خلود:خلود وش الكلام هذا تأسفي من خالتك خلود: خير ان شاء الله انا ابغى انام بااااي ¥¥¥ا العصر الساعه ¥¥¥ دانه :ردي بسرعه_الو_ خلود:الو دانه:وينك ماتردين خلود:انا نايمه وش عندك دانه:سحر ملكت امس خلود:كذابه دانه:والله واليوم الحفله خلود:مين اللي قالك دانه:هي من الصباح تتصل عليك ماتردين حضرتك خلود:ياحليلك ياماجد واخيرا سويتها دانه:ياهبله موماجد اللي خطبها خلود:مين دانه:واحد من عيال خالها خلود:ياحياتي ياسحر باي ابغى اكلمها دانه:اسمعي هي تبغانا نجي عندها بعد شوي امرك خلود:اوكيه ¤¤بعد ساعه دانه وخلودفي بيت سحر¤¤ خلود:ياعمري خلاص تبكين سحر:كله من امي غصب اوفق ع هذا حمد انا ماابغى غير ماجد دانه:ياحياتي يمكن حمد احسن من ماجد سحر:اه اه اه ياماجد مستحيل احد يخذ مكانك لوتزوجت مليون واحد خلود:انا معاك وادري ان الحب صعب وخاصه اذا كان صادق معك بس حنا مابدينا شئ ¤¤بعد الحفله والتلبيسه والرقص والكل فرحن غيرنا حنا ثلاثه كان همنا واحد وفرحنا واحد وضحكتنا وحده¤¤ *في بيت دانه* ديم :ماشاء سحراحلي من خطيبها امها:مايقولو ن انها لولد عمها دانه:ايه بس ولد عمها مومتوظف ديم :وشي شهادته دانه: مين ماجد ثاني ثانوي ابراهيم:اعرفه ولد محترم بالحيل وهو يشتغل مع ابوه في محل العقارات وماشاء الله عليه شاطر اكثر من ابوه سمر:انامتفاجأه من خلود دانه:ليش سمر:انا من زمان عنها طالعه تهبل دانه:هي من زمان تهبل %%%%% خلود:ياحرام والله ياماما لوتشوفيهاحيل تحزن ام خلود:ياحرام والله يعينها خلود:ماما اذاانا حبيت شخص راح تفرقينا عن بعض ام خلود:مستحيل بالعكس راح اكون معك خلود:والله فرحيني انتي احلي ماما في العالم ¥¥¥ بعد خطوبة سحر باسبوع في المدرسه وفي المقصف بالذات¥¥¥ خلود:انا راح اودي المفتاح و ارجع سحر:اوكيه دانه:ابغ اكل لمااشبع سحر:جيبي عصير معك دانه:كل شي بلاش والله وناسه سحر:والله تري اللي نسويه حرام نأكل ماندفع الفلوس دانه:ماعليك كولي وانتي ساكته خلود:افتحن الباب دانه:خلود وشلون الفلوس مين اللي يدفع خلود:اقول بعدين ابغى اكل وبعدين افهمكن %جلسن ع طاوله المقصف ومافي شي في المقصف مافتحنه % سحر:انا امي عصبيه حيل وكلمتها هي الماشيه في البيت حتي ع ابوي دانه:انالحمدالله امي عاديه جدا بس هي ماتخلي احد ماتزوره سحر:احيانا اتمني ان ابوي يتزوج عليها خلود:بهذي معاك حق انا امي مافي مثلها علاقتي معها قويه حيل بس حصه الكلبه تخيلي يوم يجي ابوي للبيت تروح تركض تحط الغداء سحر:يعني هي اللي سوته خلود:بس انا اكشفها عند ابوي دانه:وش شلون خلود:اقول لبوي يبه وش رايك بغداء امي وابوي يقول انااعرف طبخ ام خلود وهي تعرف ان شهادتي فيها مجروحه ومره لمادريت انها حامل كشفتها سحر:وشلون خلود:اخوها جابه من المستشفي حطت شنطته ع المكتبه لماجيت لغرفة المجلس كنت ادور الجهاز التلفزيون شفت شنطتها مفتوحه وشوف اوراق وانا اطلعهن واشوف ورقه تحليل وصور للجنين انا فرحت راح يكون عندي اخو اواخت وهي جت وشافت الاوراق معي حصه:انت مين اللي قالك تطلعي الاوراق من شنطتي خلود:انا ...