 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#6
06-05-2009
| ||||
| ||||
 رد: رواية ياظالم لك اليوم وبكرة عليك...رواية تجننن مشكوووووور والله يعطيك الف عافيه
_________________ ( لا إله إلا أنت سبحانك إني كنت من الظالمين ).  |
|
#7
06-05-2009
| ||||
| ||||
| رد: رواية ياظالم لك اليوم وبكرة عليك...رواية تجننن الله يعطيك العافيه الله لا يحرمنا منك
_________________ عدنا لكم والعود أحمد باذن الله .. .. ارق تحية لارواحكم الزكية .. .. خالص الاحترام والتقدير لكل من اتحفني بترحيبه ولايهونون الجميع .. ..  |
|
#8
06-12-2009
| |||
| |||
 : رواية ياظالم لك اليوم وبكرة عليك...رواية تجننن عائلة أم سلطان أم سلطان تزوجها ابوخالد بعد ام خالد وهي الزوجة الثانية تزوجها ابوخالد لان ام خالد تأخرت بالانجاب ثم انجبت ام سلطان ثم بعد بذلك بسنوات أنجبت ام خالد.. نبدأ بتعريف أولاد ام سلطان الزوجه الثانيه لأبو خالد: سلطان:الولد الاكبر عمره26سنة يعمل في دائرة حكومية ..طيب القلب لأبعد الحدود ومجد في عمله.. يارا:البنت الكبرى عمرها 20سنة تدرس في رابع جامعة قسم أحياء شخصيتها قوية ملامحها حادة وتدل على رجاحة العقل والثقل . أسيل:البنت الصغرى عمرها17عام قريبة من عمر نور .ملامحها طفولية وتشبه نور بس نور أحلى منها وأسيل اشطر من نور ................ في يوم من الايام بعد أسابيع من هذه الحادثة.. يوم الاربعاء.......... نور وهي تقلب بالريموت بين القنوات :ياللله ..ملللللل ..كل الأعادة تطلع..الحين يمه.... أم خالد:ها بغيتي شي نوري؟؟ نور:ماما أناأقول وش رايك نروح للبر نخيم أحنا والأهل من زمااااان ماطلعنا مع بعض أم خالدوهي تفكر:أممممممم ماأدري أنا ماعندي مانع بس أسألي أبوك... نور:والله موافقه الله أجل مروح .. أم خالد:بس أسألي أبوك.. نور:عاد أبوي بكلمه وحده يوافق <كان أبو نور مايرفض لها طلب عكس أسيل>بروح أعلم بنت عمي وعمتي......وراحت وهي فرحااااااانه سنا:ثكرا ماما ..<شكرا>>>ياناس والله أحبها كتكوته....... .................................................. ............. أعرفكم على بيت عمهم أبو طلال: أبوطلال : يمتلك صفات الجديه والدهاء الشديد والدقه اللازم لعمله أم طلال :كاتبه مشهوره ومثقفه تكتب في عدد من المجلات المشهوره طلال........عمره18في ثالث ثانوي ملامحه عاديه مستواه الدراسي ممتاز و يمتلك صفات أبوه القيادية والشخصية القوية والذكاء العالي الذي يصل لمرحله العبقرية سدرا.....عمرها19الكل يعرفها بجمالها الرباني وجهها دائري أبيض عيونها زيتونيه أكيد هي وولد عمها خالد طالعين لجدتهم أم أبوهم السورية وما أحد يقاربها بجمالها الا ولد عمها خالدمغروره بجمالها وما يعجبها أي شي ............... سدرا وهي تتصفح مجلةسيدتي رن موبايلها... سدرا :آلووو.. نور:هااااي سدرا أنا نور.. سدرا:هاااي نور كيفك حبيبتي .. نور: بخير وش تسوين ؟ سدرا : أبدا حبيبتي ما أسوي شي ..جالسه أقرء مجلة سيدتي...بغيتي شي؟؟ نور : أبد سلامتك .... عندي لك خبر.. بكره رح تروحون معنا للبر.. سدرا : عن جد ..معقول؟.. كتير حلو حبيبتي .. نور : أقول ترىالسوري ما يصحلك أبدا.. سدرا : حبيبتي ليه ما يصلحلي بس هالمره رح أعديها بس ثاني مره رح أزعل .. نور :أقول بس لا يكثرلايكثر روحي قولي لأمك وردي بسرررررررررررعه .. سدرا :أوكي أكلتيني يلاباي.. نور:وععععع بااااي.. سدرا:أنت الوع يلا بس باااااي يا..وما كملت كلامها حتى سمعت طوط طوط طوط طوط طوط>>أزين علشان في بعض الناس ما ينعطون وجه... .................................................. ... نور وهي ترتب الملابس دخل خالد........... خالد:هااي نور مع مين تتكلمين ..وليش....ومتى....وكيف<<<<مسوي نفسه بريءكان يسمع كل شي من أول المكالمه لأخرها.. نور: اللللله كم سؤال واحد واحد.. خالد:هههاه... لابس رح يجو كل عائلة بيت عمي؟؟؟؟؟ نور:ماشاءالله وانت من متى كنت تحبهم وتهتم بجيتهم؟؟؟؟؟ خالد:ها.....لا بس سؤال علشان أعرف مين رح يجي معنا.. نور:رح يجون كلهم ماعدا..........وسكتت وهي ترتب الملابس خالد:ماعدا مين؟؟؟ نور :ماعدا الشغاله.. خالد:ياشينك بس أقول خليني أروح عندأمي أحسن منك.. نور:ايه أهم شي تطمنت أنو حبيبة القلب رح تجي........... خالد:وش قلتي ...مسك الملابس ورماهم على الأرض وبعثرهم........... نور:يا زقققققققققق....والله رح أخلي سدرا تكرهك وتكره الأرض الي تمشي عليها.. خالد:لا...إلا ما تزعلي ياسدورا...أوه أقصد يا نوير زعلك مو سهل علي........ نور:‘إيه كذا زين...خلك مؤدب علشان ............ ورتب الملابس علشان حبيبة القلب والرووووووح وطلع ............ .................................................. .......................... نور:بتصل على أسيل وأعلمها علشان تروح معنا بس إنشاالله أبوي يوافق.. وتصلت على الثابت...... نور:ألووووووومين يارا..السلام عليكم.. يارا:وعلسكم السلام والأمان.... وش أخبارك؟؟ نور:والله بخير وأنت؟ يارا:بخيير... وش عندك متصله غريبه!! نور:ما غريب إلا الشيطان وين أسيل؟ يارا:هذه جت............وعطت السماعه لأسيل أسيل:هلا وغلا بأغلا أخت .............<على فكره العلاقه بين أسيل ونور قويه مره كأنهم خوات بنفس البيت>......... نور:هلا والله وش عندك رااااايقه.. أسيل:أكيد علشان سمعت صوتك.. نور:شكراا ..عندي لك خبر حلو.. أسيل:ها وشو فرحتيني.. نور:بروح بكره للبر علشان نخيم .. أسيل:طيب وشو المطلوب.. نور:بلا دلاخه علشان تروحون معنا.. أسيل:.................................... نور:أسيل وش فيك؟؟ أسيل:....................................<حست أنها رح تبكي بس مسكت نفسها> نور:ألوووو أسيل معي .. أسيل انبح صوتها:إيه معك.......... نورحست بأسيل:طيب وافقتي.... أسيل:........نورأنت تعرفين أبوي ما رح يوافق.. نور:يوه علشان أبوي خلاص عادي أنا أكلمه.. أسيل:.........................<ما تبي تقولها أنها ماتحب تروح مع أمهالنور> نور:خلاص مالك عذر رح تروحي معنا.. أسيل:خلاص لاتغصبني مأبي أروح.......... نور:مارح أتركك لما تعلميني وش يظايقك من الروحه معنا.. أسيل:..................................... نور:تكلمي عادي أنا أختك والله رح أساعدك مهما كان الأمر صعب.. أسيل:الصراحه ما أرتاح مع بنات خالتك ....<طبعا ما قالت من أمك> نور:ليش؟؟؟؟ أسيل:أحس أني جالسه زياده معهم تتذكرين يوم رحنا معاكم للأستراحه شفتي كيف كانو يعاملوني وحتى سلام وإذا سولفو ولا كأني موجوده...................... نور:يوه خلاص أصلا بيت خالتي مارح يجوا...إرتحتي.. أسيل:بس....ماأدري .. نور:خلاااااااص والله رح أخليك تنبسطين يلاااا علشاني علشان خاطري أسيل حست أنو نور تحبها من قلبهاوعلشانهاقالت:خلاص أبشرك واااااااافقت.>>وأخيرا نور:خلاص بكره بعد الفجر.. أسيل:أوكيه يلا باااي.. نور:بااااااااي.. .................................................. ................ نزلت نور عند أمها شافت أبوها جالس راحت تسلم عليه أبوخالد:هلا والله بأحلا البنات.. نور:هلا بأغلا اب .. بابا عندي طلب بسيط أتمنى ماترده.. أبوخالد:يووه امري تدللي كم عندنا من نور.. خالد : تبغاني أقوم أعد كم في البيت ؟تراهم كثير في الصاله وفي المطبخ واهم شي في الحمام موجودين وبكثره ولله الحمد..>>>طبعا ما يقدر بدون ثقاله الدم نور :بايخة .وترى دمك ما يعرف وين خفة الدم تصير ...والتفت على أبوها وهي تبتسم :شكرا يا ااحلى اب ..الطلب هو اني ابغى اسيل ويارا وسلطان وخالتي يروحون معنا.. ابو خالدعصب:نور ..كم مرة قلتلك لاتجيبين طاريهم هنا .. ام خالد عطت نور نظرة حااااااااااارقة بالفلفل وخالد قاعد يطالع نور وكاتم ضحته نور ماردت على امها وكملت نور :بابا..بابا..بابا..أرجووووك أبتي بس هذي المرة.. خالد:احلى يالعربية .. ام خالد:خااالد.. ابو خالد:طيب بس علشانك رح أوافق علشان ماتروحي وأنتي زعلانه... طبعا أم خالد مو موافقه بس مالها كلمه بعد كلمة أبوخالد .. وخالد ميت غيرة وحسد لان ابوه يحب نور اكثر منه.. وقامت نور لغرفتها علشان تكمل ترتيب الأغراض.. .................................................. ....................................... في بيت أم سلطان كانت أسيل تكلم صديقتهارنا: أسيل:رح نروح بكرا للبر وأنتو وين رح تروحو؟ رنا:أمممممم ماأدري .........ولا جتني فكره نروح معاكم للبر .. أسيل:....<توهقت لأنها ماتقدر تجيبها معها للبر ومارح تـقدر تقوللألاتجون معنا>.....وماأمدها ترد إلا رنا تقول:خلاص يلا بروح أقول لأهلي يلاباااااي أشوفك بكره بالبر>>>تمون بزيادة أسيل تمنت أنها ماإتصلت عليهاوتورطت:يلا باااااي... وسكرت وهي خايفه حاسه إنها مسويه ذنب قالت بنفسها:مالي إلا نور تساعدني من هالورطه وتصلت عليها: أسيل:هلا نور وش تسوين نورخافت من إتصال أسيل إنها ماوافقت:هلا وش عندك متصله؟ أسيل:نور رنا الي معنا بمدرسه رح قالت إنها رح تجي معي بكره للبر.. نور:أممممم أسمعي .............سكتت شوي وهي تفكر بعدين قالت:خلاص لقيتها أقول أنوأنا الي دعيتهاللبر .. أسيل:والله جبتيها يا أم الأفكار.. نور:شفتي أذكى مني.. أسيل:أقول لايكبر راسك يلا أخليك تتجهزين.. نور:أوكيه بااااااي.. أسيل:بااااااااااي.. طبعا أعرفكم على رنا.....<رنا صديقة أسيل ونورأحيانا لكنها دائما مع أسيل لأنها بنفس فصلها أمانور فهي في فصل اخر ولذالك فهي زميله لنور فقط بالمدرسه >حالتهم الماديه ممتازه ملامحها جمييييله جدااا وبريئه وجهها أبيض عيونها بنيه كحيله والكل يعرف جمالها لكنها مروحه برائتها بعربجيتها الزائده....عندها إختين أصغر منهاجميله...عمرها15ملامحها حلوه لكن مو مثل اختها رنا نعوووومه مررررره ..روان......عمرها12حلوه ودلوعه لأنها أصغر وحده بينهم ...وأخوها بندرأكبر واحد فيهم عمره 27اجتماعي وذكي نوعا ما ... .................................................. ......... ومضت الليله على خير وجا بكره عند الفجر ..... الجزء الثاني ومضت الليله على خير وجا بكره عند الفجر واستيقظت كل عائلة ترتب وتجهز عائلة ام سلطان وابوخالد وابو طلال وعائلة صديقة اسيل جاية على انها صديقة لنور طبعا بعد ماتواعدوا وكل شي.. ......................... ركبت كل عائلة بسيارتهم وركبت عائلة ام سلطان وابوخالد بنفس السيارة نور واسيل طول الوقت قاعدين يسولفون وخالد وسلطان كانوا يتكلمون من وقت لآخروسنا عند أمها جالسه.. بس أم خالد ماعطت وجه لأم سلطان ويارا انقهرت كثير منهالأنها كانت طول الوقت تسولف مع ابوخالد..كانت أسيل بتسوي شي لكن لأن أبوها يالله وافق تروح فما حبت تزعجه ......ووصلوا بعد ساااااعة من المشي ... ............................................ الحريم يسلمون على بعض والبنات يسلموا على بعض ..نور قالت لامها عن صديقتها رنا <صديقة اسيل ونور>وسلمت عليها وعلى أمها ......ثم عرفت رنا اسيل ونوروسنا ويارا وسدرا على اخواتها روان وجميلة ثم عرفت نور رنا على البنات ......................... سدرا:أهلا فيكي ....شكلك طيوبة مرررة ... رنا : انتبهي لاتسيحين... سدرا انفعلت شوي: نعم؟ نور: هههههها...لاتردين عليها هاذي أحيانا تهستر>>والله دائما.. اسيل : خلاص يابنات هدووء ..احنا صديقات وش رايكم نروح نتمشى ونتعارف.. .................................................. ............... نروح عند الرجال دخلو وسلمو على بعض وجلسو سلطان وخالد وطلال وبندر مع بعض يسولفو بعد التعارف.. خالد:وين تشتغل يا بندر؟ بندر:والله أشتغل موظف إستقبال بمستشفى<...........>وأنت؟ خالد:أنا أدرس بجامعه.. بندر:حلو شكلك شاطر ...أي قسم داخل؟ خالد:ههه عاد إلا شاطر ماتناسبلي جالس أدفش الدراسه تدفيش .. الكل:ههههههه بندر:طيب ما قلت وش داخل أي قسم؟ خالد:علم إجتماع.. بندر:أحلا يا دكتور إجتماع.. خالد:لا مادخلت على كيفي علشان النسبه مايصلح لها إلا هذا القسم.. الكل:هههههه... بندر:وأنت ياطلال في اي سنة تدرس طلال:أدرس في ثالث ثاانوي بندر:زين...وأنت يا سلطان.. سلطان:أشتغل بدائره حكوميه.. وكملو سواليف وتعارف وطول الوقت مستلم خالد السواليف أو طلال علشان ما يتكلم سلطان .................................................. ........................ نروح عند البنات بعد التعارف والسواليف طفشو..... نور:وش نسوي ......مللل يارا: وش رايكم نركب دبابات.. الكل:اللللله ..فكرة حلوة.. نور:هيه الدبابات بعيدة اذا رحنا يمكن اهلنا يخافوا علينا .. روان:لا لا احنا معانا جوالاتنا.. سنا:لا أنا أهاف لاتلوهو<أنا اخاف لا تروحوا> أسيل:طيب حبيبتي سنا روحي لماما والعبي بلاي ستيشن معها.. سنا:طيب أنا لايهة >انا رايحة< نور: يلا بنات بسرعة.. الكل: يللا امشوا ... وقاموا الكل يركضون بسرعة وحجزوا دبابات رنا: بنات وش رايكم نتسابق لمن ذيك الشجرة الكبيرة الكل: يلا فينا.. رنا :1..2..3اكشنننننننننن.. وبدأ الجميع بالسباق .. نور تعرف تسوق نص ونص ..رنا عربجيه تعرف تسوق بمهاره ......جميله وروان عندهم خبره بس نعومتهم ما خلتهم يفوزون.....سدرا تمشي بمياااااااااعة تمشي على بيض والبنات ميتين عليها ضحك لان الدباب كل ماطلع صوت تصارخ وتقول ياييييييي .. أما يارا وأسيل المساكين لأنهم أول مرة يركبون رايحين فيها ..طبعا اللي فاز ..رنااااا.. رنا:صفقوا لي بقووووووة..... الكل صفق بقوة وهم يقولون: رنا..رنا... سدرا:الصراحه يا رنا مافوزك إلا عربجيتك.. رنا:لاوالله مهارتي لي ثلاثة شهورأتدرب عليه .. أسيل:ليش داخله دورة تعليم قيادة دبابات؟؟ رنا:ههههه لا بس غثيت أخوي كل يوم علمني ودربني.. أسيل:الصراحه أنتي خطيره ....طيب أخوك مامل منك ثلاث شهور يعلمك؟ رنابعربجيه:لا كل شي ياخذ عليه إجره حتى إذا علمني كيف أحط رجلي على الدباب يبي فلوس.. الكل صار يضحك على عربجية رنا:هههههههههه روان:هابنات وش نسوي؟؟ جميلة : أقول وش رايكم نستكشف المكان.. أسيل:اخيرا تكلمتي.. جميلة: ليش وش شايفتني خرسا..اي وش رايكم نور:والله فكرة حلوة.. رنا :وش رايكم كل بنتين مع بعض هاذي المرة ..بس انامع أسيل يارا:طيب وانا مع سدرا .. نور :وأنا مع روان وجميلة.. وتفرقوا كل اثنتين في مكان.. .................................................. ........ نروح عند أسيل ورنا غارقين بالسواليف: رنا:والله أختك نور هذي طيبة مرة ما كنت أعرفها كذا بمدرسه>>طبعا لأنها بس تسلم في المدرسه عليها ونادرا ما تسولف معهاإلا إذا بتسألها عن أسيل ليش غايبه.. اسيل:اي والله طيبة بس المشكلة امها..................سكتت ولفت بسرعه على ورى رنا تتلفت :اسيل في شي.... أسيل :لا بس كأني لمحت خيال شخص من بعيد.. رنا :أقول بلا خيالات بس... أسيل تتلفت وفجأة رأته مرة أخرى صرخت بقوة :رنا هذا هو هذا شوفيه .. رنا: طيب وجع فقعتي أذني شوي شوي امشي بس نرجع علشان مانتورط .. رنا وأسيل بسرعة ركضوا باتجاه الخيمة ......طبعا ماكان في أحد بالخيمة الا الحريم أم رنا : وش فيك رنا ..ليش تلهثين ؟ رنا :هههها ماألهث..كنا نلعب وتعبنا..والله الركض يتعب .. أم رنا:طيب حبيبتي إستريحي شوي... رنا:حاضر يمه وبعد شوي تجمعو البنات كلهم وكل وحده تحكي عن مغامرتها وإستكشافتها........... رنا:من يوم ماشفناه ركضنا أناوأسيل سدرا:والله هو المفروض يركض لما يشوف عربجتك رنا:والله لوإنك شفتيه طحتي في الأرض من الخوف سدرا:ياااي بسم الله علي خوفتيني جميله:شفنا شباااااب كثيرين مخيمين جنبنا نور:ومولعين الأغاني على أعلى شي روان بحماس:ما يستحون قليلين أدب الكل ضحك على برائة روان:هههههه وكملو سواليف لساعه 12بالليل وجا وقت النوم راح كل إثنين مع بعض في جهة رناوأسيل مع بعض........ونور وجميله مع بعض.......وياراوسدرا....وروان خوافه راحت نامت مع أمهاهي وسنا.. .................................................. ......................... أسيل:رنا يوووووه النوم مجافي عيني رنا: لا ما أقدر على الشاعريه والله حتى أنا وش رايك نطلع نتمشى أسيل:أوكيه ...بس حول الخيمه رنا:هههههه خوافه يلا مشينا أسيل:ها....لا علشان ليل والكل نايم لوصار لنا شي مين رح ينقذنا؟؟ رنا:طيييييييب.....صدقتك لا تبكين بس....يا أم العيون أللي مجافيها النوم وطلعو برا الخيمه كان الليل دامس وهادئ ومظلم الكل نايم ومطفي الأنوار كان الجو مخيف شوي بس مع عربجةرنانست أسيل الخوف......... رنا:أسيل صح أنت كنت تقولين أنك مرت أبوك ليش؟؟؟ أسيل:أقول لا تخربين السهره علينايعني مرت أبوي أكيد رح تكون غثه رناحبت تغير الموضوع:هههههه أقول شفتي المشكله الي صارت بين هيا وعبير مين تتوقعين الغلطان<بنات معاهم بالمدرسه>؟؟ أسيل:الصراحه الغلطان هيا .....عبير طيبه ومستحيل تسوي شي زي كذا.. رنا:هيا شايفه نفسها مدري على أيش؟؟ أسيل:والمشكله.....سكتت شوي بعدين قالت :تسمعين صوت أحد ورانا!! رنا:عادي يمكن من الناس الي مخيمين جنبنا...ها كملي كلامك أسيل من الخوف نست الكلام :.......................... رنا:ألووووووووو معي عالخط أسيل قالت بخوف:رنا والله شفته والله رنا:وشوووو لا يكون رجع الرجال نفسه وشوي إلا واحد من الشباب اللي مخيمين جنبهم يمشي وراهم ويقول:وش فيهم الحلوين خايفين؟؟ أسيل سمعتي... صوته ......وإلتفتو بسرعه له الشاب:هلا بالحلوات وش عندكم بهالليل تتمشون ؟ طبعا أسيل ماتقدر تتكلم من الخوف لايجي خالد ويشوفها ورنا مجربه زي كذا كثير عندها خبره بهالمواقف رنا:خير بغيت شي مضيع شي؟؟؟ الشاب:مضيع القمر وهذاني لقيته رنا:أقول لو تروح أحسن لك لأني والله لو مسكتك مارح تسلم الشاب:ليش القمر صاير له خسوف ...... أسيل تسحب رنا وهي خايفه:يلا خليه خلينا نروح عالخيمه .... وشوي إلا خالد طالع من الخيمه وشاف أسيل مع الشاب على طول راح لعندهم .............. أسيل من أول ماشافت خالد قلبها طاح على الأرض وتمسكت برنا وشوي بتصيح............ خالد:أسيل وش تسوين....... وأنت خيروش عندك عند البنات......... أسيل والدموع ملت وجههاتتكلم وهي ترتجف:كنا نتمشى وههذا قاعد يلحقنا من يوم ما طلعنا.. خالد مسكها من أذنها وقال:هذه الكذبات على غيري شفتك وأنتي تكلمينه ويوم جيت إرتبكتي مني وغيرتي الموضوع ها ...مذنبه وتكذبين ....وشد على إذنها بقوه رناماتحملت تشوف صديقتها بهذا الحال وهي ساكته قالت:لاوالله هو إلي جا عندنا وكلمنا موهي خالد لما سمع صوتها إلتفت عليها وصار يناظرها وهو منبهر بجمالها وجرئتها رنا ......لما شافته ساكت ويناظر فيها إستحت ولممت عبايتها ....خالد أنتبه لعمره وقال:وأنت وش عندك جاي لهنا مضيع شي الشاب خاف من خالد :ها انا...لا ..بس.. وبسرعة البرق إختفا رناوخالد:هههههههههه ..خواف.... خالد وهويتميلح نسى كل الي صار يوم شاف رنا:أسيل مين الأخت إلي معك أسيل : هذي صديقتي رنا ..ليش تبغى شي؟ خالد:تشرفنا بمعرفتك يارنا.....وإبتسم ..... رنا:وإحنا كمان.... خالد التفت على أسيل وقال:مرة ثانية انت لاتطلعين الا ومعك امك والا علمت ابوي .. أسيل وهي تبكي:تكفــــــى لا تعلمه الله يخليك رنا:خلاص البنت مالها ذنب إرحمها خالد من سمع صوتها غير رأيه:خلاص أوكيه بس أخر مره أسيل وهي تمسح دموعها:شكراا رنا:يلا امشي نروح للخيمة... اسيل : يلا والله لو مرة ثانية تقوليلي نطلع والله مارح نطلع لو جا بوش خالد وهو يطالع رنا نظرات اعجاب :لاتونا ما تعرفنا.. رنا:شكل أسيل بتتقطع من الخوف ما نقدر نجلس نتعارف.. خالد:أسيل لا تخافين أنا معكم..عاد بلا دلع.. أسيل:الحين صرت تخاف علي أقول لو تحج البقره على قرونها مارح أجلس ...يلا رنا رنا:هههههه ...نذله يلا... خالد:أوريك ياأسيل هين.........وراح وهو مستانس يغني {الدنيا حلوه لنانسي عجرم} بعدين دخلو الخيمه رنا وأسيل وراحو نامو ومضا الليل......... وجا الصبح كملوا يومهم الأخير بالبر بالضحك ,واللعب والسواليف بس أكيد ما خلا الجو من هواش وقلة عقل بين رناوسدرا >> طبعا ما تتوافق شخصياتهم وحده نعووووومه وحده عربجيه جا وقت الرحيل .. الكل جالس يرتب أغراضه ويجهزهم والأولاد يحطونهم بسياره وكذاااااااااااا إلى أن ما خلصوووا ........ رنا:يلا أسيل باي أشوفك بكره بالمدرسه.. أسيل:أصلا يمكن بكره ماأجي.. من بعيد كان خالد يناظرهم شاف رنا مع أخته قال والله فرصه أروح أودع رنا بحجة إني بكلم إختي......... وراح لعندهم ................. رنا:ليش مارح تجي؟؟ قاطعهم خالد:أسيل وين حطيتي شنطك ..>>أم الترقيع أسيل بإستغراب أول مره يسأل عنها:ليش؟؟؟ خالد:بلا دلاخه علشان أحطها بالسياره...يعني ليش.. أسيل:ها...لا باقي شوي وأخلص.. خالد:رنا بتروحون الحين>>>الله على السؤال الذكي...ههههه رنا:أكيد...ليش رح تجلسون هنا خالد:لا ....بس علشان أودعكم ... بندر من بعيد يصارخ:رنا يلا رح نمشي.. رنا بنفس الصراخ:يلا أنا جايه..يلا مع السلامه أسيل وخالد ...أشوفك بكره ياويلك إذا ما جيتي.. خالد وخاطره مكسور:..عيدوها خلاص.. أسيل تناظر خالد بنظرة مستغربة وتقول ياأيها المعلم نفسه هلا لنفسك كان ذا التعليم قبل شوي مسوي نفسه يعني أغار والحين يتكلم مع رنا كأنها أخته..والله لوريك يامنافق.. خالد بعد ماراحت رناطالع أسيل بنظرات كلها استحقار وقال : وانت وش قاعدة تناظرين في شي .. أسيل :لا ابدا .. نور :يلا أسيل وش فيك قاعدة كذا .. أسيل : يلا جااااية.. وراحوا كل واحد في بيته ............................... يوم السبت في مدرسة أسيل ونور أسيل تتمشى مع رنا رنا:انت غريبة ليش ماتحبين أخوك .. أسيل : هالحقير مسوي نفسه يعني اني أغار بس هو كذاب هو يبغى يطلع ربع غلطة فيني عشان يقولها لأبوي..وانت تعرفين أني أبوي يكرهني ..رنا بقولك شي رنا: نعم امري.. أسيل : تكفين ..اذا شفتيه مرة ثانية لاتعطيه وجه أبد ..وخالد مثل مايقول المثل ماورا السواهي دواهي..هواصلا راعي حركات لانو ابوهم مدلعهم .. رنا: يوووه ..والله تصدقين كرهته .. أسيل:بس لاتكرهين نور لانها مالها دخل ابد.. رنا : والله نور الاسرائيلين يحبونها.. أسيل: هههههههها .. ..................................... في بيت أبوخالد كانت نور جالسه بغرفتها تكلم أسيل علشان تروح عندهم علشان رنا بتجي وينجمعون كلهم ...وكان خالد نازل عند أمه بعدين سمع من غرفة نور تقول رنا بتجي لأسيل وأنهم وأنو نور بتجي لعندهم وعلى طول يوم خلصت المكالمه نزل بسرعه علشان ماتشوفه نور وأصلا نور حست فيه بس هو ما درا.........ونزل عند أمه: بعد ما سلم: خالد: هالوقحة جالسة تتكلم مع شباب وبكل وقاحة عين.. أم خالد: وكان معها أحد؟ خالد: صديقتها اللي معها شكلها شكل براااءة ..شكلها مخربتهاأسيل .. أم خالد:أعوذ بالله وش هالتربية الحين ماعندهم الا تلفزيون فيه هالقناتين وكذا تسوي أجل لو كانوا مثلكم كانوا وش سوا!!!! خالد:كانوا طلعوا في الشارع مفسخين .. أم خالد وخالد:ههههههههههههها .................................................. ..... وفي هذا الوقت نزلت نور من غرفتها وشافتهم وهم يضحكون فابتسمت وقالت : ههههها ..ممكن اعرف وش اللي مفطسكم من الضحك ؟ خالد:مافي شي ..بس قلت نكتة .. أم خالد: اللي مضحكنا قلة ادب أسيل ....شلون تتحملين قلة أدبها؟ نور التفتت لخالد وأكبر علامة تعجب على رأسها :أي قلة أدب ؟؟؟؟ أم خالد: يعني اذا كانت صديقتك بتدافعين عنها وتنسين وساختها!!!! نور لفت على امها وهي معصبة :لايكون خالد قلك عن الموقف اللي صار ..ثم التفت على خالد وقالت: شكلك انت اللي تبغى تجيب الفضايح لنفسك..أتكلم ولا لأ خالد يصرف :وش ماكلة انت اليوم .. نور انزعجت وطلعت بسرعة لغرفتها .. التفت ام خالد على خالد: أم خالد :يعني يعجبك كذا خليتها تزعل عشان وحدة حقيرة .. خالد: والله انا اسف ماكان قصدي..لا أقول يمه سنا وش فيها لما الحين ماصحت من النوم ... أم خالد: والله من بعد مارجعنا امس من البر وهي نايمة شكلها ميتة من التعب.. خالد:والله أرحمها ..هالبنت عصلة ويالله تاكل وتتكلم ..اذا طلعت لها تجاعيد من اللحين لا تستغربين.. أم خالد:هههه.. أم خالد:بروح أشوفها .. وطلعت عند سما في غرفتها: أم خالد:وش فيك سما؟ سنا:لا..ما فيني ثي هراره بثيطه<حراره بسيطه> أم خالد:طيب حبيبتي تعالي افطري سويتيلك كروسان وكورن فليكس فلة.. سنا:طيب أنا جايه.. ونزلو على السفره: نور:الللللله ..وش هالفطور يجنن اكيد عشان سنا وخالد.. أم خالد:علشانكم كلكم.... نور:بابا...أبغا أروح عندأسيل علشان أذاكر معها.. أبوخالد:أنت ما عندك غير هذا الطلب.. نور:بليييزدادي ..علشان أنجح...<<متأثره من دعاية أم بي سي أف أم حقة الحلم.. أبوخالد:طيب ...متى تبين أوديك؟ نور:الحين... خالد:بابا وش رايك أوصلها عنك..علشان ما أتعبك.. أبوخالد:سويت خير ...مع أنه غريب منك.. خالد:الحين إذا سويت خير قلتو غريب ..وذا سويت شر قلتو عجيب...وش أسوي بضبط؟ الكل ضحك:ههههه أبوخالد:طيب جزاك الله كل خير.. خالد:يلا نور..مشينا.. نور:دقايق وجاهزه.. وطلعت غرفتها وتجهزت ونزلت بعد ربع ساعه........... وراحو هي وخالد للسياره خالد:وش رايك أنزل معاك علشان أسلم على خواتي ومرت أبوي.. نور:ههههههه...طيب هههه خالد:ليش الضحك قلت نكته؟ نور:وانت من متى كنت تسلم عليهم كل مافي الحكاية انك سمعتني وانا اتكلم بالتلفون واقول لاسيل ان رنا بتجي..صح خالد:اقول لا يكثر ..وشغل اغنية <الاماكن>لمحمد عبدو نور:وععع... طفيها بس لا أستفرغ منها... خالد:ترى في جنبك كيس علشان تستفرغي فيه ...وإذا خلصتي في جنبك كرتون منديل علشان تمسحي....ومشا وهو فرحان لأنو رح يشوف رنا... .................................................. ................. ووصلو ا لبيت أم سلطان ورنت نور الجرس..رننننننننن.. أسيل من ورى الباب : مين.. نور : أنا نور وجاي معي اخوي خالد.. وفتحت لهم الباب .. اسيل :هلا وغلا باغلى اخت في الدنيا نورتي وشرفتي البيت.. نور:وحشتيني مرة من زمان ماشفتك .. خالد: يلا بس ادخلوا ترى اصواتكم واصلة للشارع.. ام سلطان سمعت الصوت وجت.. ام سلطان:هلا ببنيتي وش اخبارس وش علومس انتي وش اخبارك ياخالد من زمان ما شفناك .. نور:الحمد لله ياخالة كلنا تمام.. خالد: والله علومي ماشية بس رياضياتي موقفة شوي.. نور : بايخة يا شينك وأنت تستخف دمك.. >>>>مسكين خالد ما أحد يستلطف مزحاته أسيل : هههههه..<<<أسيل تضحك تصريفه.. ثم دخلوا للملحق وكان عبارة عن ثلاث غرف وصالون مبنية من زمان ومتهالكة يارا : يا هلا والله بخالد ونور تو الدنيا مانورت....... ليش ما جت سنا معكم؟ نور : هلا يارا ...والله سنا تعبانه وما قدرت تجي.. أسيل بإهتمام:عسى ما شر وش صارلها؟ نور:سلامتك..بس حراره بسيطه.. وشوي إلا دخل سلطان وهو مبتسم: سلطان : هلا والله بأختي نور و أخوي خالد .. نور : هلا والله فيكم ... خالد بدون نفس : هلا .. سلطان : ياحيا الله خالد تفضل لغرفة الضيوف.. خالد : خليني أجلس مع أختي يارا وأسيل من زمان عنهم < أنواع صواريخ الكذب أسيل: والله بودي بس الحين بتجي صديقتي .. نور : فهمت يعني ضف وجهك يا عند سلطان أو للبيت.. خالد موصله معاه : أنت يا سوسة مين كلمك .. سلطان : ههه تفضل خالد .. خالد : زاد الله فضلك .. سلطان وخالد دخلوا غرفة الضيوف البسيطة اللي كانت مغطاه بسجاد أخضر قديم ومجلس أرضي لونه أحمر غامق .. سلطان : وش أخبارك يا خالد .. خالد : بخير وأنت وش أخبارك.. سلطان : الحمد الله.. خالد في نفسه < اللهم طولك يا روح الحين وش يبي هذا الغثه أنا جاي عشان أشوف رنا والحين ينشب فيني هذا الشيفة والليفه > سلطان:خالد خلينا نطلع شوي من الكلام الرسمي إحنا أخوان .. خالد بدون نفس:إيه ...طيب وش تبي تكلم أحد مانعك.. سلطان سكت تفاجأ من أسلوب خالد الجلف ........... وصارت الجلسة ثقيله ........... ترررررررن سلطان: عن أذنك خالد بروح أشوف مين عند الباب.. خالد وهو يبتسم : أذنك معاك < هوووووووف وأخيرا ما بغت تجي > ....................................... فتح سلطان الباب ودخل بندرثم دخلت رنا ومعها أختها جميلة سلطان : اهلا بندر ..من زمان ماشفناك وينك.. بندر: هلا ااااااا.....والله مافيني الاالعافية بس انشغلت بالجامعة وما جامعة .. سلطان: تفضل نورت والله و اخوي خالد موجود عشان تكتمل الفرحة.. ........................ أسيل: أهلااااااارنا وحشتيني يالدوبه .. رنا : أهلااااا..والله أحرجتيني ياصديقتي العزيزة .. نور:احم ..احم..أهلااا رنا كيفك من زمان ماشفناكي.. رنا: الحمدالله .وأنتي كيفك والله اشتقتلكم كلكم مع أني اليوم شايفتك بالمدرسه.. بس شوفة الصديقة في البيت غيييير .... أسيل :فكينا من المدرسة خلينا ندخل جوى ونتكلم ..يلاا.. ........................... خالد:أهلاااااااااا بندر ..ياخوي من زمان ماشفناك ..وينك.. بندر: هها ..لا بس مشغول مع الجامعة .. خالد التفت بسرعة على بندر وصار يتكلم معاه ولا كأن سلطان موجود.. سلطان : عن اذنكم بروح اجيب القهوة.. خالد:لا..لا يا أخوي انت الكبير ..خلني انا اروح اجيبها ..بلا ما اعذبك .. سلطان بستغراب: شكرا...طيب يلا.. وطار خالد من الغرفة .. خالد وهو يتميلح: احم ..احم ..أسيل ممكن شوي .. رنا من يوم سمعت صوته كشرت :أسيل .. روحي أخوك يبغاك.. اسيل :يلا جاية ..اووف .. خالد وهو يعلي صوته : حبيبتي أسيل جيبي القهوة عشان أغلى صديق عندي بندر .... أسيل غريب وش عنده : يله رايحة .. خالد : ياااااه يا أسيل اليوم طالعة قمر.. أسيل أكيد اليوم مخه منفصل : خالد وش فيك شارب شي .. خالد : ههه لاحبيبتي يله روحي.. أسيل في في نفسها < ياربيه يا شينه إذا جا يتميلح أكيد عشان رنا ودخلت أسيل المطبخ عشان تجيب القهوه وخالد كل شوي يحاول يناظر الصاله طبعا هذي الحركات ما فاتت رنا وفهمت وش قصده .. رنا انزعجت منه وراحت عند أسيل للمطبخ رنا : أأأاااااوف وش عند أخوك اليوم .. أسيل : والله الحالات عند خالد اشتغلت والله يعينك.. رنا :ههههه .. خالد دخل وسوى نفسه برئ ودخل المطبخ : أسيل وش عندك طولت يله بسرعة.. رنا انحرجت وطلعت بسرعة من المطبخ ولما طلعت صدمت بكتف خالد لأنه كان واقف عند الباب .. رنا : آآه .. خالد :أنا أسف كتفك يوجعك.. أسيل : حشى مو كتف إنسان كأنها كتف غورلا.. خالد : أتوقع أني صدمت برنا مو فيك .. أسيل : خذ القهوه وثاني مره قبل ما تدخل استأذن..فهمت يا مؤدب .. خالد وهو معصب بس مسك نفسه عشان رنا : حاضر يا كل حياتي.. أسيل تناظره بكل قهر : طيب اطلع ترا طلعتلي الشيب أنا ورنا صح رنا.. رنا : أه ..لا ..أقصد إيه.. وطلع خالد من المطبخ وهو مره مزعوج من أسيل ....... وكملوا سواليف وسلطان المسكين كلما بغى يبدا سالفه قاطعه خالد وبندر منحرج من تصرف خالد ........ ورنا طول الوقت بالها مشغول من تصرف خالد الوقح <مسكين خالد الكل قايمين عليه > وكملو سواليف بعدين رجع كل واحد لبيته .................................................. ....... في سياره خالد: خالد:والله اليوم اسيل طالعة قمر.. نور:مين؟ .. رنا.. خالد:ههههه ..عرفتيها.. نور:بس على فكرة هي ماتحبك ..وباين عليها بعد.. خالد:وانت وش دراك ..سبحان الله تتكلم من دون ماتعرف<<<بدا الهواش نور: وشلون وش دراني ..حتى انت لما صقعت فيها بان عليها نظرات الاشمئزاز.. خالد: أقول ضفي وجهك ..بدل ما أنزلك في الشارع.. نورعصبت: لاحول ولا قوة الا بالله .. ووصلوا للبيت ................ أم خالد:هاه ..وش سويتو عندها ان شاء الله ماتكون ازعجتكم..>>سبحان الله على طول أفكار شريره... نور: والله بالعكس ..أكرمونا مرة.. خالد: بس سلطان النذل لما جا بندر اخو رنا ماخذ كل المجلس له ولا كأني موجود<<اشتغل الكذب .. نور التفت على خالد وهي مستغربة : معقولة كذا يسوي بالعكس سلطان طيب مرة ..لاتكون هذي كذبة من كذباتك.. خالد انكشفت كذبته فابتسم:لا ..لايعني في بعضها بهارات بس هو من صح اشوفه يحاول جذب بندر له..احسه يكرهني.. أم خالد:سبحان مدري على ايش شايف نفسه.. نور في نفسها :الله عليك ياخالد بس شاطر تكذب وتسوي مشاكل ووقت الدراسة تصير حمار مايفهم أ من ب ولا خمسه من طمسه . .................................... خالد جالس على سريره وهو يفكر كيف اسيل اهانته عند رنا ................... أكيد أسيل محشيتها انو ماتحبني بس انا اوريك يا اسيل دواك عندي .... يالله ...وش أسوي ابغى أخليها تندم على الكلام اللي قالته ......اممم... خالد ابتسم وصرخ بأعلى صوته: لقيتها....هههههههههها بس اتخيل شكل اسيل وهي متورطة .... ثم طلع سيجارة من باكيت الدخان وشعل السيجارة ونفث نفثة طلع كل اللي في قلبببببه .................................................. ........ .................................................. ................................................ في بيت أم سلطان يوم الجمعة ؛الساعة الخامسة عصراً تتتتتتتتتتتتتترننننننننننننننننن....تتتترننننننننن أم سلطان : أسيل ..أسيل تعالي ردي .. أسيل:حاضر يمه.. أسيل تحسبها وحدة من صديقاتها :آآآآآآلوووووووو ..مين معي؟؟ خالد بصوت عذب: مين معي؟؟ أسيل عصبت:مين أنتَ؟؟؟ خالد: يعني ماعرفتيني..ياقلبي ... أسيل: وجع ان شاء الله يشيلك ويشيل قلبك ما عرفتك... ولا أبي أعرفك.... خالد: يووووه ..معليش اذا كنت ازعجتك بس ياقلبي أنا اموت فيك.. أم سلطان : مين هذا أسيل؟ أسيل سكرت السماعة بقوة : هذا واحد مجنون و فاضي ..... أم سلطان : والله تعجبيني كذا ..