خليلي عوجوا بالركايب كرمتوا للين=تخط الأنامل للجل ماصم الآذاني
يادارين والله مابعد كنكم دارين=واذا طاب يوم ماتحسنتو الثاني
اجامل واجامل والمجامل غدى سكين=إلين استوت باللي نصرني وعاداني
واناآعرف لاني لاسفيه ولامسكين=وراسي مع الروس المناعير يقداني
مكاني رفيع وشرعتي شرعة العالين=ولاني بهندوسي ولاني بنصراني
إلاهـ إلاهـ ولابتي شمر الصلفين=والاسلام ديني والحنيفية إخواني
على محمد ازكى مايصلى من الزاكين=وللصحابه وآله سلامٍ ورضواني
طريق الردى ماهو خفي ياعشيري وين=تردّا وانا ماني بهتر وسيداني
انا قدح راسي عند روس العرب مغنين=وعزمي على روس الشواهيق يشعاني
لطيف مع الصاحب وعيّن على العيين=ولافيه شاعر بالطواريق لاحاني
واذا جيت لابن هذيل ولا لابن جبرين=اذا ماارتفع شاني بهم مانقص شاني
هل الواجب اللي لاتنصيتهم راسين=عسى عزهم دايم وصح الله للساني
ولو صحت عند بيوتهم قلت ياالطلقين=تناخو على الشدات طلقين الايماني
ولي ببن عم وافي بالعسر واللين=يضد الجمل حمله بجبرات الامتاني
وقدري الا جيته على الراس فوق العين=ويدرى شعوري وان تضايقت يدراني
لكن باقي كلمة وفى والجماله دين=الى من عنى العاني من يقدر العاني
سوى الروس واهل الازم الحصن والذربين=وكب الرخم واهل التصاريح مجاني
وانا فاتلي يومين وآقل من يومين=ظلوعي تخرق من عذابي وحرماني
اذا امس الضحى ودعت لي صحبتن غالين= واليوم ذا ودعت روحي ووجداني
اغرب بلا رغبه وش اللي يبي يغرين=اقد المحاني في يدي وانقل احزاني
لكن علم الصاحب بعد طق بذنه زين=لو افنى بقى حبه بقلبي مهو فاني
تلح السنين العجف وان الله يقوين=ابد كل شي جايز غير حقراني
واللي ذب صوته مايمثل صلاح الدين=ولاالعاصي الجربا ولا هو براكاني
ضعيفٍ تعب يجري ورى النفس جري حصين=كبا كبوةٍ لاكن مهي كبوة حصاني
ترى السيف ماهو للقديمي وللسكين=ولاتعترض دربي وبالشر تبلاني
وانا غايتي وحده او اكثر غدو ثنتين=او اكثر ثلاث ويبلغ القاصي الداني
يكونون طلقين اليماني علي راضين=واخذ نور عيني والله الحور يجزاني