قصتي مع ساره جاراتنا ..

مشــاري · #1 (**permalink**) 01-17-2006, 05:00 AM

السلام عليكم ورحمه الله وبركاته ..

اليوم صاير صريح

وتعرفون الساعه كم الحين حول 4 فجرا يعني ايش .. يعني قوة صراحة

.. وقبل لاأكتب الموضوع كنت متسمع أغنيه نوال الكويتيه ( غلطه وانا المسوؤل ) يعني الله يعينكم علي .. بخلي الدموع تتنثار اليوم ..

قصتي مع ساره جارتنا ..

أعرفكم على ساره قبل لاأكتب عنها انسانه دبه .. متبلده الاحساس .. ماتعرف غير الاكل .. أتمنى ان لاترونها أبدا .. وهي جارتنا الباب في وجه الباب وهذي أكبر غلطه ..

قبل لا اعرف ساره كنت عايش في ترف وحريه تامه لاأعرف الخوف ولاأعرف شئ أسمه التهرب والهروب .. واقع مر ..
متى مابغيت اطلع من البيت أطلع مايردني شئ .. أروح وارجع للبيت ولاأحد يقولي وينك .. حريه مطلقه ..
من قبل فتره اذا طلعت من البيت اشوف باب جيرانا فيه احد يطل منه وطبعا جيران ماراح تطالع لانه عيب .. بديت الاحظ هالشئ مره مرتين ثلاث .. بس اذا طلعت ينفتح الباب .. انا قبل لاأسكن هالبيت أسمع قصص عن بنت في هالحاره أنها ماخلت راس في الحاره الا مفلوق .. بس من هي ياترى الله العالم ..
بدى يدخل فيني الخوف .. صارت البنت بدال ماتطل تجلس عند الباب وعليها نظرات ( حقد ) وانا في قلبي اقول الله يستر ..

المهم البنت الظاهر ماقد مشطت شعرها عليها شعر تقول قشعه ..
فلم مرعب اشوفه كل يوم والمشكله تلبس لبس الوان خياليه
الظاهر ماقد شفت مثل الالوان اللي تلبسه ..

وذات يوما وانا طالع من البيت الا البنت بيدها ( غرشه ببسي عائله ) ويدها الثانيه
( همبرغر )
وماتسمع غير صوت الفك .. وانا اقول في قلبي ياولد البنت هذي مالها والي ..
وتعطيني من ذيك النظرات اللي على باله رومنسيه ..
وانا القلب شوي يطلع من مكانه من قوه الرجف .. الله يستر الله يستر
<< خايف من غرشه الببسي تتعداني

ومرات الايام والبنت متعلقه وعلى هالموال ..
وفي يوم من الايام وانا راجع من الخبر طرت على بالي هالبنت
قلت خلني اشتري لها اشرطه اغاني أمكن البنت تتسمع الاشرطه وتلهيها عني ..
مريت المحل وأخذ أهدى ثلاث اشرطه من ناحيه الاغاني ..
خفت اشتري لها رابح صقر وترج الحاره من الازعاج ..
ويوم وقفت السياره الا الكشه طالعه من الباب بابتسامه زرقاء ..
ومركبه سن نيكل مع حلايا هالوجه ..

وأخذ الكيس وأخذفه عند الباب .. البنت أخذت الكيس وشافت وش فيه
وقالت لي : استنى ..

مرت نص ساعه .. ساعه .. ساعتين .. ذبحني البرد عند الباب
انا قلت أمكن البنت بتسوي لك منوعات والا شئ ..
وشوي قلت امكن البنت رقدت ونستك ..
بديت اتوهم ..
عاد وانا افكر كنت امشي رايح لحد الرصيف حقهم وارجع للرصيف حقنا ..
وشوي وانا راجع من رصيفهم الا ذاك كرتون البطاطس جاي ماشي مليون
وعلى الراس من وراء .. انا من قوة الصفقه تبطحت على الشارع ..
والظاهر اخذت 5 دقائق وانا منسدح وشوي وافتح عيني اليسرى الا وكرتون البطاطس قدام عيني .. وانا قايم اقول في قلبي ابوك ابو الرومنسيه اللي تعرفينها ..
وأخذ الكرتون عاد الكرتون صغير مثل حق بطاطس حائل ..

ياولد وش سالفه هالكرتون لايكون تبغاني احط فيه بطاطس جوعانه البنت
وارج الكرتون الا فيه صوت قرقعه .. وافتحه الا حاطه لي شريط
قلت ياقلبي على الرومنسيه .. الحين تلقاه مسويه لي منوعات ..

قلت مادام استنيت شغل الشريط في السياره خلنا نشوف ذوقها ..

وأول ماحطيت الشريط

وش تتوقعون ؟؟

شريط طقاقات ..

ومن القهر اللي فيني رفعت الصوت اعلى شئ الا سوات قرونها من فوق السطح ترقص .. مهبووله بطت كبدي .. انا ماوعيت الا ذاك البكس في عيني من من ..

من ابوي .. فضحتنا انت وراسك ..

واسكر الشريط واطالع فيها ذيك النظره الحاره .. وانا ماشي وراء ابوي داخل البيت ..
وهي ماتشوف فيها الا السن النيكل اللي يلمع ..

وادخل البيت وأعاتب نفسي وش الله حادك ياخي ..
الحين وش بتسوي ..
بدى ابليس يتخبط في مخي ..

طبعا راح اليوم كله في التفكير ..
وأطلع عند الباب باخذ الشريط حق الخايسه باحذفه لانه شؤم ..
الا وهي جالس عند الباب وتقولي ..
انت من حلات وجهك العالم تهدي كيك .. حلاو .. خبز ..
وانت مهديني اشرطه ..

