نورة وعبدالله

نوره وعبدالله من ابدع ما خلق الله اثنان كا الكناري يقول لهم القمر بوخر وهاذا مكانكم

سبحان الله اللي خلق وفق بينهم ثنيناتهم ارق من نسمة الهوا واجمل من القمر

من هنا تبداء قصتهم.. أاكشششششششششششششششششششششششن

عبدالله :الو

نوره:امممممممم

عبدالله:نوره ياقلبي كم مره قلت لك اذا رديتي لاتقولين امممممممم مكلم تيسه انا

نوره:ههههههههههههههههه بالله عمرك سمعت شي اسمه تيسه انا اخبره تيس وحرمته عنزه

عبدالله :ماعمر احد قال انك ماصله..نوره ودي يوم اكلمك وانا مبسوط لازم تخلين عقب كل مكالمه

افكر بوحده ثانيه تفهمني وتحس فيني ياعالم ياهوووووووووو ارحميني

لو مره بس ابي احس انك خطيبتي وزوجة المستقبل لو دقيقه

نوره:عبودي وش فيك عصبت يوه الوحده ماتعرف تمزح معك

عبدالله: نوره يابعد قلبي لاتزعلين مني انا كل ما احاول افهمك وتفهميني احس انك

تنفرين مني او تتهربين اذا بخاطرك شي قوليه صدقيني راح افهمك واساعدك

نوره :الحين كل هالعصبيه عشان ضحكت على تيسه ياخي في ستين دهيه التيسات ولاتزعل

ولايعصب هالحلو

عبدالله:لاياشيخه صدق ان دمك ثقيل

نوره:ياربي ماعرفت لك جيتك يمين تقل يسار قلت يسار تجيني يمين عبدالله ذي مهيب حاله

تونا مابعد دخلنا قفصنا الذهبي صاير حالتنا كذا كيف لصار خشتي بخشتك

اظن الجيران كل يوم يفرعون بينا

عبدالله :الحين نوره بقولك انا خاطب حرمه والا مصارع وش يفرعون بينا يابنت الحلال النوم

اصرف لي اقول روحي بس الله يعوضني ويخلفلي خيرن منك

نوره :انت حر عبدالله قل اللي تبيه وعلى قولتهم احنا للحين على البراذا عندك

اي اعتراض عليه وجهه من الحين ترى ماعندي استعداد للهواش معك ويابخت من زار وخفف

عبدالله :انتي حرام فيك كلمة انثى انتي لو طالعه بالدنيا خشبه كان ارحم لي ولك بس يالله ما من وراك رجى
.................................................. ..

رجع عبدالله لغرفته وهو غارق بالتفكير طرى عليه طيف وذكرى خطيبته السابقه ندىوبدى بالمقارنه

وقال صدق من خلق وفرق ايه والله فرق السماء عن الارض اجل تقولي يابخت من زار وخفف واللي

قبل تقول ودي احنطك واخليك قدامي طول عمري عشان ماتغيب عني ولا لحظه

وصررررررررررخ عبدالله اااااااااااااااااااااااااااااااااااااااااااااااااا اااااااه ه

بقوه لتخرج هالكلمه اللي حابسها طول عمره مابقى احد من الحاره الا سمعها بس جا على بالهم رعودد وبروووووووووووووق والكل قام يدعي ويتطلب الله اللي يدعي حرمته ماتكشف زواجه المسيار

واللي يدعي ان الله يرفع بلاء الكسل والعجز عن اخوان السودانين ويصيرون اكثر نشاطن واحساسن

على طاري السودانين فيه نكته يعني فاصل يقولون سودانين تجمعوا وراحوا يكشتون ا

خذ كل واحد معه مغذيته عشان مافيهم حيل يطبخون

نرجع للقصه
جا الصباح وعبدالله كله امل ان حال نوره يعتدل وتحس فيه وتفهمه اكثر قال ازين شي الحين اتصل عليه

اكيد فاضيه لان اهلها منهم المنخمد ومنهم اللي سرحوا لمدارسهم ودوماتهم يالله فرصه ادخلها

