انصب نصبة ، وعطنا ركبة ، ولاتسوي لنا ربكة ( أحلى النصبات بالدنيا)

للزاحفين والباحثين عن المتعة والراغبين بالعبث في مشاعر الصدق اكسروا عين الصدق
وهاتوا كل ماتجود به نفوسكم من نصب واحتيال لتفوزوا برضا الأعضاء وتكسبوا ودهم




كل واحد منكم الله لا يهينه يعصر مخه لين يطلع لنا نصبة محترمة ( يعني : ينط سر اللي يقراها من زود الضحك) نصبات بنت يهود (يعني: ياقف شعر ابط اللي يقراها من زود القهقهة والوأوأة= هذا نوع من الضحك جديد وأ وأ وأ وأ).





يعني أمتعونا الله يخليكم بالنصب والاحتيال ولا تحرمونا من العرق المصري تكفون.






أببدا معكم بأول نصبة وعساها تعجبكم:

يقولك هذا واحد من الشيبان الأرنوبيين يقول: كنت مسافر لحالي مامعي إلا سبعطعش نفر، في عز الحر والشمس ساطعة والليل باردٌ والعصافير تكاكي وأنا في طريقي مع ربعي العشر( ما سرع تغيروا) المهم يقول: ذبحنا الحر ، وكنا من البارح سهرانين ، وكل واحد منا عيونه تقل صحن شاورما من زود السهر( وشلون لو كانوا مصحصحين) ورحنا فيها من الحر والسهر، ندور ظل ننام تحته ما لقينا شي نتظلل فيه ، قلت أنا( والكلام للشايب) ما بدهاش بأه ، أبشذ عن ربعي وأدور لي ظل يكفيني ، راح النهار كله وأنا أدور وبعد دقيقة وربع وألقى ذاك النهر اللي ودك تبطح عنده ، والسفن والعالم كل لاهي بنفسه ، قلت : ما دام إني لحالي هالحين ، وش رايك أنام لكني فكرت وشلون أنام ولا فيه ظل يوقيني ، ما دريت إلا لمبة ولعت فوق راسي ، والله وأمسكها قبل ماتطيح على راسي ، والله ياأنا استغربت وشلون مشتعلة بدون كبريت، بعدين عرفت إن اللمبة يعنني فكرة جتني ، وأناظر وسط اللمبة إلا الفكرة مكتوبة بخط الرقعة اللي ماأعرف فيه شي وتمر بجنبي سفينة ، وأوقفها ولا هذا القبطان نامق ، فاتل الشنبات ويدور على لينا ، سألني : ماشفت لينا يالأخو ؟ قلت : ماشفتها يابن الناس لكن أبي منك خدمة. قاللي :تئبرني أنت تأمر تمر( أمر) ومير يقول بيديه كذا ويقول : إلك إلك ، والله وأصفقه كف على خده لين صار الشنب سكسوكة من قو الضربة ومير يتعدل وينضبط هرجه وعرف إن الله حق
عاد قلتله يابن الذين وش تبي بلينا حرام عليك بنت زي الحلا وش تبي فيها ؟!!
رد وهو يتنافض : والله مالقيت بنت أرقمها قلت مالي إلا هالبنت هذي اللي مضيعة جدها.
وأرد عليه : بلاك ماقريت موضوع( آصف) وإلا كان عرفت وشلون تشبك سميرة.
خلاصة الكلام : سألت الرجال وش ذا المكتوب داخل اللمبة والله ماقصر قام يفرك الشنبات ويمسح السكسوكة ، وقرا لي المكتوب.
شكرته كثير وودعته يوم قفا وأنا أعطيه شلوط لين ارتفع على كتف السفينة وهو يرسل لي بوسة هوائية لصقت بعلباي ، الله يقرفه.

والله وأطبق الفكرة وأجي عند النهر وأرفعه شوي وأغز تحته عود وأنام تحته لين بردت الشمس .


هذي مشاركتي وأتمنى أن تشاركونا بنصبة تسد عين الشمس

يالله وينكم