|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
07-03-2009, 07:27 PM
| ||||
| ||||
| رد: رواية غصب عني ..كاملهـ انا : ممكن تطلع لين انزل طلال : طل اخلصي لا اجيس انزلس من شعرس انا :" جعلك المرض انشالله " خلاص وخر صوب الباب طلال وهو يوخر: اخلصي ياطرزان انزلي وانط على السرير من فوق الدالوب وطلال يطالعني بدهشه ونظراته غريبه وانزل من السرير وشكلي مصخره البالطو عوووود وشال سويته شيله طلال : وش جايبس لاتقولين غصب عني كا العاده انا بعين قويه: انت وش الي جايبك غرفت مشاري طلال : خلاص عرفت كنتي جايه على بالس غرفت مشاري اه وانصدمتي يوم دريتي انها غرفتي انا : صح طلال: شكلس من زمان محد لعن خيرس انا : طلال خلني اقولك السالفه من البدايه وانت احكم طلال : غردي اسمعس انا واقوله السالفه كلها وان البنات معي طلال ببتسامه خبيثه : يعني فارس معه فيديو حلو انا : اخذه منه قبل يوديه لعمي ناصر طلال : لا والله اسمعي انتي ويا المنخشين بتنفذون كلامي بلحرف الواحد انا : وش كلامك طلال : اذا ابوي شاف الفيديو اكيد رح ينادي ريم وريم تقوله ان فارس اجبرها تروح تصور في غرفتي انا : شلون ما فهمت طلال : افهمكم فارس مايدري ان ريم تصير بنت عمي يحسبها صديقتي واقاطعه : وانت متعود صديقاتك يجونلك في الغرفه ترانا في الدوحه موب في فرنسا ياولد عمي طلال : اما ان عينس قويه بس انتي دواس بعدين بعد اسبوعين انشاءلله "استغربت اكيد بيعطيهم الفيديو بعد اسبوعين وش اسوي " ويكمل طلال : هو يحسب ريم صديقتي وعشان كذا صورها الا ريم ليه ما قلتي له انس بنت عمه لا يكون مسويلي مصيبه انتي وياه اعرفكم ربع ريمو ه وهي تحت السرير : مافهمت شلون يعني ربع طلال : جاوبي على سوالي بعدين اسألي ريموه : قلت اخلص الموضوع عشان لايدري عمي انا طلعنا من الغرفه طلال : المهم اذا ابوي ناداس وقالس ليش كنتي في غرفتي تقولين فارس متفق معس او مجبرس تقولين انس تحبيني عشان كذا جيتي غرفتي وصورس وانا مدري عن شي او كي ياحلوه ريموه : حلك بطنك انشاءلله وبعدين انا موب مجبوره اسمع كلامك ترا الفيديو اللي عندك مايخصني طلال: بس يخص اختس وعلى مااعتقد هي تهمس ريموه : انت تدري وش نتيجت كلامك هاذا معناته اخوك حقير الا ابعد الحدود وانت طبعا يهمك اخوك مثل ماتهمني اختي فا احسن شي انك تروح لخوك وتقوله الحقيقه وتا خذ منه الفيديو ويادار مادخلك شر طلال: مع الاسف اخوي مايهمني وانتي بتسوين اللي اقوله ولا تحملو انتيجه ولا توهميني ان الملاك ليلى مظلومه بتورط عشان حضرتس رفضتي وسوو الي اقوله قبل تندمون كلكم ريموه : واذا قال عمي ناصر ليه ماقلتي ولا ليه طعتيه وش الشي الي يهددس به وش اقول انت تدري انا موب أي احد يهددني طلال وهو يفكر : قولييييييييييي قوليييييييييي قولي ترجاني وقال ان طلال مذيه وهو يبي ينتقم وقال تكفين ساعديني وانتي خذتيه على قد عقله لين تشوفي عمي وتقولين له الحقيقه ويطيح في شر اعماله ريموه : ومنت خايف اقلب الموضوع عليك مثلاا طلال : كيف مافهمت ريموه : ممكن اقول انت اللي مجبرني اجي غرفتك بما أن فارس مايعرفني وانت اوهمت فارس ان صديقتك عندك وجا فارس وصور صديقتك قبل الا تجي عشان يثبت لعمي انك خايب وهو مايدري ان صديقتك تكون بنت عمك وانك مسوي ها المقلب عشان تورطه وممكن ازيد بعد انك اجبرت ليلى تاخذ قميص نوم وتحطه في غرفت فارس بس ليلى مادرت وين غرفت فارس وحطته في غرفتك وانت صورتها طلال : يعني تذاكين علي مع الوجه ريموه : لا بس يعني احذرك خايفه عليك طلال : بتسوين اللي اقوله صح ريموه : واذ اكتشف عمي بطريقه او باخرا وش بيكون موقفي طلال : عادي طفله واخطت ريموه : ياسلام طفله بعينك السنه الجايه باروح الجامعه وبصير محاميه عشان خاطرك طلال : عشان خاطري وانا وش دخلني ريموه : يعني يمكن عمي يدري انك كذاب ويطردك من البيت وتنقهر انت وتظرب فارس بقوه ويروح فارس في غيبوبه ويسجنونك وتخيس في السجن واكون قدني متخرجه وادافع عنط واطلعك برائه عرفت ليه عشان خاطرك طلال : انتي بنت عمي فهد صح ريموه : ايه أي خدمه طلال : لا بس لازم تسووين الي قلت لس عليه "اشهد ان ريموه وحها مغسول بمرق كل ذا وهي تحت السرير كيف عاد لونها قدامه شخصيا " ريموه : بفكر لأني سراحه مابي اطيح من عين عمي ناصر طلال: كني عطيتس وجه ريموه : فيه مثل يقول طرار ويتشرط تعرفه طلال :الا انتي تعرفينه ريموه : طلال لا تزعلني ثم اقول لا طلال : ترا الفيديو الي عندي فيه اختس الموصون وانا معها وهي تترجاني اخليها تطلع ريموه : عادي بقول انه انت اللي قايلها تمثل طلال :وش الي يخليها تطيعني وليه ماعلمت علي ابوها ريموه :طلال ممكن األف لهم قصه وانا مرتاحه طلال : خلاص سوي اللي تبين بس لا تنسون تراكم في غرفتي اذا كنتي ناسيه ريموه : وذا كنا في غرفتك وين المشكله لا يكون على بالك خايفين منك تراك غلطان طلال: لا شدوعه خايفين بس غرفتي كلها كميرات اذا نسيتي وش قلتي ترا عادي باعيد لس السي دي لا واعطيس نسخه "جعل ريموه ما تربح ورطتنا زياده وصار عند ه بدل الفيديو فيديوات " طلال : يله سو الي قلت لكم عليه وضفو عشان برقد ريموه : طليل انت ماتستحي طلال : ريموه اعتقد تعرفي اسمي وبعدين ليه ماستحي ريموه : قاعد تعلم خالك ببنات عمك ياخي استح على وجهك طلال : بسراحه انا ماحب خالي قلت خلني اورطه بأختس ليلى عشان يكره الحياه وانا ارتاح ولا اقعد اتخيلها تطلعلي من الدرج ولا من السقف او يمكن تطلع لي في الحمام ريموه : اوكي رح جبلي عبايه طلال : وانتي ماتستحين تتمشين في بيتنا بدون عبايه ريموه : وانا وش دراني انك بتطلعلي مثل الجني طلال: صدق ماتستحين وعلى العموم بتطلعين اطلعي انا برقد ريموه : ياسلام اطلع بلبجامه كذا عادي ترا احنى موب بفرنسا طلال : عادي موب مطالعس تطمني يله عادروحو بارقد انا : يمكن احد يشوفنا روح شفلنا الطريق طلال : اطريقه اللي نزلتو بها الرقو بها انا : والخدامه اللي فوق في الغرفه طلال : انالله وانا اليه راجعون على العموم باروح الله يعيني عليكم اشوف الطريق ويروح ويشوف الطريق ويرجع طلال : يله روحو مافيه احد قدامكم ريموه : لا والله رح انت لا تشوفنا طلال : لو تبيني ارسمس رسمتس تراني ما نسيت يومس في البر ريموه : ياخي انت وجهك مغسول بمرق ماتستحي طلال : ليه من المفروض يستحي انا ولا انتي ريموه : ياخي عاد روح لأي مكان عشان نروح طلال : بسكر عيوني وانتو اطلعو ريموه : تنكت الشيطان ملعون يمكن يقولك طالعهم عادي