بسم الله الرحيم الرحيم

طبعا هذي أول روايه أكتبها و إن شاء الله تعجبكم الروايه ولو في أي ملاحظات على الروايه طبعا أكيد أكيد حأتقبلها و ما حأزعل أبدا



و لما تقرؤن الروايه حتقولون إنها خياليه و ما سار شئ منها و حتقولون إنها جريئه شويه بس صدقوني الأحداث شبه حقيقه و أنا حذفت أشياء كثيره منها

لأنها أول روايه فسامحوني على الأخطاء و إن شاء الله ما أكررها في رواياتي الثانيه






تعريف بالشخصيات :
الاب سلطان : 40 سنه
(سلطان يستغل في التجاره يعني دايما يتنقل و يسافر و في الروايه ما حيكون في أحداث كثيره له لانه غالبا ما يكون مسافر يحب بنته لارا الوحيده و ينفذلها كل شئ تبغاه )
الام هنوف : 35
( هنوف كل حياتها بنتها الوحيده لارا وزوجها تتمنى سعادتهم و تبديهم على كل شئ ما تتمنى تشوف أحد منهم زعلان )
لارا : 17 سنه
( البنت الدلوعه محبوبه جدا و أمها و أبوها مهتمين فيها لأنها بنتهم الوحيده جمالها ناعم و نحيفه طويله شويه تحب تهتم في نفسها تضحي عشان اللي تحبهم طيبه مرررره حساااسه )
أخت هنوف الوحيده
الاب عبدالعزيز : 45 سنه
( شديد شويه بس طيب و حنون على بناته الشغل ابدا ما يشغله عن بناته مهما سار )
الام ريوف : 41 سنه
( تحب بناتها الثنتين بس شديده شويه معاهم بس أكيد من الحب و تخااف عليهم و تبغى مصلحتهم )
دانا : 17 سنه
( شخصيتها غريبه و راح تشوفون شايفه نفسها شويه و تكره أي أحد يفرقها من اللي تحبهم مو حلوة بس جذابه و مو مره نحيفه و طويله شويه )
لانا : 10 سنوات
(دلووووعه مررره و طيبه مررره حلوة أحلى من دانا و تحب تهتم بنفسها مع إنها صغيره متعلقه بأمها لأنها ما تقابل ناس كثير في سنها )
أخو سلطان الوحيد
الاب ريان : 45 سنه
( شغله تقريبا زي سلطان بس هو يهتم في بنته وولده و دايم يحاول يشوفهم و يجلس معاهم اطول مده )
الام لمياء : 31 سنه
( تهتم في عيالها عصبيه شويه بس تحب عيالها مرره )
فارس:19 سنه
( طيب بس عصبي و يهتم في نفسه و في أخته صح إنه مرات يبين إنه ما يحبها و يحب يعصبها بس يموت فيها جذاب و متهووور و عيونه عسليه و نحيف و طويل )
فرح : 16 سنه
( شخصيتها تقريبا زي شخصيه لارا و هيا ولارا مرره صحبات و يحبو بعض حلووة مرره فيها شبه من أخوها فارس دمها خفيف تنحب بسرعه )
إجازه الصيف
--الاربعاء --

كانت لارا جالسه تكلم دانا

لارا : بليز دانا تعالي جده مررره وحشتيني
دانا : انا إش اسوي والله بابا مشغول أوعدك السبت نيجي
لارا : أنا اش يصبرني
دانا : روحي مع فرح
لارا :والله خلاص فرح طفشت مني 24 ساعه في وجهه بعض
دانا : خلاص يا قلبي أنا لازم أقفل أستنى إلين يوم السبت و إحنا نيجي يلا باي
لارا : اففففف أوكي باي
-------------------------
نزلت لارا عند أمها
لارا :مااامي بليز أبغى أروح عند فرح
هنوف :روحي كلمي أبوكي و إسأليه إذا قال طيب روحي
لارا : أوكي ماما
راحت عند أبوها في المكتب حقه كالعاده
لارا : بابا بليز أبغى أروح عند فرح
سلطان :خليها تيجي حبيبتي
لار : بابا أنا أحب أرحلها طفش هنا في البيت
سلطان : مو كل يوم إنتي عندها ناديها اليوم و بكره إنتي روحي
لارا : أوكي بابا
--------------------------
طلعت لارا فوق و أخذت جوالها و دقت على فرح
فرح : هاااي
لارا : هاااي فروحه كيفك ؟؟؟
فرح :والله تمام إنتي كيفك ؟؟
لارا :تمام .. اسمعي تعالي عندي البيت
فرح : ليش إنتي ما تيجي
لارا : الدور عليكي اليوم
فرح : أوكي أنا حأروح أكلم ماما و ألبس و أجي
لارا : أوووكي يلا باااي
-----------------------------
راحت لارا فتحت دولاب ملابسها
و أختارت لها فستان و لبسته
كان شكلها كالعاده حلو فستانها قصير لونه أحمر كت
حطت مكياج خفيف و فكت شعرها الكيرلي الي يوصل الى عند كتفها و راحت عند أمها
----------------------------
هنوف : ما شاااء الله قمر
لارا (بخجل ) :شكرا ماما
هنوف : متى حتيجي فرح
لارا : بعد شويه أكيد هيا في الطريق
هنوف : طيب حبيبتي أنا رايحه مع السواق عند وحده من صحباتي
لارا : أوكي ماما
راحت أمها و جلست لارا تستنى فرح
و أخيرا دق الباب راحت لارا تجري تفتح الباب
سلمت على فرح و دخلوا
فرح : لارا إش رايك اليوم نروح ردسي
لارا : حماااااااااااس ( أتذكرت ) بس السواق مع ماما
فرح : عاااااادي حبي أكلم فارس يجي يأخذنا
لارا :لالا إلاااا فااارس
فرح : طيب كيف نروح ؟؟ تبغين نجلس في البيت
لارا : لا ما أبغى
فرح (بدون قصد ) : فين دانا على طول تقوول طيب
لارا ( بحزن ) : خلاص طيب دقي
فرح إتندمت إنها تكلمت و دقت على فارس
فرح : هلا فارس كيفك ؟؟
فارس :خير
فرح : أنا ولارا نبغى نروح السوق ممكن توصلنا
فارس سكت شويه و رد بحزن : طيب بس بسرعه إتجهزوا أنا جاي
فرح : ترى أنا في بيت عمي سلطان
فارس : طيب باي
و قفل فارس
فرح : والله ما كان بيجي بس لما سمع اسمك وافق
لارا ( ابتسمت بحزن ) : يلا نقوم نتجهز قبل ما يجي
فرح : يلا
-------------------------
راحوا لبسوا عباياتهم وجلسوا يتكلمون على بال ما يجي
لارا : الله يستر أعرف أننا حنأخذ تهزئه على المكياح و العبايات
فرح : طنشي
دق فارس
فرح : أمشي بسرعه
لارا :يلا
لفوا الطرح و كانو حاطين مكياج خفيف و عبايه مفتوحه و فساتين قصيره
قبل ما يدخلوا السياره جلس فارس يطالعهم و لما دخلوا
فرح : هاي
فارس : إش هذا المكياج و إش هذي العبايات
فرح : بليز فارس محنا ناقصين محاظراتك
فارس ( ما كان يبغى يتكلم لانه عارف الكلام ما يفيد معاهم ) :
الله يهديكم بس
وصلهم فارس ردسي و رجع البيت
-------------------------------
فرح : حمااااس انا وإنتي في ردسي لوحدنا
لارا: ايوة من جد حمااس
فرح : كيف شكلي حلو
لارا : زي القمر اليوم حتجمعي ترقيمات
فرح : مو بس أنا
راحوا ودخلوا محلات و إستهبلوا على الناس و أخذوا كم رقم
وراحوا للمطاعم
فرح: إش رايك نأكل في ماكدونالدز
لارا : أكيييد يلا
راحوا و طلبوا أكل و جلسوا
فرح : شوفي شوفي هذا المزه
لارا : وااااااو مررره يجنن
فرح : ياااارب يرقمني
وفعلا الولد جا
*******************************************



نهاااايه البارت

طبعا دي البدايه من الروايه و البارت بكره إن شاء الله راح ينزل لو شفت على الأقل رد واحد



تحياااتي

_______________


--الخميس--



قامت لارا من النوم و لبست و نزلت تحت تفطر
___فرح ___
قامت فرح بدري( الساعه 11 ) و راحت لبست و على طوول مسكت جوالها و هيا مررره خايفه ودقت على بدر
بدر : ألووووو
فرح : هااي بيدو كيفك ؟؟
بدر : إنتي أكيد فروحه ؟؟
فرح ( مرره فرحت ) : إيووة
بدر : كيفك حبي ؟؟
فرح : أنا والله تمام
وجلسوا يتكلمو نص ساعه
بدر : إسمعي فرح أنا رايح الصلاه
فرح : أوكي يلا بااي
قفلت فرح من بدر و هيا مرره فرحانة و مرتاحة له



---------------------


لارا بعد الفطور راحت كلمت دانا
دانا : هلا لارا
لارا : دااااانا بليز تعالي اليوم
دانا : أنا كنت أبغى أقلك إننا بكره جايين
لارا : أنا أبغى اليوم
دانا : بكره أحسن من يوم السبت
لارا : طيب حماااس
دانا : إيووة مررره .. إسمعي أنا رايحه أرتب الشنطه
لارا : أوكي


--------------------


راحت لارا فرحانه وقالت لأمها و أبوها وفرحو لها لأنهم عارفين إنها تحب دانا
راحت لارا تدق على فرح
لارا: هاي فرح
...: مين
لارا : هذا جوال فرح
...:ايوة أنا أخوها هيا تصلي مين أقلها
لارا : قلها لارا
فارس (بحزن ) : لارا
لارا : إيوة
فارس : لما تخلص أقلها تدق يلا باي
و قفل الخط


-------------------


لارا كل ما تسمع صورته تتذكر حزنها تتذكر ذكرياتها الحزينه
بعد 5 دقايق دقت فرح
لارا : فرح لو سمحتي مره ثانيه لا تخلين فارس يرد
فرح : أوكي
لارا : غريبه انتي فرح ؟؟
فرح : إيوة أنا فرح
لارا : إش سار فيكي
فرح : أحبووو أحبوووو أحبوووو
لارا : مين لا تقولي بدر
فرح : إيوة
لارا : كلمتيه
فرح : إيوة كلمته الولد طيب
لارا : الله يهديك يا رب
فرح : أففففففففف منك
لارا : نسيت أقلك
فرح: إيش
لارا : بكره دانا حتيجي
فرح : وااااااااااو حماااااااس
لارا: من جد حماااس
فرح : والله فله
لارا : يلا أسمعي أنا أتركك تتجهزي لبكره
فرح : أوكي
لارا:ترى بكره في بيتي و بعده في بيتك
فرح : مجهزه ما شاء الله
لارا : أكيد
فرح : يلا باااي
لارا : بااي


------------------------


___ دانه ___
كانت ترتب شنطتها
و أخيرا حأقابل حبيبي فاااارس و أخيرا
دخلت عليها أمها
ريوف : اسمعي دانا لما تخلصي روحي ساعدي لانا
دانا : أوكي ماما
خرجت ريوف و نزلت تحت لقت لانا و أبوها
ريوف : حبيبتي خلصتي شنطتك
لانا :لا ماما أبغى دانا تساعدني
عبدالعزيز : ترى بكره الساعه 10 حنكون جاهزين
ريوف : طيب بس مو كأنه بدري
عبدالعزيز : لا مو بدري دانا تبغى تروح و تستمتع لأخر لحظه و بعد أنا عندي شغل الساعه 3 يا دوب يمديني
ريوف : طيب خلاص


--------------------------------


لارا مررره كانت فرحانه و جهزت لبس لبكره و بعده و راحت جلست على النت


-------------------------------


فرح كانت جالسه تجهز لبكره
دق جوالها و ردت
فرح : هلا
بدر : كيفك ؟؟
فرح : تمام و إنت ؟؟
بدر : تمام .. أسمعي أبغى اقابلك اليوم عندك شئ
فرح : مو كأنه بدري أمس متعرفين
بدر : لا مو بدري ولا شئ أنا أبغى أشوفك كل يوم
فرح : أوكي اليوم ما عندي شئ أكلم لارا و أجي
بدر : لالا لوحدنا احسن نأخذ راحتنا
فرح : لا أحسها صعبه
بدر : ترى أزعل منك مو واثقه فيا
فرح : إلا واثقه خلاص ولا يهمك
بدر : الساعه دحين 3 الساعه 5 أنا حأكون هناك
فرح : طيب فين نروح
بدر : إش رايك نروح ستار بكس
فرح : أوكي أنا حأروح ألبس و أتجهز و أخرج
بدر : أوكي قلبي باي
فرح : باي
راحت فرح لبست برمودا ضيق قصير عشان يبان مع العبايه وحطت مكياج خفيف وحطت عطر الين وراحت مع السواق ستار بكس
-----------------------
دانا كانت تعبانه راحت تنام بعد ما ساعدت أختها نامت بدري عشان تقوم بدري عشان السفر
----------------------------
لارا مررره كانت طفشانه و ما في شئ تسويه راحت هيا و أمها السوق يشترون كم شئ عشان الضيوف اللي بكره


-----------------------


اول ما دخلت فرح ما لقت بدر جلست على وحده من الطاولات في الوسط



_________________________________________

نهـــايه البارت

إن شاء الله ألاقي رد واحد بس

الصراحهـ شويـ عليها كلمة رائعهـ
تسلمـ اخويـ