 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
05-08-2009
| ||||
| ||||
 ما الفرق بين اطفال الأجانب وأطفالنا (ياويلكم لو ما تقرون الموضوع كله) >>مسويه معصبه اطفال الأجانب في الصباح حيث يبداء يوم اطفال الاجانب عندما يستيقظ على صوت الكناري اللي بغرفته بعدها يتوجه للحمام يتروش ويفرش اسنانه ويطلع من الحمام تستقبله المربيه بالمنشفه وتصبح عليه يروح يغير ملابسه وياخذ شنطته وينزل لغرفة الطعام ويصبح على امه وابوه واحلىىىى بوسه ياخذها منهم ويفطر ذاك الفطور طبعا عباره عن كورن فليx ابو ديك وبيضه وحده بس!! وكاس عصير وشويت زبده مع العسل على خبزه . بعدين يقوم يغسل فمه ويودع الماما والبابا ويتوجه للسياره يلقى قدامه السواق مبتسم ويفتح له الباب ويوديه لمدرسته الخاصه ورعانا المحترمين ورعانا يقوم الصبح بعد ما يطلع عين اهله ولازم افراد العائله تمر عليه عشان تصحيه وكل واحد وطريقته: الاب:قم جعلك الهزل الأم:قم جعلك الجدري الأخ: والله اذا ما تقوم لافقع وجهك أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسه بعد ما يقوم يمر الحمام على السريع ويغسل وجه وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ انهم ما حطوه؟؟ بعد ما يجي الفطور وهو كالعاده : فول شكشوكه تميس + حليب يبدأ الورع بالأكل وشوي الا وهو حاذف أخوه بعلبة الهندسه؟؟؟ عشانه سحب صحن الفول من عنده وشوي الا وهو مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟ أبوه يتكلم معه يا ورع أركد وافطر وعين خير انت وش بلاك وراك مدرسه يرد الورع عليه: انت ما تشوف سعيدان سارق فسحتي؟؟ < سعيدان اكبر سروق بالبيت >> ابوه على طول يصدق ويصك سعيدان كف صدقي المهم بعد ما يخلص الفلم اليومي يروح الولد للسياره يلقى اخوه فاتح الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه أطفال الناس الاجانب - بعد المدرسه يرجع اطفال الاجانب ويلقى المربيه في استقباله تاخذ الشنطه وتوديها لغرفته بصحبته يغير ملابسه ويغسل وجهه ورجليه ويستريح له ساعه في أنتظار افراد العائله عشان يتغدى وبعد الغداء الرايق يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعه قبل العصر. ورعاااانا المحترمين اما الورع منهم يجي من المدرسه وثوبه قالب لونه بني< تقول جدار مدرسه >> ولا دخل البيت رمى الشنطه بالصاله وفصخ ثوبه ووينك يالشارع < اخوياه يحترونه>> وهاتك ياللعب كوره بذا القايله وعادي الشارع مولع من الحراره وهم عادي مررره ولا كأنه فيه شيء واهله ما يدرون ؟؟ في هذه الأثناء يرسل ابوه كتيبه من اخوانه للبحث عنه ولا لقوه وجابوه للبيت قام يصيح طقوني وسحبوني قدام الناس < والله ما أحد لمسه النصاب>> المهم يحطون الغداء < معروف كبسة لحم غيره ما فيه!! يتغدى الورع الكريم ويصك بعدها لتر لبن بعدها يجلس ساعه فاتح فمه يحتري من يوديه يغسل له يديه!!!!!!!!!؟؟؟؟؟؟؟ أطفال الناس الاجانب - اطفال الاجانب لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما والبابا. بعدها يروح لغرفة الألعاب ويجلس على البلاي ستيشن 2 وخذ لعب لمدة ساعتين تقريبا يعني الى وقت ما بين المغرب والعشاء. بعدها تطلبه امه مع بقية أخوانه عشان يجتمعون ويشربون العصير ويسولفون سواليف ورعاااانا المحترمين يجي وقت العصر وهو نايم < مفعول اللبن >> يقوم قبل المغرب وياخذ دروسه وواجباته < وأقلامه ناسيها في درج الطاوله اللي بالمدرسه>> ويروح عند أخته ويتحايل عليها بكل ما أوتي من قوه على شان تحل له الواجبات واذا قالت لا يا ويلها يا سواد ليلها . بعد كذا أنواع الدجه مع ورعان الحاره ومن هم على شاكلته ما يخلون هندي الا وسرقوا سيكله ولا رجع البيت < على الساعه 11 تقريبا >> تلقى راسه مفلق من جميع الاتجاهات والشرطه تدوره وجارهم مسوي أعلان عليه مطلوب حي أو ميت!! وخذلك عاد < مساكين اهله >> أطفال الناس االاجانب - أطفال الاجانب بعد ما يتعشى ويمسي على اهله يروح لغرفته ويجلس على النت ساعه أو ساعتين الى موعد نومه < الساعه 10 تقريبا >> بعدها يغير ملابسه وتجي المربيه وتحكي له قصه اللين ينام تغطيه وتطفي النور. ورعاااانا المحترمين لا رجع البيت< الساعه 11>> ما يدخل مع الباب لا ينط من فوق السور على شان ابوه ما يمسكه . وعلى طول لغرفته ويسكر الباب ويطفي النور ويطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه مع الناس ومع جارهم ومع الشرطه. وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >> وخبز ويرجع لووووووووووكره ويقفل باب الصندقه > ويتعشى من ذا الجبن والخبز اللين يدوخ > لا وأزيدكم من الشعر بيت ما ينام الا وهو متلطم!!!؟؟؟ < على باله مراقب >> مع حوووووووووووووبي ماني قايلتلكم منقول ولا ولا أفهموها عاااااااااااااااااااااااد
_________________  إن شاء الله يعجبوكي يا حياتي الله لا يحرمني منك ويخلينا لبعض مع حبي : متيمة هواكي  |
|
#2
05-08-2009
| |||
| |||
| رد: ما الفرق بين اطفال الأجانب وأطفالنا (ياويلكم لو ما تقرون الموضوع كله) >>مسويه معصبه خهههههههههههههههههههههههههههههههههه حلوه منك هههههههههههه يسلموووو |
|
#3
05-08-2009
| ||||
| ||||
| رد: ما الفرق بين اطفال الأجانب وأطفالنا (ياويلكم لو ما تقرون الموضوع كله) >>مسويه معصبه يسلمو وربي موضوع في غايه الروعه
_________________   |
|
#4
05-08-2009
| ||||
| ||||
| رد: ما الفرق بين اطفال الأجانب وأطفالنا (ياويلكم لو ما تقرون الموضوع كله) >>مسويه معصبه ههههههههه يازين حياة الاجانب |
|
#5
05-08-2009
| |||
| |||
| رد: ما الفرق بين اطفال الأجانب وأطفالنا (ياويلكم لو ما تقرون الموضوع كله) >>مسويه معصبه خخخخخخخخخخخخخخخخخخخخخ يسلمو
_________________ ~... سبحان الله وبحمدة....سبحان الله العظيم ...~ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| اكتشف ان كنت تحب ام لا ؟ للمحبين فقط | عكار | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 62 | 07-18-2011 02:35 AM |
| انا لازم اعترف بصراحة انا احب وحده بالمنتدى ؟؟؟؟ | الجينيرس | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 44 | 08-01-2009 09:03 AM |
| راديو نجوم اف ام | memo00202 | اشهار مواقع تبادل اعلانات بيع و شراء منتديات | 4 | 03-14-2009 07:33 PM |
| علاج كل الفايروسات حتى ساسر | وطواط | الهكرز و الاختراق حماية فيروسات اختراق كراك hacker crack virus | 13 | 09-05-2008 03:04 PM |
| اف ام ، نجوم إف إم ، nogom fm ، 100.6 ، أسامة منير على نجوم اف ام ، نجوم اف ام 100.6 ، Nogoom FM 10 | مدحت الاباصيرى | اشهار مواقع تبادل اعلانات بيع و شراء منتديات | 1 | 05-22-2008 07:33 AM |
-الدورات
التدريبية بجامعة نجران-
العرض العادي