هذي أسيل اللي ربيتها.. أسيل ابتسمت :هههه ..... .................................................. ............................... الساعة الحادية عشر ليلا بعد يومين...يوم الأحد بيت أم سلطان أسيل الوحيدة اللي كانت في الغرفة اللي فيها التيلفون لأنها كانت تذاكر لانها متعودة انها تساعد امها في اعمال البيت وفي الليل تذاكر بس هذي المرة تأخرت لأن عندها اختبار كيمياء.......... ترررررررررررررن ..تررررررررررررررررررن أسيل بدون نفس :ألوو..مين؟ خالد بنعومه:أخيرا رديتي ياقلبي ياحياتي .. أسيل بعصبية:خيييييير ان شاء الله وش تبغى ؟ خالد: لاااا ياناس بذوب مااقدر عالصوت قوليلي صوتك العسل طالع من أي نحله >>طبعا تعرفون دم خالد الثقيل مرررررره.. أسيل : يباااااااااااه يباااااااااه تعال بسرعة.. خالد فقع ضحك <يوه العبي غيرها أبوي أصلا الحين تحت في الصاله يا ربيه تنرحم >.. خالد:خلاص لا تصارخين انا سحت ياااااي.. أسيل: حط نفسك بأقرب ثلاجة وبعدين ترى ابوي جا... خالد: والله وأنا أبوي جتا <جا وجتا قواعد برياضيات >بلييييييز عطيني ياه علشان ابي اعرف من وين جاب هالبنت القمر اللي ذبحتني .. أسيل مستغربة من وقاحته الزايدة وثقته بنفسه...وردت بعصبية : ترى والله بخلي ابوي ينسينيك حليب امك.. خالد لما سمع كلمة ابوي مات من الضحك وعلى طول سكر التيلفون... خالد:هههههههههههههههاها هههههه خلاص ياناس بموت من الضحك ههههههههها .................................................. ........................................... بعد اسبوع في بيت ام سلطان الكآبة مسيطرة على المكان لان أبو خالد موجود ام سلطان تسوي غدا وتنتبه للمقادير عشان ابو خالد مايكب الطبخة >>>>هاذي من عوايده يارا مع انها هلكانة من محاضرات الجامعة بس تساعد امها عشان ماتاكل تهزيئة محترمة سلطان في شغله ومستحيل يغيب يوم من الايام طبعا لان ابوه بيذبحه وطبعا اغلب مصروف البيت عليه.. أسيل قاعدة على الكنبة وماسكة الكتاب من أول مادخل ابوها تسوي نفسها تذاكروما ترفع راسها من الكتاب من الخوف >>>>>> ورنننن التيلفون وطول شوي أبو سلطان جالس يطالع التلفزيون: يا هيه ماتسمعين ردي.. أسيل وهي ترتجف:حاضر يبه.. أسيل: ألو مين؟ خالد:هلا ياروح روحي .. أسيل وحبات العرق تنزل من جبهتها : أنتي ماتفههمين خلااص نوره بكلمك بعدين وهي تحرك أيدينها بتوتر واضح من شدة خوفها ضغطت السبيكر.. خالد : أسيل حبيبتي .. أبو خالد ناظر أسيل بدهشة وهو مستغرب من الصوت الخشن أسيل خلاص وقف الدم براسها حست نفسها بتموت ورمت السماعة وبعدت عن التيلفون.. أبو خالد ركض لتلفون ومسك السماعه والشرار يتطاير من عينه : مين معي؟ خالد ارتبك من صوت أبوه بس كمل وكأنه ما سمع صوته : وينك حبيبتي أسيل من زمان ما كلمتيني اشتقتلك... أبوخالد رمى السماعة والتلفون بأقوى قوته لحد ما صارالتليفون قطع وبحركه سريعه مسك اسيل من شعرها وجرها لغرفتها.. أسيل ترتجف وهي غرقانة بالدموع: والله ما ادري شي والله ..ماكملت كلامها الا جاها كف خلاها تطيح على الارض .........وارتطم جسمها بالأرض بقوه أبو خالد وهو يدعس على راسها بكل قوته : يااااااااااااااحيوانه يا بنت الكللللللللب ... أسيل ما هي قادره تصرخ تقول شي تحس روحها بتطلع يارا وأم سلطان تجمدوا في مكانهم ما هم قادرين يفهمون شي كل اللي يسمعونه صراخ أبو خالد وارتطام أشياء باللأرض حسوا الدم وقف في عروقهم........... |
|
#9
12-28-2009
| |||
| |||
| رد: رواية ياظالم لك اليوم وبكرة عليك...رواية تجننن يعطيك العافيه خيتووووووووووووووووووووو بس ياليت تكملينها بليزززززززززززززززززززززززززززززز |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| Manhunt 2 ( الحل الأول عربياً وحصرياً ) | محمد عبود سلوم | العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا | 12 | 01-17-2010 11:30 PM |
| هذاك اليوم | *شفه سكره* | خواطر شعرية الخاطرة الادبية ابداعات بالخواطر idea | 7 | 09-09-2008 08:59 PM |
| رجيم حرق الدهون بالجسم ينقص 9 كيلوا في الاسبوع | وهابي | العيادة الطبية الصحه السليمه،الوقايه من الامراض health clinic hospital disease | 10 | 07-08-2008 06:22 PM |
| وأخيـــراً: الحـل الكامـل لـ Bully ; (تفضلوا)ارجو التثبيت | علي = the king | العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا | 6 | 12-27-2007 03:47 PM |
| Harvest Moon: A Wonderful Life Special Edition | الحـــ النـــــــداوي ــــــر | العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا | 4 | 12-04-2007 07:19 PM |
-الدورات
التدريبية بجامعة نجران-
العرض العادي
