مرحبا أعضاء ... كيفكم وكيف الدنيا معكم... إن شاء الله كل أموركم تمام..
اليوم حبايبي و أنا ماره على الشات لقيت واحد من أخواننا الأعضاء.. و كان طبعا مغير النك حقه وداخل بنك ثاني..
عموماً مالكم بالطويله.. أنا سلمت عليه وهو بعد رحب بي ترحيب واحد يعرفني... و على قولته يومن سألته أنت
تعرفني قالي وهل يخفى القمر...
طبعا حاولت أعرفه من هو بس ماكن عندي وقت لأنه كان حزة صلاة الظهر وكنت ناويه أقطع الأتصال من النت
كلش..بس حبيت أمر سريع على الشات أسلم على اللي فيه وبس..
و أخونا بعد مجهول الهويه بعد كان ناوي يطلع.. فما صارلي فرصة التعرف عليه عدل.. طبعا هو قالي الليلة لازم
نجتمع في الشات و هناك راح أعرفه... المهم..كلمه مني كلمه مناك أستسلمت و قلت الشكوى لله انتظر الليله و أعرفه..
طبعا تعرفوني أم الشفايه لازم أعرف والا ما أتحمل أصبر ... بس شكل بعض الأعضاء يبون يعلموني شويه أغير
من بعض سلوكياتي.. و أتعلم الركاده... (مو مهم )..
وصار شي قبل لا يطلع صاحبنا هذاك اللي قلت لكم عنه (مجهول الهويه) هو لما بغى يطلع ودعني و سلم و قال
نشوفك الليله بالشات.. قلت زييين أحاول بس تدرون وش الشي المهم اللي صار واللي علشانه كتبت لكم هالموضوع
( و الا أنا وين و الكتابه وين)..
الزبده تبون تعرفون وش الشي المهم اللي صار... أيه و الا لا؟؟؟؟
اللي( أيه) يرفع يده... و اللي (لا) يطلع برى ولا يوريني رقعة و جهه هنا ...
عموما حبايبي اللي موافقين يسمعون مني الشي اللي صار صبرتوا و إن شاء الله بتنالون بإذن واحد أحد إن شاء الله قولوا آآآمييين...
بما أن حزب المعارضة طلعوا الحين أقولكم اللي صار.... يا حبي لكم و الله أحس أنكم معطيني أكبر من حجمي و
قدري صراحه.. ما تعودت أحد يسمع لي للأخر أحس أني أبي أصيح من هالشعور الحلو ... يعني في أحسن من أن
الواحد ينعطى و جه و يحتسي و أحد يسمع له و الله أحساس رهييييب... ياالله ما أقدر أكمل.. الشعور ما يوصف...
لا لا لا... و الله كثييير علي شوي شوي حبه حبه علي ترى أخاف أدمن على كذا..تهئ تهئ تهئ..
خلاص خلاص.. أبي أكمل الباقي .. و الا ما راح أحصل فرصه ثانيه أحد يسمع لي فيها..
اللي صار يا أخواني و خواتي.. أنو هذا العضو المجهول الهويه.. قبل لا يطلع قال لي كلمه عرفت منها من يكون
تدرون وش قال....أكيد لا و الا ما كنتم قريتوا الموضوع للأخر..
اللي قاله هو .....((((((((((( سلمي لي على أخوانك...)))))))))))
أكيد وااااجد منكم ما فهم مني المقصد.. و أنا عاذرتكم و راح أشرح لكم بعد .. وش تبون أكثر بعد.. يحصلكم وحده
مثلي مضيعه وقته و وقتكم و تخربط لكم من هالسوالف... أكيييد لا .. (شكلي زودت شوي من فيتامين ث... (ثقه))
عموما ما عليكم مني و ركزوا بالموضوع..
أنا يا أعضاء العزيزين على قلبي وحيدة أهلي.. يعني البنت الوحيده بين أخواني الشباب الله يخليهم يا رب..و هالشي
مو كل اللي يعرفوني هنا يدرون بهالشي.. إلا ناس ينعدون على الأصابع.. و من بين هاللي ينعدون على الأصابع هذا
أخونا اللي فوق مجهول الهويه تذكرونه.. أيه .. و بكذا عرفت أن اللي يكلمني هو (........) بس القهر أنه قط الكلمه و
طلع بسرعه ما أمدى لي أتأكد منه اذا هو (........) و الا لا ... المهم أنا شكلي تأكدت بليا ما أسأله.. تدرون ليه لأني
حسيت من كلامه أنه من زمان هو عنا.. و شكله مشتاق للمدرسه ..
و مثل ما كلكم عارفين في واحد عزيز علينا كلنا جداً.. الكبير منا قبل الصغير.. من أعضاء مدرستنا الغاليه..
كان غايب عنا لظروف صحيه برى المملكه و على قوله في استراليا... هاه عرفتوه مثل ما عرفته أنا والا بعد أوضح أكثر..
هو صحيح مثل ما قال هو لي قبل (و هل يخفى القمر) أنا أقول كذا بعد له.. بس مع هذا بقولكم من هو ..
هو توم هانكس ... مو الأمريكي هذاك لا توم هانكس حقنا حق المدرسه توم هانكس السعودي .. عرفتوه تويم ما غيره
اللي بيفوز أو أنه بعد فاز بلقب نجم نجوم قسم الأفلام ..أهااه و صلتوا على خييير أخواني..
بس المهم و الأهم و اللي علشانه جيت و تعنيت و كتبت ليمن ورمت أصابعي و تكسرت أظافري (تخبرون الأظافر و الكيبورد ما يجتمعون)..
هو أني عازمتكم على حفل الترحيب بأخونا الغالي توم و بهالمناسبه السعيده اللي رجع لنا بالسلامه.. معافى بإذن الله ..

و حبيت أقول حياك الله بيننا مره ثانيه يا أخوي الغالي و الله ولك وحشه حيييل .. و غيابك طول علينا
و مكانك والله كان خالي عقبك.. و نحمد الله اللي أحينا لهاليوم اللي نجتمع فيه و نسلم عليك..
فـلك مني تحيه يا العزيز.. و وبأسمي و بأسم كل الأعضاء هنا نبارك لك رجوعك السعوديه سااالم..
و سلامتك... و سلامت قلوبكم كلكم يا الغلا كله..
أقول شباب والله مدري شكلي شاكه من الوضع أخاف ما يطلع توم و أكون طرت بالعجه و طيرتكم معي بعد...
بس يلله.. اسمي اللي تعنيت وكتبت حرام أكنسل الموضوع ... والله شغله..(يمه يا عجز هالبنت و ش خليتي للسودانيين)
والله اذا توم جاء أو توه... مو مهم ..هو جاي جاي اذا مو اليوم في الأيام الجايه إن شاء الله ..
و اسمنا بنحييه و نتحمد له بالسلامه.. صح!!!
و سلامتكم..

منتديات مدرسة المشاغبين - اهدائات ترحيب تبريكات تهاني افراح مناسبات سعيدة