واقسم الا عمار توت ..

هذي لك ../ وهذي لي ..

وهذي لواحد { مسافر ..

..... لين يرجع ..

والاخيره .. لمــين تبقى !

خلها والغصـن ./. يشقى

يمكن لواحد يفوت ..

من تحت .. والريح ينساها السكوت ,,

{ المسافر ..

حط قسمه .. جنب قسمي ,,

وركب عيونه .. بجسمي ..

يومهــا ../ يقدر يشوف

و يكـــتب ..

[ .. محمد الوسمي .. !

..

اوووووص

فلننصت لحكاياه معاً

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

قصيدته هذي حكاية غيييير ..

تاخذك معهااا بعييييد ، باختصار اجرااام ارتكبه محمد

وماعرف وشلون بيصير تأثيره : /


:






كان ياما كـان

.... ( قبـل ) بسالـف العصـر واوانـه

قبل يمكن .. { اربـع وعشريـن عـام ../ او شـي دونـه !




كان فيه انسـان قـد الحلـم ../ واكبـر مـن زمانـه !
اولـه مثـل آخـره .. وآخـرّه كـان الله بعـونـه

ابتـدى طفـلٍ يشخبـط عمـره .. ويـرسـم كيـانـه
تشرق الدنيـا مـن احلامـه ../ وتغـرب فـي عيونـه

غيـر ضحكـه ..
ماشغـل قلبـه ولا حـرّك لسـانـه .!

وغير شنطـة
مدرسـه واحـلام ماشالـت متونـه ..!

المهـم : الطفـل هـذا كانـت احـلامـه .. جبـانـه
يبنـي احلامـه لباكـر../ وان صحـى باكـر تخونـه !

ابتـدا يكبـر , وتصغـر فرحتـه .. ويقـلّ شـانـه
وتسقط اوراقه , ويوسـع همـه , ويضيـق كونـه

الطفل هذا عطـى الماضـي لرجـل وقـال : امانـه !
لايغيّـر حـاضـرك بــراءة المـاضـي ولـونـه

قـد ماتقـدر تسـوي ســو بالدنـيـا عشـانـه
ضحّ بأغلـى شـي عنـدك ../ لجـل ماتبغـى تكونـه

روّح الطفـل وبقـى الرجـال واقـف فـي مكانـه
لاتزال ترنّ فـاذنه : { عمـري اصحـى لااا تخونـه }

امتطـى الرجـال صهـوة عمـره وأمسـك عنانـه
واستمـر يـربـي الحـلـم ../ ويـداريـه ويصـونـه

يطلع الصبـح , ويـرد الليـل .. مـا للحـظ خانـه
كـل يـوم يـدوّر المستقبـل .. ويرجـع بـدونـه !

صار يعـرف مايبـي يجهلـه مـن بـاب الميانـه
ويجهل اللي يعرفه , لجـل ان جهـل بـه يعرفونـه

مستعـد انـه يخسـر اشيـا ولايخـسـر رهـانـه
عـرّض افكـاره لمـوت الوعـي .. حتـى يفهمونـه

لين مرّه .. شـال فكـرة عقلـه , وطـاوع جنانـه
وابتـدا يعبـث بعمـر الطفـل , وانقـاد لشجـونـه

حب , واحساس , وحزن ,
واشواق , ووداع , وخيانه !

نـاس يستقبلهـم بقلـبـه , ونــاس يودعـونـه ..

ينتهـي جرحـه مـع فلانـه , ويبـدأ مـع فلانـه
بـدّل الضحكـه بدمـع , وبـدّل الـعـز بمهـونـه :/

ليـن ضـااااع
وضيّـع الحلـم وفقـد لمسـة حنانـه ..

وانخذل في كل مـن حولـه , وخابـت بـه ظنونـه ..


وراح يسأل :
كيـف ارد العمـر واوفـي بالأمانـه ؟

جاوبه صوت الزمـان اللـي تجـرد مـن سكونـه

الرجـل :
يقـدر يلطـخ ماضـي الطفـل .. بخيـانـه



بس كيف الطفل../ يوصل حاضـر الرجـل ويصونـه ..؟!

../ غــربــة العــمــر .. !