بنات عمك طلال : يابنت انا والله حافض اشكالكم مايحتاج اطالعكم ريموه : انت شايفنا من زمان تغيرنا يعني لا تشوفنا ماعرفتنا طلال : هي انتي بعد الى 3 اذ ماطلعتو مشكلتكم بقفل الباب وبرقد ريموه : زين اذا انا عندي الجرائه وطلعت لميوه موب طالعه طلال : ليه انشاءالله تبني اشلها اوديها فوق ريموه: لا تستحي طلال : تبين تفهميني ان فيكم احد يستحي ريموه : ايه انا استحي طلال : انتي تستحين ضفي احسن لس باروح اجيب لي قلاص ماي نشفتي ريقي حسبي الله عليس وطلع ونروح بسرعه ونرقا فوق وندخل الغرفه ونطلع الخدامه برا وياخذها طلال ويقفل علينا وكانت الساعه 8 ونص ونلقى البنات قاعدين على احر من الجمر ونصلي الفجر ونقولهم السالفه من طلعنا لين رجعنى انا : بنات ضنكم طليل وش يقصد يوم قال الوعد بعد اسبوعين رنود : اكيد يعطيهم الفيديو شيخوه : ليلوه دوري لس عذر قدامس السبوعين انا : برقد بنات تعبااااااااااااااااانه شوي ويدق الباب ريموه : تنكت يالي عند الباب وكان فارس: ليه ريموه : يعني ماتدري ان الباب مقفل فارس : ادري بس لازم ادق الباب ريموه : وليه ذابحك الادب فارس : انتي شفيج ترا احنى موب بسوريا عادي ادخل انتو تتغشون مني ريموه : ااااااااااااااايه تذكرت سوري وش تبي فارس : خلي رنود تطلعى عشان تروح للموعد حقها في المستشفى ريموه : فارس فارس: هلا ريموه :ممكن اطلب منك طلب فارس : اطلبي عادي وكلنا مبطلين عيونا صدق ها البنيه وجها مغسول بمرق ريموه : طفشنا من الحبسه فارس : سوري مااقدراطلعكم ريموه : لا بس نبي تي في وبلستيشن و محد راح يدري فارس : خلاص باخلي الشغاله تجيبه عندكم بعد شوي بس لا يشوفه ابوي اوكي ريموه : مشكور يا احسن شباب العايله واطيبهم فارس : حتى احسن من اخوج ريموه : اكيد يخسي اخوي يصير مثلك فارس : انتي بنت من من اعمامي ريموه : اتحداك تعرف فارس : واذا عرفت وش لي ريموه : باروح معك نودي رنود فارس : اوكي انتي بنت عمي سلطان ريموه : غلط اخذ عمتك وتيسر فارس : خلاص انتي من ريموه : لا اسمحلي وبعدين لا تسأل عمتي عني فارس : اوكي نادي عمتي وتطلع رنود وتروح معه انا : ريموه وعما وش ها الجرائه ندوي وهي معصبه : خير مطيحه ميانه حضرتس ريموه : انا اعتيره مثل اخوي خويلد وراحت ترقد وكلنا رحنى نرقد وقعدت الساعه 7 سبع الليل علىصراخ الخدامه انا وبثقل: خير الخدامه شيلي : بسرا روه شوف سيرفارس سير تلال واجد مشكله والخدامه قعدت تصحي البنات واللبس عبايتي وانزل و واللقا الصاله كل شي فيها متكسر وطلال وفارس يتهاوشون وصوتهم واصل اخر الدنيا اروح بسرعه ادور عمي وحريمه ومالقيت احد وابي التصل عليهم ماحصلت ارقامهم والروح بسرعه للبنات اللي قدهم نازلين بعباياتهم ولميوه تعنز لرنود لأنها يالله تنزل من الدرج ونوقف في الصاله وهم يتهاوشون ندوي بخوف: بنات وش نسوي كلهم دم رنود : بنات حاولو تفككونهم شيخوه بلامباله: وش نفكك ذولا كنهم بعارين لميوه بميوعه وخوف: بنات خلا نسحبهم عن بعض ترانا واجد انا : ترا فارس قوي موت اسالوني شخوه : راحت عندهم عيال حرام عليكم اللي تسوونه محد عبرها وفارس خنق طلال وطلال شوي ويفطس وتقرب منهم شيخوه وهي تحالو توخر فارس عن طلال ويضربها فارس لا طايحه بعيد عنه وتروح تركض وتسحب عكاز رنود لا رنود طايحه على لارض وتجي مسرعه وتضرب فارس بلعكاز على راسه من ورا ويدوخ فارس ويبعد عن طلال ويقوم طلال ويخنق فارس وندوي تدعي علىشيخوه وتقول بصوت واطي ذبحتي فاااااااارس وتوطي صوتها اكثر وتقول احلامي يا البقره وقالت رنود امسكو فارس ابعدوه وتوها تكلم لا شيخوه ظاربه طلال بنفس الطريقه وبس الضاهر كانت اقوى قالت رنود ربطوهم لين يجي عمي ناصر و نسحب كل واحد ونربطه على كرسي بحبال الستاير وشطرطون عريض جايبته الخدامه شكل عندها خبره المهم بعد ماربطنهم صحى طلال وكان راسه فيه دم ولفت عليه رنود وكان دايخ اما فارس بغى يفقد اعصابه ويصارخ علينا فارس وبكل عصبيه : فكوني احسن لكم فكوني رنود : صدق ماتستحون على وجيهكم كنكم بزران فارس : فكوني احسن لكم والله لاتندمون اصلاا وش دخلكم بينا فكوني ريموه : بنات فكوه لا يموت علينا وصحصح طلال وبد يصارخ ويهدد بكل عصبيه طلال : ليلى فكيني ولابتندمين انا : بنات خلى نروح فوق اصرف لنا انا قلت فوق وهم بغت تجيهم جلطه وكل واحد يصارخ ويحاول يفك نفسه رنود بعصبيه : اكل تبن انت وياه صدق ماعندكم سالفه طلال : رنود فكيني فارس وهو يصارخ : فكوني الله يلعنكم رنود : بس بشرط وكلنا خفنا لا تفكهم رنود والله يذبحونا طلال :اوكي بس بسرعه فارس : خلصيني وانتي يا الحقيره ليه تضربين وعدج بعدين يادب الباند ا شيخوه عصبت وتجيب شطرطون عريض وتسكر ثم فارس ويغى يفقد اعصابه وتقوله الحين سولف جعلك اللسنه يا لحقير رنود : ليش تتهاوشون ووش السبب اللي يستاهل اللي يصير ذا كله ووش ذنب ناصرجبتوله المرض والعله مالت عليكم المهم رنود ماخلت شي ماقالته حت احنى ماتوقعنى رنود تعطيهم ها المحاضره وبعدين مدري وش ذا الجراءه اللي عندها وهي كل يوم تقول مستحيه وخلصت رنود محاضرتها رنود : يله نروح ناكل شي ونروح لغرقت الطعام وهم يصارخون ويتحلطمون انا : رنود غسلتيهم غسال رنودبعد مانادت الخدامه شيلي :وش اسوي كنهم بزران وجات الخدامه رنود: ايش صار ليش يتهاوشون شيلي : ها مستر فارس يروه غرفه مستر تلال بعدين فارس يشيل لابتوب ويكسر بادين مستر تلال يذرب مستر فارس بادين يجي فارس هنى ساله بادين مستر تلال يجي رنود : خلاص روحي لميوه : الا وين عمي ناصر رنود : اليوم يوم جيبت من المستشفى قالي انه معزوم وبيروحون كلهم لصديقه في الوكره انا : وفارس ليه يكسر لاب توب طلال ريموه : هين يافارس والله لاورطك ندوي : وانتي يالخبله تكلم شيخوه ليه نظربين فارس بذا الوحشيه تخيلي صار له شي شيخوه : ليت جاه شلل رباعي عشان يعرف يدزني بعدين خافي علي مالت عليس بغيت ارجع يوم طحت ندوي :بس بغيتي تذبحين الولد عشان بغيتي ترجعين الله يخذس قولي اااااامين رنود : بنات لا تسوون الي قاله طلال تراه بيودي فارس ورا الشمس شيخوه : الا سووه جعله يروح للمقبره الحقير يشوفني بنت نعومه وماتحمل ويدزني بكل عنف ندوي : الا يشوفس نعامه يا البقره وتقاطعهم هنوده : صدق مشكله ان نفذنا كلام طلال راح فارس فيها وان رفضنا راحت ليلى فيها ندوي بوقااحه: عادي ليلو ه موب ميته لكن فارس انسان حساس ما يتحمل ان ابوه يزعل عليه نوير : ايه حساس اسمعي صوته يصارخ كنه صوت بعير ندوي : اروح افكه حرام