بسم الله ثم بالشعر ببدي

بكتب قصيد في خفا الخاطر يحوم

بحفر بفكري ثم بكتب بيدي

ان الفرح مقسوم والحزن مقسوم

بمشي طريق الموت لو كنت وحدي

بشرب بكاس العز لو كان مسموم

مابي يجيني مجد ماهوب مجدي

ومابي احيط بعلم ماهوب معلوم

ودام الحلم ينقال له حلم وردي

خله لحمر الخد ماهوب لقروم

لايخدعك من قال مرسي وبدي

خلك علىلا ما انت مكفي ومحشوم

هذاذي نصايح تنعرف وقت جدي

لو تنسمع يصبح بنا السيف معصوم

لاكن تركناها وجانا تردي

يوم ان غرقنا ماعرفنا وش العوم

ترى طريقك لايجيب ويودي

ترى النصايح تنشرى دامك تسوم

هالوقت يصعب هالعشا والتغدي

جتنا غزاة الفكر من فرس او روم

صر للوطن دكتور او فز جندي

واحذر ترى به درب غاوي ومذموم

ياشلة التكفير روحي وشدي

من منكم جعل ما مات مرحوم

اضرب بخمسك بين مظبي ومندي

جعل الحزن مهدوم والسعد مرسوم

هاذي قصيدة املت شعر بعدي

ان حل سو الحال ماضني يدوم

لجل الوطن ياناس روحي ابفدي

حب الوطن ياناس بالقلب موسوم