وش الفرق بيننا وبيت الجن ... يمكن بناتنا احلى منهم ... فن العيارة


مقــــــــــــــــــدمة

قبل ما ابدا بالسالفه لازم تعرفون وشو الربع الخالي انا عارف الحين ان مخترش الجحور والمتلحوس وعمر ابور اس والمقرقع باشا وغيرهم من اذكياء الاقلاع قاعدين يقولون وش ذاللي جايب لنا جماعتهم علشان يسولف عنهم واحب اقولهم هذا ماهوب خالي يعني اخو ابوي(على باله فاهم) لا .. هذي منطقة كلها رمل واطعوس وضبان وجرابيع وماجنبها الا عمان واليمن ونجران (وعليكم الباقي)


تحذيـــــــــــــــــر




الموضوع يمكن يصير طويل اشوي (انا وقريحتي)<<< الله من زين القريحة (يحسب القريحة هي القلم J)
لذا ننصح بالتالي:
1-جب ترمز الشاهي
2-افصل الاتصال <<<احلى امريكي 3-رح للي انت خابر لان الدعوة فيها جن وافلام رعب 4-جب فيشار وسفن اب<<<<< الاخ بيدخل سينما
5-استمتع كما لم تستمتع من قبل


البدايـــــــــــــــــــة



البدايـــــــــــــــــــة
الله يسلمكم شريت لي جيب ورحت للغرابي حطيته عند ذاك المحل وقلت جهزه لي لرحلة لمدة شهر للربع الخالي
رجعت بعد اسبوع لقيته الله يسلمكم ماسوى أي شيء وماغير حاط خرقة بيضاء بالغمارة (قفلت معاي)
انا : خير ان شاء الله ماشوفك جهزت الجيب
راعي المحل : بالعكس جهزته لك ووفرت لك اقروشك
انا : ورني اشوف وش سويت ؟
راعي المحل : شف يالغالي وجهك ماهوب وجه بر ….. اطعوس الثمامة وتخب عليك لا ولاتروح لها الا مع محرم يومين يالغالي بالربع الخالي ثم لف روحك بهالخرقة البيضاء(كفن) اللي انا حطيت لك وادفن روحك باقرب جفرة وترى موتك ماهوب احسافة لانك بعد مليون سنة بتصير بترول
صراحة اخذتني العزة بالاثم وقلت افاااااا وانا اخو ميّادة <<< ويقول راعي بر …. والله لاثبت لهالجنط اني طير بر واطلق من كل زباينة والله لايعوق بشر رايح رايح للربع الخالي


الاستعداد للرحـــــــلة



اعتمدت على نفسي (احلى يالطير) وجهزت السيارة ورحت للاحوال وغيرت اسمي من سمير الى شدّاد وحطيت عشر توانك بنزين وخمس توانك ماء وماخذت غيرهن شيء لانه مابقي محل واخذت سكين قوية مثل حقة رامبو (نعنبوا الخكاريا اذا تمرجلوا) واخذت معي كريمات حقت الشمس وسروال سنة <<مادري وشو له يمكن عشان ادعم احساسي اني رجل …. وكتب عن البر وصورة عقرب وداب وضب ونعامة (وسائل ايضاح)
توكلت على الله ورحت للبسامي حقين النقل وشالوني انا وسيارتي وحطونا على حدود الربع الخالي (شكل راعي المحل مزدي فيك) الزول نزل سيارتي من سيارة الشحن واذكر اخر كلمة قالها (الله لايحللة) اذا عندك استراحة عطني مفتاحها علشان انتبه لاغراضك - مادري وش يقصد-.