والله مهوي : وفكي بعد طلال ولا طلال مايكسر الخاطر ندوي : تكفون خلوني افكه انا : احس ان طلال بيفضحني لأني مافكيته ريموه : ايه اول ما تكلم قال ليلى فكيني ولا بتندمين انا : ها وش اسوي لميوه : بنات نكلم عمي يريحنى من ذا الصراخ اذولا ازعجوني رنود : يوه متى ناصر بيجي الوكره بعيده شوي انا :خلاص خلى نكلمه يجي يشوفهم ويتصرف رنود : بلا بنخوفه وبس وبعدين شلون يعتذر منصديقه يوقوله والله الشيبان اللي عندي في البيت تهاوشو وباروح اادبهم ريموه : رنود روحي حققي معهم شوفي ليه فارس مكسر الاب توب حق طلال رنود : لا والله الحين صارخهم واصل اخر الشارع وتبينهم يفهموني ندوي : هاروحي لزقي عليهم شيخوه : الحين اشغاله قربت من فارس بغى ياكلها وتبن رنود تروح مبعد استغنينا عنها انا : عادي مربطين مايقدرون يسوون شي رنود : لا اخاف يهوشوني واللي فيني كافيني المهم على الساعه 11 جاء عمي واول ماسمعنى صوت الباب طلعت رنود وانصدم عمي يوم شاف الصاله مكسره وعياله مربطين اما الامهات راحوركض لعيالهم وكلوحده تفك ولدها وتلزق عليه عمي بعصيبه : وش السالفه رنود : تقوله السالفه ويبتسم مدري ليه وهورايح يكلم العيال الحقوني للمكتب شيخوه : يله نروح فوق بكرامتنا ونطلع فوق انا : شفتو طليل يتوعدني عشاني مافكيته ريموه : اذا ناداني عمي اسوي الي قاله طلال ندوي :لا بيتورط فارس ويمكن يطرده ابوه ولعاد اشوفه ويصير لي شي انا : بنات بعترف بكل شي وارتاح من تهديدات طلال وتحكمه فيني لميوه : خاصه وهو يقول بيعلم بعد السبوعين مهوي : يعني فاضحنى فاضحنى شيخوه : اجل اعترفي الحين مادام اهلنى في ابها انا : خلاص قررت اعترف وريح نفسي من طليل وطلباته رنود : اذا اعترفتي بصير كذابه في عين ناصر هنود : كلنا كذابين موب واثق فينا مره ثانيه وتدخل الخدامه شيلي : وين ريم بابا يبي انا : وين بابافيه شيلي: في مكتب انا : يله ياقايس ونروح للمكتب ونحصل عمي وياعياله وفارس مفووووووووووووور على الاخرا واول مادخلنى قال فارس وينها ريم وليه كذبت علي عمي : فارس ولا كلمه وطلال يطالع فارس بنظرات فرح ونصر عمي : انا طلبت ريم موب كلكم انا : انا اللي باقولك السالفه طلال بدت نظراته تتوجه لي اما فارس كان يراقبنا كلنا يبي يعرف منهي ريم اللي لعبت عليه عمي : تكلمي قولي الي عندس ونتو ياشباب اطلعو انا : لا خلهم يجلسون وبعد اذنك مابي احد يقاطعني وانا اتكلم انا اسفه ياعمي انكان كلامي بيزعجك والرجوك تسامحنى واتمنى تصدقني عمي : اجلسو وتكلمي كان في زاوية المكتب انتريه قطعه طويله جلست انا وريموه ورنود عليه وقطعه ثانيه نفسها جلسوباقي البنات عليه وفيه كرسيين واحد جالس عليه فارس والثاني كان جالس عليه طلال بس قام وجاب كرسي عادي وجلس عليه وعمي جلس مكان طلال عمي : تفضلي ولا حد يقاطعها حتى انا موب متكلم لين تخلصين انا :انت تعرف ياعمي اني احيانا مندفعه ولا اقدر الاشيا الابعد حدوثها ولا احب احد يدوس لي على طرف المهم البدايه كانت في البر يوم كنا جالسين كلنا بدى طلال ويافواز يقطون علي نغزات كانو يقولون وش الشي الي كذ وكذ واقوله سوالفهم وبعدين طلال كل شوي يتعمد يحرج خالد اخوي المهم انا زعلت من طلال و رجعنى وانا عند جدتي واقوله سالفه شيخوه والبلوتوث واكمل وقررت اني انتقم من طلال ويقاطعني طلال ليلى منتي مجبوره تكملين انا ويقاطعه عمي ناصر : ماسمعتني اقول لحد يقاطعها وسكت طلال وهونفسه يقول شي وانا كملت عاد انا فكرت كيف انتقم منه وطرتلي فكره اني ــــــــــــــــــــــــــ عمي : كملي انا بأحراج: اورطه وو..............وو اخذت ..........قميص ورحت اوديه........................ لغرفته.. عشان اورطه وكنت احسبه موب في الغرفه لاكن المفاجئه انه كان موجود وشافني وفسر الموضوع على كيف وترجيته يصدقني ورفض يصدقني وقالي تراغرفتي فيها كميرات ومعكم الى بكره تفسرين لي اللي صار ولا بفضحس " وبانت علامات الغضب على عمي وهو يطالع طلال وطلال منزل راسه " ويوم جا اليوم المحدد كلمني وقالي سوي خطتس بس مع فارس اخوي وهو ودا القميص غرفت فارس وانا قلت لك عن البنت و ضميري عذبني ورحنى للمزرعه وكلمنا فارس وبد يترجى رنود انها تقول انها هي الي دخت بيتكم وبعدين قالت لك وانت ظربت طلال وكنا في الصطبل وكان طلال يغسل خيله ودخل عليه فارس واقوله السالفه وبدا عمي ناصر يناظر فارس ويقول : انت اللي حارق صدر طلال وانت ياطلال ليش ماقلت لي وكلهم كانوساكتين ومنزلين روسهم وبعدين قلت له عن طلال انه يكلم صديقه منصور ويقوله وهنى عصب عمي من قلب وبعدين كملت ويوم جينى هنى طفشنا من الحبسه و قررنا نطلع وطلعنى من الغرفه ورحنى لغرفت مشاري وبعدين جاء فار س وانخشينا واقوله السالفه كلها وبس وهاذ كل شي وانتشر الصمت الدقايق عمي : طلال انت ليه تستغل بنات عمك ماتستحي على وجهك وشلون تكلم الغريب وتعلمه بسرارنا طلال : يبه من حقي اتكلم ولا احد يقاطعني عمي : عطني اجابات صريحه لأسألتي اول شي ليه تستغل بنت عمك وثانيا ليه ما قلتلي عن الحريق الي في صدرك وانه من فارس وكيف فارس حرق صدرك وثالثا ليه تصور بنات عمك وبعدين ليه تحط كمرات في غرفتك طلال: انا ماستغليتهم بس كنت متضايق منهم عشان الفيديو اللي في البر قلت خلا احرهم شوي وبعدين فارس مذيني بدون ماسوي له شي واسأله وش سوت له عشان يكرهني اللى هادرجه اما الحريق ماجات مناسبه وبعدين مابي المشاكل وبصراحه مابيك تزعل اذاعرفت ان عيالك 24 ساعه يتهاوشون وبنات عمي ماصورتهم كنت اكذب عليهم وغرفتي مافيها كميرات اصلاا اما الغريب اللي كنت اقوله اسرار العايله كان كذبه سمعت صوت البنات برا قلت بلعب عليهم بما انهم عندهم حب استطلاع بسوي نفس اكلم صديقي واجيب طاري الفيديو عشان يصدقوني ويخافون بس عمي : وانتي يارنود كذبتي علي خليتيني اظرب طلال قدام اهلي كلهم ظلم رنود بدت تبكي وراحت لعمي وضمته وبدت تتأسف وبعدين تأسفت من طلال عمي : وانت يافارس جاوبني بصدق ليه تسوي كذا مع طلال وليه حارق صدره فارس وهو منزل راسه : بعدين اقولك عمي : الحين بتتكلم ليه حارق اخوك فارس رفع راسه وهو معصب : احسن ابيه يحس بناروالحريق الي داخلي ابيه يتعذب في حياته ابي انتقم منه عمي وهو معصب : وش سو الك فارس وقف وهويصارخ : اكرهه ماحبه وقام عمي وعطاه كف : ليه وش سوا تكلم فارس وهويصارخ بصوت عالي : تبي تدري وش ها الحقير مسوي وليه اكره لأنه حقير لأنه مصادق اختي سحر عرفت ليه لأنه لعب عليها طلال قام على طول : أي سحر