قصه....(فكاهيه).......لاتفوتكم......

السلام وعليكم ورحمة الله وبراكاته..حبيت اريكم قصة كتبتها (فكاهيه)
ما ودي اكثر الكلام .. خوذوا راحتكم وأقرؤوا القصه.. وأرجوا ان تعجبكم.
أرجو منكم إبدا رأيكم فيه...




§¤°~®~°¤§مغامرات ابو نفخه ومناحي§¤°~®~°¤§

(كان ابونفخه و مناحي نائمان في الحوش)ابو نفخه و مناحي كانا من البدو المتحضرين, وكانا ابونفخه ومناحي أصدقاء كل واحد يعز الثاني ويحترمه, وكانا يساعدان بعضهم لبعض في الضراء والسراء ويتسامحون كصديق لصديق, وكانا أيضاً لا يبخلون على بعضهم.
فكان ابونفخه من أغشم وأشرس الناس في الحارة وكان يهيب الحارة كلها وحتى الآباء الكبار, ومناحي كان أذكى الناس في الحارة, لديه فراسة كونها من الخبرة والتجارب.وكانا ابونفخه ومناحي يستفيدان من خبرة كل واحد.
(قام مناحي ثم أقعد ابونفخه)فقال مناحي: قم يا جحش وران هوشه قم قم .
(نام ابونفخه وسهجه ).(فقال مناحي بصوت عالي ورفسه):قوموا يا بهيمت الأنعام!!
(نز ابونفخه, فصحا بسرعة)فقال ابونفخه:قمت قمت وش تبي يا دافور.
قال مناحي: ورانا هوشه قم إجهز ما لنا إلا الله ثم أنت يا ابونفخه كلنا ضعف ما لنا إلا العضامه(يري مناحي لابونفخه يده الضعيفه).
قال ابونفخه:لا والله أنا ما أقدر أهاوش ولا أجلد إلا بخطة محكمة وانا ماعندي الذكا مثلك يا مناحي, ما شاء الله عليك يا مناحي الله يخليك لنا.
قال مناحي: يكفي مدح يلله نمشي ماهو على كيفنا الموعد وأنا ماهو عادتي إني أخالف الموعد.
(وصلا ابونفخه ومناحي متأخرين)(ومعهما سكاكين)قال مناحي: الله يعيننا عليهم , لعن أبو دارك يا ابونفخه..اخرتنا اقول لك ما تفتهم انت يا قليل الأدب نايم زي الحريم فالدار.
قال ابونفخه: (يغني يا لا يللاله)(إلتفت)هااااااااااااااااااااااااه.
قال مناحي: (كشر في وجهه)لي ساعه اهرج وانت في ماضيك تعيد النقاشي, (يفكر في نفسه ورفع حاجبه)إيييييييييييييييييييييه.
جو الجماعه نبي ذبيحه اليوم هاه يا ابونفخه اوكي.
قال ابونفخه:وانت وش عندك تتكلم إندنيسي!؟, اقول عطنا خطه قبل ما يجون هل حظران.
قال مناحي:اسمع!!(يكلمه و يعلمه الخطه في بعصاء في الارض)
(ينظر خالد إلي سكاكين ابونفخه بإستغراب)قال خالد: وش يبي هذا جايب سكاكين حنى قايلن هوشه شباب محنا فتحين قصاب.
قال فهد : انا قايلك ماحنى قدهم معهم ابونفخه والله يشلقنا تشليق, قوه بس.
قال خالد:فركنا!!؟(فذهبا بسرعه من الساحه الهوشه)
(عندما كانا مستغرقان في تنسيق الخطه التفت ابونفخه)
فقال ابونفخه: ( معطه من عند ثوبه قائلا بصوة عالٍ) مناحي مناحي الحق انحاشو الشباب!!
قال مناحي: وشو!(إلتفت)إيييو, إلحق هم يا ابونفخه عليهم والله ما نخليهم لو يرحون لثمامه,إييييييييييييييييو.
قال ابونفخه:وراكم وراكم يالجبناء.
(لم يستطيعا ان يلحقا بهم لانهم ركبو سياراتهم)(وقفا في منتصف الطريق خاسين من المعركه)(اكتأب ابونفخه فأراد مناحي ان يهدئه فالتفت ورآ مطعماً) قال مناحي: اعزمك على الغدى يا ابونفخه ولا تحزن يا يرفيق الدرب.
(دخلا المطعم ثم قعدو ثم اتى النادل)قال النادل:what do u want 2 order?
قال ابونفخه:وش يبي ذا الهندي؟!
قال مناحي:والله مادري ياخوي بس أطلب.
قال ابونفخه:طيب..ابي ...(سمع احد الذي في المطعم قائلاًI want some cheese) أيه ونت صم شييز .
قال النادل: ok and u Mr.
قال مناحي: وش هلي تقول يا ابونفخه تتكلم مصري وانا مادري.
قال ابونفخه: (يقرب لى مناحي ويقول بصوت منخفظ)انا ما دري وش قلت بس انا سمعته من واحد من هلي قاعدين.
قال النادل: (يغضب)please Mr. WHAT do u want 2 order?
قال مناحي: وش يبي ذا حنا اللي نطلب ولا ذا. بعدين وراو قاعد يرفع صوته علانا هذا مو من اخلاق البدو الواحد المفروظ ان يحترم الظيف.
قال ابونفخه: اطلب بس ولا تعب نفسك هو ما فهم شي.
قال مناحي:طيب..(يفكر) انا وشلون اطلب.
قال ابونفخه:قل اللي قلته انا له.
قال مناحي:يا ورع وش عندكم؟
قال ابونفخه: (باستغراب)الحين وشلون يفهمك يا بجم.
قال مناحي:اسمع بس,وت أز أن ذا منيو.
