دحيم شاب من فتح عيونه على الدنيا وهو كله هم وغم

يوم ولادته كان هو بكر أبوه(مالت عليه وعلى ابوه)ومن فرحة ابو دحيم فيه انهبل وقام يناقز
ومن الفرحة شغل سيارته ومشى ومن الفرحة ماانتبه
وإلا ذيك التريلة وتتوطاه ماامداهم يودونه للمستشفى

يوم يقطعون سره عقب شهر جا ديرتهم طاعون وأخذ نص السكان

يوم يفطمونه فاز النصر على الهلال وطلعه من المربع

يوم دخل أول ابتدائي كان خواله رايحين يتمشون بالجنوب وطبوا بالجمس من طلعة وماتو عن بكرة شغالتهم

يوم دخل اول متوسط كان رجل أمه توه مستانس ومطلع جوال واول فاتورة جته200ألف
وطلعت بالخطأ لكن قالوا تسدد أو بالسجن مع انها خطأ وحطوه بالسجن

ويوم تخرج هذا الشاب المليح من الثانوية بتقدير امتياز
وهو جالس مع امه
وقال بكل نعومة: هييييييييييه ام دحيم تراي تخرجت

وردت أمه بكل حنان ورقة: بشر امك

ورد هو بمنتهى الأدب: تنكتين الحين

وردت بكل ماتحمله ام في هذه الدنيا من عطف وقالت:الله يخلف علي ليتني بركت فوقك يوم جبتك

لم يعلق الشاب دحيم ونظر إلى امه وقال مطول الغداء ودي أنام

آآآآآآآآبو الاحساس عندك

قالت له امه : نم نومة اهل الكهف


ونام هذا الشاب وخرج العصر

وخرج من البيت ونسي ان ياخذ مفتاحة

ويوم سكر الباب ويتذكر ويجلس يصفق الباب بيدينه ورجلينه وإلا الأم مقززة

قال يالله عاد وشلون تبي تسمع ذي من حين السمع دمار من دون ماتشغل فيروز

ام دحيم تشتغل بالبيت وهي تهتز على انغام اغنية فيروز: حبيتك بالصيف***حبيتك بالشتي

يوم أيس الولد ان امه الحبيبه تسمعه
راح للشارع وهو يمشي وإلا يشوف واحد ماسكينه ناس ويجلدون فيه وبمنتهى الشهامة راح ويدافع عن ذا الرجال ويفكهم منهم
يوم هج الرجال ومادرى إلا حول 5 دوريات حوله
طارت عيونه وش السالفة
من دون مايتكلمون يضفونه ومايرده إلا ابو زعبل

وبعد اسبوع وهو مجدوع بالتخشيبه وهو شبه منهار جاه الضابط
ومن دون مايتكلم طراااااااااخ كف
هو: وش السالفة

الكف الثاني يمشي مليون وززززززززززززززززززززززززززز طراااااااااااااخ

ويربطونه ويعلقونه وقالوا وش علاقتك بهذي العصابة

دحيم : أي عصابة ؟؟

الدباسة مستفهمة بجبهته والظابط يصرخ: حركات الاستهبال ماهي عندنا تبي تعترف يعني تعترف

دحيم : ورب الكعبة مااعرف شي عن....

طفاية الدخان بين عيونه
الظابط : قلت لك خل حركات الانكار

دحيم : ياجعلي اموت اني مااعرف شي ويحط اصبعه على رقبته بزعمه خلاص مابعدها شي

الظابط:انت ميت ميت لو ماتعترف

دحيم : طيب وش الموضوع قلي انت

الظابط:انت متعاون مع هذي العصابة وانتم مروجين حبوب

دحيم وبكل ذكاء منقطع النظير : هههههههه مالت عليك طال عمرك

الظابط : !!؟؟؟

دحيم وهو يضحك : ههههههه اثرك دبشة طال عمرك ومسوي لي فيها فاهم

الظابط :؟؟؟؟؟؟؟؟؟؟؟؟؟؟؟؟؟؟؟؟

دحيم بعد ماخلص ضحك : الحين انت مضيق صدرك الحبوب بس امش امش اجيب لك اطلف حبوب والبودرة بعد

