زاد العشك _ الشاعر العراكي نمير ظاهر

ونات العشگ أنشر من وصفه كتاب
وانشرهه بگصيد وطالعه گرا به
لين ابدا الجرح ماضنتي ليه طباب
وعضاي سفگت بعلوله ومصابه
كل علة۪ تعيب وجرح العشك ماعاب
تود ملگه الحبيب وتعبد ترابه
حبيت بشگه ولموج الصعب رچاب
وهو لذة الغرام وحكمه واسبابه
وعلات العشگوشتول عند ابواب
وتيهه وونته واغوار سردابه
ولاكل۪ يحب يرضى بسگم وعذاب
وهو الاكمل شذاه وزاده ماعابه
ويامحلى الوله شي عذب ينساب
يمرگ بالجسد ويداعب رضابه
ويطوف على الكلبويشعل برگ لهاب
له الروح انتشت بنسوم هبابه
وينطر من يعذبه ويذكره بأعجاب
ويعيش احلام وي ريعه وشبابه
ويكبر به الجرح ويغزيه رمي نشاب
وينطر الجرحه ليگوم بگطابه
ويوم انه يوافي وليه يبدي رغاب
يشذي به الجرح ويصير زريابه
يمحي شما كتب ومايظل عليه عتاب
ويغدي له الحبيب ثماره وعنابه
وينال من الرضى جمعة طيور أسراب
ويعلي بجناحه عنان وثابه
ويحفظ اليحب برمشه وتغطه أهداب
يسبح بالجفون له رموشه رگابه
ويدوم العشك وما شاب عگبه شاب
لن زاد الغرام يدوم مصبابه
وهذي گصتي أرويهه الك بأسهاب
مو سرد بخيالي وگصدي أعنا به