مشاركتك هنا تمثل للجميع أخلاقك وثقافتك تذكر هذا جيدا قبل نشرها في موضوع جديد

ALKOWlKABl · #1 (**permalink**) 06-29-2009, 08:31 AM

صباح/ مساء

كعذوبة الورد

بينما كنت اتجول بين حنايا عالم الشعر

لفتتـ آنتباهي رائعة من روائع المبدع :محمد عويضه

وهي تتكلمـ عن فتاة ذاتـ العشرين ربيعٍ

آترككمـ معها ...

المرايا ..

صدق يطعن ..

في نوايانا الدفينة

طعن صادق ..

يفضح الزيف وسنينة

المرايا والله العالم .. هي أصدق شي ..

في عالم كذوب

في زمن مظلم وظالم .. ماتلاقي ضي ..

ينبض بقلب الدروب

المرايا ..

عشق ساكن داخل قلوب الكثير من الصبايا

إلا نورة ..

بنت غاية في الجمال ..

حسنها ياخذك من يمناك ..

لحدود الخيال

يوم نادت أمّها وبصوت عالي :

( يمّة .. يمّة بسرعة تعالي ) ..

لمّا جتها أمّها ..

قالت : علامك ؟

نورة قالت :

يمّة أرجوك بقيامك ..

إبعدي هذي المراية..

ابعديها ..

وإلا أقلّك ..

يمّة تكفين اكسريها ..

ما أبيها .. ما أبيها ..

ولو سألتوا ..

ليه هي قالت كذا .. وإيش العلاقة ؟

قلت شوفوا ..

ماقدر أخبّي لذا .. نورة (معاقة) !

شلل نصفي ..

سرق منها طفولتها ..

سرق حتى ابتسامتها ..

تشرّب جسمها الطاهر على غفلة

ولا قدّر برائتها وهي طفلة

حواليها كثير أطفال ..

بنات العم .. والجيران ..

عيال الخال ..

تراقبهم .. تتابعهم

تشوف ( أحمد ) وهو يسحب شعر ( سلمى )

و( علي ) يلحق ( مها ) وبيده مسدس ما

و( خالد ) قاعد يحاور ( حسام ) ..

بعلبة البيبسي

ويكسر ظهر هالمشهد ..

حزن ( نورة ) وهي تبكي على الكرسي

تحاول قد ماتقدر ..

لجل تخفي مدامعها

وثار الدمع واتحدر ..

وبدت رعشة باصابعها

تزم إيدينها لكن ..

يديها ماتطاوعها

وتكبر نورة ويكبر ..

معاها الهم

ويجري حزنها الأقشر ..

بمجرى الدم

وياصل عمرها العشرين ..

وفي هالعشرين ..

تغيّر كل شي فيها ..

ملامحها .. - مع إن الحزن ماسحها -

أمانيها .. - ولو ماعاد تعنيها –

سوالفها .. – بعد مالهم والفها -

في هالعشرين ..

على نفس الألم تصبح ..

وعلى نفس القهر تمسي ..

على الكرسي .. !!

في هالعشرين ..

أبد ماتابعت موضة ..

ولا تعرف ( جيفينشي ) .. أو ( كريستيان ديور )

أو ( فيرساتشي ) وعروضة

ولا مكياج و إكسسوار ..

وحتى عطور ..

تضج .. تثور

إذا قالوا لها ..

نورة .. شرينا لك عطر ..

شوفي بعد فستان ..

يانورة إلبسيه ألحين ..

ترا بيطلع عليك جنان ..

بسرعة بس لاتبطين ..

تجاوبهم :

بسرعة !!!

بسرعة ليه ؟

وإلا لمين ؟

وهو من كثرة العرسان !!!

تقاطعها أمها :

نورة !!

وش تقولين !!

ترد نورة :

يبه .. يمّه ..

كفاية وإسمعوني زين ..

أنا عمري ترا عشرين

ترا ما عادني طفلة ..

ياناس المسألة سهلة ..

مثل ما (1) و(1) يساوي (2)

معاقة .. خير ! ماتفرق ..

- وفي هاللحظة ..

بدت لحية أبو نورة ..

تلم الدمع من عينه ..

وبدت تغرق !-

يبه .. يمّه

أنا مليت من روحي ..

نعم مليت

تعبت أداري جروحي ..

وياما أخطيت

خطاي إني تصنّعت السعادة ..

لجل خاطركم

لجل ماتـنجرح فيكم ..

