ماحصل مالي ولا لك فيه غيـر اللـي تشـوف=الليالي مـن فـراق الطيـن صـارت ممحلـه
راح واحد ,راح ثاني, راح ثالـث راح ألـوف=والمكان اللـي نحبـه بـات خالـي مـن هلـه
جيت والجدران كانت شامخـه تبكـي وقـوف=قلت ضم أقـرب جـدار ولـو حضنتـه قبلـه
أبتديت من اليميـن وكنّـي آصافـح ضيـوف=لين جيـت البـاب مـره ثانيـه قمـت أسألـه
وين راحوا؟ ليه غابوا؟ لا تجاوبنـي ظـروف=لا تقـول إن كـل واحـد تـاه عـن مستقبلـه
منهم اللي مات طيب,ومنهم اللي مـات خـوف=والبـقـاء لله وبـأفـراح السنـيـن المقبـلـه
أما أنا داري بحالي والـدواء صـار معـروف=أتمنـى لـي أنيـس مـن البشـر لـو أجهلـه
إن حصل (سمرّه) وجمره أو حصل شوفة هنوف=والا والله لاأستبيـح الـبـاب والـلـي قفـلـه
خلها ياباب مستـوره معـاد الشـوف شـوف=كـل ماجيتـك أقـول الله صبـرك ماأجمـلـه
قـال ماباقـي سوانـا مـد ياهـادي الكفـوف=خلنا نرقـص علـى أنغـام الحـزن والمهزلـه
قم نبعثر هاالأسامـي وقـم نلملـم هالحـروف=قـم نخلـي صفحـة التاريـخ صفحـه مهملـه
قـم نطينّّهـا جميـع ومانلحقـهـا حـسـوف=قـم نغيّـر إتجـاه السهـم حــق البوصـلـه
قلـت كافي,,قلـت كافـي لاتحمّـل هالكتـوف=فوق طاقتها تـرى بعـض الحمـل ماأتحملـه
وأنت ياباب المواجـع كـل ضيفانـك طيـوف=كيـف أطلبـك الإجابـه وأنـت كلـك أسئلـه
رحت واجدران تحضن ماتبقـى مـن رفـوف=وألتفـت وقلـت تـدري كـل(ن) يـدوّر هلـه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

^
^
( al.ata@hotmail.com )