عزيزي الرجل المملوح الوسيم كيف تمشي زوجتك على الصراط المستقيم

القاعده (1)
في البداية مايحتاج اذكرك بموضوع القطو اللي تمعص رقبته ليلة العرس ودي اقول أسد ولا نمر بس اخاف تتفشل لكن القطوه يؤدي الغرض .

القاعده (2)
ياليت خوياك يجون عندك اول ليله من الزواج وتخليها تكبس لكم ذيك الكبسه اللي يحبها قلبك لا تخلى خوياك يضحكون عليك وتتفشل قدامهم وتجيب لهم عشاء من برا

القاعده (3)
اول صباحيه حبذا إنها تصلح لك الفطور وحاول إنك تطلع فيه أي شي عيب حتى لو هو نواشف وإن حطت صامولى قل ما آكل إلا مفرود وإن حطت مفرود قل أبي توست ( استقعاد من جد )

القاعده (4)
شف أهلها وين ساكنين وأبعد على الاقل 20 أو 30 كيلو علشان تعقدها في نفسها وتخليها تنسى وجه أمها و خواتها وأساميهم .

القاعده (5)
كثر من العزايم لأهلك وخصوصاًَ الوالده ( رجمة الصواريخ الباليستية ) كل ما شفت المدام بأدية ترفع خشمها ولا تتفلسف عليك

القاعده (6)
لا تماشي من ربعك الا اللي متزوجين ثنتين او ثلاث ( إن وجد ) وإثن عليهم قدامها وخلها تحس إنك تشبعت بأفكارهم ومبادئهم .

القاعده (7)
من فتره لأخرى حاول أنك تطنش فاتورة تيلفون البيت ولا تسددها إلين يفصلون عليك الخط ولا تستعجل بالتسديد على مهلك الدنيا مهيب طايره ولا سلة 0 :D

القاعده (8)
إذا حوشكم وسيع ليس هناك بأس من أنك تدخل الموتر في الحوش وتخليها توسع صدرها بتغسيل السياره وتلميع الكفرات وترتيب الأشرطه .

القاعده (9)
إذا رحت للقصاب عشان يذبح الذبيحه وقال لك تبيها ثلاجه ؟؟؟ قل :لالا بأوديها للطباخ الحين خلها قطع كبار , ثمن رح رزه في المطبخ وقل . يووووووووه نسيت أقول للقصاب يقطعها معليش يا عمري ( بس حاول أنك ماتتأخر في المطبخ لان هي تطلع الصاطور وأكياس البلاستيك السوداء ) (:p هج بعمرك )

القاعده (10)
وانت جالس معها حاول تسوى نفسك مرتبش إذا جاك إتصال علىالجوال وكثر من كلمة يا عمري و يا حبي لك .

القاعده (11)
سو نفسك ديموقراطي وجمهوري ومستقل وشاورها في كل شئ و إذا قالت رأيها سو العكس على طووووووول

القاعده (12)
أهتم بأناقتك ولبسك وتعطر وأكشخ دائماً قبل لا تطلع من البيت ولا تعلمها وين أنت رايح حتى لو إنك رايح تتقضى 0

( منقول )

ملا حظه ::o
الي يطبق هالنصائح تراي مانب مسؤوله عنه يدبغ يذبح يجمع بكيس سووود المهم كلن يكتب وصيته :D

خواتي شفتن هالنصائح يالله ورنن وش راح تسون لو طبقت على واحده منكن احدى القاعدات السابقه

منتديات مدرسة المشاغبين - منتديات الفسحة العامة

الوحده بتقتلني . . ولا حد بيسالني :انتا عامل ايه مجروح من جرحك تعبان من تبعك

( ماجد )

majed134@hotmail.com