السلام عليكم ورحمه الله ،’
صبـآحكم / مسـآئكم {..شعر
قريت هالابيـآت وعجبتني حيل
يمكن لأنها تشرح واقعنـآ
ما راح اطول عليكم
ان شاء الله تعجبكم
يابنت ياللي تنثرين الزين في وسـط الممـر
الناس منك تزعـج الونـات واحيـان الغنـا
أخذ نفس وأقلّـب الجـوال وأغـض البصـر
وأشتاق وأرجع واسرق النظرات والدنيـا فنـا
بشويش ياللي تكسفين الشمس وش عاد القمـر
متغنجه وانـا وقلبـي بـس وش هـو ذنبنـا
عبايتك طبع الكويـت ولثمتـك طبـع الخبـر
وخطواتك الخجلـه تتمتـم ودنـا مـا ودنـا
صكي عباتك لا يبان الساق وتمـوت البشـر
يا بنـت خافـي ربنـا تكفيـن خافـي ربنـا
رنين خطواتك كذا / زهر عطر / زهر عطر
وأنشهد اللي قابلـك أنـه علـى نفسـه جنـا
العين ليل ٍ سرمدي والرمش قصـاف العمـر
والعود غصن ٍ ميَله ريـح ٍ تلاعـب بالجنـا
وياليت ظلمة شيلتك غطت على نـور النحـر
أو لثمتك غطّت من خدودك شوي مـن السنـا
تكفين مدي للعذارى من سحر حسنـك سحـر
ياكثر مـا شفنـا ولا غيـرك لحسنـه شدنـا
عزالله أني من دخول السـوق بسنينـي حـذر
والله على الاسواق واعقـاب التسـوّق حدنـا
عيني تقول أحذر ترا قدمك علامـات الخطـر
واقول يـا عينـي تـرا عقلـي يحـدد حدنـا
جرايمك نكرا بحق العيـن والقلـب الخضـر
وأنا حياوي والحيا بأوقـات يحرمـك الهنـا
ما كنت أحسب السوق والصدفه على درب القبر
الين شفت الموت بعيوني سبـب حسنـك دنـا
كلمه أخيره وصليها ومـا علـى مثلـك أمـر
قولـي لمنهـو تعشقيـن / الله لنـا والله لنـا
تـ ح ـيتي