ايها المسلمون معركه المقاطعه تبدأ الان

ايها المسلمون معركه المقاطعه تبدأ الان


الاتحاد الأوروبي يهدد السعودية

اسم قوي ومرعب دخل في معركتنا يا السعوديين مع من اهانوا رسولنا الكريم انه الاتحاد الاوربي يقول لنا لاتقاطعون الدنمارك ترى بنقلب عليكم خلوكم حلوين وطيبين تراكم رفعتوا اخشومكم يالسعوديين على عضو منا صحيح نحب افلوسكم بس اعقلوا لاوالله نلعن جدكم حنا الاتحاد الاوربي .
هذا الاتحاد الاوربي اللي يهدد الموت من امريكا اذا تدخلت بنروح فطيس طبعا هذا التدخل من اوروبا المتمثل برساله الاتحاد الاوربي تهديد صريح للحكومه السعوديه يعني كل اوروبا اتحدوا ضدنا بتقاطعون ترى بنسوي الهوايل والعراق وافغانستان وصدام نفسه خير شاهد اعقول يا حكومه السعوديه .

من رد عليهم وهجدهم الامير نايف ومنين من تونس وش قال
اسمعوا وش قال وزير داخليه السعوديه في اجتماع مع العرب في تونس يعني يالغرب تراني الان بلشت في ربعي العرب بس انتم مصختوها .
وصف وزير الداخلية السعودي الأمير نايف بن عبدالعزيز الإساءة التي طالت المقام الكريم للرسول المصطفى صلى الله عليه وسلم بأنها موقف مسيء للمسلمين جميعا وضدهم. وأكد الأمير نايف بن عبدالعزيز في تصريح صحفي على هامش اجتماعات مجلس وزراء الداخلية العرب التي بدأت في تونس أمس أن موقف السعودية واضح تجاه هذه القضية داعيا الدول العربية والإسلامية إلى اتخاذ موقف صارم تجاه هذه المسألة المسيئة
ابو متعب عند الصين والهند وباكستان الاتصالات هناك لك عليها
بس والله لو علموه وا عنده خبر عن اللي صار كان ماعنده وقت بيطمر على خشم الاتحاد الاوربي ويقول انت تهدد تعال ان كنت صادق الوعد برى ويرمي بشته ابو متعب والعالم تهدي فيه تجي مصر والاردن ارفعها فوق ياطويل العمر هذولا خبول مايعرفونك انت بس طنش ولاتدقق من جد الاتحاد الاوربي ماله داعي اختار الدوله الخطاء والشعب الخطاء في توجيه رسالتها ومناصرتها للدنمارك ماشافوا ابو متعب يوم قبع في القذافي في المؤتمر العربي الشهير قسم بالله رحمت القذامي ذاك الوقت خبل يتهجم على السعوديه بحضور ابو متعب وهو يستلمه ابو متعب حاضر بحاضر ويغسله غسل قدام العالم اطقع مايشوف التلفزيون على القنوات الفضائيه على البث
قناة الجزيره الان اقلبت علينا اليوم الثلاثاء 1/1/1427
واحد اتصل عليهم من الكويت يقول الدوله السعوديه ما تعطي السعوديين العاطلين عن العمل فلوس اكثر من الف ريال وش تسوي لهم ياكذبك اصلا الدوله ماتعطينا شي لا الف ولا ريال بس اعقل المشكله انه قال الله يرحم الشيخ مبارك الصباح يبون نكره الكويت وشعبها خباثه مابعدها خباثه من قناة الجزيره اقسم بالله مافيه كويتي يكره السعوديه بس له عزة نفس ومن حقه ترى الكويتين يعجبونك
واتصل ثاني بعد قال انه سمع كلام اللي قبله السعودي اللي بالكويت يقول والله انه صحيح
شفتوا وين الاتحاد الاوربي وصل على طول قناة الجزيره
هاجمي الشعوب شبي الفتنه بين شعب الكويت وشعب السعوديه بدري عليهم حنا اكبر منهم شعب الكويت هو شعب السعوديه والعكس صحيح