قال ابونفخه:وشلووون (يستغرب ويندهش)انا الحين آخذه من واحد بامطعم وانت يالخسيس يا المجرم ما تعلمني انك تتكلم اردو.
قال مناحي:اولاً انه مو اردو ولا انا خسيس ولا مجرم انا متعلم الإنجليزي بالصف الاول متوسط, وطبقت في الرياض مع هندي بس.
قال ابونفخه: مادامك تعرف انجليزي وشو الي قلته قبل شوي يعني وشو الي طلبته تو.
قال مناحي: انت يا دبشه قلت...(ينظر إلى ابونفخه)
قال ابونفخه: (يتفاجأ ويتحير) يالله يا مناحي تراك شككتن على الي قلته قبل شوي.
قال مناحي: طيب طيب .. انت يا دبشه قلت (انا ابي مووز)فهمت الحين يا ثور.
قال ابونفخه: الله يقلع هل وجه .. وراه ما قلت لي من الأول يا قليل الأدب.
قال مناحي:بس كذا.. مالي خلق اتكلم وكنت سرحان فلذلك ما قلت لك.
قال ابونفخه:سرحان ولا بهلول والله ما اسامحك ابد يا مناحي (يمسكه من رقبته)قاتلك قاتلك.
قال مناحي: لالا سا محني يا ابن الحلال ..وش دعوى هشي يبفارق بيننا كل هل سنين والصداقه وهل شي التافه يفرق بيننا لالا يا ابونفخه هذا مو انت انت مو صاحي.
قال ابونفخه: اقول اسكت دامي اهجدك وعلمك اصول الصداقه.
قال مناحي: (يلتفت ويرى خالد وفهد ويستغرب) هاه هاه ابونفخه مب هذولا خالد وفهد الي هجو منا.
(خالد وفهد يتقهويان في المطعم)
قال مناحي: ( يلتفت ويراهم ) إلَى هذولا هم .. أتصرف معك بعدين.
قال فهد: والله يا حنى هجينى منهم هجه.(يضحك فهد وخالد )
قال خالد:والله إنهم بدو اصليين.. جايبين سكاكين معهم والله الغشامه.
قال فهد : إحمد ربك اننا لقينا واحد نهج معه.
قال خالد: الحمد لله (يلتفت ويرى مناحي وأبو نفخه يركضان إليهما)وشو ذولا منين جو فهد فهد (ينغزه)إمش خلنا نهج.
قال أبو نفخه ومناحي: حجرله حجرله!!!(بصوة عالٍ)
قال فهد: مافيه أمل نهج هل مره خلنا نتفاهم معهم.
قال خالد: مناحي ابو نفخه!!!(يشر بيديه)خلنا نتفاهم.
قال ابو نفخه: تفاهم عند أمك!!(يلكمه مع وجهه)
قال خالد: الله يقلع شياطينك يا إبن الريح(يغضب ويرفع صوته)
قال فهد:هد نفسك يا خالد تراهم بدو.(يمسك خالد مع جسمه)
قال مناحي: وراه ما نكمل الهوشه برا.
قالوا جميعا : طيب!!
(طلعا برا المطعم جميعاً للهوشه)
قال أبو نفخه: لا الحين تهجون مثل أول الهوشه زين.
قال خالد: ولا انتم تجيبون سكاكين نبي هوشه محترمه.
قال مناحي: (يقرب إلى ابو فلته)أقول يا أبو نفخه ترا أنا آسف جدأ جداً جداً على الي تو خلاص..لو سمحت ما تلفهن معهم يا صديقي أنت.
قال ابو نفخه:اقول شب وركز بالهوشه ولاني أبلفعك خلاص بس شغلي معك بعدين.
قال مناحي:خلاص.
قال فهد: ترا يا خالد ما أبي ابو نفخه خلاص انت الي تهاوشت معه خلاص..انا لي القصير مناحي.
قال خالد: اسكت بس ولا تستهتر بأحد تراهم بدو.
قال فهد: نشوف مين الي يخاف من ثاني.
قال مناحي: بدينا بالهوشه يكفي كلام.
(تبدأ الهوشه بلفع وجلد وتبقيس وتكسير) (أتوا الآباء واندهشوا)
(فوقفوا الهوشه الآباء)
(يتنادمون الأولاد علا ما فعلوا)
قالا ابا البدو: (مسك مناحي وابونفخه وبعدهم عن الأولاد الحظر)(يرفع صوته)فشلتون عند الناس يا صبيان.. هذي سالفه قديمه وراحت الحين البدوي مع الحظري .. وانتم ما تعرفون اصول البدو ..هواش بالشارع.. والله قلت ادب يالله امشوا قدامي قدامي.
قالا مناحي وابو نفخه: سامحنا يا يبه ماقصدنا شي.
قال الأب:تبوني اسامحكم صالحو الأولاد.
قال أبو فهد وخالد: الله يهديكم بس انتم الآن شباب المستقبل ليش الفعل هذا انتم لازم تتعلمون من الخطأ الي حصل اليوم وتتوبون على الي سويتوه.
قال خالد وفهد: سامحني يا يبه حنى ماقصدني شي.وإنشاء الله إننا تبنا من الحين .. ونثبت هذا إننا نتصالح معهم.
قال الأب:هاذولا اولادي الي اعرفهم.
(تصالحا كلا الاسرتين وأصبحا أصدقاء للأبد)
وهكذا إنتهت قصت مغامرات ابونفخه ومناحي بسعادة بينهم ومسامحة بعضهم لبعض..وعاشا حياتاً طيبتاً مدا الأيام..وتعلما مناحي وابو نفخه من الدرس الذي حصل منهم ولم يحصل هناك هوشه أخرى بين البدو والحظر












أرجو ان عجبكم