السلام عليكم جميعا

معضمنا ان ماكان الكل.. يعرف قيمة وفائدة الذهب
فوائدها كثيره.. مثلا
زيادة انتاج الموارد. او زيادة 10% من قوة الدفاع او الهجوم او تاجر مبادله او اكمال البناء او خدمة بلااس
وكل خدمه لها قيمه مناسبه من الذهب.. وانت ونفسك وش الخدمه الي تحتاجها او تشوفها مناسبه لك..
انا من ناحيتي ومعضم الشباب الي لهم مده يلعبون.. يركزون على إكمال البناء و ايضا تاجر المبادله
مثلا اذا كان الاعب عنده قرية قمحيه.. ووصلت لمستوى 10 لحقول القمح.. يبيلك تقريبا أكثر من 10 ساعات علشان تكمل البناء
ولذلك تقدر تنجزها في ثانيه بالذهب
وايضا اذا عندك قريه قمحيه وصكيت مثلا حقول القمح كلها لمستوى 14 يكون عندك فائض كبير جدا من القمح.. تقدر تساويها بموارد من الخشب والحديد والطين.. بتاجر المبادله

لا ننسى أيضا نقدر نستغل قيمة الذهب (يعنني نححل ابو الذهبات الي ندفعها)
يعني مارح انجز بناية حقل او بناية مستودع او المبنى لوحده..

وخاصة اذا كنت روماني بامكانك تنجز 3-4 اشياء فقط دفع ذهبين
يعني تقدر تبحث في الاكاديميه وتطور في الحداد وتطور حقل قمح وبناية مستودع مثلا.. وكلها تنجزها في نفس الوقت بدفع ذهبين

يعني حاول تكون اقتصادي.. وتستغل الذهب الي معك


نجي من ناحية شراء الذهب
عندك عدد من الخطوات والطرق الي تقدر تشتري منها الذهب.. والي يناسبك تستخدمها!
عندك مثلا بطريقة الدفع ببطاقتك الائتمانيه او كروت ون كارد او عن طريق paypal والحين عندكم في دول الخليج خدمة الجوال بإرسال رساله قصيره

انا من ناحيتي.. أدور الشئ الاسرع والاضمن وبعيد عن الشبهه
فاكيد بتسخدم بطاقتي الائتمانيه الخاص فيني انا..


النصيحه وخذوها مني

1- ابتعاد عن المواقع الي يقولك خدمة شراء الذهب..ويساعدونك فيها
لان معضم المواقع هذي.. صاحب هالخدمه يستخدم بطاقته الائتمانيه.. وياخذ منكم مبلغ زياده بسيطه
وفيه للاسف بعض الاشخاص (اصحاب المواقع الي توفر لك خدمة شراء الذهب) تجي انت وتحول له فلوس الي حسابه (مثلا نقول بنك الراجحي او اي بنك) واذا وصله الحساب يروح وياخذ بطاقته الائتمانيه ويدخل قريتك ويدفع لك الذهب.. ولأان الذهب يجيك بشكل فوري اذا دفعت عن طريق البطاقه الائتمانيه.. يروح صاحب البطاقه ويتصل على البنك ويقول الغوا العمليه الاخيره.. فيجي البنك ويلغيها
فكأنه سرق ذهب ولم يدفع لموقع تريفيان..
فكذا تعرض قريتك لتوقيف.. ولن يتم فكه ابدا.. لو ان شاء الله تعرض عليهم مبلغ فوقه 10 مرات الي انسرق منهم!!

2- ون كارد..بطايق جدا سهله .. وياما كثر مكاتب جرير
لكن ون كارد فكرتها نفس فكرة الاولى بس اللهم انها شركه معروفه ولها موظفينها
لكن في الآونه الاخيره كثرت المشاكل ببطايق الون كارد
يقوم الاعب بشراء البطاقه (نقول شراء ب 100 ريال) يرجع البيت ويدخل البيانات.. ويتفاجئ ماجته الذهب
والغريب ان بعض الاعضاء يكلمني او يكملم ادارة تريفيان ( ياااشباااب.. ون كارد شركة.. وتريفيان شركه.. يعني مالها دخل أبدا)
واذا كلم شركة ون كارد.. تجي الشركه وكالعاده تصرفهم.. ويحطون المشكله في تريفيان.. وتريفيان تقول محنا السبب.. السبب ون كارد

فيعني ليه تحط فلوسك في وضع محرج.. وتحس ان فيه شبهه وماتضمن فلوسك تروح لتريفيان نفسها..


الرجاء ياشباب.. وانا عارف فيه الكثير الي مو مقصر ونيته حسنه ويترزق الله ويساعد الشباب في شراء الذهب..
لكن السؤال هل تضمنهم؟؟ هل تثق فيهم؟؟

انا شخصيا أبتعد عن هالامور هذي.. لأني شخصيا ماحب أحد يلعب علي
وأيضا مابي اسمع او اعرف ان شخص ضحك عليه واحد او لعب عليه... لان هالشئ يحزني.. وأحاول اساعده لكن مافي طريقه

وأي سؤال ياشباب او استفسار عن الذهب او تبون نصايح .. لا يردكم الا لسانكم
وارسلوا لي رسايل وان شاء الله برد عليكم وافيدكم

وتحياتي لكم جميعا

منتديات مدرسة المشاغبين - منتدى ترافيان Travian اسرار حيل افكار خدع بيع شراء الذهب السيطرة على القرى