اللي تكلم عنها انا معرفها فارس وهو يصارخ : الا تعرفها ريما اللي صورها عندك في الاب توب اذا ماكنت غلطان لا وكاتب عنها في مذكرات طلال بصدمه : ريما اختك ماكنت ادري وبعدين انا ماكنت اتسلى مثل مانت متوقع انا احبها صدق فارس بعصبيه : تخسي وليه ماجيت تخطبها ليه ماتقولي طلال بقهر:هي اختفت وهلها كشفوني وبعدين صارت ظروف منعتني اني اجي اخطبها وبعدين انا وش دراني انها اختك فارس بغضب:لأنك حقيروليه اصلاا تكلم بنات الناس عمي كان ساكت ومنصدم وعياله يتهاوشون قدامه وطلع وخلانا كلنا وطلعنى وراه كلنا واولنا طلال اللي كان خايف على عمي بشكل موب طبيعي طلال برجاء: يبه لا تزعل وانا اسف انا غلطان في كل شي سويته بس لا تزعل تكفى يبه سو اللي تبي فيني اذ تبيني اعتذر منهم كلهم بعتذر بس لا تضيق نفسك ويجي فارس ويجلس على ركبه عند عمي : يبه الله يخليك لا تزعل وانا اسف واللي بتامر به باسويه بس لا تزعل وانا ادري اني انا الغلطان بس انا اسف واوعدك معاد اتهاوش ويا طلال مهوي بحكمه نادره: خلا نروح خلهم يترجونه على راحتهم ورحنى فوق انا برتياح: الحين ارتحت من طليل بس شفتو ذكائه شلون لعب علينا شيخوه : ضنكم عمي بيسامحنى نوير بحراج: اف تونا جايين امس قلبنا البيت عليهم هنوده : يمكن عياله معاد يتهاوشون ريموه : شفتو عيون فارس كان يدورني ندوي : يابعد عمري يافارس احلامي كان شكله حلو وهو معصب وهو يترجا ابوه آآآآآآآآآآآآآآآآه محلاه المهم الساعه 2 دخل علينا عمي وعلى طول قطت ريموه بطانيه على التي في وجلس واحنى ساكتين عمي : مدري ازعل على تجاهلكم لي و نسيانكم اني عمكم ناصر اللي المرفروض تلجئون لي في كل شي حتى لوكان صغير شلون ماتقولون عن طلال وعن فارس وعن كل المشاكل ليه ماتشتكون لي ليه معتبرين غريب او افرح على انكم قدرتو تكسرون الحاجز اللي بين عيالي اللي عجزت انا واخواني كلهم نكسره وش اسوي افرح ولا ازعل رنود بأسف: انا اسفه ياناصر وسامحنى كلنا واوعدك هاذي اخر مره وتكفى سامحنى وبدينى كلنا نترجاه يسامحنى لين الساعه 4 عمي : الله يغفر كيف انا يابني ادم ما اغفر واسامح سامحتكم ونضم عمي بفرح ونستانس عمي : خلاص لا تعتبرون انفسكم محبوسين بس اهلكم لا يدرون وبكره بعد الظهر ابيكم في سالفه مهمه وراح واحنى صلينى الفجر وجلسنى نسولف انا : ضنكم وش السالفه ريموه : باروح الرقد عشان اعرف السالفه بسرعه رنود : مدري احس ان فيه مصيبه الله يستر ندوي :يمكن مسوي مفاجئه وبيروح بنا لأبها عند اهلي لميوه : تخيلو كان وناسه شيخوه : نفسي اعرف تحمستنا عشان كذا باروح ارقد مهوي : حتى انا باروح الرقد انا : انا بعد بارقد والروح الرقد وانا على السرير قعدت افكر في المشاكل اللي صارت بآرتي وكيف تطورت ولا وش السبب اللي خلاها تصير المهم بعد تفكير مطول اكتشفت ان السبب هو غياب ضميري مدري وين راح صح انه احيانا عله بس كان مالي علي وحدتي المهم الساعه 6 رقدت عشان اقوم بدري اشوف وش السالفه وقعدت على صوت شيخوه وهي تقول يله الغدى وقعدت وسبحت ولبست ولبس عبايتي ونزلت اتغدا وحصلت البنات كلهم على الغدى ويا ام فارس وام طلال ودلوعه انا : ماتدرين للوش ليش عمي يبينا لولوه : لا والله مدري انا : ولانتي ام طلال ام طلال : لا ماقالي شي شيخوه : وش تتوقعون يبي منا كلهم : ماندري مهوي : ضنكم مفاجئه سعيده وحزينه ام طلال: الله اعلم لولو ه : انشاء الله سعيده مهوي : عمي تغدى ولا توه ام طلال : هاذاك يتغدى مع العيال لميوه : يوه متحمسه ادري وش المفاجئه المهم خلص عمي وراح للمكتب وقالنا لا خلصتو تعالو وعلى طول غسلنى يدينا ولحقناه وجلسنى كلنا على الانتريه في المكتب عمي اسموعوني لين اخلص اوكي كلنا : وكي عمي : اسمعو بعد الحادث اللي سوتوه "اناخفت ياليل اكيد بيعطينا محاضره " اهاليكم زعلو عليكم و بعد فتره اكتشفو انكم ماسويتو كذا الا من الفراغ اللي عندكم وخاصه وانتو كبار اصغركم مخلصه ثانوي وبتروح الجامعه وقالو لو ماعندكم فراغ كان ماصارت كل ذا المشاكل وانتو يا اللي مخلصين الجامعه ماتبون تتوضفون لذالك لقولكم حل ووصوني ابلغكم ايها وهو ان ابوي اقترح عليهم انكم كلكم يابنات يالي جالسين قدامي انكم تتزوجون كلنا : هاه ريموه بنكفه: حلوه والكل بدا يتحلطم
_________________  يـ ع ـطيك الف ع ـأإفيه يأإ أح ـلى ـآ صديق(الـع ـنصري)^^  |
|
07-03-2009, 07:39 PM
| ||||
| ||||
| رد: رواية غصب عني ..كاملهـ عمي : ولا كلمه خلوني اكمل كلامي رنود + عبد المجيد "رنود قالت بدون ماتسمعون رأيي" مهى + يوسف "ومن قال اني ابي اتزوج " ليلى +طلال "وهنا جاتني جلطه طليل من بد كل ها العالم ليته اليابني كان ارحم من ذا الكريه " شيخه + فواز " كانت ساكته بشكل غريب " هنادي+راشد "لا مابيه " نوره +نواف "سكتت" ندى + عبد الله " ندوي بدت تبكي بشكل هستيري لأن فارس احلامه هو فارس" لمياء+ خالد ولد فهد" لميوه قالت بصوت عالي ها المعقد مابيه لا يمكن ابوي يقطني ها القطه وبدت تبكي" ريم +عبد العزيز"ريم لا يمكن بعدي صغيرونه" "وكلنا جانا صمت مفاجئ " وكمل عمي وعلى فكره ترا ابوانكم اللي مختارين لكم ازواجكم والله يوفقكم وترا اهلكم بيجون الخميس لجاي وملكتكم الخميس اللي بعد ه انا وبدموع : بس عمي ليه كذا تسوون فينا حرام عمي : واللي تسوون فينا موب حرام ندوي وهي تبكي : والله لا انتحرولا اخذ هاذا الي انت قلت اسمه شيخوه : وش شايفينا تزوجزنا بذا الطريقه مهوي: وبعدين الشباب موافقين عمي : كلهم موافقين ومستانسين " انا تذكرت طليل يوقال بعد السبوعين وش قصده " لميوه وهي تبكي : الله يخليك عمي قلهم حرام عليهم عمي : بس انا مأيد الفكره وعاجبتي انا : حرام عليك عمي : وليه مكبرين الموضوع عادي خيرتكم بتتزوجون وبعدين الزواج في الصيف لا وجماعي موب فكره حلوه ونقوم كلنا ونروح للقسم ونجلس نبكي على حضنا لميوه وهي تبكي : ااه مالقولي غير خويلد شيخوه وهي تبكي: والله لا انحاش وخلهم يدورون له عروس غيري انا وانا ابكي: جعلس الموت يامهوي ليه مخليتي اخوس الياباني يتقدم لي موب احسن من طليل مهوي وهي تبكي : احمدي ربس على الاقل طليل حلو انا واناا بكي: بس انا مادانيه وبعدين خلى نسوي اضراب عن الطعام شيخوه وهي تبكي : لا قديمه دورو غيرها ريموه وهي تبكي: قديمه ولا ماتقدرين تصبرين عن الاكل رنود وهي تبكي : بنات اكيد بصيرلي شي شلون اخذ غير بدر ماقدر كلنا جلسنا نطالعها بتعجب رنود وهي تبكي : ليه تطالعوني كذا ايه انا احب بدر ولد خالي مهوي : وعبد المجيد رنود : اصلا كان باقول لبوي اني مابيه بس بنات لو اخذ غيره اكيد باموت ندوي وهي تبكي : انا اللي والله باموت وش جاب عبود لفارس شيخوه وهي تبكي : عبود احسن منه بفرق اليوم عن امس وبعدين ترا فارس مايدر عن هوا دارس ندوي وهي تبكي : عادي اهم شي اني احبه وهوفارس احلامي مهوي : لازم نسوي شي ولا نسوي اللي يبون ريموه : يمكن يكذبون علينا عشان نخاف لميوه : ليته وجاء العصر وصلينا ورقدنا وقررنا اذا قعدنا من النوم نفكر في حل يخلصنى من ها المشكله ××××××××××××××××××××××××××××××××××××××
