 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
01-28-2006
| |||
| |||
 ايام الحاااااااااااره ابكتب لكم قصه ايام الحاره لكن ياويل واحد يقولي كمل بسرعه تراني حسب الجو المزاج اكتب <<<<<<< منت عاقل يا انور عكاشه ايام الحاره كنت انا وناصر صديقي بالحاره حيث انه ولد جيراننا واخته حلوه وانا عيني عليها ابي اشبكها عاد هم اعيال نعمه ناصر معه سيكل اربع وعشرين ومركب له نور قدام ونسافات وانتل وفي راس الانتل ريشه ليه مدري واخته معها عروسه تتكلم بحجار ذيك الايام نشوفها ملكه اللي معها عروسه تتكلم >>>>>>>> اوجيه فقر وانا ملحط سيكلي لك عليه بدون رفارف ولا فيه فرامل اذا بغيت اوقف احط رجلي من وراء على الكفر لين يوقف السيكل طبعا الخسران ابوي كل اسبوعين يشتري لي نعال لانها تخرب من الكفر وجنزيره دايم يمسك بثوبي وانواع الجروح برجولي بس فيني ميزه حلوه <<<<<<<<<<< اخص يا راعي الميزه اني حريف مصاقيل واقشمط عيال الحاره اذا لعبت معهم وكان عندي مصقال سحري كنت اشتري البويا اللي ترش اللي اذا رجيتها تسمع قرقعه فيها المصقال السحري المهم تشاركت انا وناصر في المصاقيل <<<<<<<<<<<<< والله ماشارك ناصر الا علشان انه ولد نعمه يقردنه يشتري بويا بخاخ علشان نفقعها ونطلع منها مصقال سحري صرنا نجمع المصاقيل ونبيع عشر مصاقيل بريال ومصقالين سحري بريال بعد كذا تطورنا وقلت لناصر اسمع انا قررت اسوي لي شركه خاصه فيني نبي نصفي امورنا ونقسم المصاقيل صحيح تهاوشنا وهو اخذ اكثر مني بس عاد وش اسوي كانت اخته جنبه وهي مغير تقولي الشبح عطه هذا المصقال وهذاك وانا اسمع كلامها صحيح يقولون من الحب ما خسر المهم اني غيرت نوع الشركه من مصاقيل الى بيع البليلا كنت بزعمي ابي اصير تاجر ابيع بليلا وبيض مسلوق بصندوق متنقل المغرفه للبليلا بريال والبيضه بربع ريال بدون الشطه ذيك الايام هالحين الله يخلف الريال مايجيب لك بسكوت مشت معي التجاره لاني كنت ابيع جنب بيتنا مره من اللقافه رحت لشارع بعيد عن البيت وياليتني مارحت الحمد لله البليلا انباعت والبيض المسلوق بعد بس ما اخذت فلوس وياليتها على الفلوس بس الا انطقيت طق وكسروا صندوقي على راسي اثري طابخ صرصور مع البليلا ومن لقافتي قاعد اشيله بالملعقه قدامهم هم شافوه بس انا اناظر فيهم قلت قسم بالله مو صرصور <<<<<<<<<<< اخص يبي يقنعهم من الذله وعينك ماتشوف الا النور انواع الضرب والرفس يوم رجعت للبيت امي تقولي وش فيك وش صار قلت ابد سلامتك انتي وقدورك هذي هي السبب هالحين تطبخين بليلا برائحه الصراصير وتبيني ارجع لك معطر زين اللي رجعت كذا |
|
#2
01-28-2006
| |||
| |||
| نتظر البقية يالمصلحجي بس الصرصور عادي للي عنده نقص فيتامين ص مالهم حق يضربونك ليه ما قلت لهم فوائد الصرصور الغذائية للفرد و المجتمع |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| كيفة تصبحين دلوعه خلال خمسة ايام للبنات...فقط | نيو مان | حواء النسائي الربايع و الستات للبنات نسائي حريمي بنوتات امومه طفوله فقط | 15 | 10-31-2007 01:39 AM |
| شات ايام الجاهليه هههه لا يفوتكم | الملثمة الحولة | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 6 | 10-16-2007 02:30 AM |
| شات ايام الجاهليه | المنسسسم | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 11 | 10-03-2005 06:20 PM |
| ايام حارتنا | الاعسم | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 3 | 11-14-2003 03:43 PM |
| ايام الدراسه واخص فيها ايام الثانويه كانت ايام منيله | ابو عمر | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 18 | 04-01-2003 09:52 PM |
-الدورات
التدريبية بجامعة نجران-
العرض العادي
