 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
01-21-2006
| ||||
| ||||
 قصة للناس اللي تبي تضحك !!!!!!! رجاء خاص : حقوق النقل والطباعة محفوظة باسم الكاتب : HOLAKO ولا اجيز شرعا نقل هذه القصة و نسبها الى اي شخص اخر مالم يذكر انها منقولة قصة تجربة القرود الثلاثة عشر................ كان يا مكان في قديم الزمان ،، كان في واحد عنده فلوس و ما يدري شو يسوي فيهم ،،، قام فكر فكر و فكر ،، لين لقى هالحل ،، انه يشتري ثلاث قرود ( والله ناس فاضية ،،، ناس تموت من الجوع و ناس تجيب قرود عشان توكلها ،، بعدين تعال انت ـ انا الحين اكلم اللي قاعد يقول القصة ـ شلون يشتري ثلاث قرود و والقصة اسمها القرود الثلاثتعشر؟؟؟ جايك بالكلام لا تستعجل ) و يوم شرا القرود جاب معاهم اسد ـ لأن هالاسد مسكين تقاعد من حديقة الحيوان و مسكين قعد لا شغلة ولا مشغلة بس قاعد في البيت و يصرخ على عياله و مرته حتى مرته مرة بغت تروح بيت اهلها بس ربك ستر ان سيارة الاسد في ورشة ذاك اللبناني النصاب ،،، عاد ابو الاسد ـ الله يرحمه توفى بحادث سير في ايام حرب الخليج ـ كان علاقته بالرجال راعي القرود علاقة قوية بس هالرجال كان ذكي مو زي الاسد هذا كان راعي محل في سوق الحراج و ابو الاسد مسكين قال لا ،، انا باقعد العب كورة ( من زين النوادي يا الذكي تروح تلعب كورة؟؟؟عاد ياليته رايح يلعب كرة قدم ،،، رايح يلعب كرة ماي،، بالذمة هذي رياضة؟؟؟؟ بعدين النوادي مو لاقية تاكل عشان يعيشونك ،،، والله لو انا منك كان رحت قعدت بسوق الحراج جنب هذيك البوفية اللي راعيها ما يغسل يدينه قبل ما يسوي الاكل و مو شرط اشتغل ،، المهم اني اكون قاعد هناك ـ حشى قاعد بحفلة اغاني اللي بس تبي تصير قاعد هناك انت ويا راسك ) المهم كمل و اخلص علينا يا لوح ان شاء الله المهم انه شرى القرود الثلاثة والاسد وشرا لهم قفص و لحم و دجاج و رئصني يا جدع ،،، و جابهم البيت،،،،،،،،،،، طبعا للاسف ان القفص ما جهز من اول يوم فكان لازم عليه انه يحطهم بغرفة النوم او المجلس ،، والمجلس فيه شغلات حلوة و غالية ( يعني بالراحة الاغراض اللي بالمجلس يمكن توصل قيمتها 150 ريال شامل الصبغ و الجلسة و الاغراض ) قام حطهم بغرفة النوم ،،، عاد تكفون ابيكم تتخيلون غرفة النوم لونها احمر رومانسي ( ترى اول مرة انا اسمع بالاحمر الرومانسي لأني توني مألفه بس ابيكم تخشون الجو اللي انا شايفه ـ كنت معاهم بغرفة النوم انا و المخرج و زينب العسكري بس الحق ينقال ان زينب العسكري كانت حاطه بس ربع كيلو مكياج يعني ولا شي حاطه ) نرجع على غرفة النوم تخيلتوا اللون؟؟؟ زين تخيلوا اسد و ثلاث قرود في نفس المكان .... المهم ان المرة قالت يا انا يالقرود ،،، قام زوجها قالها والاسد؟؟؟؟< = = والله لوووووح اسكت عشان ماتـنتبه للاسد ( انت اغبى منه بعد الاسد ما راح تنبه له؟؟ كمل بس خلص علينا ) ان شاء الله قالت المرة: لا خل الاسد ،،، الاسد حلو و شكله يجنن ( لا اكل ابو اللي جاب اهلج قولي شكله يجنن ،، ) قام الاسد اللي بصراحة كان ذيب و قال : يا كلنا نقعد يا كلنا نطلع ( ذيب يا الاسد ،،،، ذيب يا الاسد؟؟؟ انت شفيك؟؟؟ ) قالت المرة : طلعوا كلكم ،،، ( اهي قاعدة تطرد لأن البيت ابوها شاريه لهم هدية عيد زواجهم ،،، مالت علي هدية عيد الزواج بيت ،، اجل انا عيد ميلادي جابوا لي كيكة من مخبز و طعمها مو شي بعد ) قالها الرجال : اذا انا طلعت انتي طالق ( فيه شي غلط بس ما ادري شنو بصراحة!!!!!!!! ) المشكلة يا جماعة كبرت و انا اقول ،،، اللي يعرف احد يصلح او يركب القطعة مالت الكفر السبير في اللاند كروزر( اذا كان الكفر تحت مو في الظهر ) يتصل فيني او يرسل لي ايميل الله يخليكم بس بسرعة لأني امس توهقت والله ابي اغير السبير ولا قدرت ،،، رحت عند البنشري النصاب قال ما اعرف انزلها والوقت متأخر ،، قلت له امري لله غير الكفر ،،، بكم تغيره؟؟؟ عاد هنا يجي استغلال الهنود ،،، 450 ريال صديق ،،، يا ولد الحلال ياولد الاجاويد قال كلاص ( ا ي خلاص ) 400 ،،، ما في نوع ثاني ،،، قال لأ ،،، و بعد التحقيق ،، قال فيه بس 330 ريال ،،، امرك لله تفضل ركبه يا سيدي ( من منطلق المثل القائل اذا كان حاجتك عند ...... قوله يا سيدي ) ( بالذمة هذي قصة؟؟؟ اسمها القرود الثلاثتعشر و ما فيها الا ثلاث قرود؟؟؟ و بعدين النهاية باقي عليها الظاهر انك ما شفت الحلقة كامله ،، لأنه اكيد معروض على القناة الاولى عاد في الاخير يحطون دعاية عشان التشويق ،،،،، المهم لا اشوف وجهك جاي تقولي قصة مرة ثانية يا الدلخ ) رجاء خاص : حقوق النقل والطباعة محفوظة باسم الكاتب : HOLAKO ولا اجيز شرعا نقل هذه القصة و نسبها الى اي شخص اخر مالم يذكر انها منقولة
_________________ الموت لإبن لادن ولكل السفلة السفاحين |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| قصه في وادي الجن!!! واللي يخاف مايدخل ؟؟؟ | لاتنسى ذكر الله | منتديات الفسحة العامة | 15 | 07-23-2006 04:34 AM |
| اللي يخاف لا يدخل !!! | مهرب علك | منتديات الفسحة العامة | 19 | 06-24-2006 09:09 AM |
| " جــاازي ،،، يـاا حــجـاازي " | سكلر | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 3 | 04-08-2005 06:57 AM |
| قصة رجل كيف تحول لمراءاة | جننتني | صور مضحكة صور طريفة صور حلوه الصور المضحكه و الطريفه و الحلوه | 7 | 04-13-2004 06:18 PM |
| دويتو خالع (( مطلع على سكوتر عصويد )) | مطلع على سكوتر | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 2 | 07-18-2003 05:12 PM |
-الدورات
التدريبية بجامعة نجران-
العرض العادي
