 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-31-2002
| ||||
| ||||
 انا والاربع دلوخ اذا الله بلاك بأربعة اخوة كل واحد يقول للدلاخه قومي وانا اجي مكانك كل واحد مهم يعتبر زعيم زعماء بني دلاخه اذا الله بلاك بأربعة اخوة كل واحد له شخصيته اللي تختلف عن الثاني 360 درجة مئوية اذا الله بلاك بأربعة اخوة 25 ساعه قدام التلفزيون وكل واحد له برامج معينه يعزها الى درجة انه صار عنده انعاكسات نفسية واجتماعية وفسيولوجيه <=== لحد يسألني عن معناها لاني مدري يعني صار كل واحد منهم يطبق هالشخصيات اللي يتابعها بل صارت هي شخصيته الحقيقية ..... وانت وسط هذه التناقضات وهذه التحولات حولك فماذا انت صانع نبدا بتفصيل هذه الشخصيات <=== عند خياط الفاخره اول هولاء الحمقى اسمه صالح مغرم بشي اسمه مسلسلات تاريخيه لدرجة انه يقول لا تسموني الا ( اباالمنذر ) ويتكلم مثلهم ... اذا جاء يناديني يقول // يااا كربااااج اين انت يا فتى قبحت من احمق وهذا صالح ( ابا المنذر ) عليه طلعات يحبها قلبك اذا جاء ينادي الشغاله يقول لها // ايتها الجارية وذاك اليوم لقيته يطب على بيت في الحارة اللي جنبنا ومتقلد عصا على باله سيف يقول ابسبي شغالتهم (( لو هذا اخوكم ما تغسلون يديكم منه ) وذاك اليوم كنت نايم وما للشيطان طاري وانواااع الحلوم اللي يحبها قلبك كنت اتحلم ان مجموعتن من الخرفان تناقز تحت مخدتي وانا اعدها وصلت لـ 39 خروفا بس فيه واحد ابن كلب عيى يناقز مثلهن وكنت ناوي ادبغه لولا اني صحيت على صوت (ابا المنذر )وهو داخل علي بغرفتي ويقووول // يالثارااات كليب <=== بزعمه الزير سالم وانا اللي افز واطير عن الارض متر و13 سم من زود الفزه ولا ذا السبهه قدامي يقووول // يالثاراااات كليب لعنبوا ابليس شيطان ولد خال عم جيرانكم يالسبهه وش فيك وش كليبه انت ووجهك وهو يجيني بعصاه على باله بحرب وانا اللي امسكه وادبغه لين عض الارض انت ووجهك تسوي مثل الزير سالم حدك ( جحدر )انت ووجهك بالله لو عندكم اخو مثله وش بتسوون وربي صرت من تالي متاثر مثله اذا بغيت اهزأ احد اقوله قبحت يا عبد السوء هذا ما يتعلق بالافدغ الاول اما بالنسبة للافدغ الثاني اسمه ناصر وكان مغرم بافلام الكرتون كان يطق اخوه الاصغر منه ويحط عليه لزقة جروح بسرعه على باله افلام كرتون ولا اذا جاء يحووس في البيت وهو يمشي مليونين واذا وصل لباب اي غرفة وقف وقال // بيب بيب ثم حط رجله وفي يومن من الايام مسكته ودبغته عشان يبطل حركات انا ناقص اباالمنذر عشان يكملها هو المهم دبغته دبغتن ما صارت ما دريت الاهو يطلع ذيك العلبه فيها شي اخضر ويزرطها ويقوم يناقز على باله بباي ما قلت لكم كل واحد يقول للدلاخه قومي واجي مكانك وفي يوم من الايام لقيته شاري له عنز وحاطها بالحوش ونايم معها على باله ماوكلي فتى الادغال والعنز اللي جايبها مسميها باقيرا واذا شافني يناديني انت ايها الخارج عن القانون (( لاوالله اخوان يفرحون )) هذا ما يتعلق بالافدغ الثاني اما الافدغ الثالث كان يقدر شي اسمه مسلسلات بدويه (( الله من زين هالذوق )) كان في عز الحر طاق الثوب الصوف الاخضر والشماغ اللي من سنة 414 قبل الميلاد ما انغسلت ولا الباروده اللي اربعه وعشرين تبن ما يفكها (( يلعن ام التاثر اللي كذا )) يومن من الايام كان نايم الساعه 9.30 (( قايل لكم متاثر من المسلسلات البدوية )) دخلت عليه فجأة وهو اللي يفز واقف ويزهب الباروده ويقول // وش هالزول ارم سلاحك لا اطخك ارررررركد يابن الحلال من زينك يطب عليك احد انت وثويك الاخضر واذا ناديته