ماساة الدجاجة ماريا

ابوعادل · #1 (**permalink**) 08-21-2002, 11:17 AM

مسيكم بالخير ياجماعة دوكم السالفة ولا يكثر....
مقدمــة:-
بس حبيت اعلمكم مقدمة عن الدجاجة ((ماريا)) كانت دجاجة بلدية طخما امي تقول ان امها سورية وابوي يقول لا هذي ضرب اتراك وكانت عيونها وساع وسود وشفايفها (( اي منقارها)) صغينون ودك تجرعها جرع وكانت حلووة و في الحوش عندنا ومدلعة وشايفتن نفسها على الدجاج ولاتطبخ ولا تطلع بالشموس وكنت بيني وبينكم فاك معها((اي معجب)) ومن جد اتمنى اني ديك وكنت اتلزق بالحوش اقزقزها ((احساس النقص شين)) واتكنفس قدامها في الرمل وابي اغريها واشتري لها من المطعم مخصوص بخاري بريالين ((اجي اركض بالبطئ فاتح ذرعاني في يدي التبسي ابيها تلمني وهي في الجهه المقابلة تركض بكل شوق للتبسي وانا في احلام اليقظة وانبطح على بطني ووجهي كنة مازدا داخل جنبها في شجرة لانة مختلط شعر الدقن بالحواجب وانواع الشين)) والمهم جاء يوم وابتعثت خارج البيت لحارة جنبنا لمدة اسبوع ملزم علي ابو سارة امرح عندهم عشان نصيد عصافير(( بلزق فار نحطة على انتل السطح)) واخذت الشنطة البكم حقت اخوي بريص ((عيارتة)) عشان احط فيها ملابسي وهو مايدري وحقد وانتقم مني في عشيقتي ماريا ((فديت ها الاسم)) والسبب اني كنت اتمدد على بطني واقص لة كل الليل واطل عيها مع الدريشة فعرف نقطة ضعفي وضيعني وضيعها وخذو السالفة....

رؤس الاقلااام :-

1- دجاجة...((حيوان اليف))
2- فور ديكس...((اربعة ديكة لحطتهم الدنيا))
3- مطربل...((اي صايم))
4- الدخل المحدود ..((اخر مكان زارتة ماريا ))
5- احححححم...((هذي مالها دخل بس اتنحنح))

