|
| |||||||
| الافلام المنوعه افلام مسلسات اجنبية عربية كلاسيكية مسرحيات دراما زمان تحميل افلام فيديو ممنوعه افلام مشاهدة موقع جديدة اجنبي رعب للتحميل احدث تنزيل صور اكشن للمشاهدة مقاطع مصريه اكشن dvd مجانيه psp للكبار |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
12-27-2005, 04:14 AM
| ||||
| ||||
| fllah .. اهـم شي تستفـيد منـها نـكمل البقيـه لأن المنتدى ما كان يفتح معي  البوم (( عقد وسوار )) ويحتوي على ثمانية أعمال . 1 - عقد وســوار كلمات : بدر بن عبدالمحسن . الحان : محمد شفيق . كلمات عقد وسوار شـاريٍ عـقـد ولا مـهــــــدي ســــوار= لا تـلـحـقـي نفسك هموم وحســــايـف تريّـثي يا قــــــــــرة الـعـيـــن مـقـــدار= ما تشـرب عروق القـصيد الوصايـف لامن قدحت الشــــــــعر شبّيت لك نار= نارٍ على رووس الـهـضاب النـوايــف يطرب لها الساري ويسري بها الطار= تزهر بها عقب المــحـول الشـــفايـف قـصيـدةٍ تـولــــــد ورا بـاب وجــــــدار= ســر الـضـلـوع المرهفـات النـحايـف بـهـديـك أنا عمـرٍ ولا كـل الأعـمــــار= يفنى القلـم قبله وتفنى الصــــــحايـف غيبـي وشيبي واتركي كل ما صـــــار= يبـقى جمـالك في قـصيـدي طــــرايـف خل الكواكب من سنا نـورك تـغــــــار= ولا تـلحـقـي نفسك هموم وحــــسايف 2 - حبيبتي كلمات : الراحل طلال الرشيد . الحان : خالد عبدالرحمن كلمات حبيبتي حبيبتـي لامن غـديتـي لي سـراجٍ أتـبـعــــــــــه= كني غديت من الظما أركض ويطردني الســـــــراب لا تبخـلـيـن إذا شربتك ما شربتك من سعـــــه= دامي من جروح الهموم الموجعــه كلي صــواب اليوم مرّتنـي السـواني والفـصـول الأربـعــــه= اليـوم مرّتنـي الـمـواني والـمـباني والسحــــاب يا بنت في خدك وهج سيل الشموس الساطعه=أحــرق بداخـل داخـلـي انسـان ماهـو للتــــــــراب اليـوم ما كنـي لقيتك مر صوتك ما أسمعــــــه= اليـوم ما كنـي فقدتـك في سـؤالين وجـــــــواب واللي خلق ظلم الليالي في العيون الهاجعـــه= إني من الحرمـان أتــسائل وحـرماني جـــــــــواب يـوم الوداع تـخيلـي ما لي حـبيـب أوادعـــــه= محـروم أنا وتـخيلي محـروم حتى من العـــــــذاب يا بنت لي قـصـة تطول بكلمتيـن موجعــــــــه= هـي باختصار إني أنا أركـض ويطردني الســـــراب 3 - لوعــتي كلمات : خالد عبدالرحمن. الحان : خالد عبدالرحمن كلمات لوعتي لوعتـي فيـك لوعـه ما لها من مثــــيـل= جـدّد الوقت جرحي بين يومٍ وليـلــه آه يا حـظـي جد لي لو بشيءٍ قـلــــــيـل= ما خبـرتـك كريمٍ مير ما فيك حيـلــه حملي اللي أشيله فوق متني ثـقيـــــــل= كل ما جيت أحطه عارضتني جميـلـه ليتـها عـن هـوانا تنـتـحي للبـديــــــــــل= كود حالك حبيبي يمّي يطلق سبيـلــه من غلاك أفتخر بك وأعمل المستحيـل= لو أعاني حياتي خلّ يعشـق خليـلــه ما عـرفت المـذلــة لا ولا أنت ذلـيـــــل= عزة النفس فينا يا حبيبـي حصيـلــه سالت دموع عينك وأنا دمعي يسيـــــل= حزني اللي ملكني والليالي طويـلــه وقتـي اللي طلبته مَنّ وأثره بـخـــــــيـل= شحّ وقتـي ودبر ما عـطاني قليلــــه 4 - زلـــيت كلمات : محمد الخضيري . الحان : سمير مبروك . كلمات زليت زليت و إبن آدم معرض للخطا .. زليت زليت وبحالة غضب جرحي سطا .. زليت أستسمحك و أقرأ بعيونك لي عتب وش في يدي أعطيك عن هذا الغضب ليه العجب ؟ أنا بشر أخطي .. وسبحان اللي كامل بالعطا زليت قبل الوداع .. وآخر وداع .. إسمع كلامي وافهمه قبل الوداع .. وآخر وداع .. راجع سطور الناس بعمر الزمن من فينا ما داس الخطا .. من فينا ؟؟ من فينا كامل بالعطا .. من فينا ؟؟ أنا بشر أخطي .. وسبحان اللي كامل بالعطا زليت إصبر علي .. وإدمح خطاي إصبر علي .. وإن ما قوى صبرك رضاي أنا بهواي مجروح من يصبر علي هجرك ألم .. أقولها وأقسم قسم متى الظفر .. يطلع يا عمري من اللحم أنا بشر أخطي .. وسبحان اللي كامل بالعطا زليـــــت 5 - لوعة المغرم كلمات : أحمد الناصر الشايع . الحان : خالد عبدالرحمن كلمات لوعة المغرم أعـالج لـوعة المغــرم وتكبـر لـهفــة المـشــتاق= بحسن رضاي أسوق خطاي أقدّم رجلي وأفهقها أهوجس من طلوع الشمس والى مغيبات الأشفاق= ولا أدري في ظـلام الليل رجلي وش يوافقــها أباصبـر وأتـصبّـر ما نظن الصبر ما ينـطاق= لقـيت الصبـر مـرّ ولـو ينوش الكبد يحـرقــها ألا يا كامليـن المــعـرفة ســلك الغــرام دقــاق= إلا صــاب القـلــوب اللـه يـعـافـينا يـخرّقــها أنا لي صاحبٍ خـدّه ورى الشيلـه كما البــرّاق= بعرض المزنة اللي مثـل شمس الظهر بارقــها خـلـقـها اللـه وزيّن خـلـقـها وأخـلاقها الخــلاّق= قـليـلٍ جنـسها فـي جيـلـها سبـحان خـالقــها لـهـا عيـنٍ إليا لـدّت بها تـذبـح بـها العـــشّاق= بها وصـفٍ من عنـق المــها هـو طول عـاتـقــها إلا ما شفتـها ضاقت بي الدنيا وصـدري ضـاق= وأنا لو الهـوى لي كـان عينـي ما تـفـارقــها أحب مشاهد الغـالي عـسى ما هو بحب افراق= ولو راحت معه فـي مـغرب الدنيا ومشرقــها إلا جا الليل ما شفـتـه تـزيد بصـدري الدقاق= معه روحي بسـلك العنكبوت الله معلقــها إلا عرّض علي ياقـف مثـل وقفـة كـسيـر السـاق= وسـاعـات الـوداع أسـرع من الكدلك دقايقــها أن وياه جـدّدنا الـقـســم والعـهــد والمـيــثاق= ولكــن قـــدرة اللـه سابـقــه محـدٍ يـسابـقــها تعاطـينا العـهـد فـي واحدٍ من عاهده ما باق= مادام إن الثـقــة بالنفــس يلـزمنا نـوثّــقــها أنا أعرفنا سمه تنـقاد بالدنيا ولا تـنـــساق= ولو تعـطـيك عـهــد اللـه وأمانة لا تـصـدقــها تشوف أزوالهم مثل العـرب مارالله الــرزّاق= متى ما هب نسـناس الهوى يظـهر حقايقــها 6 - يطول الهجر كلمات : مجازف . الحان : خالد عبدالرحمن . كلمات يطول الهجر على يـدينـك إذا تــسمح تكرّم بدّل أوضاعـي= إذا لي خاطــرٍ عـنـدك تـصرّف لا تـخـلينـي لغيرك مستحيل أشـكي وأبين له عن أوجاعـي= أنا ما أبغـى بهالدنيا سواك أحدٍ يواسينـي أنا المـحـتار يـوم إنه دعا قـلبــي لك الـداعــي= دواعي الشوق يالغالي تبعـدني وتـدنينـي معـاناتي عـلي تـفرض أقول القـلـب مـلـتــاعِي= أجــامل والمـجـامـل بالنـهايـه لك