_________________ يـ ع ـطيك الف ع ـأإفيه يأإ أح ـلى ـآ صديق(الـع ـنصري)^^ |
|
07-04-2009, 12:38 AM
| ||||
| ||||
| رد: رواية غصب عني ..كاملهـ تسلمين الروايهـ حلوووووووووهـ ماقصرتيـ |
|
07-04-2009, 10:18 AM
| ||||
| ||||
| رد: رواية غصب عني ..كاملهـ يعطيكـ الع ـــافيهـ ع الرد الحلو... الجزء الثاني عشر من روايه غصب عني الفصل الاول من .........( شــــوفولي حــــــل )............ وقعدتنا الساعه 6 المغرب وصليت وشفت وجهي في المرايه واستغربت كني باكيه ولا دريت وش فيني انا ما ابكي الاعلى شي عووود ياربي وش فيني عسا محد مات من العايلةlييييه تذكرت انا كنت ابكي عشان بيزوجوني طليل وبعدين نقدت على روحي ما يستاهل اني ابكي وقلت لازم انتقم منه الخايس وجلست افكر شوي كيف انتقم منه وقررت اسوي له رعب والله لااكرهه في نفسه الخايس ورحت قعدت البنات وطلبت من الخدامه تجيب لنا سندويتشات وعصير وجلسنى في غرفتنا انا بقهر : بنات شوفو لي حل مابي طليل ولا ترا برتكب فيه جريمه شيخوه بلامبالاه: والله ادري فيس ذكيه تعرفين تتصرفين تصرفي وشوفي لي صرفه معس انا : رنود تكفين كلميه وقولي له ليلى ماتبيك جعل الجلطه المستعجله رنود : انا يالله اخلص نفسي وبعدين معاد لي وجه اكلم طلال وبعدين احمدي ربس اللي بتاخذين شبيه فزاع ودارس في فرنسا وغني وكفايه اني عمته انا : مالت عليس انتي وياه يهون علي اخذ عامل يشتغل في محطه بترول ولا اخذه الله يريحني منه وبعدين رنود انا استحي اكلمه تكفين كلميه رنود بحزم : ماحب الحكي الزايد كل بنت لولد عمها ولا حاطه عينس على احد وبعدين مستحيه خلي ريموه تكلمه وجهها مغسول بمرق ماتستحي انا بعتراض: مشاء الله وليه ماتاخذين ولدعمس انتي بعد رنود ترقع: قصدري اقول كل بنت لولود عمها ولا ولدخالها وولدخالها اولى عشان الجنه تحت اقدام الامهات انا : مالت عليس من عمه ماتوقعتس بذ النذاله مهوي : بنات طفش وش اسوي ضايق خاطري نوير : بنات موب متصوره ان ملكتنا بعد اسبوعين احس عمي يكذ ب علينا ريموه : حتى انا انا : بس طليل قالي الوعد بعد اسبوعين شيخوه : لا وصيكم كل وحده تغسل شراع اخوها لين يتخلى عن الخطبه هنود : بنات ليه عمي ماراح معهم لبها لميوه : صدق غريبه رنود: تقول للوش ان عماني قالوله انت دايم مسافر ومخلي الشركه وجاء دورك تستلم لين نرجع وتقول ام طلال يمكن يروحون لهم قلت واحنى وين نروح قالت مدري عن ابو طلال نوير : ياليته ياخذنا معه موب احسن انا : ياخذس طل عشان تسوون هناك جريمه مهوي : هي انتي ترا الجرايم انتي سببها انا : مالت عليكم كلكم كل المصايب اللي اسويها تمر بسلام وانتو اول مره تسوون شي ووديتوونا ورا الشمس ويدق الباب ويدخل عمي ناصر ويسلم ويجلس عمي : ها كيف النفسيات انا بدون نفس: زفت عمي: اول مره اشوف وحده زعلانه عشان اهلها يدورون مصلحتها انابقهر : بسراحه عمي ولا تزعل انا اعتبرك صديقه لي عمي بصدمه: هاه صديقه الى هادرجه انا توني استوعب :سوري ياعمي كان بقول صديق بس تدري خاني اتعبير بس خلني اكمل ترا اكثر وحده انظلمت في البنات هي انا عمي بستغراب : ليه انا : عمي لا تزعل مني بس تراني ماداني ولدك طلال اكرهه فا رجا فكني منه عمي : افا الحين انا وياه مستانسين وانتي زعلانه وبعدين طلال والله حبوب بس انتي ماتعرفينه لأنه دايم مسافر انا : موب انتو بتزوجوني لا محال عمي : ايه انا: خلاص انا راضيه بلياباني اخو مهوي عمي : من ذاه انا: خالد اخو مهوي احسن من طليل عمي : اف الى ها الدرجه مادانين طلال وش سوا ولا .......؟ انا: والا ايش تكلم صرنا ملطشه بس تمون عمي : لا بس قلت انتي متربيه وياخالد من وانتو صغارقلت يمكن تحبينه مثلا انا : عمي ممكن اسأل سوال عمي: تفضلي مليون سوأل انا :انت ليه انت وعيالك شكاكين عمي : لا شكاكين ولا شي بس مع احترامي لخالد ونايف لا ان اطلال احلى منه بفرق انا : تطمن مااعتبر خالد الا خوي وبعدين انا اخر شي افكر فيه الجمال وفي نظري الا خلاق هي اللي المفروض تكون جميله موب الوجه عمي : تعجبيني بتطلعاتس وبعدين كيف تتزوجين واحد تعتبرينه اخوس انا : انتو معزمين اتزوج عمي : بعد انتي مانتبهتي لشي انا : وشو عمي : لانا ندري ان كل عيال عمانس تعتبرينهم اخوانس زوجناس طلال اللي مستحيل تعتبرينه من اخوانس ونطت ندوي داخله عرض : حتى انا اعتبر كل عيال عماني اخواني ليه تزوجوني واحد منهم عمي : لا انتي ما تعتبرينهم اخوانس وبعدين تبين تبدلين نفس الا خت ندوي وهي مستحيه شوي : لا مابي اتزوج الحين توني عمي : على العموم انا جاي اقولكم بعد العشا كل وحده تجهز اغراضها " احنى تقطعنا من الونااااااسه عبى بالنا بنروح لبها " عشان تروحون لخوالكم تقعدون عندهم لين نرجع الخميس الجاي واحنى جاتنا خيبت امل رنود : اخيرا باروح بيت خالي واشوف بدر انا : يالله يارنود كيف تجلسين عندهم احس احرااااج رنود: لا انااكيد باروح لخالي علي توهم جايين من الامارت لانهم ساكنين هناك انا : الحمد والشكر وش الفرق رنود : عادي راضعه معهم يعني ماتغطى منهم يله وطلع انا : وكيف بتشوفين روميو رنود : عادي بيوتهم قريبه من بعض نوير : اسغفر الله الحين ملكتس بعد اسبوعين ورتوحين تشوفين ولد خالس صدق ماتستحين رنود : انتي ليه متأكده يمكن يفطس عبد المجيد قبل الموعد لميوه : ليتهم يفطسون كلهم كا احسن ونجلس نطالعها بنضرات غضب لأن اللي تدعي عليهم اخوانا لميوه وهي متورطه : اقصد ليتني افطس انا كلنا :آآآآآآآآآآآآآآآآآآآآآمين لميوه : مالت عليكم اذ بدل ما تقولون بسم الله عليس شيخوه : يله باروح اجمع اغراضي مستانسه اني باروح لخوالي انا : يالله بشتاق لكم يابنات والله مهوي : وانا اكثر وحده بتشتاقين لهاصح انا : انتي اخر وحده اشتاق لها مهوي : هاذا ردس وانا حزينه اول ماسمعت الخبر اني موب شايفتس اه يا القهر وبعدين ليه انا اخروحده انا : وش ذا العبط لان خوالي هم