القصـــة :-
اخوي بريص الملعون عندة صديق عيارتة ((الجرذي)) مجرم حرب ((يمسك القطوة ويسوق طبلون السيكل ويدخل ذيلها في الجنزير)) المهم السافل شاري لة اربعة فروخ دجاج صفر ((ام نصف ريال)) وكبرن عندة وبلغن وغداء الواحد تقول جيك موية 25 لتر
ومتسدحات في السيب في حوظ نخلة جنب الباب ومرت الايام وبدت المراهقة حقت الادياك وبدن يلمحن بالبلوغ ويطامرن على النعال يعني شفنا يا الجرذي ترانا بلغنا.. كان الجرذي يتلذذ في تعذيبهن المهم بدت المشاكل بينة وبين الديكة ((مثل اي مراهق يتهاوش مع ابوة)) وبداء مدت اليد منة والتنقير منهم وصار سيب الجرذي دمان ((لعنو سيقانة تنقير ويبون يبطحونة بيلعبون في وجهه محومن تسبودهن)) المهم ويومن من الايام دق الجرذي على بريص وقال تعال بسرعة فية مطاق الليلة!! قال بريص له اجيب الشلة قال لا تعال لحالك هم مارح يجيبون احد((قصدةالديكة))يوم وصلت((هالي يتكلم بريص بس انا احسي بلسانة)) واقول خير وش السالفة؟؟؟ قال الجرذي شغالتنا كانت تسلت ((اي تشطف بالسلاتة)) السيب ودخلت على امي تصيح متحرشين ها السرابيت فيها وطرف ثوبها منطر ((اي منشق)) من تحت وذاك ابو عرف مايل الملعون قايل لها كلمة وصخة... ((عاد بريص يموت في شغالت الجرذي ويشتري لها حجار ابو اصبع كل اسبوع لمسجلها يحتك)) قال بريص خلها تطل مع الدريشة وابلعن والدينهم قدامها ((بيستعرض)) دخلنا المعركة بليات كهرب وزبيرية وماتسمع الا تمحيط وونين ((الصراحة الكثرة تغلب الشجاعة)) انفرش بريص هو والجرذي ويقول اذكر ان فية واحد منهم يركض وفي منقارة شي اسود واسمع الجرذي يقول امسكة ملعون الوالدين لايدخل تحت البرادة .. وجاني الجرذي دموعة واصل ركبة واناظر وجهه ومااش مهوب رفيقي متغيرة اشباهه علي وقلت لة يا الجرذي ياخوك كن وجهك ناقص او انا مستطف؟؟((اي واهم)) قال ملعون الجدف لقط حاجبي الايسر .. والله ونجيب عصاء مكنسة وندخلها تحت البرادة بنطلع السربوت ويوم سجدت اطل سمعت واحد ذب علي ذبة وصخةمن الديكة ((اسمحو لي مشفرة)) والله وازين جلستي واستحيت واسدح الجرذي واخذ جمرة طافية عقب الشيشة وارسم لة حاجب.. والله وتزيد مراهقت الادياك ويدلي بريص هو الجرذي يحاولون يصيدون ها الديكة عشان يبيعونهن بس ماش ماقدرو باقي للواحد كيلو ويصير خروف نعيمي وتقوم ام الجرذي وقالت ياوليدي خلوهن ماعليكم منهن وش حليلهن قبلهن كل صبح يوسعن صدري يقعدن يذنن على دريشة المطبخ الين 10 الصبح واذا كبيت الرز في القدر وغطيتة راحن..قال الجرذي وشوووو؟؟؟؟ ويروح لبريص وقال شف الموضوع فية شي؟؟ الديكة ماعمرهن اذنن لا ظهر ولا عصر ؟؟ والله وبعد المتابعة ((اكتشفو ان ام الجرذي تطلع دجاجة كل صبح من الفليزر وتحطها على الطاولة عشان يموع ثلجها وخذ قزقزة الضعوف قناة ماشفرت وبدون ملابس)) ويطمر الجرذي ويطق ستارة ويدلي يطل عليهم من السطح ويتفل عليهن ((يقهرهن))..زاد الحقد عقب ها الحركة واستسعرن الديكة وتوزعن في زوايا السور كل واحد منسدح في قرنة واذا فتح باب الفلة احد انطلقو علية دفعة وحدة بيلعنن والدية.. عاش الجرذي هو واهلة مأساة!! قامو الجيران يسطحون الخبز عليهم مع السطح وقواطي تونة لين ما نحف الجرذي وغدا كنة سيلاني مسلول.. والله ويتصل الجرذي ويشاور بريص وقال وش السوات اختي ولدت في غرفتها وامي خلصت حبوب سكرها واخاف تجيم عندي قال ابو بريص شف بنحاربهم بحرب باردة قال الجرذي وشلون؟؟ قال بريص عندي دجاجة مووت قاهرتني ماعطتني وجة وفاكة مع اخوي وودي تربي ها السمرمد الي عندك قال الجرذي تم.. والله ويطمرون للحوش وياخذون الملاك الطاهر الي ماتعرف الا ابوها وحريم ابوها العشرين ولاعمرها شافت ديكة ويطيرون بها لبيت الجرذي ويفتحون الباب وكالعادة الاربعة متسدحين واحد يدخن ومن يوم سمع الباب درق ((اي اخفاء)) التتنة والثاني قاعد يقراء في مجلة موضوع كيف تتخلص من الطبيلة ((حشرات مثل القمل تجي في اباط الديكة تمص دمهن)) والثالث منزل عرفة على عيونة وماخذ غفوة عن الشمس والرابع كان يطقطق اصابع رجلية ويفكر كيف يتخلص من ستارة المطبخ... والله ويحط ابو بريص ماريا ونسمع صوت دبابات مكيمة ونناظر ((اربعة ديكة تقول في مرثون سكتت الدنيا وماتسمع الا انفاسهن وضربات قلوبهن على خط واحد يركضون وكل واحد يقول حلي بها ((يعني تراها لي)) وتنطلق ماريا ويرتفع ريش فخوذها وزاد الجنون جنونآ واخر واحد سمعتة قال هلااااااا والله. . وتنصى البرادة وتزبن ((اي توزت)) تحتها... والاربعة كل واحد يقول اطلعي شوي تكفين ابيك بكلمة راس والثاني يقول فية دودة هناك تتكلم تعالي اوريك اياها والثالث يقول اطلعي وريني فستانك والرابع يقول اطلعي والله ما المسك ((قديم)) المهم قالت شوفو والله ان ماعقلتو لا اروح لبيت اهلي.. والله ويرجعون على خطوة وقالو الا هذي تكفين خليك لو من بعيدخليني نملي عيونا بها الزين قالت ماريا طيب اسمعو استحو على وجيهكم اربعة الواحد يمشي على زندة ملحق بحمام وماعندكم غيرة؟؟؟ والله وضاعت وجيهم وقامو يناظرون في الارض وقامت تحرقهم با الكلاام وقالت خنازير انتم وشلون يتزوجني اربعة يا قليلين الحياء منتب مسلمين طسو عن وجهي والله ويمشوون قاطعتهم وجيههم ويروحون عند كفر صالون ملبق في اخر السيب ويقعدون يتناقشون وقالو والله صادقة خلوها تختار واحد منا والباقين يباركون لة.. قالو تم ورجعو لها وقالو لها الاقتراح ووافقت وقالت يالله انا اباخذ اقواكم عشان يحميني ابي كل واحد يستعرض لي..قام الاول ونقز وقال انا اقدر ارقاء فوق الانتل حق السطح واوقف على رجل واذن وانا مغمض!! الباقين فاتحين اثاميهم ويقولون طارت البنت!! وهي قالت واااااو والله تقدر ديوكي؟؟؟ ((تدليع )) قال دقيقة والله ويتريش((اي يتحمس)) ويرقاء الماخوذ فوق الاريل ((اثر جار الجرذي راعي قنص وتوة طالع عند الباب وشاف هالطير على الانتل ابيض وكبير والشوف لك علية ويحسبة نزل غرانيق ((اي بط)) ويجيب الشوزل ((بندق جعلها متنثر بوجهيكم)) ويلعن امة بطلقة في تغرتة ((اي صدرة)) بزران البيت الي جنبهم قام يغنون نزل ثلج نزل ثلج ((ريش الديك انتثر وراح ضحية حب)) والله ويرقى الجرذي ويفتح باب السطح ويلقاء حاجة وردية طايحة في الارض ونزل لهلة وقال من الي شفتة طايحة في السطح لاتكون الشغالة انصك الباب على خشتها؟؟ ويدققون واكتشفو انة عرف الديك ((لقو قلب وسهم مكتوب ماريا ونجيب)) نجيب اسم الديك الي مات... المهم لازالت الدجاجة تنتظر البطل وتنام كل ليلة تحت البرادة ومن زود الحرارة حت ريش ظهرها وطلعت كنها راس مصري اصلع ويصبحون على اليوم الثاني وقالت ها وانت وش بتسوي قال انا ابوريك اني اقدر اطب في مروحة المكيف الصحراوي((الكنديشن)) وهي تدور واثبت نفسي اركض معها قالت اوووووف والله تقدر حبيبي؟؟؟ هو سمع حبيبي ولا ماسمعها ويذب باب الصحراوي ومع اللبخة طب ودار في نفس اتجاة دوران المروحة ((يعني لوح وانلعن خامس جدة)) وتنشب اصبعة وخذ تلزيخ((كنة كفر منصلخ على طريق سدير)) لين مافطس قدامهم ويصكون باب الكنديشن علية وما درو اهل الجرذي الا بالريحة. . جاء دور الثالث قالت وانت وش بتسوي عيوني؟؟؟ قال انا ابرفع البرادة حبيبتي عشان ماتحرق ظهرك ولايجيك تساقط ويدخل تحت البرادة ويحاول يرفعها ((واثق)) والله ويحمر وجهه ويزرق عرفة وهي ذابة علية نظرة تقول اية اية ويجي على منقارة وقام يماطق ((اي مثل الي غاص)) وكانت روحة تطلع انقطع قلبة ومات تحت بزبوز البرادة ... التفتت على الرابع وقالت هاا؟؟ قال اسف انا مطربل ((اي مايمديني اعرس)) وانباع بخمست اريل وحط في حمام سطح مالة مكان ومات من الحر عقب اسبوع.. . ضلت ماريا وحيدة قررت الهروب وبالفعل انحاشت للدخل المحدود وتعرفت على ديك فلبيني اعجبت فية بعد صراع ادياك في الدخل وكانت من ضمن الجمهور وانحاشت معة وماتت با الايدز والعياذ باللة وانتهت اسطورة ماريا ولقيتها مرمية في ارض اصلعة الظهر ذبل جمالها وصارت يابسة راحت جميع احلامها وهي كانت تحلم بديك فارسي ((تحب الطوال)) وبيت ومرجيهة لفروختها....