الظابط : بعد عندك بودرة وتعترف يامجرم

دحيم : هههههههههه مجرم مانت بعاقل يامحمود عبدالعزيز

الظابط رجفه مع بطنه لما طلع عشاء قبل شهر

دحيم : اححححححح وش فيك يالحبيب بغيت تموتني ياشين مزحك

مواصلا كلامه دحيم :المهم انا اجيب لك اطلق حبوب وبودرة بس عاد الكيرم عليك انا امي واعدتني اذا تخرجت من الجامعة تجيب لي

لحظة هدوء..............اعجبها ضرب من كل جهة انهال على دحيم وبعدها اظلمت الدنيا بعينه

&
&
&
&
&
&
فتح دحيم عيونه وهو بالمستشفى ويمينه عسكري ويساره عسكري
ويجيه الظابط ويقول الحين تبي تعترف وتقول لنا وش السالفة وإلا مايردك إلا المقبرة

انت تبع عصابة المخدرات وكل شي انكشف وانت ساعدت بتهريب المجرم ولكنك طحت بيديننا والحين قدامي توقع وتنتظر محاكمتك

دحيم يوقع وهو مايدري وين ربي حاطه ويحكم عليه 5 سنوات مع الاشغال الشاقة



وبعد خمس سنوات يطلع في يوم مغيم وكله غبار وجو اسوا من كذا جو مايجي

ولالقى سيارة توصله للبيت ويروح يمشي على رجلينه وهو يمشي وهو عطشان وحالته سيئة ويوقف عند مسجد ويجلس يشرب ماء

وجا يبي يطلع وتوقف عنده سيارة مكافحة التسول ويضفونه وتعهد ويقولون انت دايم توقف وتتسول
يحلف لهم ورب الكبة ماهو انا مااحد يسمعه ويرصونه بالتوقيف اسبوع وهم كل يوم جلد وتعذيب

وبعد اسبوع جاه المسؤل قال حنا نبي نطلعك
بس توقع تعهد ان مسكوك ان تتحمل كل شي يجيك

وانك الحين تجيب لنا ولي امرك

حاول يفهمهم انه مقطوع من شجرة وتوه طالع من المستشفى وماله إلاامه
قالوا خل عنك خرابيطكم يالمتسولين

وآخر شي قال واحد مشينا لم بيتكم

ويوم طق الباب وتفتح له بنت صغيرة يوم طارت عيون دحيم قال وين امي
يوم قال الجندي تستهبل انت ووجهك اركب اشوف ويركبونه

ويسلمونه للشرطة وبعدين يقررون انهم يطلقونه بعد مايصدقونه

طلع وراح يمشي بالشوارع مايدري وين بروح

ويلقى ذيك البنت وتشوفه ويشرح له حالها

وتعطف عليه وتسكنه وتعرف حالته وتساعده

وهو نايم وهو بقول : الله اخيرااااا ابتسمت لي الدنيا وعوضني ربي بسنين الحرمان اللي عشتها

وهو جالس كذا مادرى وغلا الشرطة والإسعاف مداهمين المكان ويشيلونه وهو متهمينه باغتيال هذه السيدة

يوم ضاقت فيه الدنيا ويحكم عليه بالسجن المؤبد وهم في طريقهم للسجن مع مجموعة من المساجين

ويداهم السيارة سياراته ويقتلون كل المساجين غلا هو واللي جنبه

وكان اللي جنبه هو زعيم العصابة وقال خلوه هذا نحتاجه وياخذونه ولكن الشرطة تداهمهم
وتحاكمهم كلهم ويحاكمونه بسجن انفرادي مؤبد

ويوم حطوه بزنزانته وفجأة تجيه أغنية

الله اقوى ياضنيني وانا وش بيدي ***كل ماعدلت جانب يميل الثاني

مايدري وش يسوي يوم سمعها ويجلس يصيح

يوم شافوه يصيح ويبلغون الظابط ويكشفون عليه قالوا هذا مجنون

ويشيلونه ويحطونه بمستشفى المجانين

ويوم جوا يدخلونه الباب مادرى غلا امه ترجفه وتقول له وش فيك نايمن على عتبة الباب يالثور قم ادخل داخل

ومن الفرحة يقوم ينقز يوم درى انه حلم ويوم نقز ويضرب راسه بالباب ويجيه شلل نصفي

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه