حبايبي كيفكم
اول شي اللي دعاني لكتابة هالموضوع المثل القائل( من حفر حفره لاخيه سده واستريح)
كلكم تعرفون ان الكثير من اشقائنا في الدول العربيه والاسلاميه حتى وفي اغلب الدول الاوربيه
يعتقدون ان كل سعودي عنده على سطح البيت (خزان الاول = مياه تحليه نقيه) ( الثاني = بترول نقي من بئر الغوار الى منزلك)
وهذه النظره تدل على شيئين مهمين

1- انه نحن كشعب سعودي نتسبب فيها (( المساطيل اللي يسافرون برا )) ومصاريفهم الخياليه ومساكين مايدرون انه منتف في البلد (( والدليل قبل لا يسافر دفع مبلغ خيالي تسديد قسايم المرور))

2- انه هذه الشعوب تحمل في قلوبها بعض الغل علينا كسعوديين (( مو كلهم انما شريحه معينه اجزم انها قليله))

المهم القصه تقول كنت في الدوام مع بعض الزملاء ولنا زميل من الجنسيه العربيه (( اتحفظ اني اقولها لكم)) اتحفظ >>>>> تحس اني سياسي محنك ماقلكم رشحوني
ولا اطول عليكم كان مجموعه منا تتراسل بلوتوث ( بالله عليك فهمني سعوديين ومجتمعين في العمل وش تتوقع منا اكيد شغل البلوتوث وارسل واستقبل والله اعمالنا متعبه)
المهم واحد من الزملاء سعودي ماكان عنده الا جهاز (( برج العرب)) الشخص اللي يمتلكه في بعض الدول يكون من الطبقه الراقيه ماقلكم تحمدوا الله على النعمه فلذات اكبادنا مايمشون الا بأبو كمرتين وهم على احر من الجمر في انتظار ابو ثلاث
المهم كان زميلنا منزوي في ركن الغرفه مايتراسل ولا يرسل كلمه الشخص اللي من الجنسيه العربيه اللي اتحفظ اقولكم عليها (( اتحفظ للمره الثانيه على التوالي انتخبوني ماقلكم محنك))
قله ليه ماتجيب الدمعه ؟؟
انت سعودي جيب اللي انت عاوزه
هنا التفت الى هذا الشخص بنظره فيها الكثير من الدهشه والا ستنكار (( لاحظ كلمة الاستنكار وطريقة استخدامها لايجيد استخدامها الا شخص محنك جدا))
وسألته بكل (( دلاخه)) الدلاخه = السذاجه بالعربيه
وش معنى احنا سعوديين ونشتر اللي عاوزين
يعني ماتتوقع انه فينا (الفقير والمريض واللي ظروفه على قد حاله))
هز رأسه (بالنفي) لاحظ كلمة النفي وتعرف اني محنك جدا لذا نرجو منك ضرورة انتخابي
وعلى فكره رأسه وهو يهزه بالنفي (ذكرني بقدر ضغظ عند امي كبير امي ماتستخدمه الا في المناسبات الكبيره)
وقال مستحيل اي سعودي يكون عنده ظروف
قلت يعني حكمت علينا من خلال الجوال
قال : اه
وانا الان اخواني اخواتي نفسي اسمع رأيكم في الموضوع
ودلاخة الراجل السابقه في عيني
اقلكم رأيي هو نحن شعب بسيط وحبوب (وان كان فينا نماذج سيئه) حالنا حال خلق الله وانا هذى نظرتي لشعبنا اللي يموتوا قهر جميع البشر ولا يملكون مثله ولا تتأثروا من جميع ماتسمعوا (والله احنا فخير شعبا وحكومة)
وان كان عندنا اخطاء فهي قابله للتعديل
(ارفع راسك انت سعودي غيرك ينقص وانت تزودي)
ولا اوصيكم جوال ابو عشر كاميرات نازل خلوه هدية النجاح لاولادنا
وخلو اللي عاوز (يتفلق يتفلق)
تحياااااتي لكم

منتديات مدرسة المشاغبين - منتديات الفسحة العامة