قصيده بجميع القبائل العربية

بسم الله الرحمن الرحيم

(( وجعلناكم شعوبا وقبائل لتعارفو ان اكرمكم عند الله اتقاكم ))

هذي قصيده في جميع القبائل العربيه عامه ولكن الشاعر يذكر اول شي المملكه وحكامها



يـاخـالـق اراضـيــن وابـحــار **** الـواحــد المـعـبـود رازق عـبـيــده

الخالـق الغفـار عـلام الاسـرار **** وفـرق شعـوب الارض فــي كــل يــده

وابدي واسولف من عذيبـات الاشعـار **** ابيـات شعـر والمعانـي وكيـده

اشري وابيع واعرف كيف بختـار **** واختـار مـن جـزل البيـوت الفريـده

وذ كرتـراث وعــز وامـجـاد وافـخـار **** قبـائـل تـومـن بـديـن وعقـيـده

وصلت حضارتنا علـى سطـح الاقمـار **** ابنـا الجزيـر والجزيـره مجيـده

فـي ظـل حكـام لهـم فعـل واشـوار **** ال السـعـود الـلـي تـفـك الضهـيـده

نسـل الزعيـم الحاكـم الـعـادل الـبـار **** مـجـدد امـجـاد الجـزيـره بجـيـده

حتى اصبحت حره وحنا له انصار **** في ظـل اخـو نـوره هنـوف سعيـده

وصارت لابو تركـي بطولـه وتذكـار **** والفخـر والامجـاد تبقـى شهيـده

وخلـف لنـا املـوك لهـم فعـل واخبـار **** الشعـب واحـد والقيـاده رشيـده

والامن بانينه على ساس وجـدار **** وقـرو علـى العابـث عقوبـه شديـده

وحنـا حمـاة الـدار مـن كـل غـدار **** ومـا همنـا بطـشـه وخبـثـه وكـيـده

قبـائـل مالحقنـاهـم اوعــار **** وعشـنـا بـهـذي الــدار عـيـشـه رغـيــده

والحمـد لله نحمـده سـر واجهـار **** شـعـب تكـاتـف مــن سنـيـن مـديـده

ودون الوطن جيش علـى كـل معبـار **** لارفـرف البيـرق ونـادى عقيـده

بشرق البلاد وغربها دوم حضار **** وارض الشمـال اللـي نفـوده مديـده

وارض الجنوب اللي تخيضـر بالاشجـار **** جزيـرة فيهـا القبايـل عديـده

ارض بهـا قحطـان وافيـن الاشبـار **** ويـاعـز منـهـم بالشـدايـد بسـيـده

واذكـر عتيبـه يـوم للطيـب مغـوار **** لا ثــارت الهيـجـا وقــرب ضـديـده

وشمر هل الطولات والجود مقدار **** اهل الكـرم واهـل الفعـول الحميـده

وقوم اعنزه مروين الاخصام الامرار **** اولاد وايل مـن عصـور عهيـده

ومطير قوم تكرم الضيـف لا زرار **** وياويـل خصـم فـي حراهـم وعيـده

واذكـر قبيلـة حـرب يانعـم الاخيـار **** وتاريخهـم يحكـي سطـور مجيـده

وسبيع نعم القوم ووجيـه الاسفـار **** زبن الدخيل ليــا زبــن من طريــده

واذكـر قبيلـة يـام والطـيـب يـنـدار **** اهــل العـلـوم الوافـيـه والرشـيـده

ثـم الدواسـر تجعـل الخصـم منهـار **** عـيـال زايــد عــز منـهـم سنـيـده

ثم السهول اللي لها الطيب مدرار **** وعن منهـج العـادات ماهـي محيـده

ثـم اذكـر العجمـان حمـايـة الـجـار **** والمرجـلـه والـجـاه فيـهـم عتـيـده

واذكـر بنـي مـره طويليـن الاعمـار **** مــا ينـقـد الـمـري ولا لــه نقـيـده

ثـم الهواجـر لابــة تـقـدح الـنـار **** اهــل الـركـاب الـلـي خطـاهـا بعـيـده

واذكـر بنـي خالـد قبيلـة وامـار **** قـوم لهـم فـي المجـد قـول ورصـيـده

وبنـي تميـم اللـي لهـا الطيـب مصـدار **** بنـي تمـيـم وكــل فـعـل تجـيـده

ثم الزعوب اللي بها الخصـم يحتـار **** شجعـان ماترضـى سـوا ماتريـده

