السالفة تقول:
كانت فيه رحلة طالعه من الرياض ورايحة لـ لندن. المهم... وكان أحد المسافرين (بريطاني) معه قفص فيه كلب. طبعاً مع الشنط. ويوم وصلوا لندن، إلا والله هالكلب فطس (مات يا عيني عليه)!!! وأبتلشوا الطاقم الطيارة... عاد هم يعرفون أن الخواجات يحبون الكلاب أكثر من عيالهم ولا يبون يخلون سمعة الخطوط السعودية ردية (زودن على الردى اللي هم فيه) فـقرروا أنهم يقولون لصاحب الكلب: أن القفص نسوه بالرياض على بال ما يدبرون كلب زيه بالضبط... نفس الألوان ونفس الفصيلة.
بعد كم يوم أرسلوا لـ صاحب الكلب، وقالوا له تعال استلم كلبك. تفاجأ الرجال يوم شاف القفص وبوسطه الكلب؟؟؟ قال لهم: أنا كلبي مات بالرياض وجبته أدفنه هنا بـ لندن، كيف حيا!!
** ماشاء الله عليهم الخطوط السعودية خدماتهم فوق الوصف
عاد ترى الموضوع جايني من مصدر غير موثوق ...بس مهيب بعيده على ربعنا...
العرض العادي