بغيت ابكي من القهر ..
واتعوذ من ابليس وأدخل البيت ..
وأدق على واحد عنده سكتون هواء ..
قلت ذابحها ذابحها هالبنت ..

جاني الرجال وعطاني المتفق عليه ..
وبحدد الوقت اللي بحطها في عينها والا في يدها والا في رجلها ..

وانا طالع من البيت الا هي جالسه من عيال الحاره تتهاوش
لاحول الله .. وش اسوي معها هذي .. واصايح عليها يابنت عاد بيني وبينهم سياره سوبر علشان اضمن ماتطب علي ..

الا مو يمي البنت متحمسه مع الهوشه ..
وشوي الا يوم جتني تركض ياولد اطلق عليها اخليها تموت ( حرام ) اتركها بس
واخذف السكتون في الحوش وافتر على السوبر وكل ماقربت جتني تكفى مشاري الفزعه
الفزعه .. اي فزعه خبله انتي انقلعي ياوجه الطفش ..

وشوي الا وانا طايح من كثر الفراره ,,
عندها عزم بايخ ماتمل
انا طحت والا السماء طاحت علي ..
انا لاشعورين النفس انقطع من ريحه الشعر ..

واخذ من الحصى اللي تحتي وفي الراس ابغى البنت تقوم ..
ويجون عيال الحاره ويفكونها مني ..

وركض للبيت على السكتون شوي الا يوم هدوني عيال الحاره تعوذ من ابليس تعوذ من ابليس ..

تعوذت من ابليس ودخلت البيت وانا داخل قال واحد من العيال ترى هذي مجنونه لاتواخذها ..

مجنونه ..

ايه مجنونه توك تدري

من جدك انت ايو الله ..

حنيت عليها واخذتها من يدها وادف الباب وادخلها .. واشتري قفل حديد ابو عشرين ريال الله لاتخسر

واقفل ام الباب ..

واقوم اليوم الثاني الا كاتبه على الجدار من فوق ( free dom ) ( الحرية )
بالحمره حقت البراطم ..

وأكلم مستشفى المجانين ..
ويجون وياخذونها قلت هالبنت مو صاحيه ..

وبعدت فتره اشوف ابوها يشيل اغراضه وناقل من البيت ..
وماشفتها من ذاك اليوم ..
وتوته توته خلصت الحتوته ..

ملاحظه /

البنت من نسج خيالي

...

<< والا هذا من يطالع وجهه حتى المجنونه ماتبغاه

..

see you ..

motla8 7omood · #2 (**permalink**) 01-17-2006, 05:17 AM

هههههههههههههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههههههههههههه ههههههههههه
هههههههههههههههههههههههههههههههههههههههههههههههههه ههههههه

مشاري الله يرجك جالس تتخيل لي على هالصباح

ههههههههههههههههههه

وانا قلت ما بعد الساعه أربع الا هل الحركاااااااات هههههههههههههه

================================================== ======================

أحد اكتشافاتي الحديثة\ اذا سهر الواحد فوق الساعه 4 تقوم الغدة الحشاشيه في البنكرياس بافراز الحشيش الطبيعي الى انحاء الجسم كحالت أخونا مشاري هههههههههههههههههههه

بعد كذا لحد يكتب لنا موضوع بعد الساعه 4 هههههههههههههههه

أحس اني طولت زيادة عن اللزوم هههههههههههههههههههههه

يعطيك العافيو مشاري حبيب ألبي <<< قط الميانه ههههههههههههههه

عــمــوري · #3 (**permalink**) 01-17-2006, 07:35 AM

ههههههههههههههههههههههههه

مشاري اشرطه وحركات .......... انا شاك علي فكره انها بنت احلامك .....؟؟

أبوصعفق · #4 (**permalink**) 01-17-2006, 07:53 AM

هههههههههههههههه
الله يرجك ماتعرف تكتب الا بعد 4 الليل عاد تجي الوسوسه والصرقعه
بس بيني وبينك >>>> تقول بيني وبينك وكاتبها في المنتدى قدام الله وخلقه
خيالك حلووووووووو وتعرف تتخيل
أنا أذا جيت أتخيل أتخيل أني
أنطق ههههههههههههههه
لكن تقبل تحيات
أخوك
المحترم
المشاغب
المصرقع .................الخ
(أبو صعفق)

Mohmmad · #5 (**permalink**) 01-17-2006, 08:58 AM

مشاري حلوه

والله انا جاي على الموضوع مطفي النور توقعت ان ساره هذي ملكة جمال الكون

خصوصا ان لها قصه معاك وانت اعرفك ماتعرف الا ملكات جمال >>>>>>>>>> يكبر راسك
خخخخخخخخخخخخخ

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
قصه ولا اروع ...... بس نبي رايكم	[[الملثم]]	منتدى الحوار العام الفسحة العامة	15	02-05-2008 05:38 AM
قصة حب ماثرة جدا ......الوفاء بالحب.....	أسير الندم	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	1	02-06-2003 11:43 AM
ومن الحب ما قتل (منقول مع سبق الاصرار والترصد)	maikel_jom3a	منتدى الحوار العام الفسحة العامة	2	10-17-2002 09:14 AM
حقيقة الفنانه السعوديه ساره ..واصلها	][ اسير الدرب][	منتدى الحوار العام الفسحة العامة	7	09-19-2002 02:28 PM
طول الامل	همس الشوق	القصص و الروايات و الحكايات قصص قصيرة و تعلم القصة story novelette	3	08-17-2001 08:13 AM

قصتي مع ساره جاراتنا ..

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه