كيف ذوّبتي سبايك فـؤادي فيـك ..كيـف؟
وكيف فاحت زهرة الحب في عمق الكهـوف!

كيف طُلتي غرّة الحـب والغيتـي الوصيـف!
وكيف حزتي بالغلا شـي يتعـدّى الوصـوف

كيف غيرتي اسـى بُعـدك القاسـي المخيـف
وكيف يزهر نبض الأشواق بطعون السيـوف

كيـف نسيْتينـي النـاس واوراق الخـريـف
وكيف واحد يوزن الناس ! لو كانـوا أُلـوف

كيف كل الحب قبلك تحـوّل غيـم صيـف
وكيف نسيتينـي بْحبـك أغـلال الظـروف

وكيف صار الجدب من فتنتـك روضٍ وريـف
وكيف صرت أهواك وانسى عشانك كل خوف

وكيف ينسى راعي البيت لو جاه ألف ضيـف
وكيف بقيَت صورتك يا بعد كـل الضيـوف

كيف أبيع أغلى المشاعر واصدّق حب زيـف
وكيف أضيع فتنة الحفل في صـوت الدفـوف

آتذكّر قبلـك الحـب عابـر مثـل طيـف
وبعـدك الدنيـا تزيّـن لعينـي كالطـيـوف

لا إجابه.!! غير هي جت كذا..ماآقول كيـف
كان عمري ليل والحين صـار اللـون مـوف
_________________