|
| |||||||
| الشعر و الشعراء منتدى للقصيد و القصائد النبطي و الفصيح البوح بالخافي منتدى شعري يهتم بالشعر بشكل عام الشعر الفصيح والشعر العامي والشعر الجاهلي والشعر النبطي و كل انواع الشعر |
 |  |  |
 |  |  |
 |
| | أدوات الموضوع | طريقة عرض الموضوع |
02-25-2009, 02:45 AM
| ||||
| ||||
| رد: تـــــــــــــــابع  عمري رساله قبـل../ القـى لهـا ساعـي غدرنـي الوقـت بظـروفـه وقطعـهـا خانتني الريح .. مدري الخاين شراعـي من غيـر الآمـال ماتـت قبـل اجمعهـا انام واحلم : متى تتعـدل اوضاعـي ..! واذا صحيـت .. آخـذ احلامـي اشيعهـا اضحك مع الناس واخفي عنهم اوجاعـي وان شافني واحد اضحـك قـال : بايعهـا من بعد ماراحت [..اغلى نبض فأضلاعـي .. وانـا المواجـع تصارعنـي واصارعهـا كنت انتظرها وانا في نومتـي../ واعـي اخاف لا أحلـم بهـا واصحـي واضيعهـا كانت معي تشطب الظلما .. مـن شعاعـي والفجر يوقـف علـى البـاب ويشجعهـا كانت .. تجي مثل صوت الناي للراعـي من كثـر شوقـي ادورهـا وانـا معهـا كنت اشتكيهـا../ لحـزن الليـل والداعـي واوصـي البـعـد لاجـاتـه يرجعـهـا من كثر مااحس معهـا قمـة ابداعـي: مااحس روعة قصيـدي .. قبـل اسمعّهـا اقول : لاماتـت ايامـي مـن الناعـي ؟ وتقـول : الايـام تنعيـهـا مواجعـهـا واقول : وجروحك اللي مالهـا داعـي ؟ وتقـول : خـل الـجـروح الله يقلعـهـا .زرعتهـا حـب ياخذنـي لمربـاعـي ونبتـت لغيـري وانـا للعمـر زارعهـا خلتني آعيش بيـن الحـزن وضياعـي مستقبـلـي ضيّعـتـه .. الله يضيعـهـا مااذكر بكيت .. البكا ماهو من اطباعـي اليـن مـامـرت الـذكـرى بشارعـهـا ولاكنت احسب السنين بـتلوي ذراعـي الا بعـد حطـت ( الدبلـه ) فـأصابعهـا يالحزن.. رح يمّهـا دام انتـه الساعـي واخـذ معـك كلمتيـن لـزوم تسمعـهـا ان كان ندمت.. بعد ماعرفـت اوضاعـي فهمهـا بـأن النـدم ../مـاعـاد ينفعـهـا ! وان كانها في شهر .. قدرت على وداعي انا اربع سنين .. مدري كيف اودعها ..! اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
|
02-25-2009, 02:48 AM
| ||||
| ||||
| رد: تـــــــــــــــابع .. الوظيفه .. ! [ 1 ] يالطيفه ليه لطخ هالزمن ليلي وانا احلامي نظيفه !! [ 2 ] يالطيفه ليه صارت كل امانينا سخيفه !! [ 3 ] ليه كنا نعشق الماضي ونحلم في جفافه ليه صرنا كل شي نحبه من حبه نخافه ليه نخشى برد الايام والعمر ارتجافه !! [ 4 ] يالطيفه علميني ليه راح العمر ماعلّم سنيني [ 5 ] كيف تبغين اجرح العمر وسنيني نزيفه يالطيفه [ 6 ] ليه لامن جيت مكتب حضرة ( الزيتون ) يقلتني خريفه !؟؟ [ 7 ] يالطيفه وانتي رحتي للغياب بدون عوده ضاع عمرك وانتي بكل الزوايا تلمحيني تحتريني.. وشوفي انتي وين صرتي وانا ويني [ 8 ] يالطـيفه كيف ابحكي عن حياتي وانا شاعر يملك الدنيا على اوراقه ولا يملك وظيفه ..!! اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
02-25-2009, 02:49 AM
| ||||
