نافذة

الحنان ..

له رونق خاص ..

لايعرفه ..

الا من افتقده ...



\
/
\
/
\




تتصل سارة على ابوها

ترن ترن

سارة ..

هلا وغلا يبه ..

الأب

هلا بنتي

سارة

يبه وينك ؟

الأب

انا الحين في اجتماع

سارة

يبه مشتاقه لك ... وابيك بموضوع

الاب

قوليه بالتلفون انا الحين شوي مشغول

سارة

انا تخرجت من الثانوية

وابي اكمل الجامعة وش رايك ..؟؟

الاب

هذا وقته الحيين .. انا باجتماع ..

والايام هذي مشغول ... ادخلي اي تخصص .. كله واحد

سارة

تتنفس بقوة .. ويأن قلبها .. وتدمع عيناها ... ويرن هاتفها ...

سارة

هلا

المتصل

هلا وغلا سوسو ... اشتقت لك

سارة

صدق

المتصل

ايه والله وقاعد افكر فييييك ..

سارة

تفكر فيني انا ليششش

المتصل

قاعد ادور لك تخصص مناسب

انتي ماهو اي وحده .. انتي سارة الغاليه

سارة

تسلم .. كلك ذووق ...

المتصل

انتي اللي كلك على بعضك ذوق وجمال ورقه ..

ياليتني تخصص تدرسينه ..

سارة

ينكسر قلبها ... وتبكي روحها ..

وتتذكر أبوها ...

ويناديها احساس داخلي ..

يمه ... يبه ..

ما أبي فلوس .. ما أبي شي ...

ابي بس تحسون في وجودي ..

تخلوني احس ... اني انسانه ..

لي مشاعر ..

آآآآآآه ياقلبهاااا ... وكثيررر منهااا ... مثل حالهااا

:

:

:


فالأب

في عمله ... ليل نهار ..

يكدح .. يشتغل ...

عشان يأمن لقمة العيش لعياله ..

ومايجي للبيت الا للنوم ..

وبعض الاحيان ..

يمر يوم ويومين .. مايشوف عياله ...


الأم

اذا كانت تشتغل ..

فهي في العمل

وإن كانت ربة بيت

فهي مع الجارات والا الروحات والجيات

وماهي فاضيه لها ..


:

:

:



الفراغ العاطفي

هو مشكلة البنات

بل مشكلة الكثير منهن

اذا افقدت الحنان .. تروح تدوره ...

يمين يسار ..

اذا شافت فيه جفاء ..

راح تبحث عنه .. في اي مكان ...

البنت ..

احساسها غير ..

مشاعرها غير ..

كل شي فيها غير ..

اي مشكله .. حتى لو تافهه ..

يمكن تقلب دنياها .. وآخرتها .. فوق بعض ..

مرت علي سوالف كثير ...

من بنات ... وسمعت لمشاكل .. تافهه جداً ..

أثرت على مستقبل بنات ..

لأنهم افقدوا حنان الام ... وحنان الاب ..

فالام والاب مكملين لبعض ..

مانقول الام اختصاصها بنتها والاب اولده ..

بالعكس ..

لازم الكل يتعاون مع ابناءه .. وعياله ..

انت ليش متزوج وجايب عيال ..

عشان يرفعون اسمك ... والا يسودون وجهك ...

بنات كثيررررر ...

اعرفهم شخصياً ...

يقولون ...

والله ماعمرنا سمعنا كلمة احبك ...

ولا حتى كلمة يعطيك العافيه على شي سويناه في البيت ...

والله احداث واجد ما ودي اذكرها ...

تخلي الواحد يبكي ...

ويعزم

اما انه رجال وقدها ويتزوج ويربي عياله ...

والا يطلع منهاااا ...

ولايتزوج ...

الموضوع كبير ... كبير جداً ..

اتمنى الكل يدلوا بدلوه ..

عن هذا الفراغ اللي يواجهونه البنات قبل الشباب ...

الموضوع

ماراح يكون جواب وسؤال

لان هالطريقه تكون دائماً جافه وماتعبر عن الرأي الخاص ...

ابيك تتكلم ..

عن كل مايخص هالموضوع

قصص ... جفاء ... وفاء ... حب .. كتمان .. ألم .. أمل ..

كل شي عندك ... اكتبه ..

كلنا نتشارك في الموضوع ..

نبي جديه ..

نبي حريه ....

نبي كلااام موزون ..

في مشكله .. ونبي منكم حلوول ...

باللي تقدر عليه ...

اهم النقاط اللي يتركز عليه الموضوع ولازم تتكلم عنه ...

// الفراغ العاطفي ...

// احساسك كأبن ... أو بنت .. من الفراغ العاطفي ..

// احساسك كأب أو أم ... تجاه عيالك ...

// الحلول ..



الموضوع خطير ..

ياليت تتكلمون بجديه وصراحه ...

فالموضوع منكم واليكم ...

الموضوع ... ورقة ... والكيبورد قلم ...

اكتب كل مايجول في خاطرك عن هالموضوع ..


:

:

:



دمتمـ بخير

يسلمـــــــــــــــــــــوو الموضوع روعه...

بصراحه انا اعااااني من الفراااغ العاااطفي ..

يسلمو على الموضوع ..

وصعبه اقول حالتي من الفراااغ ..

أنــــــا الحمد لله ما أعاني من مشكلة الفراغ العاطفي **
بس واجهت ناس كثير يعانون من هذي المشكلة **

تقبل مروري **

موضوع عايشناه و نسمع عنه قصص ياما
بس المهم ناخذ العبر منهم وما انكررها
وفتحو اعيونكم عدل يابنات
مشكور