يـودينـي تمنيتـك تسـاعدنـي أفـل فـي بحـرك شراعـي= توقـعـت إن يدينك بالحقيقة تسبق ايدينـي على يدينك ترى للـصبر وسط الجـوف مـربـاعي= أشـوف الهجــر ولاّ الوصل يالغالي يداوينـي يطـول الـهـجـر أو يقصر تزايد فيـك أطـماعـي= مــودّتنا عـلى قـلبـي عـزيـزة لا تـعـنّينـي 7 - عــشق بدوي كلمات : سعد الخريجي . الحان : صالح الشهري كلمات عشق بدوي نويت مـرباع الغـظي سيد الأحـــــــــباب= قـصـدي يـزول الـجـرح زاد إلتهــابــه جـيـت وبقايا نارهـم حـول الأطــــــــناب= بيت الشعــر مـطــوي وباقي زهابــه أقفت ركـايـبـهم ومـني الـهـــــــدب ذاب= مـن دمـعـي يسـأل وانذهل بالإجابــة على غـزير الدمـع ضميت الأهــــــداب= صـديت ليـن الدمـع يكـفي سـحابــه بعـض الوجـع يمكن يداويه الأعــشاب= وبعـض الوجع يا ويل منهو سطا بــه عـشـق بـدوي لا حب ما هــو بكــــذاب= يوفـي ولـو جرحــه تـجــدّد صـوابــه واليوم وصلت بيننا مثل الأجــــــــــناب= ذاك الغــلا يا ضـيعـتــه يا سـفـابــه باكر إذا جـيـنا لـهــم مثـل الأغــــــراب= من عـقـب مـا كـنا الأهـل والـقـرابــه الأمـر لـلـــه كــل شـيء لـه أســـــباب= وإلا الـهـوى وش لي عـلـى هج بابه وشلون قلبي ما يجي اليـوم منـــصاب= على الرجم منـقوش بعض الكتابــه حتى أثر مشيه مع سهـول وهـــضاب= مـرٍّ يـبـيــن ومـرٍّ مـا يـنـــدرابــه قلبـي مـن الفـرقا صـويب ومــــرتـاب= كـنـه غــدا نـصـفيـن من هـول ما بــه حزني عـليــه إنـه تـسـبـب ولا طـــاب= نـظــرة طـبـيبـه عـجّـلت في ذهـابــه ريح الخـزامى والنفـل زيـن الأطــياب= يـشدّنــي ريـح السّمـر فـي ثـــيابــه لأقبل نسيم الليل له خيل وركـــــــــاب= وله فـي طلـوع الشمـس عـز ومهابــه 8 - أحبك الماء كلمات : السامر . الحان : صالح الشهري . كلمات احبك الماء أحبـك المـاء لـروحي يــوم يـظميـــها= أعظــم سـؤال يواجـهنـي من أيامـــي وش صالحك من جروحي يوم تدميها= يا منتهى الحب كله منتهى أحــــلامي غيـرك كـثيـر المـلا عندي ولا أبيـــها= ما أشوف غير أنت بين الناس قدامي محبتـي كيـف ما تـدرك مـعانيـــــــــها= يا نشـوة الحـب حبـك مصدر إلهامـــي ما يسعـد العيـن غيـر عيون غاليـــها= أحـلف لك إني لشوفـك دايـمٍ ظامـــــي هايم مـطاف العيـون الشـوق يحييـها= شوفـك علشان حبـك والغلا سامـــــي اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات -  |
|
12-27-2005, 12:21 PM
| ||||
| ||||
|
السلام عليكم ورحمة الله وبركاته الله الله كلام رائع هذا الحب ولا بلاش من أجــــل وصلك باتـــخذ أيّة طريــقه= ما أبالــــي لو طريقـــــي لك هلاك رائعة كلمات بتجنن مشكورة اختي عربجيه ذوق والله انك كلك ذوق مشكورة اختك رهوفه اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-27-2005, 01:27 PM
| ||||
| ||||
|
هههههههههههه هلاوالله برهوفه منوره القسم بها الطله الحلوه ومشكوره على المرور الرائع والله لايحرمنا منكـ.. اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-29-2005, 10:27 AM
| ||||
| ||||
 البوم (( فرحة لقانا )) ويحتوي على ثمانية أعمال . فرحة لقانا كلمات : السامر . الحان : خالد عبدالرحمن كلمات فرحة لقانا لا تستـحـي قل أحبـك تـعـبت أسماعــــــــــــــي= أرجــوك لا تستـحــي يا صاحـبــي قـلـــها أطلـق احجــاجـك وخـلـه يرسـل الـداعـــــــــي= فـرحـــة لـقـانــا تـرى ما أبيـــك تقتلـــها ضـاح بـجـبيـنـك لـعيـنـي نـور واشعـــــــــاعي= وعيــونــي لشوفـتـك مع خافقـي ولـهــا خذ جرحـك العام بي من هاجس أوجـــــــاعي= وإلا يـا بـو ضـحــكــــةٍ بـيـديــك كـمّـلــها وإن قالـوا النــاس عمــري بالهـوى ضــاعي= بانت لك أســراري قبـل اليــوم تـجـهلــها يا صـاحـبـي هاجـسـي بـــــــك دايمٍ واعــــــي= فـيــك أنـت نفسـي تـجادلنـي وأجـادلــها مرٍّ تـكــون الرعـيـــة والـهــــــــوى راعــــي= ومرٍّ أكـــون الرعــيـــــة وأنـــت كـافـلــها أفـرح بـطيفـك يـجيبـك وأرفـع شـراعــــــــــي= والنـفـــس بـوعــودك اللي كــذب عـللــها يالله النسيان كلمات : خالد عبدالرحمن . الحان : خالد عبدالرحمن كلمات يالله النسيان وش تبين بخفـايا روح مجـروح الزمـن وش تبين ما بقى للحــب ما يسـوى الثمـن من ضحايا العشـق عـشــنا والجـديد جــروح لا ونس فـي خـاطــر اللي ذاب عمره جروح اتركيـه اللي خـفا بنفسي ومات لي جسد يا بنت فارقت الحيـاة لا تسألينـي شـيء راح وكـان عاصـره إنسان والنتيجــة مرّة عشتـها بكتـمان يالله النسـيان لك عين تسأل كلمات : الحـــر . الحان : خالد عبدالرحمن . كلمات لك عين تسأل لك عيـن تسـأل .. بعـد ما جرّحت فينـي بالكــلام لك عيـن تسـأل .. بعـد ما بينـي وبـينـك بالـخـصـام تنتـظـر منـي الرضـا وتتـجاهـل ما مضى ما كـنّ فـي قـلبـي واستـوى جـمــر الغضا آســـف .. لا تـحـاول منـي إني أنتــظـر آســـف .. وكـلمـة آسـف ما تكـفّـي لك عـذر تـنتـظر منـي أرد بعـدما صـار اللي صـار وأنا مالي إلا أرد كـلمــةٍ لك باختصــار كنـت أحبــك .. فـي غـرورك فـي عنـادك كنـت أحبــك .. ما بغـيت إلا ودادك فجـأةٍ ترخـص بتـقـديري وحبـي تـغـرق بحالة غـضـب ما أعـرف ذنبـي الطرف الحنون كلمات : مخاوي الليل . الحان : خالد عبدالرحمن . كلمات الطرف الحنون جـازت النظرة من الطرف الحــنـون= جاز لي باقي حـلاك وحـشمـــــتك يـوم كـلٍّ بالنظـر عـينــه تـخــــــــون= شفت فيـك اللي عـصمها نــظرتك يا غـريبٍ عـن عيـونـي من تكــــون= أنت كــل الزيـن كـمّل صــــورتـك منك أنا برسم عـلى حرفـي فنــــون= والفنـون أشكـال وفنـك قـــــبـلـتك العـقـل ما باح لي فعل الجنـــــــــون= وأدري أنـه ما تعـوّض صـحـبتـك جاز لي وصفـك وأنا اللي ما أمـون= بـس تـقـبّــل ما كتبتـه فـــــــدوتـك ظــــــــن كلمات : خالد عبدالرحمن . الحان : خالد عبدالرحمن كلمات ظن ظـن .. كـفـى سـوء ظـن واستشعره منـي رضـاك لن أديـنـك ولن أرتـمـي أطـلب صـفاك أسألك عـدلاً برأيٍ مـحـتسـن تعتقـد أن لك فـي مهجتـي الشيء القـليل وإننـي أهـدف إلى حب التـملك كالبـخـيل أسأت بي فـهـماً .. أسأت بي عـفــواً .. كـفاك سـوء ظـن لا يـدان المـرء بشيءٍ ليـس به ولا خلـق بالناس مـعـصــوم الـزلل لـم التـخاطب بلـغة الاعتـقاد كـفاك يا جـارح ألا لا تـؤتمـن يا للعــجب .. أفـي الصـراحة صدق المشـاعر تغـتـصب يا للعــجب .. كيـف يبـدو الحـسن ظـالـم ما الخـطب .. أجاهدك صبراً بسرٍ لا علن سيد الحب كلمات : خالد عبدالرحمن . الحان : خالد عبدالرحمن كلمات سيد الحب أحسـن بـك النيـة وتـفـتـح عـلي أبــواب= بـاب النـكــد يا عـجـل ما تـفـتـح أبوابــه إن جيت أبيّن لك عـلى رغـبتـي بأسبـاب=أخـطيـت فـي تـقدير ظنـي مع أسبـابــه خـلـيتنـي أخـشـاك ما كــننــا أحـبـــاب= متـعـوس قـلبٍ ما تـوفّـق مـع أحـبـابــه واليا بغيت أطلب حسبت ألف وألف حساب= يرضيـك من حـبّـك معـك يسقط حسابــه إن قـلـت لـك مـرتـاح واللــه أنا كــــذاب= وإن كان روحـي سـرّهــا البـعـد كــذابــه الشــوق يـدنـي ربـع مـن طـوّلـوا غيــاب= والشــوق يـذبــح لي تبـاطـــوا غـيــابــه أقـولـهــا والـنفــس تـحفـظ لك الترحــاب= يســوقـها فــكــــرٍ عـطاك كـل ترحــابـــه إنـي بـحـبــك سيــد الـحــب ولا تـرتــاب= أسكـنــك يا حـب هـجـر نـفــس مرتـابــه توني دريت كلمات : خالد عبدالرحمن . الحان : خالد عبدالرحمن . كلمات توني دريت توني دريت .. إن حبك غلطتـي توني دريت .. بالصمت حارت كـلمتـي وما حكيت .. ما قويت انطق حروف صابنـي عجز الكلام ولا حكيت .. ما قويت انطق حروف صابنـي عجز الكلام ولا شكيت .. توني دريت إن حبك غلطتـي يطيب لك تجريح قـلبـي الوافـي لا تحملينـي هـم منك كذا كافـي ظميتك وانتـي الماطــر بكيتك ماضي وحاضــر لقيتك فـي حياتـي خوف سطا بقلبـي وعلّ الروح وبان بطرفـي الساهر خدعنـي فيك قـصـر الشوف لك بجوفـي المـحبــة من سنيـن ومنك خوفـي خوفـي إنك تـجرحيـن هاذي النهاية بعد جرحي وش تبين .. توني دريت إن حبك غلطتـي أبابتعد واتعبتنـي خطـوتـي ترتعد من شعوري بغلـطـتـي الألم والأسى من خفايا رحلتـي توني دريت .. إن حبّك غلطتـي عيون الحب كلمات : الراحل طلال الرشيد . الحان : خالد عبدالرحمن . كلمات عيون الحب عـيـون الـحـب لا يمكن تناظــــر=عيوب الخل لو هو عيب كـلـه تمـاري فيـه وبوصـفــه تكـابــــر= ترى من فوق خلق الله محلـه رفـيــق الليـل بالشبـاك ناطــــــر= وأثاري الليـل شباك لــخـلّــه حـفـظ أحلى الكلام وصار شاعر= بـصبـرٍ ينتـظر والصبـر ملّـه حبيـبٍ عـشت فـي دنياه عــــــابر= حسب قوله ويا شاريٍ قـل لـه أنا ضحـيت له وارجـي وصـــابر= وإذا عيّا أقــول اللــه يـحـلّــه أنا اللي أنـتـظـر يا بعــد باكــــــر= يبي السلوان والذكرى تـظلـه عـيــون الـحـب في قلبي تناظــر= تشوف اللي عيونـي ما تدلّه اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-29-2005, 11:57 PM
| ||||
| ||||
|
بعد في زياده... والله صراحه موضوع روووووووووووعه ويستاهل التثبيت واكثر واشكرك يا عربوجه مره اخرى واخرى على الموضوع والإبداع الراااااااااائع.. اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
