مذكرات شاب قاهرته البنات
لو انا بنت : كان ما فيه سواقة سيارات ووجع راس وتغيير زيت وتعبية بنزين .
لو انا بنت : ما اشيل هم واجمع المهر … والزواج …. والبيت …. والحفله .
لو انا بنت :كان ما فيه يا وليدي قم ودنا للعرس .. وللعزيمه … وللعزى ..وللسوق .
لو انا بنت : كان ما فيه قولت قم طس عن الدار يبي يجونا حريم .
لو انا بنت : كان ما اضيف ولا واحد بالمسنجر . الشباب يجون على وجيههم .
لو انا بنت : كان كل ما افتح المسنجر القا اغنيه حلوه .
(وانا افتح ايميلي والقا دحيم بوجهي )
لو انا بنت : كان اطب التشات واقول طفشااااااانه عشان الكل ينقز ويكلمني .
لو انا بنت : كان املطخ وجهي بهالبويات والمكاييج واركب مع السواق وعند القزازه بعد ولا اعطي احد وجه لو يجي ابوي لبسسسسسسسسسسسسته .
لو انا بنت : كان انا اغنا واحد بالعالم اخذ من ابوي ومن امي ومن خويي اللي لاعبن عليه .
لو انا بنت : كان يموووع جوالي من كثر الرسايل لا ووش رسايل بعد .
(وانا جوالي تقل ريموت ما عمره رن الا مره ولقيته رساله من الاتصالات بعد )
لو انا بنت : كان الكل يناظرن والكل يتغزل فيني .
( وشدعوى انا اذا مشيت بالشارع العالم انواع التصدد وانواع الحوادث هاجين )
لو انا بنت : كان تلقان من الاوائل بالدراسه مهب مثلي الحين سادس ابتدائي وتخب علي لا ومقبول بعد .
لو انا بنت : كان انوع باللبس مو مثل الولد من خلقه رب العزه والجلال وهو بثوب ابيض حتى ما فيه الا لون واحد ولو تلبس ثوب ابيض انواع التعليص عليك .
لو انا بنت : كان اذا دخلت أي محل فزوا كل الموجودين . وانا الله يخلف اذا دخلت على محل فاضي ما فيه احد طلعت بنعله ..خخخخخخ.
لو انا بنت : كان اروح لزواجات وادخل وارقص وانهبل .
(وحنا اذا رحنا لزواج تقل داخلين عزا واول ما يخلص العشا ما تلقا ولا المراكي اللي بالقصر .


وما عليش طولت عليكم ...... اسف :D:p



تحياتي : عبووووووووووووووووووووودي :p

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه