حبيبي لاتفاجئ

حبيبي لاتفاجئ لو سألت وقالو مسافر
ولا تسأل مكاني وين ولا تبحث عن العنوان

لاني مارحلت الا أدور راحة الخاطر
وانا مارتاح لين اقدر أشيلك من ثرى الوجدان

بسافر علني انسى حكاية عشقك الفاجر
أببعد واتركك يمكن في بعدك أقدر النسيان

أبي أنساك لو جرحي رقيق وخنجرك شاطر
أبي أنساك لو قلبي على فراقك يفيض أحزان

صحيح انك جميل وفيك جمال يبهر الناظر
ولكن اكتشفت انك مجرد لوحه بلا الوان

مدام انك عديم احساس وعلى من حبك تكابر
ولاتنظر سوى لنفسك ولاهمك سوى السلوان

أحبك .. ايه انا احبك ولكن مبدأك كــافــر
تخليني بقرب الما واموت بجنبها عطشان

ياليت ان الهوى سكه أكون بدربها عابر
ولا أوقف ولا لحظه ولا أعشق ولا انسان