اليوم هذا حزن , وشعور فرقـا , وكبـت
....................... دوّرت للشعـر شــي يـردنـي مالقـيـت
كثر الفرح بالشعـر زمـان لامـن كتبـت
........................ كثر الحـزن للشعـر هلحيـن لامـن قريـت
عرفت معنى حضوري بس من يوم غبـت
....................... ماعـاد همـي غـلاف وصـوره ومانشيـت
خسرت ياما ولاعمـري وقفـت وحسبـت
....................... لو بحسب اللي خسرته فالحيـاه .. اغتنيـت
صدقت هذا .. على هذا شرهـت وعتبـت
..................... زعلت .. ماشفت احد همه رضاي .. ورضيت
في عز ماكنت محتـاج لعطـا .. ماطلبـت
..................... وفي عز ماكنت محتاج اني آخـذ .. عطيـت
ياغربة العمـر طالـت رحلتـي ماقربـت
..................... تعبَت خُطا الذاكره مـن كثـر مانـي مشيـت
خليت حزني , وذكراي القديمه .. وجبـت
..................... حلـمٍ نسيتـه ورى ظهـر الليالـي وجيـت ..
جيتك بعد ماتعبت مـن الغيـاب وهربـت
....................في داخلي حكـي .. خايـف نبتعـد ماحكيـت
الصمت طوّل .. وانا من طول صمتي تعبت
................... ماعدت انا المشتعل , طار الفـراش وطفيـت
واليوم بعد التعب والحزن والصبـر تبـت
.................. وخليت لك جرحك .. وخوفي عليك وسريـت
يمكنّي أنساك لو طال الزمـن واغتربـت
................... ويمكن بـ تبقيـن فينـي عايشـه ماحيـيت
أحيان : صدقك صعب تخفيه لامن كذبـت
................... لاقلت ناسي .. وصاح الجرح : لا مانسيـت



هذه الجميلة

كانت هي مشاركة محمد في الحلقات التسجيليه لشاعر المليون ..

وقد حصل على الاجازه بلا شك !

//
/
انتِ لو كان لأحاسيسك مرايه
.............. كان شفتي كيف تأنيب الملامح :/
لاتقولي شي , لاتحكي .. كفايه
............. غلطتي جيتك بكل شعور جامح
كنت اسامح قبل نوصل للنهايه
............ وانتهينا .. كيف تبغيني اسامح ..؟





\




.. اذكريني
بأي شئ اعجبك ..
او ما ااعجبك فيني
اذكريني ..
.. بأنكساراتي
بدمعاتي ..

بالحنين اللي تركني ../

بالظلام اللي ينور لي ../ حياتي

.. قولي : انه كان يحلم

قولي : احلامه بعيده ..

.. قولي كان اكثر سكوت يشب صوته ..

لاتذكر :
........ حزنه

... وعمره

.. وموته


قولي رغم ان الزمن خانه
ولكن .. كان وافي
قولي راح يدوّر اوطانه
.. وحصلها ../منافي

قولي انه حاول بشتى الوسائل
رغم فقره ..
يشتري بالليل بسمه للصباح ..
قولي انه ضحّى في وقته وعمره
.. وكان موعود بأماني
بس رااح ..!!


قولي حتى ما اتصل فيني
وقال اني بسافر ..قولي كان الناس والدنيا بعيوني
قولي مايقدر .. يعيش العمر دوني
كيف راح .....؟


.. وبعترف لك
انك انتِ ..
كنتي حلم اقرب من يديني لعيني
ومامسكتك ..
كنتي اغلى كل مااملك .. :

.. وسافرت
وتركتك ..!!


كنتِ الماضي ..
.. وكنتِ الحاضر

ورغم كل دروبي اللي تسرق اقدامي
لمجهول الرحيل ..
كنتي اول درب ياخذني .. واسافر
كنت انا وياك لو نزعل علينا
نرجع احلى من قبل .. !
ونمووووت فينا
.. بس ضعنا


انتِ .. :


انتظرتيني بغيابي
وانا غبت بأنتظارك

وانتهينـــا ..!
//
/

{ نبدا هنا..

نحكي حكاية بنت في عمر الزهور

حلوه , رقيقه ..
تحترق بالدمع لو تسمع هواش ..!

تغيب .. يوقف عقرب الساعه ,
.... واذا طلّت يدور ..

يعني إنتظارك فالنهايه غير قابل للنقاش !

في أي حفل تكون به هالبنت .. شف شكل الحضور
تصبح ملامحهم .. ترقب , خوف , رهبه , إندهاش !!

تضحك لذيك .. وتبتدي هذي من [..الغيره .. تثور
متواضعه ..
تنسى إنها الأولى .. يذكّرها الفلاش ..}

أنفاسها لاسولفت .. أحلى دعايه للعطور
فعيونها قصة رجل ../ من جا على الدنيا وعاش

لاجت تنام .. أحلامها فوق السرير تصف دور
وتصيح فيهم : يايجيني حلم مثلي .. يابلاش

نامت وحلمْت بانها ورده .. يميّلها الغرور
وكل مايميّلها الغرور تزيد نشوه , وإنتعاش


وجات أمها تهزها : قومي ياماما


نور .. نور

وبدت تفكّ عيونها بشويش ..

........................ ويطيييير الفراش


\


نور هي القصيدة الأقرب لمحمد مثل مايقول