| ||||
| رد: تـــــــــــــــابع  يسري بنا الليل .. ......لانادت مواجعنـا ويفرح بنا الهم .. .......لاماتـت أمانينـا اغراب ..! . والحزن فالغربـه .. يجمّعنـا .. اجساد نمشي ../ وتتبعنـا خطاوينـا كان الأمل في ظلام الوقـت يزرعنـا لين الليالي .. تجي باليـاس تجنينـا كنّا نعلّـم جـروح الوقـت ../ توجعنـا والحـزن ../ كنـا نناديـه وينادينـا نكتب: طريـق المـوادع مايرجعنـا نقـرأ :طريـق المـوادع مايودينـا نبعد عن الهم .. نلقى الهـم يتبعنـا من وين نبعد .. نلاقـي همنـا فينـا كنّا .. وهلحين كنّـا وش بتنفعنـا ؟ نادى الرحيل ../ وسرق دربه خطاوينا رحنا ورى الحب .. لين الحب ضيّعنا مدري نسينا الزمن .. والا تناسينا ! الين عشنا بلا صوره .. ولا معنـى ارواح .. تشبه لنـا ظلمـة ليالينـا واليوم /.. ماعاد باقي شـي يجمعنـا الا الوجع , والضياع , وحزن ماضينا علـى كثـر ماحلمنـا .. ماتوقعنـا ينسى الزمن كيف كنـا يـوم .. حبينـا شكراً .. لأحساسنا اللي كان يخدعنـا شكراً لوقتٍ خذانـا .. قبـل يعطينـا شكراً لعمرٍ تركنـا .. قبـل يسمعنـا شكراً لأيامنا .. اللي جـت توصينـا شكراً لأحلامنـا اللـي وقفّـت معنـا شكراً لأحزاننـا .. شكـراً لأغانينـا بكت لنا الارض يـوم انّـا ../ توادعنـا لأن الارض احضنتنـا .............. يـوم حبينـا ..! اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
02-25-2009, 02:51 AM
| ||||
| ||||
| رد: تـــــــــــــــابع  ضايعه مثلي , مثـل : عمـري واغـراك التمـادي ..! ......................... لاماعرفتـي تحفظيـن ../ اغلـى امانـه يـا أميـنـه ، في امان الجـرح .. يا : جرحـي ويا ../ سبـة بعـادي ............................ مابقـى للصـدق فـي وجهـك مكـانٍ تسترينـه انتهت رحلة هوانا .. غن حزني يا ( عبادي ) : ............................ ( كانت الرحله حزينه ... كانت الرحله حزينـه) ،! الليله : لازم ترجعي ! ........... لو حلم , محتاجك كثير الليله محتاجك معي ........... ودي : احس اني بخير الليله لازم تسمعي ........... كلام جرحي للأخير ......! الفقر شـي .. وقـصـة آمالنا شي ............... الفقر ماحـقـقّ لـ أحد امنياته ،! العمر يكبر .. بس : الاحلام هي هي ............... وبكره يمر الامس في ../ ذكرياته ! حزنك إذا ساومك في دمعتك : عيّ ............ الدمـع هو : زاد المسافر لـ ذاته شاعرك لامن شاف موته وهو حي ........... فك السنين .. وقام : يرسم حياته لا ياصديق الجرح , لاتسأل " اش في "!! ............ أنا : مسافر موعد الروح فاته ..! . . لايهمك وبُعدك الليله [يدق] آخر مسامير الكلام فـ نعش بوحي .. ودعي : حزني و... تفاصيلي الطويله ..! واركضي لــ آآآخر مدى حبك بقلبي .. واخذي بـ حضنك ../ جروحي ،! وانظري نظرة من يودع حياته ..!! ولوّحي بيدك ، و ..... روحي ! . . سافري .. عيشي بحرية حياتكْ روحي لـ دنيا جديده ..! كوني حلمٍ طار من عين الزمن .. كوني | قصيده | . . ..! .. قال وعيونه ملاها الدمع حيره : .................... ليه من حب وصدق: يخسر حياته ؟ قلت : لـ انه لا تذكر حب غيره .. ................... ماينسيـه الدمـوع .. الا ../ صلاته شوف انا عندك .. خساراتي كثيره ! .................. و .. الزمن يضحك على حظي ، شماته كل مافارقت واحد قلت : خيره .................. بكره اسلى عنه .. وارجع من شتاته .. قال : الاحساس او الحب و اخيره ................. بس .. في بالي سؤال , وقلت هاته قال : من حب الليالي , وش مصيره ..! ................ قلت : يبحث فـ السهر عن ذكرياته ! . . اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
02-25-2009, 02:53 AM
| ||||
| ||||
| رد: تـــــــــــــــابع ذاكرة شبـاك ..!  تعبت من التعب مليت من دربـك نسيـت خطـاك .............شربت من الظما حتى رويـت وفـاض فنجالـك ذكرت غيابك اللـي لـو نسـى هالكـل ماينسـاك ..............يوديـك الغيـاب بعيـد عـن عيـنـك ويغتـالـك يـدورّك الحنيـن فذكريـات الـوقـت مايلـقـاك ............يمرّك كـل ليـل اكثـار نـاس وتسهـر../ لحالـك ( محمد ) : ليه هذا الحزن في عينك يجيب اقصاك؟ ..........( محمد ) : وش بـلاك تحـب شيئـا ماتهيالـك ؟ نشف فيك الكلام ورحت من صمتك تصب شفـاك ..........غدر فيـك القصيـد اللـي تقـول وراح ماقالـك ملل نومك .. ملل يومك .. ملل دومك ..وماادراك ...........مواويلك .. سهر ليلك .. يبي يشيلـك ../ ولا شالـك ! وسع ضيقك .. نشف ريقك ترتل صبحك لظلمـاك ..........تعبـت تهمّـك احـوال العبـاد وتهمـل احوالـك تسلـل مـن ورى بـاب السنيـن لذاكـرة شبـاك .........يساورك المـدى تقـرا القديـم وترسـم اطلالـك ! هنا : لعبتك ضاعـت مـر طفـل بلعبتـه بكّـاك .........هنا: دمعتـك طاحـت ضيعـوا فرحتـك بريالـك هنا : سويت من وهم الزمـان احـلام ماتسـواك ........هنا : فـازت هزيمتـك ورجعـت تجـر اذيالـك هنا : يلبسك ثوب العيـد ماتعـرف حـزن دنيـاك .........هنا : تجلس على صدر المكـان وترخـي عقالـك هنا : اول مرّه تصافـح غـرام وترتجـف يمنـاك ..........هنا : اول مـرّه يطيـح الكـلام وتوقـف .. افعالـك هنا : ودعـت ابـوك وأنتقلـت انتـه الـى مثـواك ...هنا: وحـدك قـدرت تشيّـد اعظـم حلـم متهالـك طلعت من الحيـاه بـ ( يرحـم الله شايبـاً ربّـاك) ........تغيّر شوووف وانا ابوك صارت شف وانا خالـك :/ ( هنا ) ترجع لشباكك كبرت وصرت غيـر ../ هنـاك ............تحاول وحـدك تطفـي وهمـك وتشعـل آمالـك وحيـد الا مـن اكثـر بـوح لاجابـك ولا وداك ..........بعيد الا من اقـرب روح راحـت قبـل تقرالـك ( محمد ) : بعد هذا الهم وش باقي لجـل اقـراك ؟ ..........( محمد ) : كل هـذا الهـم وش خـلاّ لعذالـك ؟ تعبت مـن الحيـاه وملّـت ايامـك تبـي فرقـاك .........ذكرت الكـل ../ لكنـك نسيـت تمـر فـي بالـك .. اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