خوالس ياماما مهوي : ايييييييييييييييه تذكرت وحتى المفروض تشتاقين لي لميوه : انا باروح استنجد في خوالي خلهم يفكوني في اخوكم المهم بعد ماتعشينا خذانا عمي ووزعنى عند خوالنا اناوخواتي ومهوي وهندوه دخلنى بيت خوالي الساعه10 مسا ماحصلنا احد غريبه وينهم ودخلنى وحطينا اغراضنا في غرفت منار وسالنا الخدامه قالت كلهم في بيت خالي خالد بيتعشون هناك انا : بنات وشرايكم نروح بيت خالي خالد من زمان مارحنى لهم واشتقت لغدير مالت عليه ماتسأل عنى كنا مو بنات عماتها هنود : لا بس فشله نجيهم بدون عزيمه ندوي : بعدين اكيد عيال خالي خالد موجودين مهوي : تصدقون احسن شي سووه خلونا نجي عند خوالي ريموه : أي والله من زمان مجلسنى عندهم انا : وش نسوي نروح ولا نجلس "طبعا بيوت خوالي بجنب بعض وبين كل بيت والثاني باب اما بيت جدتي تسكن فيه هي ومشاعل لأنها مطلقه ولا عندها الا عبود 9 سنوات ومنار ومشعل مهوي : شرايكم نسوي لهم مقلب انا : ليته بس كيف ريموه : خلوني افكر شوي ندوي : خلا قفل البيبان ونقعهم برا هنود :لا بايخه انا : خلا نلبس ثياب عيال و ويقاطعوني كلهم : لالا ماتبتي انا : خلوني اكمل جعل ربي ياخذكم ريموه : كملي يافالحه انا : نلبس ثياب عيال من ثياب مشعل واذا دخلو نطفي عليهم الكهرب وندخل ونسوي لهم رعب مهوي :كيف نسوي لهم رعب ريموه : بنمسك خالي على طول ونربطه بدون مانتكلم ندوي : اخاف يظربنا ترا مشيعل قوي اسالو مجرب قد لعن خيره مشيعل انا : والله لو عاد وش احنى خمس وهو برحه هنوده : يله نروح نلبس بسرعه وطلعنا فوق ورحنى لغرفت مشعل وطلعنا ثياب ولبسنا طبعا كانت ثيابه طواااااااال ووساع لأن خالي مشعل طويل وعريض انا لبست ثوب وملابس داخليه وصفطت الثوب لين ركبتي عشان اقدر اتحرك بسهوله وصفطت الاكمام وتلثمت بغتره وكل البنات قلدوني ورحنى انا ومهوي الساعه11 ونص برا في الحوش اما ريموه انخشت عند العداد عشان اذا دخلو تطفي الكهرب اما هنوده وندوي انخشو في البيت وحده في المطبخ والثانيه في الصاله المهم انتظرنا نصف ساعه ونسمع صوت خوالي جاو وصوت مشعل ينكت على جدتي ويضحك ودخلو وبعد خمس دقايق طفى الكهرب وعلى طول دخلنى بس المشكله مانشوف شي ظلمه ونتخبط لين شفنا انورا موبايلاتهم وكان مشعل قريب العداد يبي يشغل الكهرب وتنط عليه ريموه ونجي انا ومهوي ونمسكه ونضربه وريموه تكب عليه ما وهو يصارخ ما يدري وش السالفه وبدوا الباقين يصارخون منار تصيح وهي تركض للباب واول ما وصلت الباب الاوندوي ماسكتها وهي كان شوي ويغمى عليه اما عبود طلع بدون مانحس وراح ينادي خوالي وبعد خمس دقايق واحنى مكتفين مشعل وكابين عليه كل انواع العصير اللي مجهزته ريموه ويدخلون خوالي وعيالهم اللي معصبين حدهم وكل واحد معه عصا واللي مسدس وعلى طول تكلمت وقلت خالي سلمان طلع عيالكم هاذاانا ليلى مسويه مقلب وعلى طول طلعو العيال ووبطلت ريموه الكهرب واحنى متقطعين من الظحك على الشكالهم وهم حالتهم حاله وخوالي خالد وسلمان ومحمد كان يطالعونا وعلى وجيهم ابتسامه وكانو ساكتين وبعد ماسلمنا عليهم انا : خوالي شرايكم في السيبرايز خالي سلمان : حلوه بس عندي سيبرايز احلى انا : قول خالي خالي سلمان : طالعي مشعل الي من يوم ماشغلتو الكهرب مهان على وحده منكم تقوله سوري ياالغالي ونلتفت كلنا وكانت مصيبه اللي طايح موب مشعل طلع بندر ولد خالي خالد ونروح نركض لغرفت جدتي وكانا منحرجااااااااات على الاخر وهوكان واقف يغسل وجهه من المغسله اللي في المطبخ وكله عصير وماي وبعد ما طلع طلعنا لصاله وكانابروح نبدل وقال خالي سلمان اجلسو سولفو معي شوي وبعدين روحو ونجلس خالي خالد : لو كم عيال كان قطعتو قلوب البنات على ها الجمال خالي سلمان : كنها حلت لكم ثياب العيال هاه انا : الله يهديك ياخالي بلا نبي نسوي مقلب وانتو كنكم زعلتو خالي محمد: يالله بكره اكيد بنجيكم نخطب لبندر وانحرجنى الحين لا يطول خالي محمد عندنا بيطلع لنا قرون لانه يموت ويرفع ضغط اللي قدامه مهوي : تبي تفهمنى انكم ماتدرون خالي سلمان : لا وش ماندري خالي خالد : تكلمي وش عندكم واحنى ماندري جدتي : عسى بس انخطبتي يا مها مهوي وهي محرجه وندمانه : ايه خالي محمد: وش اللي ايه مهوي وهي منحرجه : اللي قالت جدتي محمد:امي قالت عسى مهوي : خالي ترا ذبحتني مايسسوى علي محمد : تبين تفهميني انس مستحيه مهوي : لا وليش استحي محمد : ها قولي وش الي ايه مهوي : ايه انخطبت خالي محمد : كلللللللللللللللللللوش الف مبروك وعقبال مولدكم الاول بس من سعيد الحض خالي سلمان : مهوي وشذا الخيانه انا موب خاطبس من نفسس لولودي الوسييم جدا ورقيق جداسعود وانتي كنتي موافقه ليه ذا الخيانه وبعدين من ذا اللي اعجبس اكثر من سعودي الغالي مهوي وهي في قمه الاحراج : مدري اصلا انا موب موافقه وقاطعها خالي محمد : تعجبني الانسانه الوفيه لولد خالها بسراح قمه في الذوق وابشر السبوع الجاي بنجيكم نخطبس رسمي لسعود والسبوع اللي بعده بساعتين بيكون الزواج وبعده بشهر انشاءلله نشوف ولدكم سلمان بذن الله جدتي : محمد ماودك تروح ترقد ترا وراك دوام ياوليدي محمد : شوي خليني اشوف وش طلبات العروس احنى كنا ساكتين لأنا ندري اذا تكلمنى بيستلمنى خالي محمد لأن هوايته الاحراج اما مهوي كانت قمه في الاحراج واللي زاد من احراجها وجود خوالي خالد وسلمان لأنا موب دايم نختلط فيهم جدتي : رح ياوليدي ارقد احسن لك محمد : تو الساعه 1 مليتي مني ترا لا اروح موب جاي الا بعد اسبوع جدتي : خلاص ارقد عندي عشان ترتاح محمد : اخاف تزعل عليس ام عبود تدرين ماتقدر ترقد بدوني جدتي : خلاص روح لم عبود وريحني محمد: الله يا الدنيا معاد معد تبيني ياام سلمان جدتي : يالله انا باروح الرقد احسن لي من الجلسه معك وطلعت جدتي ثم راحو خوالي وبعد كذا رحنى فوق مع مشاعل ومنار وعبود وبدلنا ملابسنا مشاعل : اه ياحضكم على المغامره الي سوتوها منار: هي انتي هاذا بدل ماتلومينهم مشاعل : ياحبيبتي خلي تصيرعندهم ذكريات وين الخطا منو: الحمد الله والله لاقول لمي عبود: امي صادقه خلي يصيغ عندكم ذكغيات انا : عبود كن مكانك غلط مهوي : هاذا وهو اخوس ماتحملتيه كيف عاد انا "طبعا عبود راضع مع نصور حتى اطرم كنه اياه اظاهر كلهم طالعين على جدي ابو سلمان لأنه كان ماينطق الرا صح " ندوي : لا عادي خليه يجلس وبعدين انا احب عبود اكثر من الدلخ نصور عبود : شكغ ا يااختي العزيزه والغدها لس في الافغاح ندوي : لا شكر على واجب وعساه يثمر فيك انا : شكلنا