مدامعكم

يبه تدري ؟ ..

كنت أتمنى من صغري ..

وهذي أمنية عمري ..

وإلا ألحين هي منوه

تمنيت أحضنك بالليل ..

إلا من جيت من شغلك

أبوسك فوق راسك حيل ..

وأفك الجزمة عن رجلك

أروح أجيبلك قهوه ..

وأجيك أجري

وحتى إنتي يا أمّي..

لو تدرين كم عانيت ..

كم أتمنيت ..

أخفف عنك شغل البيت

مثل ما ( نجوى ) ..

تساعد مرت عمّي

يبه .. يمّه

تراني ضقت

وربي ضقت من نفسي

ياربي شقد طفشانة ..

وتبغوني بعد ألبس !!

ألبس من علشانة ؟

أبد لاتصدقون إني ..

أبتزوّج و أجيب عيال

والله عال !!!

من إللي في الزمن هذا ..

بيرضى أكون له زوجة ؟؟

ويتزوّج معي كرسي !!

يبه إنسى ..

وحتى إنتي دخيل الله يايمّه ..

بعد إنسي

وهذي سالفة نورة ..

ياهي بنت مقهورة ..

مضى من عمرها عشرين ..

وهي باقي على هالحال

حكايتها إنتهت ألحين ..

وخلّت داخلي ثورة ..

وأنا ما بيهدالي بال ..

إلين أعرف ..

من إللي بوقـتـنا رجّال ..

ويتزوّج مثل نورة ؟؟
,
,
,
,

في الختامـ:

كم تمنيتُ انـ تكونـ هاذهـ صفحة تحملـ الفرح
وليس البكاء ..
اصارحكمـ آنـ المشهد صعيب ..
والكلماتـ موجعة ..
وقبلـ بكائكمـ انا قد بكيتـ لتلكـ الانسنانة المعاقة " نوره "
وعذرا لدموعكمـ التي انهمرتـ على وجنتيكمـ ..
والحمد للهـ على كلـ شئ ...
دمتمـ بخير...

م / ن

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

خواطر مجبورة · #2 (**permalink**) 06-29-2009, 04:52 PM

يسلمووووووووووو كلمات قمة في الروعـــهـ وتحمل في طياتها الكثير من الالم وتحكي معانات من هم بمثل حالة نورة
سلمت يمينك ولاتحرمنا جديدك

maher616 · #3 (**permalink**) 06-29-2009, 05:28 PM

اقتباس:

المشاركة الأصلية كتبت بواسطة خواطر مجبورة

يسلمووووووووووو كلمات قمة في الروعـــهـ وتحمل في طياتها الكثير من الالم وتحكي معانات من هم بمثل حالة نورة
سلمت يمينك ولاتحرمنا جديدك

مشكور اخوي
وبختصار هذه الرائعه
تاخذك برحلة عمر كامل
لك تحياتي

زهره لاتقبل الذبول · #4 (**permalink**) 06-29-2009, 07:20 PM

سلمت يمينك على ماخطت هنا من كلماااااات
برغم من روعتها مؤثره
تقبل مروري وطيب التحايا

مستحيل ا نساك · #5 (**permalink**) 06-29-2009, 07:31 PM

يسلمووووووو ع الموضوع في قمه الروعه

استضافة مواقع	معنى كلمة	رسائل مسجات	دردشة شات	افلام × فيلم
فلاش اسلامي	الثقافة الجنسية في عالم الجنس	صور جديدة		توبيكات × توبيك
ابتسامات خلفيات	العاب جديدة	دليل مواقع	-	مركز تحميل ملفات
بطاقات كروت	جوال موبايل	جافا java	قصص روايات	-
كتب الكترونية	ماسنجر في مسنجر	-	-	العاب بنات للبنات فقط 2010

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
مسجــــــــــــات رهيبــــــه	عشقي السعودية	رسائل مسجات اجمل الرسائل والمسجات	11	01-09-2010 01:59 PM
ۈإذآ أرّع‘ـبڪ ~» المطّر ليلّه .. أنآ ●• أرّع‘ـبني [ الج‘ـفآف ] سّنين ..!	}..حوســة مشاعــر..{	توبيكات جديدة احلى توبك	5	04-25-2009 12:52 AM
{ أظلمت كل الشوارع ~ يوم عزم على الرحيل \|\| خلفيات خقاااق	Tasmeem	الكمبيوتر و الانترنت الحاسب و الاجهزة computer hardware	0	03-07-2009 05:43 PM