بس بسال الشي الي سويته صح او خطا لان الكثير قالولي سبب الطلاق سبب تافه
وانا عندي انه سبب قوي وشو المعايير او الاشياء التي يحق للمرأه فيها تطلب الطلاق وهل فية مجال اقول سبب طلاقي لانه حساس جدا اولممنوع مشكوره ربي يعطيك العافيه

والله الموضوع جميل ومميز من وجهة نظرى ان يقول كل شخص ما بداخله ويعرف سبب أى مشكله عنده محرج من ان يقولها لأقاربه او لأصدقائه

_________________

أحياناً أحس ان الدمع أقل ما يوصف حياتي مو لان القصة حزينه لكن لان واقعنا حزين . معقول طلاق وأنا باقي ماوصلت ستة عشر سنه؟!! وليه؟ لاني كان عندي أمل ان يكون لي عرس ما سبق مثله مو لحد البذخ لكن لشىء متوسط الحال <<بعد ما ضحيت بحبيبي على حساب أهلي .لان العريس كبير في السن ومتزوج ميزته الوحيده انه يملك الثراْء ويعتبر قريب جداً. حتى جاء يوم ورمى عليه أصعب ثلاث كلمات في حياتي وبدون مقدمات وأنا في سن خمسة عشر . أي عدل؟في مجتمعنا .ويليت وقفت على كذا.قالي لانك قبل سنة كنت حاطه نك في جوالك <<مضيعه دربه>> -تخيلوا قبل سنة وجاء يحاسبني اليوم-مارضى يطلق وبس صار يبي يلوث سمعتي وفعلاً قدر لان في مجتمع منزوعه منه الرحمة -أعوذبالله-صرت مطلقه وملوث سمعتها <<يارب ساعدني >>واحنا بعد في مجتمع مافيه حتى وضائف خاصة نسائيه يعني حياتي في الباي باي.أرجع وأقول هذا كله في أول حياتي لطفله .ما أقدر أتحمل نظرات العالم لي كأني من كوكب ثاني أحس اني ثقيله على من حولي حتى ثقيله على نفسي <<يارب لا تدعني أقنط من رحمتك>>

ملاحظة:سيستمر هذا الرد لمدة أربعة أو خمسة أيام,,عذراً

وردة الجوري انت ذكية بهذا الموضوع بس انتبه على حياتك وخليك كا دايم

ياهلا حبيبتي اول شي حبيت اوضح شي عن نفسي

انا مو اخصائية ولا باحثة اجتماعية انا بنت عادية وحده مثلكم والكلام اللي راح اقول صادر من القلب لا اكثر


شوفي حبيبتي انتي الوحيدة اللي تقدرين تحددين سبب الطلاق هل هو تافه ام لا

ممكن يكون هالشي عندج كبير... لانه انتي اللى راح تقضين طول عمرج معاه مو الناس

فرايك هو الاهم مو راي الناس

واعتقد اذا كانت المشكلة تكون موجوده في طبعة وسلوكة وصعبة انها تتغير

فانا اشوف انه يصعب التعايش معه

وبعدين انتي تقدرين تتحدين تقدرين تعددين مساؤه ومحاسنه بينك وبين نفسك وتشوفين اي كفة راح ترجح

هل تشوفين انه محاسنه ممكن تغفر اخطاؤه ام لا
هو صحيح ان المراءة لازم تسامح وتغفر وتصبر

بس هنالك حدود وخطوط حمرا لكل شي والمرأة هي اللي تقدر تعرف وين الخطوط الحمرا


وهي اللي تقدر تحدد هل تستطيع التعايش معه ام لا

وبصراحة كلام الناس لازم يكون اخر همنا اهم شي راحة نفسيتنا


ومايهم العمر المهم التجربة والدرس اللي اخذناه

وماتدرين يمكن هالشي خيرة من ربي

وربي مايظلم احد من عبادة ثقي ان الله راح يعوضك باللي احسن منه

والله افرحتني مشاركتج حبيبتي

_________________