 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-31-2002
| |||
| |||
 تعالو تعالو عندي لكم نصبه محترمة أخر نصباتي وهي عبارة عن حلم ملخصه اني متزوج << يا بعدها حلمت اني خطبة وحده احبها واهلها وافقوا على طول وين بيلقون احسن مني طبعا عقل وثقل وحسب ونسب وزين ومركز سلمان الاجتماعي وتمت الملكة وحددنا موعد الزواج بس شرطوا على أن الزواج يكون عائلي ومختصر وبسيط بدون تكاليف كبيره مع اني رافض طبعا لاني ناوي اسوي الزواج باحد الفنادق الكبيرة يا الشيرتون يا النتر يا احد قاعات الفيصلية أو المملكة الكبيرة او على الاقل على الاقل قصر المقصورة بس عمي رفض رافضا باتا هالكلام وقال نخليها باستراحة صغيرة وماتكلف شي قلت طيب نخليها باستراحة ماريز أو القلعة على اقل تقدير بس هو عيا وقال اعرف لك استراحه بوادي لبن يحبها قلبك وعلى كيفك قلت ياعم وين تبينا بروح لوادي لبن باخر الدنيا وكل معارفنا هنا في حي الروضة والعليا ناخذ لنا استراحه عند مجمع الاستراحات عند الفحص ....رخاص وزينات وعلى كيفك قال لا بس هذي حقت لبن ارخص وانا صاحبها قلت اها يعني تبينا نستاجرها منك قال لا يا وليدي مو القصد بس انت ترفض انك تتزوج في استراحه ببلاش قلت لا عادي إذا ببلاش مو مشكلة << لاني متاكد إنه بيرفض قال لا ما فيه زواج اجل قلت له الله يهاديك بس انا عندي لك فكرة بنحط الزواج قريب من العالم مو في أخر الدنيا وبعطيك تعويض يقدر بخمسة الالاف ريال خمسة اضعاف مبلغ الايجار بس واللى يرحم والديك فكنا من وادي لبن قال دام فيها خمسة الالاف موافقين خل لبن توالي واستاجرنا الاستراحه القريبه وصارالزواج بكل يسر وسهولة المهم الحين الشلة اصحابي وزملائي بالجامعة ما زعمناهم للزواج وكذا بيزعلون ويأخذونها بخواطرهم اجل ابو وليد حبيب الكل يتزوج ولا يقولهم لا والله بحق وش الحل وش الحل مافيه الا انا نستاجر لهم استراحة الخميس اللى بعد الزواج بأسبوع هذا هو الحل المناسب واجرينا الاتصالات بالمعزومين وارسلنا بطاقات الدعوة لهم وقلنا لهم مانبي الدعوى رسمية بنلعب ونسبح ونسوي الهوايل بعيدا عن الرسميات مرت الايام بسرعه طبعا كلها عسل وكل ليلة عسل وقشطه ومربى ولا تفهموني غلط السبب لان المدام زوجتي ما تعرف تطبخ لذلك مضطرين ناكل نواشف لين نشفنا ونشفت المخباة والمحفظة والسوبر ماركت بعد لانها دبة ما يكفيها قشطة وحده والا عسل واحد يبيلها خمسة ويالله تكفي بعد الحين جاء يوم الخميس اللى فيه موعد الاستراحه مع الشباب اصدقائي وجيت انا على الوعد أن مافيه رسميات ولا شي وكنت سارق الفياقرا حقت الباب ووقفتها عند البوابة بصعوبة بالغة نظرا لا الجلنط خربان حق الفرس  وكنت لابس البشت والغتره البيضاء والجزمة السوداء بس كنت لابس تحت البشت شورت اخضر وتي شيرت احمر مقلم بالاصفر( يا عيني على الالوان اختيار زوجتي العالية الذوق لانها تبي تخليني شين والبنات ما يعطوني وجه ذكيه المدام ) ولاني متوقع انهم بيقولون مستحيل تمر هالسالفه على خالد ولا يسوي فيها خباااااال يعني بين يوم وليلة يعقل خالد لا والله ما صدقنا ونزلت من الحمار قصدي الفياقرا بكل هدوء وسكينه كني ..... وبداء السلام وهالتبويس من وين ما تلتفت انا انحرجت جدا وانتم تعرفون اني خجول مره كل العالم مرسمين ولابسين وانا مبسوط بالشورت حقي قلت لازم اخربها واسوي شي اكسر فيه هالرسمية الزايده لاني ما احب الرسميات والهدوء ترفع ضغطي قلت مالي الا اني اجري للمسبح بسرعة وافصخ ملابسي البشت والغتره واطب بالشورت الجديد المسبح وفعلا سويتها وانطلقت للمسبح وفصخت البشت والعقال مع الغتره وطبيت بالمسبح بس ليتني ما طبيت لاني طحت من السرير وصحيت من النوم وتحسفت وقتها وقلت وش مصحيني كنت متزوج ومبسوط ومعي فياقرا وحركتاااااااااااات يالله خليني ارجع مره ثانيه انام يمكن احلم اني متزوج ثنتين وعذرا على الاطالة <<<< تعرفون صار له معجبين ومتابعين لسلسة أخر نصباتي ازعجوني على الايميل متى بينزل أخر عمل متى بينزل إلى درجة انهم يدقون على تلفوناتي الخاصة في كل وقت بس ما اقول الا هذي ضريبة الشهره وسلامتكم طبعا لاحظوا أن جميع الامكان المذكوره بالرياض مو تدورون عليها عندكم ياللى انتم مانتم من الرياض وتقولون خالد نصااااااب
_________________ انا الشئي والاقر على الله khkh3000@hotmail.com التعديل الأخير تم بواسطة عشق المحبين ; 08-31-2007 الساعة 01:49 PM |
|
#2
08-31-2002
| |||
| |||
| ههههههههههههه اشكرك اخويا والله يحققلك احلمك ههههه وتري الصورة حلووووة وتقبل تحياااتي اخوك wolf3d
_________________ الوحده بتقتلني  . . ولا حد بيسالني :انتا عامل ايه مجروح من جرحك تعبان من تبعك ( ماجد ) majed134@hotmail.com |
|
#3
09-01-2002
| |||
| |||
| wolf3d مرحبا بك منور الموضوع واشكرك على التواجد وودي اطرح عليك فكرة محترمة تشاركني بمحل لبيع الاحلام ومراجعة الدوائر الحكومية وقسم منه يختص بشوؤن العطارة انتظر الرد :D:D:D:D
_________________ انا الشئي والاقر على الله khkh3000@hotmail.com |
|
#4
09-02-2002
| ||||
| ||||
| اخوي الحلم زين بس بشر عاد انت تزوجة والا لاء ههههههه الله يسعدك وحلوه مره الصوره الي انت حاطها وشوف اذا الفياقرا للبيع تراني شراي ومو مشكله الجلنط حق الفرس نصلحه بعد ما نشتريه بس عاااااد تنقص قيمة اصلاحه هههههههههههه مشكور اخوي وحاب اقولك نصيحه لا تحلم مره ثانيه لان الاحلام ذي تدوشك وتدوخك اسألني انا هههههههههههه
_________________ |
|
#5
09-02-2002
| |||
| |||
| ياحلييييييييييييلك والله ..... تدري يقولون الحليب الدافي قبل النوم مفيد لمثل حالاتك لانه شكلك كذا احلامك وااااااااااااااااااااااسعه وبتوديك في داهيه ولا تنسى تغطي نفسك زين بلحاف من صوف غنم حتى الحين بالصيف لانه هو الوحيد اللي بينفع حالتك وانشالله ما تكثر حلومك.... يعطيك العافيه اخوي
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
