ندخل في الموضوع دايركت ( متوهق ما اعرف اسوي مداخل مثلكم )
بصراحه هالموضوع كتبته بسبب رساله جاتني عالخاص
وفيه اقتباس لـ رد قديم لي بموضوع عن هالمشكله .. وكان مُبهم بعض الشيء
والشرح كان سياحي جداً قلت اعيده بالتفصيل وزياده عليه صور .. يعني اللي ماتطلع له الصور .. الكتابه بتكون واضحه عنده وضوح الشمس في رابعة النهار
علّها تتلاقح الأفكار الجديده المُكتسبه لدى القارئ مع الخبرات الماضيه في المشاكل
وتصبح الأمور أكثر وضوحاً من زوايا جديده وآفاق أكثر رحابه ( كلام كبير )


.. /

/ ..


قبل مانبدأ بمراسلة الهوتميل .. لازم يكون عندك ايميل ثاني بديل " شغال " ( الله من واحد الايميلات عنده بريال )
هالايميل سلّمكم الله عشان يجيكم الرد عليه من الشركه .. ويغيّرها من الـ junk على الـ inbox بنفس النمره
نبدأ على بركة الله .. اطمروا للصفحه الرئيسيه هنا

[ www.hotmail.com ]


.
::
.


بعد تسجيل الدخول .. يجيكم عاليمين كلمة [ option ] اضغطوا عليها
واختاروا من القائمه المنسدله [ more option ]




.
::
.


بتجيكم ثلاث قوائم .. اختاروا من قائمة junk e-mail
safe and blocked senders




.
::
.


وبعدها اختاروا [ safe senders ]




.
::
.


راح يجيكم مربع اكتبوا فيه microsoft.com بدون الـ www
واضغطوا على [ Add to list ]




.
::
.

كذا انتهينا من تضبيط الايميل البديل .. وندرعم على حل المشكله
فيه طريقتين .. واستخدام طريقه وحده تغني عن الثانيه


.. /

/ ..



¦¦ First Road ¦¦

الطريقه الأولى
( خبركم الانقلش كلمتهم تمشي عالخطّين ذكر وأنثى .. واللي بيقول غلطان بتوطا ببطنه )

ادخلوا على هالرابط
كود:
https://support.msn.com/eform.aspx?p...rid&ct=eformts
راح تفتح لكم صفحه مثل هالصوره



1 ~

Contact email address

تحط الايميل البديل



2 ~

Domain name(s) to be added to the senderID program

في هالمربع تكتبون مشكلتكم بالانقلش ويكون متضمّن لـ الايميل المُغلق
واللي متورط .. دبّرنا له تصريفه .. يكتب هالكلمتين اللي بقولهم

I would like to restore my mail ( x@hotmail.com ).
Because it contains many personal stuff and issues .I will kindly appreciate such act from you .
Regards,

يجي منّي في الانقلش .. فتّيت


3 ~

تحطون الاختيار [ No ]



بعدها فيه صوره عليها حروف وأرقام .. اكتبوها في الفراغ اللي تحتها مباشره
وبالنهايه اضغطوا على [ submit ] وانتهينا

ملاحظه مهمّه .. الكثير من الأعضاء يواجهون صعوبه في فتح الرابط أعلاه
اللي يجيهم ( تعذّر ) واللي ينقز بهم على صفحة ( MSN )

هنا المشكله تكون من مزوّد خدمة الانترنت اللي انت مشترك فيها .. وصارت لي كثير
وحلّها بسيط .. انك تقطع اتصالك من المودم .. كيبل أو وايرلس ( وش الشهراني )
وتستخدم التلفون ( ايزي نت ) قديمك نديمك
وهذي بعض ارقامهم

شـركة أول نت 3660011
شـركة أثـيـر 3660333
شـركة جـيـل 3660100
شـركة زجـول 3660090 وهذي اللي استخدمها انا
شركة سعودي نت 3660077
شركـة سيبيريـا 3660300
شركة صحارى نت 3660123

بعدها بتفتح الصفحه .. وامسكوا الطاره وتولّوا زمام الأمور


.. /

/ ..


¦¦ Second Road ¦¦

الطريقه الثانيه

وهي انك ترسل رساله على هالايميل [ abuse@hotmail.com ]
ويكون محتواها نفس اللي كتبت لكم فوق
تضيفون عليها بالنهايه

contact email : x@hotmail.com
closed account : z@hotmail.com

الأول / الايميل اللي يتواصلون فيه معاك
والثاني / حسابك المقفل



ملاحظات /

- الرد احياناً يكون خلال يوم واحياناً يعطونك جنط يستمر لمدة 5 ايام
يعني ( مالك إلا الصبر .. وش وداك له ! )

- من أهم أسباب تقفيلة الـ الحساب .. انه بعض الزكرت ماينعطون وجه
عالريحه مايصدق خبر تجيه رساله ويزبرقها .. ويدزّها لـ ألف شخص
والذمّه على الـ هوتميل

- ألف شكر من الأعماق لـ [ ن ]



.. /

/ ..






فتّكم بعافيه واعذرونا عالقصور



مـــــــــنــــــقول

منتديات مدرسة المشاغبين - عالم الماسنجر و البالتوك و البريد الايميل ماسنجر 9 و ماسنجر 8 و ماسنجر 7 ماسنجر في مسنجر MSN Plus Wi

نحتاج لـ مخترع .. يخترع لنا " حبوب " : الاسلوب و الادب فِي الحوار . . كي نعالج : [ الإنحطآط ] الذي يعآني منہ البعض ..

نحتاج لـ مخترع .. يخترع لنا " حبوب " : الاسلوب و الادب فِي الحوار . . كي نعالج : [ الإنحطآط ] الذي يعآني منہ البعض ..