وبعـد غيبـه كنهـا عمـرٍ أجتنـي تعتـذر
يا حسافه وش كثر اعذار من خـان العهـود
ليتهـا تـدري بحالـي يـوم قلبـي منتظـر
كنت اداري التياعـي بالمنـى بكـره يعـود
ذاب صبري يوم شوقي في ضلوعي ينصهـر
أنذبح مليـون مـره ليتهـا تكفـي الوعـود
ليتها تقدر تـداري دمـع عينـي المنهمـر
وفي ثواني الليل كنـه فـي حناياهـا يجـود
ما وَصَلْها عن غرامي اللي عليهـا يستعـر
يكتوي بالويل عمري والخواطـر لـه وقـود
حتى طرفي اللي هواها كيف يقوى يصطبـر
العنا اضناه حتَّى مـا عـرف طعـم الرقـود
والا ايدي يوم كانت ليـن شوفـه مـا تقـر
تكتب الاشواق فيهـا لاجـل ترسلهـا وفـود
الورق من كثر شوقـه يـوم ذكـره ينعمـر
أمسى في ذيك الليالـي ينتظـر منهـا ردود
القلم ضيَّـع مـراده يـوم حبـره ينحصـر
في شفاته الف حسـره تعتلـي فيهـا قيـود
البريـد اللـي يناظـر منَّهـا طيـفٍ يـمـر
إنتظـاره طـال حتـى ظنَّهـا مالـه وجـود
الحنين اللـي بروحـي فـي عذابـه ينقبـر
حتى نار الشوق فيني كنهـا صـارت بـرود
يوم نبضي والا همسي كيف يقـوى يستمـر
والصدى بالحيل يمـلا كـل انحـاء الوجـود
القصور اللـي فبالـي كـان ظنـي تنعمـر
ما عرفت ان الصواعـق دمرتهـا والرعـود
ماهقيـت ان الامانـي فـي مهدهـا تنتحـر
وان حبري صار ذكرى وان ارواقـي لحـود
مـا تمنِّيـت المواجـع تمتلكنـي وتنتـشـر
وتختفي حروف القصايد والخواطر والحشـود
ويوم جتني قلت صبري يا فـؤادي ينتصـر
ما دريت ان الاماني شوك باطـراف الـورود
راح عمري وانت وينك كـاد قلبـي ينفطـر
والا قلبك كيف ينسى صاحب القلـب الـودود
وكيف عينك وسط طرفك في منامـه تستقـر
والا اشواقـك وروحـك خبرينـي يالعنـود
وش عساني الحين انطق لين دمعـي ينحـدر
الفرح اشرق بشوفك والمدامـع لـه شهـود
هو عسى المانع حبيبي خير قولـي بانفجـر
والا ما تدري بغيابك وان صبري لـه حـدود
قالت اسمعني حبيبي الحين اقلـك واختصـر
مو بايدي انشغالـي والا هجـري والصـدود
غصب عني ابعدوني وكيـف قلبـي ينجبـر
غرَّهم زمن المصالـح والمكاسـب والنقـود
والله باعوني وتكفـي ..لا تخلينـي انقهـر
والعهود اللي بقلبـي فـي اساطيـر الخلـود
قول بعتك والا حتى صيح وعاتـب واحتقـر
اشتكيني قول خنتك مـا عليـك اليـوم زود
وشوف دمعي اشلون صاير من عيوني يندثر
ماهو دمعي اللي عرفته هذا دمِّـي عالخـدود
ما بغيت اجرح شعورك وانت يا روحي مصرّ
إنهدم قصر المحبة وما لقيـت اللـي يـذود
يشهـد الرحمـن انـي مـا بغيتـك تنكسـر
والا تتعذب عشانـي والا يذبـل فيـك عـود
فيك تعذرني حبيبـي قبـل روحـي تحتضـر
والا ترميني بصحـرا كلهـا جمـر واسـود
إجبر الخاطر بكلمـه وليـت جرحـك ينجبـر
وش يصبِّرني حبيبي وانـت مالكنـي عقـود
يا كثر احزان عمري فـي غيابـك يـا كثـر
ويا كثر افراح اهلـي والعـواذل والحسـود
ويا عنا المشوار فيني طال دربـي او قصـر
بأحمل الذكرى عساني يا منى قلبـي اعـود
قلت له بختي هويتـك يـا غناتـي بانتظـر
لو نذرت العمر كلـه وانكتـب لـي بالخلـود
(في امان الله ) قلتـه يـوم قلبـي ينعصـر
مستحيل الماضي يرجع ...والا يا عمري يعود

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

عقل الفيلسوف يبني دولة في الهواء

وعقل الرسام يبني دولة على الماء

إجبر الخاطر بكلمـه وليـت جرحـك ينجبـر=وش يصبِّرني حبيبي وانـت مالكنـي عقـود
يا كثر احزان عمري فـي غيابـك يـا كثـر=ويا كثر افراح اهلـي والعـواذل والحسـود
ويا عنا المشوار فيني طال دربـي او قصـر=بأحمل الذكرى عساني يا منى قلبـي اعـود
قلت له بختي هويتـك يـا غناتـي بانتظـر=لو نذرت العمر كلـه وانكتـب لـي بالخلـود
(في امان الله ) قلتـه يـوم قلبـي ينعصـر=مستحيل الماضي يرجع ...والا يا عمري يعود