وبعدين مبروك حصه:لاتقولي لبوك خلود:ليش حصه:اناحابه اقوله في الليل وقولي لمك انا ابغ ابوك ينام عندي خلود:امس نام عندك واليوم ينام عندنا سحر:وش صار ؟؟! خلود :جاء ابوي وهي تناظر علي خايفه اني اقول لابوي خلود:بابا ابشرك خالتي حصه حامل ابوخلود:مبروك وطلعت وانا ميته من الضحك سحر:ياحرام خلود:والله مافي مكان تروح مع ابوي الاانا معهم دانه:يابنات حسبت كل اللي اكلناه ريال مين اللي يدفع خلود:ابله نوف تقول اللي مامعه مصروف تروح للمقصف وتاخذ اللي تبغاه صح سحر:يامجنونه وانا عابالي انتي اللي راح تدفعين دانه:يله صفرت بسرعه شيلن الحوسه %طلعنا من المقصف وحنا ميتات من الضحك% لماطلعنا للبيت راحنا مشي وكنا نسولف دانه:يابنات وش رايكن نحط للشله لقب مميز خلود:فكره حلوه سحر: وش رايكن نديم الماضي خلود ودانه:لا_لا موحلو دانه:شله عيش ايامك سحر:يع مو حلو خلود:طيب وش رايكن شله وسع صدرك دانه :ايه حلو سحر:حلوبس وش رايكن دموع الليل دانه: طيب ليش مو دموع نهار دانه وخلود :ها_ها_ها_ها < جاء شباب بسياره كامري يغازلون> الولد اللي كان يسوق :يااحلي من القمر خوذي رقمي الولد اللي بجنبه :ركبن نوصلكن ولهم ساعه وهم يغازلون واحد منهم نزل من سياره وهو اللي كان يسوق الولد:اسمعن انا ابغي وحده منكن *خلود وسحر صارن يركضن ودانه كانت عند الولد والبنات صارن ينادن ع دانه* دانه:انت ماتستحي وعمي ماعرف يربيك زين يا علي زفت وراح اعلم عمي عليك ¥علي يصير ولد عم دانه¥ علي:مين انتي!! دانه:انا بنت عمك ابو ابراهيم علي:انا اسف خلاص انا ابغي اروح خلود:ليش ماقلتي لنا انه ولد عمك دانه:لانني متفشله منه سحر:والله انه مايستحي خلود:انا ع بالي انك تبغي تروحي معه ¥صارن البنات يضحكن ع اسلوب دانه مع ولد عمها¥ %%بعدمرور شهر بعد الاختبارات الشهريه واكثر موقف صار معهن ان دانه كانت تغش بل الانجليزي التعبير وهو اكثر شي صعب وفي اثناء الغش طاحت عليها الابله وكتشفتها وحرمتها من الاختبار %% خلود:وناسه اليوم الاربعاء سحر:وش رايك نروح للحديقه يوم الخميس دانه:اوكيهخلود وين رايحه خلود:عفاف ممكن شوي عفاف:نعم خلود:انا حبيت اعتذر منك عفاف:ليش خلود:شوفي يمكن اللي سويته صح علشان مابغاك تكوني معجبه انابغاك تكوني صديقه انا ماابغاك تمشين خطأ بعكس ابغاك وانتي رافعه راسك اظن انك ماتحبين احديقول عند عفاف عبدالله معجبه بفلانه وعلانه صح عفاف:اكيد طبعا خلود:حتي انا مااحب احد يتكلم علي عفاف:انا اسفه امانه اعذريني واتمني ان اكون صديقتك خلود:وحتي انا بعد سحر:وش عندكن خلود:اعرفك عفاف صديقتي الجديده دانه:من متى خلود:من اللحظه هذي دانه:بسرعه الحين الباص يمشي خلود:انا ابوي يجي ياخذني سحر:طيب باي خلود:تعالي حبيني سحر:لامابغى تأخرت ع الباص دانه:لاتزعلين انا احبك تعالي سحر:يله دانه الباص الحين يمشي %خلود حبت دانه وضمتها % خلود:بوسي سحر وقولي لها انها مني دانه:اوكيه باي %في السياره% خلود:السلام ابو وام خلود :وعليكم السلام خلود:ماما انتي وين رايحه ام خلود:لخالتك خلود:ماما الحين خالتي طلعت من المستشفي ام خلود:ايه ابغى ازورها في البيت خلود:وانت باباتبغي تنزل مع امي ابو خلود:ايه %وفجأه حدث شي لااحد يتوقعه خلود وامها وابوها في المستشفي% %بعدمروراليوم صعب وفي ثاني يوم من الحادث% الدكتور: انا اسف ماقدرت اسوي اي شئ لزوجتك ابو خلود:لاتقول انها ماتت؟ الدكتور:للاسف ادعي لها بالرحمه ابوخلود:وبنتي دكتور: بنتك لازم نحولها للرياض حالته خطره الضربه جت ع راسه وضربه حيل قويه ابوخلود: انا لله وانا اليه راجعون خلاص انا موافق" <<<<<<<يتبع
_________________ $أسيـــــرة هــــــــــ"A"ــــــــــواه$ |
|
#2
02-24-2009
| ||||
| ||||
| رد: قصة :::شلة وسع صدرك::: تسلمين على القصة |
|
#3
02-24-2009
| ||||
| ||||
| رد: قصة :::شلة وسع صدرك::: |
|
#4
05-31-2010
| ||||
| ||||
| رد: قصة :::شلة وسع صدرك::: كمل القصة وممممم |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
