سفرة غداء


مــــــــاشاء الله تبـــــــــــــارك الله
السلام عليكم أخواتي الغاليات .........
اليوم كان غدانا مرق بالربيان ورز أبيض ودجاجه محشيه بالفرن وسلطه من ابتكاري وماسويت حلى الا جلي .......حياااااااااااااااااكم




وهذه طريقه مرق الربيان :
بعد ما أغسل الربيان وأنظفه زين ومنقوع بشوي ليمون وخل وبعدين احطه في قدر على النار حتى ينشف من ماءه وبعدين أضيف شوي زيت وبصل وثوم مفروم وزنجبيل طازج وأحركه



وبعدين أضيف البهارات وليمون اسود وفلفل حار وورق غار وعود دارسين وملح واقلبه



وبعدين أضيف طماطم معصوره وأخليه حتى يغلي



وأقطع الخضار (كوسا وقرع وباذنجان وبطاطس ) وممكن أي نوع تحبين



وأضيف الخضار وشوي من الماء ويترك على نار هادئه حتى تنضج الخضار


وهذا صورته بعد ما استوى


الدجاجه :
بعد ما أغسلها أتبلها بالملح والبهارات وأسوي حمسه لها مكونه من ( بصل وفلفل حار وبطاطس مقطع صغار )
وأحطها في كيس الشوي وممكن نضيف في الكيس خضار أنا ما حطيت الا قليل لأن ما أحد عندي ياكل الخضار مشويه الا أنا




السلطه :


يقطع بصل شرائح طويله وتحمس قليلا مع سماق وملح في قليل من الزيت وتوضع أسفل صحن التقديم



يقطع باذنجان وبطاطس قطع صغيره وتقلى بالزيت وتوضع فوق البصل


ويسلق صدر دجاج ويقطع مكعبات صغيرة ويوضع فوق الخضار ونسيت أصور هذي الخطوة

ويخلط ( ملعقتين مايونيز مع علبتين زبادي ) ويضاف على الدجاج ويقلى بطاطس مقطع ويضاف على الوجه



وبالهـــــــــــــــــــــــــ ـــــــــــــــــــــنا والعــــــــــــــــــــــــــ ــــــــــــــافية