في منامي ومن غيابك كل ليلة قاعد أبكي
خايف أصحا وألقى إني قد فقدتك للأبد
خايف أشكي ولا ألاقي صدر حاني له أبشكي
وألقى روحي اللي تحبك فارقت هذا الجسد
الحكي ما عاد ينفع لو أبحكي قد ما أحكي
وش تساوي حروف شعري دام غاليها ابتعد
وش تساوي كل قصة ما حكت عني وعنكِ
إلا قيمة هرج فاضي ما انتفع منه أحد
يا الحبيبة وانتي أدرى إن قلبي قد كتبكِِ
قال روحي قال عمري قال موتي لو تصد
قال ودي لو أكون منك أقرب من هدبك
أحضنك برموش عيني ووسط قلبي لك مهد
المنى إني أكون راحتك ماني تعبك
ولا اشتكيلك من فراق ولا أبكيلك بعد
بس شسوي في عيون دمعها فاض بسببك
هي تحبك وأنا أحبك ونحتري ذاك الوعد
أعذريني دام حظي ما قربني حيل منك
و دامها حدود المسافة أقوى من كلمة عهد
الله أعلم كم بأعاني وإنني من اليوم بابكي
وإن دمعي لو ما جيتي ما أظن يوقف أبد