العازمي وافي وفي الطيب بيطار **** روحه علـى كـل المصاعـب صميـده

ثم الظفيري فـي المصاعيـب جبـار **** والطيـب والامـداح باصلـه وطيـده

ثـم اذكـر الاشـراف بجـلال واكبـار **** اهـل الحجـاز الـلـي تـفـك الزهـيـده

ثم الهذيلي لـه مواقـف ومنـدار **** راعـي الفخـر راعـي العلـوم السديـده

ثم البقـوم اللـي لهـم جيـش وامهـار **** ريـف الضيـوف ليـا لفاهـم وليـده

واذكـر ثقيـف اللـي لهـم مجـد وآثـار **** ومهمـا حسبنـا مـن كـلام نعـيـده

وبلحـارث اهـل العـز بشهـود واقـرار **** ا لحارثـي ياطيـب فعلـه وجيـده

والمالكي معروف لا صار ما صار **** في موقف اهل الطيب يبـذل جهيـده

واثنـي تحياتـي عـدد وبـل الامطـار **** علـى سلـيـم وكــل خـصـم تكـيـده

واذكر جهينه هل مواقيف وادوار **** تلقـى الجهينـي راسـم الطيـب بيـده

واذكـر بلـي والمجدلـه فعـل واظهـار **** وتاريخهـم يحكـي فعـول فريـده

وبنـي عطيـه فـي المواجيـب حضـار **** قـوم بوقـت الـجـد قــوم عنـيـده

ثـم الحويطـي والكرامـه لـه اشعـار **** ثـم الـشـراري لــه فـعـول مفـيـده

ثـم الرشيـدي فـي الصعيبـات صبـار **** علـى علـوم الطيـب فعلـه يـزيـده

وباقـي جنـوب الـدار والقـاف مـادار **** باقـي علـى قلبـي كـلام واشـيـده

زهران نعم القوم في وقت الاضرار **** والخصم عينـه مـن لقاهـا سهيـده

والغامدي معروف له عزم واصرار **** راعي المراجـل والعلـوم المفيـده

وشمـران قـوم والجمايـل لهـا اطـوار **** وبلقـرن ســم للقـلـوب النكـيـده

والاكلبـي والمحلـفـي مابـعـد بــار **** والحـارثـي طيـبـه وفعـلـه يشـيـده

وبنـي شهـر وبنـي عمـر سيـف بتـار **** قـوم علـى الاخصـام نـار وقيـده

والاسمري والاحمري صيتهـم سـار **** بيـن القبايـل والمواقـف شهيـده

واذكر عسير الهول ذربين الاذكار **** وابها احتموهـا فالسنيـن الشديـده

وادهم والصيعر على حد الاقطـار **** يحمـون حـد الـدار مـن اللـي يريـده

وامشي مع الساحـل مـع جملـه افكـار **** رسمتهـا والطيـر زان اتغريـده

وانـزل علـى جيـزان تاريـخ واديـار **** ورجــال فيـفـا والقبـايـل عـديـده

وارجوا العذر واهل المواجيب عذار **** الي نسيته مانذكـر فـي القصيـده

الواهبـي عــدد ابيـوتـه بــالادوار **** مــن شـاعـر مـاشـل قلـبـه حقـيـده

شهران ربعي هم هل المدح والكار **** واهل الكند واهل السيوف الجديده

يـوم البلـد مايامـن الزنـد لاثــار **** زيزومـنـا ابــن مشـيـط نـعـم الولـيـده

فالجهـل شجعـان وفـي السلـم تجـار **** مـن بطـن بيشـه للتـهـم لارفـيـده

حبيت ابيـن موقفـي بيـن شعـار **** وارجـوا سموحتكـم علـى ذا النشيـده

ماحـب انافـق واتعنصـر تعنصـار **** ولا نـي باطيـع اهـل العقـول البليـده

ما كل من طب البحر قيل بحار **** ومـا كـل مـن شـل الفشـق جـاب صيـده

فالشـعـر بسـتـان بــه ورد وازهــار **** والـلـي تـعـداهـا بـيـوتـه فـقـيـده

واقولهـا فـي الشعـر تكـرار وامـرار **** ضـرف بـلا عنـوان يلغـى بريـده

وبعض السوالف له مواقف ومحضـار**** وشعـر بـلا معنـى لـزوم نبيـده

وصلوا علـى المرسـول شفـاع الابـرار**** محمـد الهـادي وقـدوة عبيـده


م ن ق و ل

تحياتي