1- الي عندة ديك منكم يطمر ويقول قدامة ماريا وشوفو عيونة اذا ما دمعت بحق...
2- فتش غرفة الغنم تلقون صورة لماريا مدفونة في السماد اذا عندك ادياك مراهقة....

مشاغبه بس طيبه! · #2 (**permalink**) 08-21-2002, 03:46 PM

ليه ما حبيت لك دجاجه من بنات بلدك ؟؟؟؟؟؟؟؟؟؟؟؟؟؟؟؟؟
يبه وش فيه الدجاج البلدي مربرب وش حلاته !!!!!!!!!!@@2
:D :D

ابوعادل · #3 (**permalink**) 08-22-2002, 11:30 AM

الدجاج البلد غالى يا مشاغبة بس طيبة بس وش الدبره

عبوووودى · #4 (**permalink**) 08-22-2002, 12:47 PM

ياعين عين عين عين عين عيني عليك يا منتهي :D;)

لااااا اتناقش ولا تجادل ازين من القصه هذي ما شافت عيني

الله بغربل ابو شغالت ولد عم جيران اهلك يا مطرررررطع ..

تسلم يمينك ابو عادل ويالله يالله مثله تكفا واللي يرحم والديك

وووالله وهذاك ما حلللفتن اني قاطع الاتصال وقريته اربع مرات :D

كل الشكر وكل التقدير لك اخوي ابو عادل ...

اخوك:

البرودكتوماجستير / عبووووووووووووووووودي :p

ابوعادل · #5 (**permalink**) 08-22-2002, 02:31 PM

شكرا عبودي وترى في مواضيع اخري لي في المنتدي اتمني انها تعجبك

كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع

كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع

كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
ماريا قبل ما اطلب منك..	جرح الوقوت	القصص و الروايات و الحكايات قصص قصيرة و تعلم القصة story novelette	2	12-02-2007 02:21 PM
ياهلا بك ماريا	جرح الوقوت	القصص و الروايات و الحكايات قصص قصيرة و تعلم القصة story novelette	0	12-01-2007 07:07 PM

ماساة الدجاجة ماريا

منتدى الحوار العام الفسحة العامة