ابي منه شي يرد علي // يا عونك ياخوي وذاك اليوم بغى يودينا في داهية يوم شب نار في المجلس يسوي فيها قهوه (( يلعن ام الاستبياع اللي كذا )) يقول لازم اشب النار في شق ابوي الشيخ وش يقولون عنا العربان هذا ما يتعلق بالافدغ الثالث اما الافدغ الرابع فكان يعز شي اسمه نشرة الاخبار السعوديه ومايتابعها في العالم الان الا هو بس كان دايم مكشر ورسمي سالته ذات يوم // ما شفت ابوي قال // قام والدي حفظه الله بزيارة هذا المساء الى بيت عمي حفظه الله وكان في وداعه في صالة بيتنا انا واخي صالح ( اباالمنذر ) الطالب في الصف الثالث الثانوي واخي ناصر الطالب في الصف الاول الثانوي ووالدتي هذا وقد وصل حفظه الله الى بيت عمي هذا المساء وفي معيته الوفد المرافق له وكان في استقباله في بيت عمي عمي حفظه الله واولاده الخمسه اللي مدري وش اسمائهم او مناصبهم ولا كان ماقصر واعدها عليك ثم ودع بمثل بما استقبل به من حفاوة وتكريم انا// الشرهه مهيب عليك الشرهه على اللي يسألك وذات مره سالته وش صار على ولد جيرانا ما لقلى له وظيفة قال // صرح مصدر مسئول ان ولد جيرانا قام هذا اليوم بتقديم اوراقه الى احد الوزارت لكي يتوظف عندهم ولم يكشف المصدر عن نوع هذه الوظيفه او مقدار راتبها ثم قال // كان هذا هو الوجز واليكم الانباء بالتفصيل (( كذا التاثر ولا بلاش )) لو عندكم مثل هالاخوان ومثل هالشخصيات اللي تعايشونها كل يوم وش بتسوون وش انعكاساتها |
|
#2
08-31-2002
| |||
| |||
| مرحبااااااااا  اااااااااهلا وغلا اخوي ابو عادل قل امين الله يخليهم لك يارب والله هذولا تحفه بصراحه احس الحياة معهم حلوه ناس توسع الصدر مشاء الله . ههههههههههههههه\\\\ي اما ابا المنذر شي سلم لي عليه طلبه. :D تحياتي المعطرة .. أخوك : قـــــ@ـــــ\\\\ري
_________________ [FL=http://mypage.ayna.com/prince4/gmary1.swf] width = 350 height = 250 [/FL] |
|
#3
09-01-2002
| ||||
| ||||
| السلام عليكم اخوى قـــ@ـــ\\\\ري اولا ابو المنذر يسلم ويطلب منكم جارية واحذر انه يجيك مثلهم اولاد :D والله لغير يجننونك :mad: لكن اذا تريد اعرفك عليهم ليست هناك مشكله بس انت تتحمل جميع النتائج@@3 |
|
#4
09-01-2002
| |||
| |||
| الله يحفظهم لك وخليهم يحيلون الدار لمهرجان جنادريه يرقصون الرقصات السعوديه << العرضه النجديه >> ثم رقصة المزمار الحجازيه وادا تعبو استراحو خمسة دقائق عاودو لرقصة الدحيه . واجعلهم يداومون متابعه الاخبار من التلفز يون <<القناه الاولى >> فقط . وصرف نظرهم عن القنوات اللى فيها هيصه وياليل ياعين وعلمى وسلامتك @@3@@3@@4@@4
_________________ madeeny |
|
#5
09-02-2002
| ||||
| ||||
| اخوي هذول الاخوان تحسد عليهم الله يخليهم لك ويسعدهم يا خوي هذول يشيلو الهم ويوسعو الصدر حافظ عليهم ولا تفرط فيه تراهم تحف هههههههه الله يخليهم بسراحه كل واحد مغطي على الثاني تحياتي لك اخوي بس انتبه ودير بالك على حالك هههههههههههههههههههههههههههههههههه فهمة قصدي صح هههههههههههههه الله يسعدك
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| قـــصــــة دنـــيـــا الـــعـــاشـــقــيــن | هــبــوووي | القصص و الروايات و الحكايات قصص قصيرة و تعلم القصة story novelette | 21 | 11-25-2007 06:54 AM |
| عاجل رونادينهو يتجنس يمني تعالو وشوفو | مدرس مدري وش يبغى | صور مضحكة صور طريفة صور حلوه الصور المضحكه و الطريفه و الحلوه | 3 | 11-24-2007 12:46 AM |
-الدورات
التدريبية بجامعة نجران-
العرض العادي
