 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-09-2002
| |||
| |||
 قصيده تجسد معاناة الابن عند تقصيره ... أنقل لكم هذه القصيدة التي تجسد معاناة (الإبن) عند تقصيره في حق (أمّـه)0 وللعلم .......... القصة واقعية تحياتي للجميع عيونك ______________________________ يا يمّـه .. ماانتهي جيتك وطالب منك الغفران أقبـّـل قاعة أقدامك واغسلها بدمعاتي يا يمّـه .. كل مافيني يناديلك أنا ندمان طلبتك؟.. قولي سامحتك وردي لوجهي بسماتي أنا أدري قلبك الطيب كسرته بصدمة النكران غلطت .. وغلطتي هذي تعير كل غلطاتي تشوفي الشيب يا يمّـه ترى ماجا وأنا فرحان وربي إلي رفع ذاتك ونزّل للردى ذاتي فقدت الراحة من بعدك .. فقدت الطيبه والتحنان بدونك .. راحتي غاية بدينك هذي راحاتي أنا بعدك ولا حاجة أنا بعدك ترى عميان أشوف .. ولا أشوف إلي يوريني مساواتي أنا وسيد الشّـقى والهم من بعدك غدينا أخوان يجيب هموم هالعالم .. ويرميها بمتاهاتي صدقتي .. يوم قلتيلي تدين اليوم بس تندان رميتك في بداياتي .. ورموني في نهاياتي أنا من شالك بيده ورماك بأسفل البركان نخيتيني .. وطلبتيني .. ولا حصلتي نخواتي مثل ماهنتي بعيوني .. عليهم قلبي يمّـه هان رموني وضعتهم فزعه .. وأنا الدمعات فزعاتي يا يمّـه لا تظنيني أنا من فعلهم زعلان؟ سواتٍ فيك سويته وسوّو فيني سواتي يا يمّـه .. يالله ظميني ودفيني بهالأحضان أنا أدري فيك مشتاقه .. وهمك بس ملاقاتي يا يمّـه (حيييييييل) ضميني أبي أرتاح أنا تعبان تعبت أهرب من ذنوبي ابيك آخر مسافاتي أبسمع منك أي كلمه .. لصوتك مسمعي ولهان أبسمع (يمّــه) بصوتك أبذكر فيها نشواتي أشوفك ساكته يمّـه ؟!!.. غفيتي ولا أنا غلطان؟ غفيتي يا بعد عمري؟.. تعبتي من مواساتي؟ يا يمّـه طالبك قومي .. إذا لي في عيونك شان أشوف الموت بعيونك .. عساها تخيب هقواتي تعالوا يا بشر شوفوا أنا محتار أنا تلفان أنا أمّي مدري وش فيها أنا مدري أنا أحاتي شنو ؟؟ أمّي أنا ماتت !!! لا لا.. لا ترى غلطان!!! أنا أمّي ما تخليني على حزني ووناتي أنا أمّي قلبها طيب ولا يمكن تبكي إنسان أنا أمّي ما تبكيني .. ولا تتمنى آهاتي يا يمّـه صح ما متي؟ .. وصح الموت تو ماحان؟ إذا متي أنا بعدك أبقضي وين ساعاتي..؟ يا يمّـه قومي يا يمّـه .. وقولي الموت لا ما كان أنا جتيم وأنا ناوي أببدي فيك جناتي تركتيني ومتي ليـه؟؟ تركتيني وأنا غرقان؟ ولا مسموح يا وليدي!! .. ولا تلعنك لعناتي!! أنا الجاني .. وأنا المجني .. وأنا المخطي .. وأنا الندمان وأنا بإيدي رميتك إيه .. وبعثرت أهم ملفاتي وجيت من الهنا مفلس .. وقلبي من الضنا خسران تركتيني على ناري أعدد فيك زلاتي ولاني مرضيٍ ربي .. ولاني تابع الشيطان أنا بعدك ترى مابين نهاياتي وبداياتي يا يمّـه منتهي جيتك وكلي مرتجي غفران وشفت الناس تلعني .. وتحذرني من الآتي..، منقول  شموع
_________________ C:\Documents and Settings\m\My Documents\My |
|
#2
08-10-2002
| ||||
| ||||
 شموع هذه القصيده غايه في الروعه وياليت منها نتعض ونعطي الوالدين حقهم الذي يستحقونه وخصوصآ الأم لانها كوكب من الحنان والعطف واي تصرف لو كان بسيط يحز في نفسها مشكور اختى وماقصرتي ولا تحرمينى من جديدك الرائع كروعتك تحياتي |
|
#3
08-12-2002
| |||
| |||
| العفو اخوي , أنا ماسويت الا الواجب وان شاء الله ماابخل عليكم بشي حلو  شموع
_________________ C:\Documents and Settings\m\My Documents\My |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
