![]() |
|
#1
| ||||
| ||||
| السلام عليكم ورحمة الله قد يحزن أحدنا لفراق غالي ، فيرى أن بيبان هذه الدنيا قد أغلقت في وجهه فيخيم الحزن واليأس على حياته فهو لم يفارق شخص واحد بل فارق العالم بأكمله فما بالكم بمن فقد غاليه بدون رجعه أترككم أعزائي مع هذه المرثيه للشاعر الكبير سعود الفهد أزاور قبرها طرت لي تربةٍ حلو ثراها ***** عسى ربي من الغيمه سقاها طرى لي قبر محمول التهايا ***** آلا ياويـــل روحي واعناها أزاور قبرها في كل ساعة ***** وصار القبر غالي من غلاها تزيد أجروح قلبي يوم أجيها ***** وأقبــّـــل رملها ويا حصاها أكلمها ولا تسمع كلامي ***** ولا تدري بروحي وش لفاها لفاها هم وهوجاس وعلــّــه ***** وحتى العين خايف من عماها آلا وشلون نسلى كيف نسلى ***** وجرح الروح مفقودٍ دواها آلا وشلون ننسى كيف ننسى ***** وروحي زايد فيها شقاها هي اللي دايماً تتبع رضايا ***** وأنا صافيتها وأتبع رضاها ولكن القدر لا بدّ منـّـه ***** أقول اللي خلقها هو خذاها بقى تذكار حبي لرحيله ***** ثبت بالقلب مايرحل معاها بقى ذكرى عيوني في عيونه ***** حشى لله قلبي مانساها آلا ياقبر ما والله أنسى ***** وشلون أم الولد تنسى ضناها آلا ياقبر لاتجرح جسدها ***** طلبتك لاتسبب في غثاها حسايف جسمها الناعم حسايف ***** حرام الدود يأكل من حشاها ترفق زينها حذرى دماره ***** آلا ياقبر لا ينفذ حلاها يقوله من فقد كلّ السعادة ***** على فقدانها يكتب رثاهـا كتبت اللي جرى لي بالقصيدة ***** لأجل يدري بحالي من قراها :
|
|
#2
| ||||
| ||||
| وعليكم السلام ورحمة الله وبركـاته قصيدة حزينة تدمي المُـقل صحّ لسان الشاعر المبدع ورحم الله اموات المسلمين وغفر لهم ؛ سلم فكرك وبنانك اختي عصاميّـة على انتقائك المميّـز بانتظار فيض عطائك |
|
#5
| |||
| |||
| وعليكم السلام ورحمة الله وبركاته أشكرك أختي عصاميه على هذه المرثيه المحزنه .. الله يصبر كل من فقد غالي على قلبه , , ويرحم موتى المسلمين والمسلمات و يجعل قبورهم روضه من رياض الجنه.. تقبلي خالص شكري وتقديري لهذا الطرح الرائع.. |
|
#6
| ||||
| ||||
| اقتباس:
|
|
#7
| ||||
| ||||
| اقتباس:
آمين حبيبتي همسه مشكوره على المرور العطر |
|
#8
| |||
| |||
| سجلت دخولي للمنتدى على غير العاده لان قصيدتك على الجرح .. اجبرتني اسجل دخولي وارد يعطيك العافيه صح لسان شاعرها ولا هان ناقلها وصدق يوم قال: لأجل يدري بحالي من قراها عن اذنك ابي اكمل تصفح باقي مواضيعك |
| أدوات الموضوع | |
| |