الحكومات خليها على الدنمارك شوفوا وش قالت الدنمارك بعد تدخل الاتحاد الاوربي معها قامت تتفلت علينا الان اسمعوا وش قالت خارجيتها
وقد نصحت وزارة الخارجية الدنماركية جميع الرعايا الدنماركيين بتجنب السفر غير الضروري الى السعودية، كما حثت الدنماركيين على توخي الحذر في الدول الاسلامية الاخرى
تقول لهم لاتروحون للسعوديه تراهم بيذبحونكم هذولا ارهابيين مثل نبيهم محمد اللي حنا رسمناه مجرد رسمه فقط شفتوا التخلف عندهم رسمه بخط اليد من شخص حر يذبحك انت يقتلك ينهي حياتك هذا البلد ارهابي لا تروح له .
بس الدول الثانيه الاخرى خلك حذر وهنا النصيحه الخبيثه لحكومه الدنمارك لشعبها والذكيه في نفس الوقت انتبه من البلاد الاخرى لا تتعرضون للقتل يمكن يطلع لك سعودي او من القاعده ويذبحك خلك حذر يعني الدول الثانيه مسالمين وحنا مسيطرين على الوضع فيها .

كان هددوا قطر قريبه منهم سياسيا وتتبع خطواتهم الدليل اسمعوا وش قال وزير خارجيتها ومن المعروف الخارجيه تمثل الدوله لانقبل الاساءه لاي من الاديان انواع الخوف لانقبل فقط يعني ترانا ماراح نقاطع بس بنقول لكم ترانا مانقبل
طيب انت ارخمه ماتقبل هم اقبلوا الاساءه لرسولك وش بتسوي هالحين
والله يا قناة الجزيره كان تسوي اعلان في كل شارع عربي
تتوقعون انهم بيقابلون سعودي يقول انا ماراح اقاطع
عز الله بتبطي الجزيره ماجابت لقاء واحد مع سعودي ياخي حنا مندفعين من جد تخيلوا مقابله مع سعودي
س1 : ماهو رايك بالمنتج الدنماركي ؟
ج1 : اخس منتج ملاعين الوالدين اليهود راعين البقر اقسم بالله ماعاد اشتريه
س2 : ولكن ماهو ذنب العاملين بهذه الشركات التي تصدر هذا المنتج لكم سوف يعانون من البطاله . من اساء لنبيكم صحفى يعمل بجريده ؟
ج2 : شوف ياحبيبي اعلام خرابيط شركات انا اعرف ان الدنمارك هذولا سبوا الرسول
أي شي منهم ماعاد ابيه تفهم يالله انقلع
السؤال هنا : هل المقاطعه للمنتجات الدنماركيه دين حب للرسول او تعصب او فسقه بس ؟؟؟
تبون الصدق المعركه الان توها تبدأ الله يكون بعونك يا ابو متعب وهقناك
بس ازهلها قسم بالله حنا معك لو ناكل تمر ونشرب لبن
بس لاتوهقنا ترانا لوحدنا والله ياربعك اللي تقابلهم وتسافر لهم ماعندك احد انواع الفركه عنك ماعندك الا حنا ياشعبك تبي تدخلنا حرب دخلنا تبي ناكل تبن ونسكت سكتنا بس علمنا وش انت ناويه عليه
اللي قاهرني الان وين المستشارين عن ابو متعب والله ياهي فرصه يطلع لهم ابو متعب انت تراكم ابلشتونا يا الاتحاد الاوربي وام البقر هذي الدنمارك سبيتوا رسولنا وقلتوا حريه شخصيه الحكومه مالها دخل وانا ساكت
ويوم شعبي قاطع منتجاتكم تقولون اعقلوا وتهددوننا
ليه شعبي ماهو حر مثل شعبكم
والا تبوني ادبغ شعبي واقول كلوا جبنه دنماركيه واشتروا زبده لورباك واصير انا دكتاتوري وانتم رؤساء تحترمون الحريه الشخصيه
امعصي عزالله تعقبون ماتصيرون احسن مني انا ابو متعب زعيم وراسي براسكم يا جحلط بالعكس انا احسن منكم
ويتحمس ابو متعب ويلتفت للشعب ويقول ماعليكم منهم قاطعوا اللي تبون انتم حرين مثلهم
ويطلع جبنه دنماركيه وياكلها قدامهم يقول شوفوا الحريه صح انا ملكهم واكل منتج دنماركي بس هم حرين مالي علاقه اذا ما اشتروا منتجكم مثل صحافتكم اللي عندها حريه ههههه