انطلاق الرحـــــــلة



انطلقت الرحلة وقررت اني اقطع الربع الخالي من شرورة الى البحر العربي في قرية ابو مزيد اليمنية
مشيت بالجيب وجاء الليل وانا امشي وخبر جدتي تقول لي ان كل اللي بالربع الخالي متجنسين <<< يعني بهم جن ،،، الجرابيع والضبان حتى الجن بهم جن
كان معي كتاب التعايش في الصحراء وقررت اني اوقف وآكل اجعولة وخنافس (معه اكل بس مسوي نفسة بطران) المهم اني لبقت الجيب ونزلت واول شيء ابسوية ابشب ضو (نار للخكارية) وشلووووووون؟؟ خبري بهم بالافلام يجيبون قطعة خشب ويفركونها الين اتولع وادور لي ذيك الخشبة وابدا ابرم وابرم وابرم الين احولت اعيون والله لانار شبت ولاحرارة ولعت والله ماغير اشتبت ايديني من الفرك وارميها على جنب وجيب كبريت واشب الضو واريح بالي ….
وانا جالس كان فيه جربوع ماسك(ن) ايد ضب وقاد ينغزة مع كتفة ويشر علي ويضحكون !!! مادري ليه !
في اعماق الارض
جلست اتامل واترقب وانتفض وماغير جالس احتري جني ينط بي
يوم بدا النوم يداعب خشتي والله واحس الارض تتحرك تحتي … وجع وش ذا؟؟؟؟؟اجي ابقوم عجزت اتحرك لان رجليني غاص(ن) بالارض والجيب وعدتي كلها تغيص معي !!!
وابدا اتشهد وانتظر مصيري المحتوم ومادري ليش جاء في بالي اللي في المحل راعي الخرقة البيضاء وانا اقول بيني وبين نفسي ايه اشوى على الاقل مامت بالطريقة اللي قال لي <<< خكري مابه فايده
المهم اغمي علي ودخت (اول مرة واحد يغمى عليه وايدوخ) مادري كم راح من الوقت وانتبه :eek: :eek: :eek:
المس روحي واقبصني هو صحيح انا حي !!! بس وين انا فيه؟؟ الدنيا هنا غير شكل :eek:
اشوي وادخلت علي وحدة (بسم الله الرحمن الرحيم) لها عين وحده في جبهتها وجسمها كله شعر ولها سبع ايدين وثلاث رجلين انا انهبلت فقلت لها من انتي ؟؟؟؟؟ قالت لي: انا جنية حياك يابني بيتك ومطرحك (قلت بيني وبين نفسي لاومصرية بعد ماسدك انك جنية ) قلت لها : وين انا وش السالفة ؟؟ قالت لاتخاف انت في جن استان على طول جاء في بالي (ولد الجن ) قلت زيييين الحين جاء وقتك ياولد الجن مو غاثني طول عمرك في الاقلاع اغديك تنفعنا اليوم … قلت لها : تراني اعرف ولد الجن زميلي في الاقلاع قامت وحطت يدها على فمي وقالت اصصصصص لا احد يسمعك هذا ولد داشر وحنا طاردينه عند جن الثقبة لايدرون انك تعرفة ترى يسوون لك مشكلة … قلت لها ابد ماعرفه حتى ما ارد على موضوعة <<<< نعنبوا النذالة


جولة في مدينة الجن



قالت لي الجنية ماعليك ولاتخاف وانت في حمايتي انا من اكبار الجن وابوي سفير في شيطان ستان (حتى هم عندهم الواسطات) طلعت انا واياها قالت اول شيء اكيد انت جوعان خلينا نوديك تاكل شيء في المطعم
دخلنا المطعم واشوي وجاينا ذاك الجني اللي لابس وزرة وريحته قات قال : هيّا اطلبوا ايش تشتهون تاكلون (ضحكت انا قلت ياحليلة جني ويماني )
قلت له وش عندك؟

قال عندنا مندي ضبان مندي ، جرابيع مشوية جراد مقلي صقنقور على الطريقة الصينية ومندي اقطاوة وامفطح اتسلابة (كلب) وعقارب محشية وديبان اسباغيتي Jقلت له ابي جراد مقلي ..قال مايخالف بس تراه غالي لانه هو ربياننا
تغدينا وطلعنا انكمل جولتنا قلت لها ودي اشوف معارض سياراتكم يالجن قالت مايخالف المهم رحنا ولبقنا واول ماوقفنا جانا جني راسة كله زيت ورجلينه سود واثيابه وصخة وقف عندي وقال غسيل سيارة صديق (جني هندي)J دخلنا للمعارض الاّ والله جيبي يحرجون عليه !!! ياولد هذا جيبي !!! وقفوا لاتحرجون …طالعني اللي يحرج وقال : ابك انت وش علامك ؟؟ روح وراك لا انط فيك هذا ابك حقنا جايبينه من اعمان ….. اعمان وانط فيك قلت يالله السلامة وبستين داهيه الجيب بكرا بابا يشتري لي موستنج تفاحي
وقالت لي اللي معي اذا اتعرف احد بالمرور والا ايخلف الله عليك
يوم طلعنا عورني بطني قلت لها تكفين ابي مستشفى قالت مايخالف
دخلنا المستشفى قال لي راعي المستشفى يابني مافيش سراير للجن نؤوم نحطك انت يالانسي يابني روح العب بعيد … القهر وهو يقول لي دخل جني سوداني وجني هندي وجني مصري وجني باكستاني وكلهم ادخلوا ولقوا لهم سراير …التفتت على الجنية اللي معي ….. قالت ماعليش حنا يالجن السعوديين مضطهدين في مستشفياتنا والله يعين مخباتك والا دور واسطة علشان تدخل
قلت امحق جن حتى انتم مثلنا اقول رجعوني للربع الخالي اصرف لي ترى الضبان والجرابيع احسن منكم قالت لي هو ادخول الجن زي اخروجة !!!! اذا تبي تطلع لازم تحل اللغز اللي باقول لك قلت عطينا اشوف … قالت :
7
7
7
7
7
وشي اللي بطاطها بحوض غيرها .. ولاتقول النخلة والا بانط فيك
7
7
7
7
7
7
ـ…………… :eek:
قالت صحححححححح قسم بالله انك بطران قم اركب مو اوديك للربع الخالي اوديك لاي مكان تبيه
قلت لها : طبعا عم باشرب بيبسي الليمووووووووووون <<<الواوات كثيرة هنا J

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه