أخي العزيز انالهدف من الزواج هو الاستقرار وتكوين اسرة واعطاء الامان للزوجة وهذا لايتوفر نهائيا بزواج المسيار فانا اري انه مجرد شهوة فقط ----------وانا راي الشخصي لا ارضاه لاختي او ابنتي ولذلك انصح جميع الاخوة والاخوات بعدم فعل ذلك لانه يخالف الشريعة وكلام الله (وجعل لكم من أنفسكم أزواجا لتسكنوا اليها) صدق الله العظيم[

السلام عليكم


أولاً
بسم الله الرحمن الرحيم (وجعل لكم من أنفسكم أزواجا لتسكنوا اليها) صدق الله العظيم

ثانياً : شكراً عالموضوع المهم في مجتمعنا


حبيت اقول انه حتى الزواج الرسمي بيكون حرام اذا كان غصب عن المرأه أو كان الزوجين اتزوجو وهم غير متفاهمين او غير متقبلين بعض وتصير بينهم مشاكل فيها اهانات وغيرها من رغبات ابليس

المسيار او اي زواج يكون مناسب للزوجين نيتهم فيه الحلال والاستقرار والسكينه
ويكون رسمي وبشهود .. هذا حلال باين .

وكل زوج بظروفه .. يمكن الزوجه ماتستطيع الارتباط في بيت مع زوجها والمسيار حل لها وافضل من الحرام

والعكس للزوج احتمال ظروفه ماتساعد على الاستقرار في بيت مع زوجته والمسيار افضل له من الحرام


بعدين لو نلاحظ كلنا انه منطقياً وشرعياً لو انه الزواج الرسمي سهل في زمننا هذا مثل ايام الصحابه والتابعين

كان ماتلاقو لامسيار ولا متعه ولاغيره .. لكن الظروف تحكم والرسول قال ( انما الاعمال بالنيات ) صلى الله عليه وسلم

انا ماني شيخ لكن الحلال باين والحرام باين ..

وانا صراحه زعلت من تعليق في ذا الموضوع انه بنت راحت لشيخ وقال لها انتي اهنتي نفسك ..انا ما ألوم البنت لانها عاشت ذا الوضع ورضت باللي شافته حلال.. انا ألوم الشيخ اللي رد عليها بطريقه مو حلوه وما يبان فيها الاحسان ... وهذا اللي يفقدوه كثير في التعامل وهو الاحسان


الدين يسر .. وكل المؤمنين لهم ظروفهم .. و لو نفرض انه المسيار حرام .. ليه الزواج الرسمي والحلال صار صعب على اكثر الناس؟ المفروض يكون العكس والله يعين

انا عمري ثلاثين وماتزوجت للحين وكنت دائماً افكر اتزوج رسمي والقاه صعب وارجع افكر في المسيار ..
كله عشان ما ابغى حرام .. مع انه الحرام صار اسهل من الحلال في الوقت الحاضر ..
لكن برضو الواحد يجتهد ويسوي اللي يقدر عليه ( اسعى ياعبدي وانا اسعى معاك ) وكلنا نسعى للحلال



(وجعل لكم من أنفسكم أزواجا لتسكنوا اليها) صدق الله العظيم

الآيه واضحه وماتقصد الزواج بغرض الجنس .. المعنى الاكبر بغرض السكينه والاستقرار حتى لو بالمسيار

وكثيرين كانو متزوجين مسيار وغيرو عقدهم لزواج رسمي واحتفلو وارتاحو ...


اتمنى التوفيق للجميع واتمنى كل انسان يتزوج اللي تخاف ربها وتحفظه

وكمان هو يخاف الله في بنت الناس


تقبلو تعليقي مع احترامي للجميع

_________________

يمنع رفع المواضيع القديمة وقد اخذ مايستحق من المشاهده والردود يغلق الموضوع ننتظر ابداعات اخرى منك

_________________