معي جو تحس انها انثى بنت حواء

الووو

ردة نوره :امممممم

بعدك ماتركتي هالحركه وبعدين معك انتي لازم تثورين اعصابي كل مابغى اكلمك

تدرين عاد مااظن انك محسوبه من الجنس الناعم انتي شكلك من فصيلة الفقع

نوره انا ودي اعرف انت وش مطير شياطينك مع هالصبح يعني ماتعرف تعديها لي وانت تعرف

ان هاذا طبعي ما اعرف اغيره وبعدين وش تتر جى من ناس التليفون ماله شهر داخل

عندهم يعني بدو بقراطيسهم

عبدالله:عاد تتدرين وش اللي مخليني اتعلق فيك نيتك وقلبك الابيض كل شي تاخذينه بساطه

ومايهمك وش صار بالدنيا من تتطورات وش حصل بافلام رشدي اباظه وهند رستم وسعاد حسني

انتي لازم تاخذين دوره عندهم وتتعلمين الاساليب والطرق عشان توصلليني لقلبك بسرعه

نوره :طيب مافي مشكله عطني ارقامهم وانا اشاور ابوي فيهم ان وافق رحت واخذت دوره

عندهم وان عيا بتحيلهم يجون عندنا بالبيت

اقول نوره جنبك ولاعه

لا

طيب ساطور اللحم قريب منك


لا والله انا جالسه اقطف المولخيه واكلمك من الا سلكي حقنا ماقلت لك ابوي البارح شرى

تليفون لاسلكي ومن الفرحه عزم جماعتنا بهالمناسبه

عبدالله:نوره ودي بسؤال منو اللي رماني عليك الحظ المنيل والا بختي ونصيبي المهبب


نوره :هههههههههههههههههه تدري ان مافي فرق بين الحظ والنصيب هم نفس المعنى

يابنت الحلال خافي الله فينا قبل كل شي بالله ذارد تردين عليه الناس يقولون والله حظي الحلو اللي

جابك لي من هالكلام وانتي جالسه تنكتين انتي وجهك حسبي الله عليك حتى السالفه اللي بقولها لك

نسيتها من مصالتك ورفع الضغط على هالصبح المهم دبري حالك ماعاد عندي صبر ابي اعرس

اسبوعين بالتمام والكمال يوم ينطح يوم اخلصي بنعرس جعلك اللي ماني قايله واصلن

هو بقى شي ماتسخط فيه ودعيت عليك
.................................................. ............

مرة الاسبوعين وعبدالله على هالحال هواش ورفع ضغط ولكن كل يوم يجددالامل ان نوره يعتدل

حالها وتصير حرمه تهتم لمشاعره واحساسه وتفهمه اكثر

بدى عبدالله يتقلب على سريره ويفكر قبل العرس بليله يحاول بقدر الامكان انه يمسك اعصابه ولايثور

فيها لاصارت نوره معه بالبيت وبدى يخطط للاساليب ويتكتك لليلة العمر انه تمر بسلامه وهدوء

لانه يخبر ابو طبيع مايخلي طبعه وعارف حركاتها السامجه وسخاطتها المثيره للاشمئزاز

غطته النومه وهو مابعد كمل تخطيطاته ومن اصبح قحص وتروش وتسنع وبخر البيت ولع اللمبات

الصفراء والحمرا مخلي البيت كله اجواء رومنسيه امكن اذا شافت هالجو تحس وتفهم تخبرونها

مهيب وجه نعمه حياتها كله عايشتها تحت الشمس

راح عبدالله الفندق واستقبل ضيوفه وهو وابوه يناقزون من الفرحه تخبرون دايم عرس الولد الاول يجيله

طعم ثاني الفرحه تكون بزياده وخلص حزة الغدى وبدى الظلام يدخل وتذكر عبدالله انه ماتقضى للثلاجه

وتعرفون عرسان لازم لهم عصيرات وجتوهات ومن هالخرابيط لتلطيف الجو بس ذي ماهقيت ان يعوق

معها شي وربي لتفرح بالحلويات وتنسى المسكين عبدالله

وبدى عبدالله يتنقى بالحلويات بالسوبر ماركت وكل ماشاف حلاويات قرطاسه احمر يلقطها

على طول يقول اللون الاحمر بيجيب نتيجه مسيكين مايدري انها ثور تنصرع على اللون الاحمر

مهيب وجه رومنسيه

جا الليل وجت حزة الدبكه وبدى مراسيم الفرح عند الحريم طق ورقص وهيصه وزمبليطه

وعبدالله جالس على نار ُتمر الساعه بثقل ماعمره شاف اثقل منه الابدم نوره وازعج امه وخواته اخلصوا

جيبوا الزفه ايحين عليه تاخرت ورانا سفر<ينصب هوو وجه حده الثمامه ويخب

واستعجلو بنوره وركبواها السياره وهو بيتشقق من الفرحه بدى اخونا من الربكه يخربط مره

يقول لها مبروك ومره يتميصل عليها المهم وصلوا البيت وكله يعج بريحة الورد والعود

وبدت تمشي على الورد اللي ناثره من باب الشقه لحد السرير وبوسطه بوكيه ورد

بدى يناظر فيها حس ان نوره مهيب نوره اللي ملعوزته بالتليفون بنت رقيقه وفي غاية الجمال ومن ملامحها

تحس انها انعم وارق من نانسي عجرم بدى عبدالله يستعرض خفة دمه يحاول يقطع الصمت اللي

بينهم قال لها نوره امك واهلك دارين انك عندي ناظرة فيه نوره وودها ان بيدها الموت وتفكه عليه

تحسه اثقل شي على قلبها لازمت السكوت نوره الوقت كله وحس عبدالله انه ماراح يستفيد

شي قال انام اصرف لي يعني وش فيه هاليوم زود عن الايام اللي مضت

الا انها بالعه لسانها ولا رفعت ضغطي

اصبح الصبح وعبدالله محتار معها ودها تفك لسانها موب عارف فكر بخطه وجا وقال لها نوره

ماشفتي بوكي محفظتي ضايعه وانا ابيها ضروري فيها اوراق مهمه بدت نوره تتكلم وتدور بالبيت

والهدف من كذا ان عبدالله يبيها تتطلع من اللي هي فيه وبالفعل بدت تتكلم وقال اظن اني نسيتهم

في بيت اهلي بغرفتي وش رايك تروحين معي ندورها هناك وبالفعل حركوا سيارتهم وصلوا الغرفه

وبدى يفرجها على غرفته والمكان اللي كل يوم ترفع ضغطه فيه وكل شي حلو ومر وبالاخير

صارحها بالسالفه انه بس هدفه عشان تحس فيه وتتئلقم معه بالكلام

خرجوالاثنين بالسياره وقال لها نوره اكيد انتي ميته من الجوع خلينا نوقف عند مطعم

وما انتبهت الاهم عند محل الشاورما ونزل وجاب شاورما وحده وعصير واحد استغربت من تصرفاته

بدى عبدالله يفتح العصير وقراطيس الشاورما ويقسمه بينهم بالنص وقال اكيد تظنين اني بخيل

بس حبيت ان تكون بينا ذكرى حلوه كل مازعلنا نتذكر الشاورما والعصير اللي بالنص بينا

اكلوا ورجعوا البيت بس حس عبدالله ان الحال مثل ماهو كل ماحاول يتكلم معها ويتقرب منها

تنفر وتبتعد دخلت غرفة النوم وانتظرها عبدالله تخلص لبسها عشان يدخل ينام

وبدت الهواجيس والوسوسه تاكل في عقله لانه مستغرب منها لانه مضى معها بالتليفون شهرين

قبل العرس لسانها وش طوله وفيها جرائة بنات العالم كله وفجئه ينقلب حالها بكمه ماتتكلم الا بالقوه


وفجئه سمع صرخه قويه خلته يركض لها بدون عقله

للقصه بقيه انشاء الله الراوي جاه النوم...........