غلط يوم شافنا بندر احراااج منو : اف وبندر يموت في شي اسمه بنات اكيد الحين قزكم صح مشاعل : صدق بتتزوجون كلكم مره وحده انا بضيق : ايه مشاعل : يا حرام بيندفن شبابكم وبيروح هبا وخلاص بتودعون الوناسه والضحك ياحرام يابنات خواتي والله قهر بدري والله على الهم مساكين عبود روح جيب شنطتي عبود بستغراب : ليه مشاعل : يعني ليه بتصدق عليهم لأن اشكالهم تكسر الخاطر مهوي : هاذي نتيجت اللي انتي حاسدتنا عليه مشاعل : عاد انتو اغبيا صدمتو لو ما صدمتو كان ما كسرتو خاطري الحين هنود : تكفين خلاص نبي ننسا ريموه : هي انتي تبين تنسين انا لا ابي من خلاتي العزيزات يدورون لي حل شوي ويدق الباب ويدخل مشعل ويسلم ويجلس مشعل : سودا الله وجيهكم على اللي سوتوه انا : بدل ماتقول الحمدالله على السلامه جاي تتشمت مشعل : اللي سويتوه فضيحه الحمدالله محد درا مهوي : مشعل كلش موب وقتك وبعدين فديت عمي جاسم الحنون اللي من طلعنا وهو يواسينا موب انت لا وموصي امدحوني عند اهلكم وش نمدحك عليه مشعل : جسووووووم عمكم يا مال العمى حنون على من تلعبون انا : وانت متى علمك به مشعل : تو من كم يوم مواجهه ويدعي عليكم ويقول لو يشوفكم ذبحكم انا : يخسي الصايع مالت عليه مشعل : توكم تمدحونه الحنون ندوي : ايه وهي صادقه حنون ريموه : خالي بما ان عند واسطه قويه وكل الناس يحبونك ومحد يقدر يرد لك طلب وانت شخصيه فعاله في المجتمع وانسان متحضر وشخص وسيم الى ابعد الحدود وكل البنات يموتون فيك وكل ما سمعوني اتكلم عنك بدو ينصتون لي ويتسمعون وشني اقول ممكن اطلي منك طلب مشعل : بعد ذا كله لا تطلين امري يانظر عين خالس ريموه : تكفى يا خالي خلصنا من مشكلتنا مشعل : بخلصس انتي بس والباقين قدهن بيعنسون خلهم يتزوجون اصرف لهم هنود : لا الله الي يسمعك يول عمري 30 سنه ترا توني 20 سنه توني طفله بريئه مشعل : حلوه طفله بريئه انا : مشعل لا جيت تروح اخذ بعض الناس معك وعلمه انه عيب يجلس مع البنات وخاصه في الليل مشعل : من بعض الناس تقصدين ريموه اكيد باخذها لا تخربونها وهي توها طفله ماتعرف شي في الحياه اما انتو كبرتو ومابقي الاسبوعين وتتزوجون مهوي : يازينك وانت تنكت مشعل : ولله حلو صوريني مهوي : مشعل محد قالك انك عله مشعل : لا محد يقولي لا انتي ليه المهم سهرنا لين الفجر والعله عبود معنى وبعد كذا صلينا ورقدنا وقعدت من النوم على صوت جدتي تقعدنا لصلاه وقعدت وصليت ولبست ونزلت الصاله وصوت مشاعل ويا ولدها ازعاااااااااااااااااااااج مدري وش يلعبون وحصلت خالي محمد ومشيعل في الصاله ويا عادل ولد خالت مشعل يعني ولد اخت جدتي "طبعنا عادل راضع من جدتي مع مشعل يعني يصير خالي بس موب نختلط فيه ويعني علاقتي فيه موب لا ذاك واستحي منه شوي مع انه احيانا يرفع الضغط ويخليني افقد اعصابي واتهور" المهم سلمت وجلست معهم مشعل : وين الباقين انا : رقود مشعل : شفتي يا مامي ماصلو اقولس خليني اسنعهم و طرتيني انا : صلو ورجعو يرقدون مشعل : وانتي ليه مارجعتي ترقدين محمد : اكيد البارح اقصد اليوم ماجاها النوم تفكر في اللي انت خابر انا: خالي ترا اذا قدني توني قاعده ماحب احد ينكت علي عادل : مشيعل ويش اللي انت خابر مشيعل : هاذا لله يسلمك ولا خلني استأذن اول ليلى اقوله انا : الحمد والشكر جدتي انتي كنتي تضحكين على احد وانتي حامل جدتي : والله مدري وين الله بلاني فيهم يابنيتي عادل : ليلى تكفين خليه يعلمني ترا بعد خالس اذا كنتي ناسيه انا : الحمدلله انت الثاني يكذب ماعنده شي مشيعل : خلاص يا خوي من الرضاع باقولك وتمر مشاعل مسرررررررررررعه وشكلها غلط مصفطه القلابيه الى نص ساقها ولامه شعرها بشكل غريب وكلها ماي ومعها رشاش عود حق ماي وعبود وراها بنفس حاله ومعه رشاش ماي ويعفسون الصاله و عبود يرش الماي وامه الخبله ترش لا وتنخش عندنا وعبود ماعنده1 2 ملانا كلنا ماي وبعدكذ ا استلم عادل ومشيعل خذو الرشاشات وملو البيت ماي اكثر ماهو مليان مشعل راح فوق وعادل ذبحني بلماي وهو يكب علي الماي عادل: ليلوه اعترفي وش الشي الي مالقاله لي مشيعل انا : عمى مليتني ماي حسبي الله عليك عادل :عادي بس اعترفي ولا والله لا حط فيه بيبسي وذيك الحزه بتندمين انا : جدتي شوفي الخبل وشو يسوي جدتي وهي في غرفتها بعد مادخلت اول ماشافت مشاعل : عدول خلها الله يهديك عادل وتوه يكب علي ماي : اعترفي واخليس انا : ترا والله لاتندم عويدل احسن لك ضف وجهك ولا تزعجني وبعد خالي محمد خل عندك شخصيه تكلم خالي محمد وهو منسدح على الكنب : انا كان فيه خير خلي يجيني قطرت ماي والله لا ادفنه هنى عادل : ياخي انت ليه ماتروح لبيتكم ذبحتني كل ماجيت لقيتك هنا الله يعين مرتك عليك خالي محمد : اولا اسمها زوجتك يا الكرتون ثانيا المدام راحت مع اهلها يتمشون وموب جايه الا بعد السبوع يعني بقعد على قلبك عادل : والله ما تنلام اختي كيف تقدر تتحملك لازم تروح ترفه عن نفسها شوي " طبعنا خالي محمد متزوج اخت عادل " خالي محمد: وانت وش مقعدك ليه ماذلفت مع اهلك ولا ماقدرو يتحملونك وخلوك عادل : لا بس تدري فيني احب ادوحه وبذات لاصارت رطوبه خالي محمد : مالت عليك رح شف مشيعل وينه عادل : اوكي بس قلي وش فيها ليلوه انا : هي انت اسمي ليلى خالي محمد : اكيد بعد اللي بيصير لا زم نناديك ليلى حرم طلال عادل وهو يضحك : مبروك ليلى بتتزوجين الف مبروك ومتى العرس وبعد من سعيد الحظ " انا انحرجت من عدول " شوي ونسمع صوت البنات يتهاوشون ويامشعل ويدعون عليه وصوت مهوي جايب اخر الدنيا ولا يوم نزلت ورا مشعل وهو يركض وهي وراه شعرها كشه واقف كنه شعر الثيويبه وجهها متنفخ والبجامه متعفسه ويطالعها وهو يضحك على شكلها : وش عندها العروس معصبه وشكلها فضيحه والله لا يشوفس العريس ان يصرف نظر عن الملكه الا منهو اما مهوي معبرتهم وتكرض ورا مشعل من غرفه الىغرفه لين وصلو غرفت جدتي وانخش مشعل ورا جدتي بس جدتي مسكته لمهوي اللي جايبه معها عصير وكبته عليه وجدتي ماسكته وانحاشت مهوي فوق وعلى طول مشعل دز وراها ويالله هدو الساعه وحده ونص ونروح نتغدى وعلى سفره جدتي مسويه ومعصبه : بزران تلعبون بنعمه مهوي : كله من مشيعل يمه توني في عز النوم ويكب علي بيبسي محمد : صدق ماتقدر يامشيعل النعمه مشعل : اصلاا البيبسي كان بتقطه الخدامه عاد انا قلت في ها الغجرولا في الزباله ريموه : خالي مشعل قررت قرار مصيري في حياتي محمد : تفضلي قولي القرار المصيري ريموه : بخلي خالي مشعل قدوتي في الحياه