حـمـتـو يعود اليكم من جديد .....
السلام عليهم جميعا ... الاحياء منهم والاموات .... والحاضر يعلم الغايب ......



حمتويات ...... وسواليف ...

** يقولون حسب احصائيه .. سوتها الامم المتحده ان اكثر ناس ياكلون من المطاعم حقين الديره ... ونييورك >>> نييورك ذي علشان تمشي الكذبه ....!!
يعني نصيحه لله وفي الله .. من اخ محب اذا تبي تسوي مشروووع لاوصيك بمطعم ....


** اذا وقفت عند الاشاره ... عادي تلقا واحد .. مطيح عقاله عندك من كثر مايشوفك ...... لا وقوه عين ناضره انت وشف وش يقول ......


** والا سلم على واحد من اللي جالسين عند البقاله وياكلون وفصفص ..... تلقاهم على طول وش يبي ذا يتلزق ....
>>>>> على طاري بقاله ... (من هو اول واحد سوى الحركه ذي جلس عند البقاله يفصفص ...)


** واحد من العيال يقول كنت بالبنك ... يقول يوم طلع واحد من اللي توهم يساهمون ....>>>>يعلمكم انه راعي اسهم ..
ويدق على اهله وهو بالبنك ويقول ... ابشركم خاشرت الملك عبد الله بمدينته الجديده ....>>>اي ابو خاشرت على كيفك هي .. مشكله صغار المساهمين ..


** عاد رح للجدران حقات المدارس هذي لعبت .. عيال الحاره .... >>>اتحدى واحد يقولي من هو اول واحد كتب على الجدار( الحب عذاب )....


** يقولي صديقي:
اذا دخلت ... الحمامات الله يكرمكم ..... تلقى ناس فاتحين .. منتديات على الباب ... ومسوين مضاهرات ومدري ايش ... ( اكثر شئ القاه الدوائر الحكوميه --- وحقت رعايه الشباب )>>>>>احس ان اللي يكتب واحد كل يوم يصلي بمسجد علشان يعبر عن رايه ...


** ومادامنا وصلنا .. للمساجد .... فيه مسجد معاملهم انا بوقت الفجر ....>>> ماصلي الا عندهم ...
المهم ان المسجد هذا .. قالبينه دوره( كيف تكون امام ) كل يوم يصليبنا واحد والائمه الباقين تلقاهم وراه صف ... >>>> يسمعون بالحرم ...
عاد واحد من الائمه... جيت مره ولقيت اللحيه رايحه .. ياولد ماهيب هي ... >>>اقعد اطير عيوني به ... بس ماطقلي خبر طلع وصلابنا الفجر ... وشاهد ماشفت حاجه .!!


** مره رحت للمقهى ابحمل برامج ...>>>تعرفون اسرع من اللي معطتنا شركه الاحتيالات ..السعوديه.... الواحد تطلع روحه .. مادخل للنت
المهم المقهى مليان من الشباب .. وريحه التتن .. تعجعج ... تحس ان طبقه الاوزون اللي بالمقهى .. منعدمه >> يسمع بالاوزون...
امر من عند كبينه والا ذاك ... اللي قسم بالله لو تغسله .. بـ..( مويه نار) ماتنضف ... يراسل .. (بنت) .. ويقول ... انا (قيس وانتي ليلى ) ..>>> والله ان يبطي .. بشير غنيم ويخب عليك .....


** واروح للي بعده الا هو متعصب كوووره ... ويوم مريت من عنده والا يصرخ هييييييييه ... هوووووه .. واروح لمه قلت سلامات ... وش فيك ... قال لا مافيه شئ .. بس اخذ بروفات ..


** الكثير من الناس عندما يصفون رجل طيب يقولون على نياته ... وهذا غلط ... لان اصلا كل الناس على نياتهم ... والاختلاف بالنيات فهناك من يحملون نيات طيبه ومن يحملون نيات خبيثه ...
واذا قال قائل ان الاساس الطيب فانا اقول خطأ ... لان النفس اماّره بالسوء ...!!


** الموضوع السابق أغلق (قوم... اذا صفعت بالنعال... وجوههم .....تصيح النعال باي ذنب صفعت..!!!) هذا يعتبر جهل من الأداره نفسها
لاتقولون إن الأعضاء سيختلفون بل سيتعلمون اساليب الحوار وأن الإختلاف بالراي لا يفسد للود قضيه

** اتذكر مره جلس معنا واحد مطوع ... من الصغار اللي توهم ملتزمين .... وقام يسولف عن اهل الديره ومن هالكلام ... مع تساقط الكلمات بدأ ابو الشباب بفضح بالعالم ... وبالاسماء ...وفلان سوى وفلان حط .... وانا حائر .. مما يفعلون >>> تكفى ...
ويوم خلص قال ( استغفر الله ماعلينا منهم ) بكل بساطه ...


** افتح النت ... كل شئ (شيعي وسني )... افتح الجزيره( يهودي وفلسطيني) اجلس بالاستراحه (مطوع وماهب مطوع ).. اشري الجريده( علماني وليبرالي )... يعني سرنا مثل( الذره الكيميائيه )ننقسم عشرين انقسام واخر شئ (تنفجـــــر) .......!!


** يقول ... انشتاين .... ( لكي تهدم حضاره امه ... حاربها من الداخل ) ... وشارون استوعب الدرس تماما ... وشوفو حماس وفتح ... وايش حاصل ...


** بعض الشيبان الان هداهم الله يلقون باللوم تماما .. على الشباب .... واجلس مع اي شايب ... وبتعرف انك مهضوم حقك عندهم .. واقل كلمه تقال لك( ياسربوت) ... او ( الجيل الحالي ) مافيه خير ...ونسو او تناسو انهم عايشو نكسه( 67 ) وان فلسطين ازداد احتلالها عندما كانو شباب ...
ولاأقدر اقول الا ( وينشأ ناشئ الفتيان فينا ..... على ماكـــان عوده ابوه )

انتهي موضوعيوالحقوق محفوظه
شكرا لكم على متابعة الموضوع تارك صفحات فاضيه لتعليقاتكم

يسلموووووووووووو ع هالموضووووووووووووووووع


يعطيك العاافية


تقبل مروري

_________________
استغفرالله استغفرالله استغفرالله
الحمدالله الحمدالله الحمدالله
سبحان الله العظيم سبحان الله العظيم سبحان الله العظيم

ابدع اخوي حمدتو بصراحه انت رمز من رموز هذا المنتدى
تتمتع بخفه دم عاليه ولعلنا نعرف اسباب خفه الدم ولا تقول لي بانك تشرب الماء على الريق

* نعم افضل المشاريع هي المطاعم لأننا قوم نعطي لأنفسنا هواها ونمشي كيف ما اتفق ..

* المناظره عند الاشارات شر لا بد منه واذا ناظرته وناظر فيك وما شلت عينك يناظرك بعين حقد وانفه لماذا لا اعلم ؟؟؟؟

* اما البقاله وما ادراك ما البقاله ما يروح للبقالات الا المدخنين من وجه نظري اخر باقله زرتها سنه 67 ..

* وبما ان الاحساس قد أخذ أجازه من قول البشر لذلك تجدهم خلف الأوهام ( الأسهم ) يسعون وراء الحظ الوهمي

* الجدران دفاتر المجانين << جبت غزه ياخطير جبتها في كلمتين ما يصير الي يصير ....

* يقولي صديقي توضاء في بيتكم ..

* اعتقد ان المسجد الي تعرفه مسجد محطه ( كأني مريت بنفس المرحله )

* اما الأأمه سوف يأتي وقت ويتضاربون على الأمامه في المسجد

* شركه الأحتيالات السعوديه ((جبتها ع الجرح وكنك دريت )) وأما بشير غنيم والي لو تغسل وجه بمويه نار

لا تنسى انه يراسل فوزيه الدريع يعني ما جمع الا وفق ...

* وما الي يصايحون للكوره ويشدون في شعورهم واصبحت الكوره هنا تسبب الصلع هنا تعلم سيدي ان هناك

طاقات لدى الشباب والشيبان لا يعلمون اين يفرغونها


* الله اعلم بالنيات ياصاحبي والي على نياته يقولون له درويش والقطو تاكل عشاه ؟ ..

* (قوم... اذا صفعت بالنعال... وجوههم .....تصيح النعال باي ذنب صفعت..!!!) تشبيه بليغ لمن يراددك ويقواح

بدون علم ...

* اما 67 وان شيابنا عاصرو النكسه والله ياصاحبي قد اصبت عين الحقيقه ولكن لا تعطي للبزران والسرابيت عذر

يمسكونه على شيبانا .. الله يسعدك

_________________

نابليون اللي هو أخو هتلر من الرضاعه
يقول ما أكل كشري الا في نيورك عاد يوم انه
صار شايب وخرف الله المستعان قام يشرب حليب
السعوديه بس تقعدله واحد بزر دايم عند البقاله
يفصفص
لايكون انت ههههههه
سلمت اخوي

_________________
كان كفار قريش يشربون الخمر .. أموت وأعرف من وين كانوا يجيبون الثلج ..!!