السلام عليكم ورحمة الله :

أعزائي إليكم هذه القصيدة و التي نقلتها لكم ولكن لا اعرف اسم الشاعر :



تكفا ترى تكفـا تهـز الرجاجيـل
ولولا ضروف الوقـت ماقلـت تكفـا
تكفا يامزيد ما يبـا العلـم تفصيـل
المشكله كبرت علـى عمـاش تكفـا
ماقلت تكفا غير من فتـرة الحيـل
ونته ولد مـن يفعـل الطيـب تكفـا
انخاك من كثر العنـاء والبهاذيـل
الفقر حطمنـي وانـا ازريـت تكفـا
غديت مثل اللي برك ضامه الشيـل
تضحكبي اضعوف الرياجيـل تكفـا
يومٍ لـك وقفـه وجـاه ومداخيـل
مانغتني عـن مثـل شـرواك تكفـا
افزع ترى وقتي غدى كنـه الليـل
والعلـم مايخفـاك يالـقـرم تكـفـا
ماعاد بي شده ولا عاد بـي حيـل
ضدتنـي الايــام والـقـل تكـفـا
اروح وارجع ماحصلي محاصيـل
والرجل بادت يافتـى الجـود تكفـا
واليوم عنـدك يارفيـق المشاكيـل
العـذر ماينفـع وانـا قـول تكـفـا
حيثك من اهل الطيب واهل المفاعيل
يازبن من جالـه ومـن قـال تكفـا
الجيـب فاضـي واليالـي مقابيـل
عجزت اعيش مـع الرياجيـل تكفـا
والراتب المحدود ايـروح تحويـل
مـن الاداره لاهـل الديـن تكـغـا
حتى عيالي ماقـدرت الهـم الكيـل
والازمـه لا جـات صديـت تكفـا
ارجى الفرج والله يجيب التساهيـل
واعيش في راحه مـع النـاس تكفـا
والله كريـم يبـدل الحـال تبديـل
وماقـل دل وصامـل الهـرج تكفـا
تكفا ترى تكفـا تهـز الرجاجيـل
ولولا ضروف الوقـت ماقلـت تكفـا

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي