العباءة تآريخ بين الحشمة والموضة

روت لي صديقتي راوية ..وهي بالمناسبة فتاة طويلة البال ..بعيدة المنال ..لديها هدوء وسكينة ..لا

تحمل عقد ولا ضغينة … .روت لي عن دقائق مرت بها في سوبر ماركت .. اعترض طريق عربتها التي تتهادى مثلها … عربة عدائية تصر كفراتها بقوة يرافقها صوت رجل يصر صوته ويزئر :
• انتي يا مره ( أي يا امرأة ) فاتشه وجهس ( اي وجهك ) .. استحي على وجهس وتغطي .
• لا حول ولا قوة الا بالله . .الله يصلحك .. اغراض عربيتك نشبت في عربتي ..لو سمحت ابعد .
• مانيب ماشي لين تغطين وحهس
• احترم تفسك وبلاشي صراخ
• احترمي نفسس انتي اول وتغطي
• وليه اتغطى
• وجع وجع …وجهس حرام ..انتي ما علموس في المدارس
• قالوا لي تغطي بس ما علموني السبب ..انت ما سمعت بأزمة التعليم في بلدنا
• اقول لا يكثر كلامس وصوتس اصلاً عورة ..غطي يعني غطي .
بدء الناس يتوقفون وبعض النساء يقولون لها اتقي شرة يا بنت الحلال غطي ..,همست لها وحدة ..تغطي وأذا مشى افتشي ..عادي انا كذا اسوي ..تجاهلت النصائح وأكملت بهدوء :
• قل لي ليه اغطي
وبصوت دعوي عندما رأى تجمهر المزيد من النساء
• الاسلام يحرم فتش الوجه..انتي مسلمة والا كافرة
• قل لي كيف وجهي وصوتي حرام ..منكم نستفيد .
• جميع اقوال المشايخ والعلماء والكتب والتسجيلات في السوق تقول ان وجهس وصوتس عورة .
• العلماء والمشايخ كلهم على راسي وجزاهم الله خير على اجتهاداتهم ..انت قل لي وش قال القرأن ..والسنة المؤكدة.
• القران قال كلموهن من وراء حجاب .. وهذا بحد ذاته اكبر دليل
• انت عارف الاية الكاملة واسباب التنزيل و..
• اقول اسكتي وتغطي ..أنتي ماتستحين على وجهس..ما ربوس أهلس ان الملاجد و الكلام مع الرجال حرام وعيب وشق جيب
• تربية اهلي صالحة وعلى القواعد الاسلامية تماماً ..بعدين انا ما تكلمت معك ..انت الي أعترضت طريقي وكلمتني
• صحيح انكم ناقصات عقل ودين ..يقولون كل حرمتين برجال ..الا كل مية حرمة برجال واحد
• الا على فكرة وش جابك هالقسم انا قاعدة اتبضع في قسم الاواني المنزلية .. مهوب في قسم اكسسوار السيارات .
• بعد ..بعد ..شكلك من مؤيدات قيادة السيارة ..والله اني عارف من شفتك انك علمانية .
شهقت الحريم المتجمهرات ..وتابعت راوية بهدوء :
• قل لي وش معنى علمانية
• انتي كل ما قلت لس كلمة قلتي وش معناها ..اقول اقصري الكلام وتغطي .
• وش معنى علمانية
• يعني الكفرة الفجرة المتأمرين على الدين ويبغون الحكم بغير الاسلام ..ولكن الله لكم بالمرصاد .
• ما شاء الله ..ما شاء الله ..وش هالعلم الغزير ..وش هالمنطق المقنع .. حرام انك ما تكون داعية
• لو كنتي تفهمين وتتابعين كان ميزتي صوتي ..انا معروف ولي تسجيلات .
• ماتشرفت بأسمك
• خسارة فيس اسمي …تغطي بس
• يا مجهول …احب اقول لك تراهم أقاموا صلاة المغرب ..كان ودك تصلي ..وقبل ما انسى سلتك فيها لحم وجبن ولك فترة وانت واقف ..وكانك بتصلي فحتاخذ وقت ..وممكن تتسمم ..مره ثانية خلي اللحوم والاجبان والمثلجات ..اخر شي تشتريه …هذا علم نؤكد تنتفع به..ولا انتظر منك تقول لي جزاك الله خير .