تــهددني بتتركني

تــهددني بتتركني توّكل ما أبي طــاريك
تــراني عفت اسلوبك وعفتك قبل اسلــوبك

انــا ماني بتابع لك وكل همه يجي يــرضيك
أنــا سيد لأسيادك وفارس رغم عــذروبك

تــراني يوم أقوول آسف تحسبني بعد أبغيـك
تمــهل واسمع الباقي وخل الناس يدرو بـك

إذا كـان الوفا في الحب تجرحني وذا يرضيك
دخيلك ظف لي وجهك تـرى قلبي مهو بصوبـك

أنـا لا جبت طاري الحب نطق قلبي وهو شاريك
حـرام الّـي تسـوينه أنا ثوبي مهو بثوــبك

أقابل حبك الجافي بحب(ن) صادق(ن) يرويك
أشوف الزيف في ضحكك وأجامل واستر اعيوبك

تحملت الخطأ منك كتمته ما أبي أشـقيــك
صـبرت وقلت يتغيّر معا الأيام محســوبك

عطيتك قلبي الغالي رجع لي باكي(ن) يشكيك
يقول أوفيت انا وياه ... طعني ...صار يلهوبك

خذيت القلب ظمدته ....صرخت ...علّتي هي فيك
تشوف الناس تجرحنا وتسمح من لفا صوبك

أبــيك اتوب يــا قلبي تــرا هالحب هو يفنيــك
أبيك اتـوب من عالم تخادع تروي إذنوبــك

كفايـــه ما تحملنا ..كــفايه دمعتي تكفـــيك
كــفايه من مآسينا ...كفايـه غير ادروبــك

كــفايه لا تعــذبني ...كفايــه ما بها تشكــيك
كـفايه صادقه مني ولك انسان يسمو بـك

كثـــير الّــي تمنوني أكابر واعلن التفكــيك
أقول .. ( القلب ) ..هو غالي ولا انته قد مطلوبك

حسافه عشرتي ويّاك ..حسافه كنت في ماضيك
حسافه بختم الأبيات ..وبفرح لحظة إغروبك..."

منقول

تسلم يمينك على ماخطت
وصح لسان شاعرها
ابيات رائعه نالت كل الاعجاب
الى الامام دائما
وبانتظار جديدك
شكرا لك

المشاركة الأصلية كتبت بواسطة الشاعر مساير تسلم يمينك على ماخطت وصح لسان شاعرها ابيات رائعه نالت كل الاعجاب الى الامام دائما وبانتظار جديدك شكرا لك

المشاركة الأصلية كتبت بواسطة عطرها أخلاقها صح لسانك وعلا شانك قصيده في قمه الروعه