عادل : وليه ماتخليني انا تراني قدوه حسنه ريموه : ادري انا مابي قدوه حسنه ابي قدوه سيئه مثل خالي مشعل مشعل : اولا انا موب قدوه سيئه وموب قدوه اصلاا وثانيا ليه تبين قدوه سيئه ريموه : ماتحتاج ذكا لأن ماحب اكون موئدبه لان الادب ملل لاكن الانسان اللي مشكلجي وعنده مشاكل واجد تكون عنده ذكريات محمد : ومن اللي مسمم افكارس بذا الافكار مشعل : اكيد مشاعلوه كنه بزر مشاعل : رجا مشيعل لا تدخل فيني ولا تطري اسمي على لسانك جعله القص كلنا : آآآآآآآآآآآآآآآآآآآآآمين مشعل : اشهد انكم مغلين وبعدين الوعد بعدين جدتي : ليتكم تاكلون وانتو ساكتين منار : يمه سمعتي الا شاعه اللي مطلعها محمد جدتي : وش محمد مطلع بعد محمد : لا بس قلت عن اللي خبري خبرس جدتي : وش اللي خبري محمد: اتكلم عادي جدتي : تكلم وش عندك محمد : اخاف تزعلين جدتي : قل اخلص محمد: هاذ الله يسلمكم مامي الله يخليها لنا يارب تقول ملت منى ولقيتها حاطه صورتها في وحده من المجلات اللي يدورون عن ازواج يعني الوالده تبي تتزوج
_________________ يـ ع ـطيك الف ع ـأإفيه يأإ أح ـلى ـآ صديق(الـع ـنصري)^^ |
|
07-04-2009, 10:23 AM
| ||||
| ||||
| رد: رواية غصب عني ..كاملهـ جدتي عصبت : اقول تغدا وانت ساكت لا بارك الله فيك من ولد محمد : عصبتي يمه انتي الي تقولين قل جدتي : اسكت وتغدى احسن من الكلام الفاضي محمد : عدول ترا البنات كلهم ابشرك يوه شوي خلني اسالهم اقولك ولا لا بنات اعلم عليكم هنود : لا عادل : شكلها مسويه جريمه ويقوم ويجلس جنب محمد حمودي قل امانه وش مسوين محمد : اذا وافقو قلت عادل :بنات تكفون قولو له ولا معتبريني غريب عبود : بالعغبي كلهم بيتزوجون بعد السبوعين عادل : اف كلكم مره وحده يحظكم انا : يكذب لا تكون صدفت ذا الاطرم مشاعل : اطرم في عينس مالت عليس وبعدين ترا نصور اخوس بعد اطرم وولدي ماجاه الطرم الامن حليب امس انا : لا والله تراكلنا رضعنى من حليب امي ولا شفنا شر لين رضع ولدس مع نصور وتسبب في تلوث حليب امي مما ادى الى طرم نصور مشاعل : لا والله وبعدين هاذي اخر مره تسبين ولدي فاهمه عبود : هين ياليلوه تقولن لي اطغم انا : وش بتسوي حضغتك عبود : موب انا اللي بيسوي امي تقول اللي يضحك عليك غبي(ربي) بيعاقبه واكيد بيصيغ له شي انا تورطت واستحيت على وجهي وحسيت بندم الله يعيني من راح ضميري وانا كل يوم ندمانه على شي الله يرده لنا بسلامه ياربي مع انه غثيث بس على الاقل كنت اذا سويت شي مااندم عبود : شفيس سكتي توغطي انا : خلاص عاد سوري عبود : اييييه كذا البنات اللي قربو يتزوجون يصيغون موؤدبات صح ماي ماذغ هنود : اشهدنك تدور العبط ليه ماتقول يمه احسن من ماذر لام مافيها راء ياذكي عبود : سوغي احب الانلش مشعل : سوغي هاذي كلمه يابانيه عادل :ماشاءلله تعرف ياباني عبود سكت وهو يطالعهم بنظرات وعيون بدت تمتلي دموع : اقصد اسف ويشعر مشعل بندم ويروح لعبود ويضمه وياتاسف منه مشعل : عبودي امزح معك زعلت من خالك مشيعل عبود : لا بس انتو كلكم تضحكون علي وانا ما اعرف اقول غ مشاعل : جعلكم ما تربحون لاتعقدون ماي صون جدتي : فديت اللي ماهموه عبودي الغالي عبود ببرائه : امي تقول عادي اذا احد ضحك عليك استحقغه ولا تعبغه صح يمه مشاعل : صح ماي صون وبعد الغدى راحت جدتي ترقدومحمد ومشعل وعادل اللي قاعد عندنا لأن اهله مسافرين واهوما عنده اجازه واحنى رحنى فوق نسولف والعله عبود معنى انا : بنات لازم نلقى لنا صرفه قبل يوم الملكه هنود: ياربي ما اتخيل نفسي متملكه ياربي تكفون خالاتي شوفو لي حل اذا تبوني ما انتحر منو : لا ما نبيس عادي اذ انتحرتي وبعدين ترا عادي الزواج وتر هاذا كله من اعمالكم تستاهلون اكثر ولا احد يسوي سواتكم وعمالكم فضحتوني حسبي الله عليكم الحين من اللي بيخطبني والله لا اعنس عاد انتو لقيتو عيال عمكم انا عيال عمي خلصو ما بقى الا واحد واحول والظاهر محد ما خذني غيره عقب المصيبه اللي سوتوها الله يسود وجيهكم مثل ما سوتو وجهي ندوي : انتي ترا كليتينا ترا اذا بتعنسين فا بتعنسين لأن وجهس مايساعد موب عشان اعمالنا مالت عليس اني واختس اللي خربتنا غامرو غامرو لين ودتنا في ستين داهيه مشاعل : انتي انا قلت غامرو موب افضحونا الله ياخذكم عبود : هي صادقه فضحتوني وش بيقولون عني الشباب لا غحت لنادي اكيد بيقولون عندكم بنات مستغجلات مهوي بعصبيه : مشاعل موب معقوله ماندقدر نجلس براحتنا كل ما جلسنى لين ولدس العله جالس معنى وانت قم فارقني عبود : لين تقول ماي موذغ غوح مشاعل : خلاص ماي صون روح لبيت احد من خوالك العب عندهم لين نشوف حل لشله اللي عندي وطلع عبود على اذان العصر وصلينى وجلسنى في الصاله اللي فوق وجدتي راحت للجيران ومشعل وعادل طلعو انا : قررت انحاش وش رايكم منار :لحد يورطنى لا رحتي لهلس سوي اللي تبين انا : منو عمى بعيونس شفيس قالبه علينا مشاعل : غارت منكم لأنكم قريبا بتصيرون زوجات وهي الله وعلم يمكن تعنس ندوي : بنات لو الخطيب كان فارس كان عادي بس غيره لا تكفون ماتصور حياتي بدون فارس احلامي منو: ليلى عريس الغفله حلو ريموه : يقطع القلب بس الاخت غبيه ماتبيه انا : ماصدق ابوي كان دايم يقولي مستحيل ازوجس بدون رضاس مهوي : بنات عندي فكره شرايكم نخلي كل شي عادي وبعدين لاجاء يوم الملكه ننحاش هنود: طيب وين ننحاش مشاعل : روحو لبيتي مافيه احد انا : بيتس في مدينه خليفه الشماليه كيف نروح مشاعل : عادي باروح قبل الملكه وبحط لكم كل شي فيه واذ انحشتو اخذو كروه وروحوله وانخش هناك لين يحلها حلال مهوي : شرايكم موب فكره حلوه انا : خلاص خلى نروح نشيك على البيت مشاعل : يله
_________________ يـ ع ـطيك الف ع ـأإفيه يأإ أح ـلى ـآ صديق(الـع ـنصري)^^ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| رواية ياظالم لك اليوم وبكرة عليك...رواية تجننن | المخابرات الأمريكية الفدرالية | القصص و الروايات و الحكايات قصص قصيرة و تعلم القصة story novelette | 8 | 12-28-2009 10:58 AM |
| كتب إلكترونيه | حلوه القصيم | ممنوع مخالف مكرر | 6 | 11-01-2009 01:39 PM |
| مطلقة من واقع الحياة | بنت الخبر | المطلقات من الزواج عوانس ارامل بحث عن زواج ناجح بدون طلاق للزواج | 0 | 03-16-2009 12:58 AM |
| إذا شرب الكلب | تراب ابواسد | المنتدى الاسلامى | 1 | 12-18-2008 07:56 PM |
| لقافه مع استفاده | ششمسه | تفسير الاحلام dreams | 12 | 10-21-2008 05:31 PM |
-
-
العرض العادي
